Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵎⵓⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵎⵓⵎⵏ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ

27 ⵎⴰⵢⵢⵓ 2019 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵙⵎⴰⵄⵉⵍ, ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵜⵖⵔⵎⵜ ⵏ ⴹⴹⴰⵕⵍⴱⵉⴹⴰ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ ⴳ ⵡⴰⵢⵢⵓⵔ ⵏ ⵕⵎⴹⴰⵏ.

ⵉⵏⵏⴰ ⵜⴰⵎⵙⵙⵉⵔⴷⵜ ⴰⴷ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵓⵙⵍⵎⴰⴷ ⵎⵓⵃⵎⵎⴷ ⵍⵄⵕⵓⵚⵉ, ⴰⵏⵙⵙⵉⵅⴼ ⵏ ⵜⵏⴰⴼⵓⵜ ⵏ ⵜⵙⵏⵉⵊⵊⵉⵜ ⵏ ⵡⵓⵍ ⴳ ⵓⵙⴳⵏⴰⴼ ⵏ ⵉⴱⵏ ⵙⵉⵏⴰ ⴳ ⵕⵕⴱⴰⵟ, ⵍⵍⵉ ⵢⵙⴰⵡⵍⵏ ⵅⴼ "ⵜⵉⵏⵍⵜⵉⵏ ⵏ ⵡⵓⵍ ⴳⵔ ⵜⵉⵎⵉⵜⴰⵔ ⵏ ⵓⵙⴳⴷ ⴷ ⵉⵙⵏⴼⵍⵏ ⵉⵎⴰⵙⵙⴰⵏ".

ⵉⵙⴰⵡⵍ ⵓⵎⵙⵉⵡⵍ ⵅⴼ ⵓⵙⴳⵓⵎ ⴰⴷ ⵙⴳ ⴽⴽⵓⵣ ⵏ ⵉⵙⴳⵓⵎⵏ ⵎⵢⴰⴷ ⵉⴳⴰⵏ  " ⴰⵙⵏⵎⵍ ⵏ ⵡⵓⵍ ⵎⵎⴰⴷ ⵏⵏⴰⵏ ⵏ ⵜⵏⴰⵣⵓⴼⵜⵉⵏ ⵜⵉⵎⴰⵙⵙⴰⵏ" ⴷ ⵡⵓⵍ ⴳ ⵍⵇⵓⵔⴰⵏ ⴰⴽⵔⵉⵎ ⴷ ⵙⵙⵓⵏⴰ ⵏ ⵏⵏⴱⵉ ⴳⵔ ⵜⵉⴷⴷⵜ ⴷ ⴰⴼⴰⵙⵔ" ⴷ "ⵉⵙⵏⴼⵍⵏ ⵉⵎⴰⵙⵙⴰⵏ ⵉⵎⴰⵢⵏⵓⵏ ⴳ ⵜⴰⵎⴰⵙⴰⵏⵜ ⵏ ⵡⵓⵍ" ⴷ " ⵎⵄⵣⵉⵣⴰⵜ  ⵏ ⵍⵇⵓⵔⴰⵏ ⴳ ⴰⵎⴰⵙⵙⴰⵏ ⵏ ⵡⵓⵍ" 

ⵉⵙⴷⴷⵉⴷ ⵎⴰⵙⵙ ⵍⵄⵕⵓⵚⵉ ⴳ ⵍⴱⴷⵓ ⵏ ⵜⵖⵓⵔⵉ ⵏⵏⴰⵙ  " ⵎⴰⵙ ⵓⵔ ⵉⴹⴼⴰⵕ ⵓⵙⴳⴷ ⵉ ⵜⴰⵎⴰⵙⴰⵏⵜ ⵍⵍⵉ ⵜⵙⵏⴼⵍ ⴽⵔⴰ ⵢⴳⴰⵜ ⵜⵢⴰⴼⵓⵜⵉⵏ ⵏⵏⵙ ⴷ ⵓⵔ ⵓⵔⵎⵙ ⵏ ⵓⵙⴳⴷ ⵅⴼ ⵜⵢⴰⴼⵓⵜⵉⵏ ⵜⵎⴰⵙⵙⴰⵏⵉⵏ ⵓⵔ ⵉⵄⵣⵣⵉⴼⵏ , ⴰⵛⴽⵓ ⵢⵓⵛⴽⴰⴷ ⵓⵙⴳⴷ ⵎⵔⴰ ⴰⴷ ⵍⵀⴷⴰⵢⴰ ⴷ ⵉⵙⵎⵔⵙ ⵏ ⵜⵓⵜⵍⴰⵢⵜ ⴳ ⵓⵙⴰⵜⵉ ⴷⵖ ⴰⴼⴷ ⵢⵓⵛⴽⴰ ⴰⵏⵖⵎⵉⵙ , ⵉⴼⵔⴰ ⵢⵉⵏⵏⴰ ⵎⴰⵙ ⴰⵎⴰⵙⵙⵏ ⵏ ⵜⴷⵓⵙⵉ ⴳ ⵓⵙⴳⴳⵯⴰⵙⵏ ⵉⵣⵔⵉⵏ ⵉⵏⴰⵣⵓⴼⵜ ⵜⵎⴰⵢⵏⵓⵜⵉⵏ ⴱⴰⵀⵔⴰ ⵉⵣⵍⵉⵏ ⵅⴼ ⵡⵓⵍ ⴷ ⵜⵢⴰⴼⵓⵜⵉⵏ ⵏⵏⵙ , ⴷ ⵉⵅⵚⵚⴰ ⴰⴷ ⵉⵙⵙⵏⵏ ⵎⵉⴷⴷⵏ ⴷ ⵓⵙⴽⴽⵜⵉ ⵎⴰⴷ ⵉⵍⵍⴰⵏ ⵅⴼ ⵡⵓⵍ ⴳ ⵍⵇⵓⵔⴰⵏ ⵙⴳ ⵜⵉⵎⵔⵜⵉⵏ.

ⴳ ⵓⵣⵎⵣⵣⵓ ⴷⵖ ⵉⵣⵔⵉ ⵅⴼ ⵛⵉ ⴳⴰⵏ ⵏ ⵜⵖⵓⵔⵉⵏ ⵅⴼ ⵜⴰⵎⵙⴰⵔⵜ ⵜⴰⵎⵙⵙⴰⵏⵜ ⵍⵍⵉ ⵢⵜⵜⵓⵙⴽⴰⵔⵏ ⵎⵏⵏⴰⵡ ⵏ ⵉⵙⵇⵙⵉⵏ ⴷ ⵜⵕⵣⵎ ⵜⴰⴳⴳⵓⵔⵜ ⵏ ⵓⵅⵎⵎⵓⵎ ⵉⴳⴰ ⵍⵃⴰⵍ ⵏ ⵔⴽⵙ ⵏ ⴰⵎⴰⵙⵙⴰⵏ ⵏ ⵡⵓⵍ ⴷ ⵜⵏⵣⵓⴼⵉⵏ ⵜⵎⴰⵙⵙⵏⵉⵏ ⵍⵍⵉ ⵙⴰⵡⵍ ⵖⴼⵙⵏ ⵍⵇⵓⵔⴰⵏ ⴳ ⵓⵙⴰⵜⵉ ⴷⵖ.

ⵉⵇⵇⵏ ⴰⵎⵙⵉⵡⵍ ⵉⵏⴰⵡ ⵏⵏⵙ ⵎⴰⵙ ⴰⴽⴽⵯ ⵏ ⵜⵖⵓⵔⵉⵏ ⵉⵣⵍⵉⵏ ⵅⴼ ⵜⴰⵎⴰⵙⵙⴰⵏⵜ ⵏ ⵡⵓⵍ ⵏⵏⴰⵏ ⵎⴰⵙ ⴰⴳⵎⴰⵎ ⴰⴷ ⵖⵓⵔⵙ ⵉⵙⵎⵓⵔ ⵢⴰⴹⵏⵉⵏ ⵓⴳ ⵉⴳ ⴰⵎⵎⴰⵙ ⵍⵍⵉ ⵢⵎⵙⴰⵙ ⵅⴼⵙⵏ ⵉⵎⴰⵙⵙⴰⵏ ⴷⴰⵜ , ⴷ ⵉⴳⴰ ⴰⵎⵇⵔⴰⵏ ⵙⴳ ⵢⴰⵏ ⵓⴳⵔⴰⵡ ⵏ ⴰⴳⵙⵓⵎ ⴳ ⴰⴷⵎⵔ ⴷ ⵉⵍⵍⴰ ⵢⵜⵜⵓⴼⴽⴰ ⵉⴷⴰⵎⵏ ⵏ ⵜⴳⵏⵣⵜ , ⵓⵍⴰ ⵉⴼⴽⴰ ⵉⵏⵖⵎⵉⵙⵏ ⴳ ⴽⵔⴰ ⵢⴳⴰⵜ ⵉⵡⵜ  ⵉⵡⵜ ⵏⵏⵙ .

ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⵙⵎⵎⵓⵙ  ⴰⴷ, ⵣⵓⵍⵏ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵎⵙⵜⴳⴳⴰⵔⵏ ⵉⴼⵔⵉⵇⵉⵢⵏ ⴷ ⵉⵄⵕⴰⴱⵏ ⴷ ⵉⴳⵔⴰⵖⵍⴰⵏ.

 

Dernière modification : 27 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%8E%E2%B5%93%E2%B5%8E%E2%B5%8F-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99