ⵉⴳⴰ ⵍⵃⴰⵍ ⴱⵕⴰⵀⵉⵎ ⵃⵡⵉⵍⴰⵜ ⵙⴳ ⵜⵖⵔⵎⵜ ⵏ ⴷⴷⴰⵅⵍⴰ, ⴷ ⵢⵓⵏⵙ ⵢⵄⵇⵓⴱⵉ ⴷ ⴼⵓⴻⴰⴷ ⵀⵉⵍⴰⵍ ⵙⴳ ⴼⴰⵙ, ⴷ ⵄⴱⴷⵍⵃⵃⵇ ⵍⴽⴰⵕⴰⵡⴰⵏⵉ ⵙⴳ ⵜⴰⵚⵚⵓⵕⵜ, ⴷ ⵄⵓⵎⴰⵕ ⴷⵔⵉⵙⵉ ⵙⴳ ⵍⵄⵔⴰⵢⵛ.
ⵉⴼⴼⵖ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵜⵇⵓⴱⴱⴰⵏⵉⵜ ⴳ ⵜⵉⵎⵣⴳⴰⴷ ⵖⵉⴽ ⵍⵍⵉ ⵏⵏⴰⵏ ⵉⵏⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴳⵓⵔⵉ ⵍⵍⵉ ⵢⵏⵏⴰ ⴳ ⵓⵣⵎⵣⵣⵓ ⵏ ⵓⴽⵜⵜⴰⵢ ⵡⵉⵙⵙ 47 ⵏ ⵜⴳⵔⴰⵡⵍⴰ ⵏ ⵓⴳⵍⵍⵉⴷ ⴷ ⵏ ⵓⴳⴷⵓⴷ (20 ⵖⵓⵛⵜ 2000).
ⵙⴳ ⵍⵍⵉⵖ ⵉⵕⵥⵎ ⴷ ⴰⵔ 2018, ⵉⵙⵙⴱⵖⵔ ⵓⵖⴰⵡⴰⵙ ⴰⴷ ⵉ ⵡⴳⴳⴰⵔ ⵏ 3 ⴰⵎⵍⵢⵓⵏ ⵏ ⵎⴷⴷⵏ, ⴱⵍⴰ ⵡⵉⵏⵏ ⵍⵍⵉ ⵢⵙⵙⴱⵖⵔⵏ ⵙⴳ ⵓⵖⴰⵡⴰⵙ ⵉⵜⵜⵣⵔⵉⵏ ⴳ ⵓⵙⴰⵔⴰ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵇⵓⵕⴰⵏ ⵓⵍⴰ ⴳ ⵓⵙⵉⵜ ⵏ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵉⵙⵍⴰⵎⵉⵢⵏ.
ⵜⵙⵙⵓⴼⵖ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵜⵉⵙⵍⴰⵎⵉⵢⵏ ⵢⴰⵏ ⵓⵖⴰⵡⴰⵙ ⵏ ⵜⴳⴰⵡⵜ ⴳ ⵓⵙⴳⴳⵯⴰⵙ ⵏ 2017-2021 ⵍⵍⵉ ⵢⵔⴰⵏ ⴰⴷ ⵉⵍⴽⵎ ⵉ 4,5 ⴰⵎⵍⵢⵓⵏ ⵏ ⵉⵎⵙⴱⵖⴰⵔⵏ, ⴰⵎⵎⴰⵙ ⵏⵏⵙⵏ 1,5 ⴰⵎⵍⵢⵓⵏ ⵏ ⵎⴷⴷⵏ ⵢⴰⴹⵏⵉⵏ.
ⴱⵍⴰ ⵏ ⵖⵉⴽⴰⵏⵏ, ⴰⵔ ⵜⵃⵢⵢⵉⵍ ⵜⵎⴰⵡⴰⵙⵜ ⵢⴰⵏ ⵉⵔⵉⵎ ⴰⵎⴰⵢⵏⵓ ⵍⵍⵉ ⵔⴰⴷ ⵉⵕⵥⵎ ⴳ ⵓⵙⴳⴳⵯⴰⵙ ⴰⴷ ⵢⵓⵛⴽⴰⵏ ⴷ ⵔⴰⴷ ⵢⵉⵍⵉ ⴳ 1.000 ⴰⵏⵙⴰ ⴳ ⵉⵎⵎⴰⵙⵏ ⵉⵖⵔⵎⴰⵏⵏ ⴷ ⵉⵎⴼⴰⵔⴰⵏ ⴷ ⵍⵍⵉ ⵔⴰⴷ ⵉⵙⵙⴱⵖⵔ ⵉ ⵉⴳⵔⴰⵣⵏ ⴳ ⵜⵉⵎⵖⴰⵔⵉⵏ ⵍⵍⵉ ⵓⵔⵜⴰ ⵍⴽⵎⵏ 50 ⵓⵙⴳⴳⵯⴰⵙ.