ⵉⵎⵍⴰ ⵡⵙⵏⵜⵉ ⵢⴰⴷ, ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵡⵓⵔⵉⵡⵉⵏ ⵏ ⵜⵓⵚⴽⴰ ⵏⵏⵙ ⴰⵙⵙ ⵏ 11 ⴽⵟⵓⴱⵕ 2016, ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⵙⴷⵓⵙ ⴰⵙⴰⴼⵔ ⵉⵙⴱⵖⵔⵏ ⵉ ⵢⵎⵣⴷⴰⵖⵏ ⵉⵏⵍⵎⴰⴹⵏ.
ⵔⴰⴷ ⵉⵡⵡⵓⵔⵉ ⵡⵎⵎⴰⵙ ⴰⴷ 24 ⵜⵙⵔⴰⴳⵜ ⵙⴳ 24, ⴷ 7 ⵡⵙⵙⴰⵏ ⵙⴳ 7. ⵔⴰⴷ ⵉⵙⴼⵙⵙⵓⵙ ⴰⵙⵜⴰⵍ ⵉⵍⵍⴰⵏ ⴳ ⵚⴱⵉⵟⴰⵕ ⵍⵉⵇⵍⵉⵎⵉ ⵉⵍⴰ ⵓⵎⵎⴰⵙ ⵏ ⵜⴷⵓⵙⵉ ⵏ ⵓⵙⵡⵉⵔ 1 ⴷ 2 ⵉⵍⵍⴰⵏ ⵢⴰⴷ ⵍⵍⵉ. ⴼ ⵖⵉⴽⴰⵏⵏ, ⵔⴰⴷ ⵉⵙⵙⵖⵔ ⵉ ⵍⴰⵃⵡⴰⵍ ⵏ 500.000 ⵓⵎⵣⴷⴰⵖ.
ⵉⵟⵟⴰⴼ ⵓⵎⴰⵙⵙ ⴰⵎⴰⵢⵏⵓ ⵢⴰⴷ ⵢⴰⵏ ⵓⴳⵊⴷⵉ ⵏ ⵉⵖⴰⵡⵍⵏ ⵉⵎⵙⵏⵊⵊⵉⵏ ⵏ ⵡⴰⴷⴰⵙ ⵍⵍⵉⵖ ⵍⵍⴰⵏ ⵉⴹⴱⵉⴱⵏ ⵉⵎⵖⴰⵡⴰⵍⵏ, ⴷ ⵎⵏⵏⴰⵡ ⵏ ⵜⵏⴰⴼⵓⵜⵉⵏ, ⵣⵓⵏⴷ ⴰⴳⵊⴷⵉ ⵏ ⵉⵖⴰⵡⵍⵏ ⵉⵎⵙⵏⵉⵊⵊⵉⵏ ⵏ ⵓⴽⵎⵓⵔ, ⴷ ⵓⴳⵊⴷⵉ ⵏ ⴰⵣⵔⵔⴰⵢ ⵉⵥⵍⵉⵏ ⵏ ⴱⵕⵕⴰ, ⵢⴰⵏ ⵓⴳⵊⴷⵉ ⴰⵎⵙⵏⵉⵊⵊⵉ ⴰⵜⵉⵇⵏⵉ ⵉⵎⴰⵏⵏ ⴷ ⵢⴰⵜ ⵜⴷⴰⵍⴰ ⵏ ⵓⴼⵍⴰⵢ, ⴷ ⵎⵏⵏⴰⵡ ⵢⴰⴹⵏⵉⵏ.
ⵉⵟⵟⴰⴼ ⵙⵓⵍ ⵓⵎⵎⴰⵙ ⴰⴷ ⵢⴰⵜ ⵜⴰⵎⵙⵙⵓⴷⵓⵜ ⵏ ⵉⵎⵓⴹⴰⵏ ⵏ ⵓⵏⴰⵡ "ⴱ" ⵍⵍⵉ ⵔⴰⴷ ⵜⴰⵙⵙⵉ ⵉⵎⴰⴹⵓⵏⵏ.
ⴰⴼ ⴰⴷ ⵉⵙⴽⵔ ⵜⴰⵙⵎⵉⴳⵍⵜ ⵏⵏⵙ, ⵉⵙⵎⴰⵏ ⵓⵎⵎⴰⵙ ⴰⵎⵙⵏⵉⵊⵊⵉ ⵏ ⵓⴽⵎⵓⵔ - ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ 21 ⵓⴹⴱⵉⴱ ⴰⵎⴰⵜⴰⵢ ⴷ ⵉⵎⵥⵍⴰⵢⵏ ⴷ ⵉⵖⴰⵡⵍⵏ, ⵓⵍⴰ 38 ⵉⵏⵙⵎⴰⴳⴰⵍⵏ ⴷ ⵎⵏⵏⴰⵡ ⵏ ⵉⵙⴰⵜⵉⵏ ⵉⵜⵉⵇⵏⵉⵢⵏ ⴷ ⵉⵎⵙⵙⵓⴳⵓⵔⵏ.
ⵣⵓⵏⴷ ⵓⵎⵎⴰⵙ ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵓⴷⴷⵓⵔⵜ ⵏ ⵍⵢⵓⵙⵓⴼⵢⵢⴰ ⴳ ⵕⵕⴱⴰⵟ ⴰⵙⵙ ⵏ 11 ⵎⴰⵢⵢⵓ ⴰⴷ ⵉⵣⵔⵉⵏ ⴷ ⵡⵉⵏⵏ ⵍⵍⵉ ⵔⴰⴷ ⵉⵍⵉⵏ ⴳ ⵜⵎⴰⵔⴰ ⴷ ⴹⴹⴰⵕⵍⴱⵉⴹⴰ (ⵜⵉⵖⵔⵎⵜ ⵜⴰⵎⴰⵢⵏⵓⵜ ⵏ ⵕⵕⵃⴰⵎⵏⴰ) ⴷ ⴳ ⵟⴰⵏⵊⴰ (ⵜⴰⵙⵓⵏⴹⵜ ⴱⵏⵉ ⵎⴰⴽⴰⴷⴰ), ⵉⴽⵛⵎ ⵓⵎⵎⴰⵙ ⴰⴷ ⴳ ⵓⵙⴰⵜⵉ ⵏ ⵢⴰⵏ ⵓⵙⵖⵉⵡⵙ ⵍⵍⵉ ⵜⵙⴽⵔ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⵎⴰ ⵢⴰⴷ ⵉⵔⴰⵏ ⴰⴷ ⵉⵏⵏⵍ ⵉⴳⵔ ⴰⵎⵙⵏⵉⵊⵊⵉ ⴰⵏⴰⵎⵓⵔ.
ⵢⵓⵛⴽⴰ ⵡⵎⵎⴰⵙ ⴰⴷ ⴷⴼⴼⵉⵔ ⵏ ⵜⴷⵔⴰⵡⵜ ⵉⵙⵎⴰⵏⵏ ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴷ ⵜⴰⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⵙⵇⵇⵉⵎ ⴰⵏⵎⵏⴰⴹ ⵏ ⴹⴹⴰⵕⵍⴱⵉⴹⴰ ⵚⵟⵟⴰⵜ ⴷ ⵓⵙⵇⵇⵉⵎ ⵏ ⵍⵄⴰⵎⴰⵍⴰ ⵏ ⴹⴹⴰⵕⵍⴱⵉⴹⴰ.