Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⵕⵕⴱⴰⵟ ⵢⴰⵜ ⵜⴰⴼⵓⴳⵍⴰ ⵏ ⵓⵙⵙⴽⵜⵉ ⵏ ⵉⴹ ⵍⵇⴰⴹⵕ ⴰⵎⴱⴰⵕⴽⵉ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⵕⵕⴱⴰⵟ ⵢⴰⵜ ⵜⴰⴼⵓⴳⵍⴰ ⵏ ⵓⵙⵙⴽⵜⵉ ⵏ ⵉⴹ ⵍⵇⴰⴹⵕ ⴰⵎⴱⴰⵕⴽⵉ

01 ⵢⵓⵏⵢⵓ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴳ ⵢⵉⴹ ⵏ ⵓⵙⵉⴹⵢⴰⵙ ⴳ ⵜⵎⵣⴳⵉⴷⴰ ⵏ ⵃⵙⵙⴰⵏ ⴳ ⵕⵕⴱⴰⵟ, ⵢⴰⵜ ⵜⴰⴼⵓⴳⵍⴰ ⵏ ⵓⵙⵙⴽⵜⵉ ⵏ ⵉⴹ ⵍⵇⴰⴹⵕ ⴰⵎⴱⴰⵕⴽⵉ.

ⴷⴼⴼⵉⵔ ⵏ ⵜⵥⴰⵍⵍⵉⵜ ⵏ ⵜⵉⵢⵢⵉⴹⵜ ⴷ ⵜⵜⴰⵔⴰⵡⵉⵃ, ⵜⵖⵕⴰ ⵜⴼⵔⵓⵅⵜ ⴰⵢⴰ ⵎⵏⵚⵓⵕ (12 ⵓⵙⴳⴳⵯⴰⵙ, ⵙⴳ ⵜⵖⵔⵎⵜ ⵏ ⴱⵕⵕⵛⵉⴷ), ⵍⵍⵉ ⵢⵏⵏⵔⴰⵏ ⴰⵏⵙⴰ ⴰⵎⵣⵡⴰⵔⵓ ⴳ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵓⵃⵙⵓ ⵏ ⵍⵇⵓⵕⴰⵏ ⴷ ⵜⵜⵔⵜⵉⵍ ⵏⵏⵙ, ⴽⵔⴰ ⵏ ⵍⴰⵢⴰⵜ ⵏ ⵍⵇⵕⴰⵏ ⵍⴽⴰⵔⵉⵎ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⵖⵔⴰ ⵎⴰⵙⵙ ⵜⵜⵉⵊⴰⵏⵉ ⵊⵍⵓ ⵙⴳ ⵚⵚⵉⵏⵉⴳⴰⵍ, ⵢⴰⵜ ⵜⴰⴳⵓⵔⵉ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵍⵍⵉⵖ ⴳⵉⵜ ⵉⵙⵏⵉⵎⵔ ⵙ ⵉⵙⵎ ⵏ ⵍⵄⵓⵍⴰⵎⴰ ⵉⴷⵔⴰⵏ ⴳ ⵜⵎⵙⵙⵉⵔⵉⵏ ⵜⵉⵃⴰⵙⴰⵏⵉⵏ ⴳ ⵓⵣⵎⵣⵣⵓ ⵏ ⵡⴰⵢⵢⵓⵔ ⵏ ⵕⵎⴹⴰⵏⴳ ⵏ ⵓⵙⴳⴳⵯⴰⵙ ⵏ 1440, ⵅⴼ ⴰⴱⵓⵔⵣ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⵎⴷⵔⴰⵡⵏ ⴳ ⵓⵣⵎⵣⵣⵓ ⴰⴷ ⴰⵅⴰⵜⴰⵔ ⴷ ⵓⵙⵏⵓⴱⴳ ⵉⵖⵓⴷⴰⵏⵛⵉⴳⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵉⵏⵏⴰ ⵎⴰⵙⵙ ⵜⵉⵊⴰⵏⵉ ⵊⵍⵓ ⴳ ⵓⵙⴰⵜⵉ ⴷⵖ, ⵎⴰⵙ ⵜⵎⵙⵙⵉⵔⵉⵏ ⵜⵉⵃⴰⵙⴰⵏⵉⵏ ⵜⵉⵎⴱⴰⵕⴽⵉⵏ ⴰⵔ ⵙⵎⵓⵏⵏⵜ ⴽⵔⴰ ⵢⴳⴰⵜⵜ ⵓⵙⴳⴳⵯⴰⵙ ⵎⴷⴷⵏ ⵉⵅⴰⵜⴰⵔⵉⵏ ⵙⴳ ⵉⵎⴰⵙⵙⴰⵏ ⵏ ⵜⵎⵜⵜⴰ ⵜⴰⵎⵓⵙⵍⵎⵜ ⵙⴳ ⴽⵔⴰ ⵢⴳⴰⵜⵜ ⵜⵎⴰⵣⵉⵔⵜ, ⵎⵔⴰ ⴰⴷ ⵙⵏⴼⵍⵏ ⵜⵉⵏⴰⵢⵉⵏ ⵅⴼ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ, ⵉⴼⵔⴰ ⵢⵏⵏⴰ ⵎⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⵔⵏⴰ ⵜⵉⵡⵓⵔⵉⵡⵉⵏ ⵏ ⵉⴳⵍⵍⵉⴷⵏ ⵍⵍⵉ ⵜ ⵉⵣⵔⵉⵏ, ⴷ ⵎⴰⵙ ⵉⵙⵔⵙ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵜⴰⵢⵔⵉ ⴳⵔ ⴰⵏⴱⴰⴹ ⴷ ⵎⴷⴷⵏ ⵍⵍⵉ ⵜ ⵉⴹⴼⴰⵕⵏ, ⴷ ⵉⵙⵔⵙ ⵉⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⵓⵍⴰⵢ ⵏ ⵜⵓⵚⴽⴰ ⵏ ⵍⵎⵖⵔⵉⴱ ⴰⵜⵔⴰⵔ.

ⴳ ⵓⵣⵎⵎⵣⵓ ⴷⵖ, ⵉⵙⵎⵖⵔ ⵉⵙⵓⴼⵖⵏ ⵉⵅⴰⵜⴰⵔⵏ ⵍⵍⵉ ⵢⵜⵜⵓⵙⴽⴰⵔⵏ ⴳ ⵓⵣⵎⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴳ ⵉⴳⵔ ⵏ ⵓⵙⴳⴷ ⴷ ⵏ ⵓⵙⵍⵎⴷ ⴷ ⵏ ⵓⵙⵎⵓⵜⵜⴳ, ⵓⵍⴰ ⴽⵔⴰ ⵢⴳⴰⵜⵜ ⵜⴰⵙⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵎⵣⴰⵖ ⵅⴼ ⵉⵎⵣⴷⴰⵖⵏ ⴳ ⵜⵙⴳⴰ ⵙⴳ ⵜⵉⵟⵓⵔⴼⴰ ⴷ ⵓⴼⴰⵔⴽ ⵅⴼ ⵜⵉⵙⵉⵏ ⵍⵍⵉ ⵅⴼ ⵉⴱⵉⴷⴷ ⵓⵙⴳⴷ ⴰⵎⵓⵙⵍⵎ ⴰⵅⴰⵜⴰⵔ.

ⴷ ⵉⵙⵙⵏ ⵓⵣⵎⵎⵣⵓ ⵢⴰⴷ ⴰⵔⴳⵍ ⵏ ⵚⵚⴰⵃⵉⵃ ⵏ ⵍⴱⵓⵅⴰⵔⵉ ⵙⴳ ⵎⴰⵙⵙ ⵍⵃⵓⵙⴰⵢⵏ ⵎⴼⵕⴰⵃ, ⵍⵅⴰⵟⵉⴱ ⵏ ⵜⵎⵣⴳⵉⴷⴰ ⵏ "ⵕⵕⵉⴹⵡⴰⵏ" ⴳ ⵍⵎⵓⵃⵎⵎⴰⴷⵢⵢⴰ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵎⴰⵙⵙⴰⵏ ⴰⴷⵖⵔⴰⵏ ⴳ ⵜⵖⵔⵎⵜ ⴰⴷ, ⴷⴼⴼⵉⵔ ⵍⵍⵉⵖ ⵉⵖⵕⴰ "ⵍⵃⴰⴷⵉⵜ ⵏ ⵓⵔⴳⵍ" ⵙⴳ ⵍⴼⵇⵉⵀ ⵎⵓⵃⵎⵎⴷ ⵣⵢⵢⴰⵏⵉ, ⴰⵙⵍⵎⴰⴷ ⴳ ⵓⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵏ.

ⴷⴼⴼⵉⵔ ⵏ ⵖⵉⴽⴰⵏⵏ, ⵉⴼⴽⴰ ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵜⴰⵙⵎⵖⵓⵔⵜ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ « ⴰⵀⵍ ⵍⵇⵓⵕⴰⵏ » ⵉ ⵎⴰⵙⵙ ⴱⵕⴰⵀⵉⵎ ⵍⵡⴰⴼⵉ, ⵙⴳ ⵜⵉⵖⵔⵎⵜ ⵏ ⴰⵢⵜ ⵎⵍⵍⵓⵍ, ⴷ ⵏ « ⴰⵀⵍ ⴰⵍ ⵃⴰⴷⵉⵜ » ⵉ ⵎⴰⵙⵙ ⵎⵚⵟⴰⴼⴰ ⵣⵎⵀⵏⵉ ⵙⴳ ⵜⵉⵖⵔⵎⵜ ⵏ ⵅⵏⵉⴼⵕⴰ. 

ⵉⴼⴽⴰ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⵙⵎⵖⵓⵔⵜ ⵏ ⵍⴽⵜⴰⵜⵉⴱ ⵏ ⵍⵇⵓⵕⴰⵏ ⵙ ⴽⵕⴰⴹ ⵏ ⵉⵥⵍⵉⵢⵏ ⵏⵏⵙⵏ ⵉ ⵎⴰⵙⵙ ⵎⵓⵃⵎⵎⴷ ⵍⵄⵎⵕⴰⵡⵉ ⵙⴳ ⵜⵉⵖⵔⵎⵜ ⵏ ⴼⴰⵙ, ⴷ ⵎⴰⵙⵙ ⵎⵓⵃⵎⵎⴷ ⵍⵃⴰⴼⵉⴹⵉ ⵙⴳ ⵜⵉⵖⵔⵎⵜ ⵏ ⵇⵏⵉⵟⵕⴰ, ⴷ ⵎⴰⵙⵙ ⵎⵓⵃⵎⵎⴷ ⵃⴰⵏⴰⴼⵉ ⵙⴳ ⵜⵉⵖⵔⵎⵜ ⵏ ⵜⴰⵔⵓⴷⴰⵏⵜ. 

ⵉⴼⴽⴰ ⴷⴰⵖ ⵍⴰⵎⵉⵔ ⵏ ⵉⵎⵓⵎⵏⵏ ⵜⴰⵙⵎⵖⵓⵔⵜ ⵏ ⵍⴰⴷⴰⵏ ⴷ ⵜⵜⴰⵀⵍⵉⵍ ⵍⵍⵉ ⵢⴼⴼⵖⵏ ⵙ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵎⴰⵙⵙ ⵄⴱⴷⵍⵍⴰⵀ ⵙⵙⵢⵓⵟⵉ ⵙⴳ ⵜⵉⵖⵔⵎⵜ ⵏ ⵍⵄⵢⵓⵏ ⴷ ⵎⴰⵙⵙ ⵎⵓⵃⵎⵎⴷ ⴱⵓⵇⵏⵟⴰⵔ ⵙⴳ ⵜⵉⵖⵔⵎⵜ ⵏ ⵎⵕⵕⴰⴽⵯⵛ.

ⴳ ⵜⴳⵉⵔⴰ ⵏ ⵜⴼⵓⴳⵍⴰ ⵢⴰⴷ, ⵜⵜⵔⵏ ⵉⵎⵓⵎⵏⵏ ⵉ ⵕⴱⴱⵉ ⴰⴷ ⵉⵏⵚⵕ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵍⴰⵎⵉⵔ ⵏ ⵉⵎⵓⵎⵏⵏ ⴷ ⴰⴷⴰⵙ ⵢⴰⵊⵊ ⵢⵉⵡⵢⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⴷ ⴳⵯⵎⴰⵙ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ ⵓⵍⴰ ⴽⵓⵍⵍⵓ ⵉⴳⵎⴰⵎⵏ ⵏ ⵜⵡⵊⴰ ⵜⴰⴳⵍⴷⴰⵏⵜ. ⵜⵜⵔⵏ ⵓⵍⴰ ⵉ ⵕⴱⴱⵉ ⴰⴷ ⵉⵕⵃⵎ ⵉⴳⵍⵍⵉⴷⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙⵙ ⵙⵉⵏ.

ⵜⵣⵔⵉ ⵜⴼⵓⴳⵍⴰ ⵏ ⵓⵙⴽⵜⵉ ⵢⴰⴷ ⵙ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵏ ⵉⵏⵙⵙⵉⵅⴼⵏ ⵏ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴷ ⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷ ⵏ ⵉⴳⵎⴰⵎⵏ ⵏ ⵜⵏⴱⴰⴹⵜ, ⴷ ⵉⵙⵎⴷⵢⴰⵏ ⴰⴷⵉⴱⵍⵓⵎⴰⵙⵉⵢⵏ ⵏ ⵜⵎⵉⵣⴰⵔ ⵜⵉⵎⵓⵙⵍⵎⵏ ⵓⵙⵙⵓⵖⵥⴰⵏⵏ ⴳ ⵍⵎⵖⵔⵉⴱ, ⴷ ⵉⵎⵙⵜⴳⴳⴰⵔⵏ ⵢⴰⵜⵜⵓⵢⵏ ⵏ ⵍⵉⵟⴰ ⵎⴰⵊⵓⵕ ⴰⵎⴰⵜⴰⵢ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴷ ⵍⵄⵓⵍⴰⵎⴰ ⵢⴷⵔⴰⵏ ⴳ ⵜⵉⵎⵙⵙⵉⵔⵉⵏ ⵜⵉⵃⴰⵙⴰⵏⵉⵏ ⵏ ⵡⴰⵢⵢⵓⵔ ⵏ ⵕⵎⴹⴰⵏ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵓⵖⵔⵉⵎⵏ ⴷ ⵉⵄⵙⴽⵔⵉⵢⵏ.

Dernière modification : 01 ⵢⵓⵏⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%A2%E2%B4%B0%E2%B5%9C-%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%8F-%E2%B5%93%E2%B5%99%E2%B5%99%E2%B4%BD%E2%B5%9C%E2%B5%89-%E2%B5%8F-%E2%B5%89%E2%B4%B9-%E2%B5%8D%E2%B5%87%E2%B4%B0%E2%B4%B9%E2%B5%95-%E2%B4%B0%E2%B5%8E%E2%B4%B1%E2%B4%B0%E2%B5%95%E2%B4%BD%E2%B5%89