Published on MAPNews (https://www.mapnews.ma/am)

Accueil > ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⴹⴹⴰⵕⵍⴱⵉⴹⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⵕⴰⴹ
  1. Accueil
  2. Activités royales

ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴳ ⴹⴹⴰⵕⵍⴱⵉⴹⴰ ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⵕⴰⴹ

20 ⵎⴰⵢⵢⵓ 2019 Version Imprimable
ⴹⴹⴰⵕⵍⴱⵉⴹⴰ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵢⵏⴰⵙ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⴳ ⵜⵖⵔⵎⵜ ⵏ ⴹⴹⴰⵕⵍⴱⵉⴹⴰ, ⵜⴰⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⵉⵙⵙ ⴽⵕⴰⴹ ⴳ ⵡⴰⵢⵢⵓⵔ ⵏ ⵕⵎⴹⴰⵏ.

ⵉⵏⵏⴰ ⵜⴰⵎⵙⵙⵉⵔⴷⵜ ⴰⴷ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵃⴼⴹ ⵕⴱⴱⵉ, ⵎⴰⵙⵙ ⵎⵓⵃⵎⵎⴷ ⴱⵏⴽⵉⵔⴰⵏ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵎⴰⵙⵙⵏ ⴰⴷⵖⵔⴰⵏ ⵏ ⵍⵄⵔⴰⵢⵛ, ⵍⵍⵉ ⵢⵙⴰⵡⵍⵏ ⵅⴼ "ⴰⴼⴰⵔⴽ ⵏ ⵍⵃⴰⴷⵉⵜ ⵏ ⵓⵔⵇⵇⴰⵙ ⴰⴽⵔⵉⵎ ⵙ ⵉⵡⵉⵣ ⵏ ⵍⴰⵎⵉⵔ ⵏ ⵉⵎⵓⵎⵏⵏ".

ⴳ ⵉⵏⴰⵡ ⵏⵏⵙ, ⵉⵙⵙⴽⵜⵉ ⵡⵎⴰⵏⴰⵡ ⵎⴰⵙ ⵜⵎⵜⵜⵉ ⵜⴰⵎⵖⵔⴰⴱⵉⵜ ⵜⵙⵙⵏ ⴳ ⵓⵙⴳⴳⵯⴰⵙ ⴰⴷ ⵍⵍⵉⵖ ⵉⵏⴹ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵄⵓⵍⴰⵎⴰ ⴰⴷ ⵕⵥⵎⵏ ⵢⴰⵏ ⵓⵖⴰⵡⴰⵙ ⵍⵍⵉ ⵎⵓ ⵢⵙⵎ "ⵜⵉⵎⵙⵔⴷⵉⵏ ⵏ ⵍⵃⴰⴷⵉⵜ ⵏ ⵓⵏⵣⵡⴰⵢ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵇⵓⵕⴰⵏ", ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵖⴰⵡⴰⵙ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⴽⵔⴰ ⵉⵏⴹⵏ ⵏⵏⵙ ⵅⴼ ⵎⴰⴷ ⵉⵅⵚⵚⴰⵏ ⴰⴷ ⴳⵉⵜ ⵢⵉⵍⵉ ⵙⴳ ⵓⵙⴼⵔⴽ ⵏ ⵎⴷⴷⵏ ⵅⴼ ⵍⵃⵓⵕⵎⴰ ⵏ ⵍⵃⴰⴷⵉⵜ ⴷ ⵓⵙⵖⵍⴼ ⵏ ⵜⵎⵜⵜⵉ ⴳ ⵓⴼⵔⴰⴳ ⵙⴳ ⵉⵙⴽⵔⴽⵉⵙⵏ ⴷ ⵜⴰⵔⵓⵙⵙⵏⴰ ⴷ ⵜⵉⵟⵟⵓⵕⴼⴰ. 

ⵉⵏⵏⴰ ⵎⴰⵙⵙ ⴱⵏⴽⵉⵔⴰⵏ ⵎⴰⵙ ⵍⵃⴰⴷⵜ ⴰⴷ ⵉⴼⵔⵓⵏ ⴷ ⵉⵔⵏⵓⵏ ⵍⵇⵓⵕⴰⵏ, ⴷ ⵉⴳⴰ ⴼ ⵖⵉⴽⴰⵏⵏ ⵓⵙⴰⴳⵎ ⵍⵍⵉ ⵡⵔ ⵉⵥⴹⴰⵕ ⴽⵔⴰ ⵢⴳⴰⵜⵜ ⵢⴰⵏ ⴰⴷ ⵢⴰⵊⵊ. ⴼ ⵖⵉⴽⴰⵏⵏ, ⵉⵏⵏⴰ ⵉⵙ ⵉⴳⴰ "ⵍⵎⵓⵡⴰⵟⵟⴰ" ⵏ ⵍⵉⵎⴰⵎ ⵎⴰⵍⵉⴽ ⴷ "ⵚⴰⵃⵉⵃ" ⵏ ⵍⴱⵓⵅⴰⵔⵉ ⵓⵍⴰ ⵏ ⵎⵓⵙⵍⵉⵎ ⴰⴼⴰ ⵏ ⵓⵙⵏⴼⵍⵓⵍ ⵍⵍⵉ ⵥⴹⵕⵏ ⴰⴷ ⵍⴽⵎⵏ ⴰⵢⵜ ⵍⵃⴰⴷⵉⵜ. 

ⵉⵣⵎⵎⴻⵎ ⵓⵎⵙⵉⵡⵍ ⵎⴰⵙ ⵉⵍⵍⴰ ⵉⴷⵃⵉⵏ ⵏ ⵜⵖⴰⵔⴰⵙⵉⵏ ⵎⴰ ⵢⴰⴷ ⵉⴳⴰⵏ ⵏ ⵓⵙⴳⴷ ⴷ ⵜⵖⴰⵔⴰⵙⵜ ⴷ ⵜⴰⵙⵔⵜⵉⵜ ⴷ ⵉⵏⴰⵎⵓⵏⵏ ⴷ ⴰⵙⴱⴰⴱ, ⵉⴼⵔⴰ ⵢⵏⵏⴰ ⴳ ⵓⵙⴰⵜⵉ ⴷⵖ ⵎⴰⵙ ⵜⵍⴽⵎⵉⵏ ⴷ ⵜⵢⴰⴼⵓⵜⵉⵏ ⴳⴰⵏ ⵉⵎⵉⵣⵉ ⴷ ⵉⵍⵍⴰⵏ ⴰⵃⴰⴷⵉⵜ ⵜⵜⵓⵙⴽⴰⵔⵏ ⴳ ⵎⵛⵜⴰ ⵏ ⵓⵙⴳⵓⵎ, ⴷ ⵜⵜⵓⵜⵔⴰⵡⵉⵏ ⴷ ⵜⵙⵓⵍ ⵉ ⵢⴰⵏ ⵓⵣⵖⴰⵏ ⴰⵎⴰⴷⴷⵓⴷ ⴷ ⵜⵉⵖⴱⵉ.

ⴷⴰⵜ ⵏ ⵓⴷⴷⴰⴷ ⵉⵅⵛⵛⵏⵏ ⴰⴷ, ⵉⵙⵎⵖⵔ ⵓⵎⵙⵉⵡⵍ ⴰⵙⵏⵜⵉ ⴰⵎⴰⵙⵙⴰⵏ ⴰⵅⴰⵜⴰⵔ ⵍⵍⵉ ⵢⴼⴽⴰ ⵍⴰⵎⵉⵔ ⵏ ⵉⵎⵓⵎⵎⵏ ⴰⵕⵥⵥⵓⵎ ⵏⵏⵙ ⴰⵙⵙ ⵏ 2 ⵏⵓⵡⴰⵏⴱⵉⵔ 2018, ⵎⴰ ⵢⴰⴷ ⵉⴳⴰⵏ ⵓⵖⴰⵡⴰⵙ "ⵜⵉⵎⵙⵔⴷⵉⵏ ⵏ ⵍⵃⴰⴷⵉⵜ ⵏ ⵓⵏⵣⵡⴰⵢ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵇⵓⵕⴰⵏ", ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵓⵙⴰⵜⵉ ⵏⵏⵙ ⵉ ⵢⵎⴰⵙⵙⵏ ⴷ ⵉⵙⵍⴳⴰⵏⵏ, ⴷ ⵉⵏⴹ ⴰⴷ ⵉⵣⵔⵉ ⴳ ⵜⵉⵍⵉⴼⵉⵣⵢⵓⵏ "ⵙⵙⴰⴷⵉⵙⴰ" ⴷ ⴳ ⵓⵏⵣⵡⴰⵢ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵍⵇⵓⵕⴰⵏ ⴰⴽⵔⵉⵎ, ⵓⵍⴰ ⴳ ⵜⵣⵟⵟⴰ ⵏ ⴰⵏⵜⵉⵔⵏⵉⵜ.

ⵉⵔⵏⵓ ⵢⵏⵏⴰ ⵎⴰⵙⵙ ⴱⵏⴽⵉⵔⴰⵏ ⵎⴰⵙ ⴰⵎⵙⵉⵡⵍ ⵎⴰⵙ ⴰⵙⵏⵜⵉ ⵢⴰⴷ ⵉⴳⴰ ⴰⵎⵣⵡⴰⵔⵓ ⴳ ⵉⴳⵔ ⴰⴷ ⵍⵍⵉ ⵉⴱⵉⴷⴷⵏ ⴳ ⵓⵖⴰⵔⴰⵙ ⵏ ⵡⵙⵙⴰⵏ ⵙ ⵉⴱⵔⴷⴰⵏ ⵉⴼⵓⵍⴽⵉⵏ.

ⵍⵍⵉⵖ ⵜⵎⵎⴰ ⵜⵎⵙⵙⵉⵔⴷⵜ ⵜⴰⵃⴰⵙⴰⵏⵉⵜ ⵜⴰⵎⵣⵡⴰⵔⵓⵜ ⴰⴷ, ⵣⵓⵍⵏ ⵍⴰⵎⵉⵔ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵎⵏⵏⴰⵡ ⵏ ⵍⵄⵓⵍⴰⵎⴰ ⴷ ⵉⵎⵙⵜⴳⴳⴰⵔⵏ ⵉⴼⵔⵉⵇⵉⵢⵏ ⴷ ⵉⵄⵕⴰⴱⵏ ⴷ ⵉⴳⵔⴰⵖⵍⴰⵏ. 

Dernière modification : 20 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B5%9C%E2%B4%B0%E2%B5%8E%E2%B5%99%E2%B5%99%E2%B5%89%E2%B5%94%E2%B4%B7%E2%B5%9C-%E2%B5%9C%E2%B4%B0%E2%B5%83%E2%B4%B0%E2%B5%99%E2%B4%B0%E2%B5%8F%E2%B5%89%E2%B5%9C-%E2%B5%9C%E2%B5%89%E2%B5%99%E2%B5%99-%E2%B4%BD%E2%B5%95%E2%B4%B0%E2%B4%B9