Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵜⴰⴼⵓⴳⵍⴰ ⵏ ⵜⵎⴳⴳⴰⵔⵓⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2018-2019 ⵏ ⵜⵎⵔⵙⵍⵜ ⵍⴰⵍⵍⴰ ⴰⵙⵎⴰ ⵏ ⵉⴼⵔⵅⴰⵏ ⴷ ⵉⵄⵔⵔⵉⵎⵏ ⵉⴹⵕⴹⵓⵕⵏ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵜⴰⴼⵓⴳⵍⴰ ⵏ ⵜⵎⴳⴳⴰⵔⵓⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2018-2019 ⵏ ⵜⵎⵔⵙⵍⵜ ⵍⴰⵍⵍⴰ ⴰⵙⵎⴰ ⵏ ⵉⴼⵔⵅⴰⵏ ⴷ ⵉⵄⵔⵔⵉⵎⵏ ⵉⴹⵕⴹⵓⵕⵏ

08 ⵢⵓⵏⵢⵓ 2019 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵍⴰⵍⵍⴰ ⴰⵙⵎⴰ ⵏ ⵉⴼⵔⵅⴰⵏ ⴷ ⵉⵄⵔⵔⵉⵎⵏ ⵉⴹⵕⴹⵓⵕⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵜⵎⴳⴳⴰⵔⵓⵜ ⵏ ⵓⵙⴳⴳⵯⴰⵙ ⴰⵏⵎⵍⴰⵏ 2018-2019 ⵏ ⵜⵎⵔⵙⵍⵜ ⴰⴷ.

ⵙ ⵓⵣⵎⵣⵣⵓ ⵏ ⵜⴼⵓⴳⵍⴰ ⵢⴰⴷ, ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵜⴰⵙⴰⵡⵔⵜ ⵏ ⵜⵉⵎⵖⵔⵉⵜ ⵏ ⵜⵕⵓⴱⵓⵜⵉⵜ ⵍⵍⵉ ⵢⵎⵙⵙⵓⴳⵔ ⵎⴰⵙⵙ ⴼⵕⵃⴰⵜ ⵄⴰⵕⴰⴱⵉ, ⴰⵙⵍⵎⴰⴷ ⴳ ⵜⵎⵔⵙⵍⵜ ⵍⴰⵍⵍⴰ ⴰⵙⵎⴰ ⵏ ⵉⴼⵔⵅⴰⵏ ⴷ ⵉⵄⵔⵔⵉⵎⵏ ⵉⴹⵕⴹⵓⵕⵏ, ⴷ ⵎⴰⵙⵙ ⵎⵓⵕⴰⴷ ⵖⵔⴱⵉ, ⴰⵙⵍⵎⴰⴷ ⴳ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⵏ ⵕⵕⴱⴰⵟ.

ⴷⴼⴼⵉⵔ ⵖⵉⴽⴰⵏⵏ, ⵜⴹⴼⵕ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ ⵎⵏⵏⴰⵡ ⵏ ⵜⵉⵏⴽⴷⴰⵏ, ⵙⵍⴰⵡⴰⵏ ⴰⴽⵇ ⵢⴰⵜ ⵉⵙⴰⵡⵍⵏ ⵅⴼ ⵉⵎⵎⴰⵙⵏ ⵉⵏⵎⵏⴰⴹⵏ ⵏ ⵜⵎⵔⵙⵍⵜ, ⵙⵍⴰⵡⴰⵏ ⴰⴽⴽ ⴰⵎⵎⴰⵙ ⵍⴰⵍⵍⴰ ⴰⵙⵎⴰ ⵏ ⵙⴰⵢⵙ ⴷ ⴰⵎⵎⴰⵙ ⵍⴰⵍⵍⴰ ⴰⵙⵎⴰ ⵏ ⵜⴰⴷⵍⴰ.

ⴷ ⵜⵜⵓⵙⵎⵏⴰⴷⵏ ⵉ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⵙⵙⵓⴼⵖ ⵏ ⵍⴱⴰⴽⴰⵍⵓⵕⵢⴰ 2018 ⵏ ⵜⵎⵔⵍⵙⵜ ⵍⴰⵍⵍⴰ ⴰⵙⵎⴰ, ⴷ ⵡⵉⵏⵏ ⵍⵍⵉ ⵔⴰⴷ ⵣⵣⵔⵉⵏ ⵍⴱⴰⴽⴰⵍⵓⵕⵢⴰ ⵏ 2019 ⵏ ⵜⵎⵔⵙⵍⵜ.

ⴳ ⵜⵙⴳⴰ ⵢⴰⴹⵏ, ⵜⴼⴽⴰ ⵍⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⴰⵙⵎⴰ 30 ⵏ ⵉⵎⴰⵙⵙⵏ ⵉⵎⵙⴰⴼⴰⵔⵏ ⵉⵜⵄⴰⵡⴰⵏⵏ ⴳ ⵓⵙⵙⴼⵍⴷ ⴷ 30 ⵜⵉⵙⵎⴰⵇⵇⴰⵍⵉⵏ, ⵍⵍⵉ ⵢⴼⴽⴰ ⵡⵙⵉⵔⴰ ⵛⵛⴰⵔⵉⴼ ⵏ ⵍⴼⵓⵙⴼⴰⵟ, ⴷⴰⵜ ⴰⴷ ⵜⴼⴽ ⵜⵉⵙⵎⵖⵓⵔⵉⵏ ⵏ ⵓⵙⵎⵖⵔ ⵉ ⵢⵏⵍⵎⴰⴷⵏ ⵉⵃⵕⵛⵏ.

ⵍⵍⵉⵖ ⵢⴰⴷ ⵍⵍⵉ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵙ ⵜⵎⵔⵙⵍⵜ, ⵜⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵜⴳⴰⵍⵍⵉⵏ ⵏ ⵜⵡⵉⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵣⵓⵍⵏ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵥⵓⵍⴰⵏ ⴷ ⵓⵙⵍⵎⴷ ⴰⵎⴰⵜⵜⴰⵢ ⴷ ⵓⵙⵉⴳⴳⵍ ⴰⵎⴰⵙⵙⴰⵏ, ⴷ ⵎⴰⵙⵙ ⴰⵏⴰⵙ ⴷⴷⴰⴽⴽⴰⵍⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ, ⴷ ⵎⴰⵙⵙⴰ ⴱⴰⵙⵉⵎⴰ ⵍⵃⵇⵇⴰⵡⵉ, ⵜⴰⵎⴰⵡⴰⵙⵜ ⵏ ⵜⵡⵊⴰ ⴷ ⵓⵎⵢⴰⵡⴰⵙ ⴷ ⵜⴳⴰⴷⴷⴰ ⴷ ⵜⵉⴳⵎⵉ ⵜⴰⵏⴰⵎⵓⵏⵜ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵢⴰⴹⵏⵉⵏ.

Dernière modification : 08 ⵢⵓⵏⵢⵓ 2019
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B4%B0%E2%B5%99%E2%B5%8E%E2%B4%B0-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%9C%E2%B5%8E%E2%B4%B3%E2%B4%B3%E2%B4%B0%E2%B5%94%E2%B5%93%E2%B5%9C-%E2%B5%8F-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99