Published on MAPNews (https://www.mapnews.ma/am)

Accueil > ⵉⵙⵙⵓⵔⴳ ⵍⴰⵎⵉⵔ ⵏ ⵉⵎⵓⵎⵎⵏⵏ ⴰⵕⵥⵥⵓⵎ ⵏ 20 ⵜⵎⵣⴳⵉⴷⴰ ⵍⵍⵉ ⵢⵜⵜⵓⵚⴽⴰⵏ ⵏⵖⴷ ⵜⵜⵓⵚⴽⴰⵏ ⴷⴰⵖ ⵏⵖⴷ ⵜⵙⵙⵓⵖⵍⴰ ⵜⵉⵣⵉ ⵏⵏⵙⵏⵜ
  1. Accueil
  2. Activités royales

ⵉⵙⵙⵓⵔⴳ ⵍⴰⵎⵉⵔ ⵏ ⵉⵎⵓⵎⵎⵏⵏ ⴰⵕⵥⵥⵓⵎ ⵏ 20 ⵜⵎⵣⴳⵉⴷⴰ ⵍⵍⵉ ⵢⵜⵜⵓⵚⴽⴰⵏ ⵏⵖⴷ ⵜⵜⵓⵚⴽⴰⵏ ⴷⴰⵖ ⵏⵖⴷ ⵜⵙⵙⵓⵖⵍⴰ ⵜⵉⵣⵉ ⵏⵏⵙⵏⵜ

17 ⵎⴰⵢⵢⵓ 2019 Version Imprimable
ⴹⴹⴰⵕⵍⴱⵉⴹⴰ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴰⵃⵎⴰⴷ ⵜⴰⵡⴼⵉⵇ, ⴰⵙⵙ ⵏ ⵓⵙⵉⵎⵡⴰⵙ ⴳ ⴹⴹⴰⵕⵍⴱⵉⴹⴰ, ⵎⴰⵙ ⵍⴰⵎⵉⵔ ⵏ ⵉⵎⵓⵎⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵉⴼⴽⴰ ⴳ ⵓⵣⵎⵣⵣⵓ ⵏ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵕⴽⵉ, ⴷ ⵉⵙⵙⵓⵔⴳ ⴰⵕⵥⵥⵓⵎ ⵏ 20 ⵜⵎⵣⴳⵉⴷⴰ ⵍⵍⵉ ⵢⵜⵜⵓⵚⴽⴰⵏ ⵏⵖⴷ ⵜⵜⵓⵚⴽⴰⵏ ⴷⴰⵖ ⵏⵖⴷ ⵜⵙⵙⵓⵖⵍⴰ ⵜⵉⵣⵉ ⵏⵏⵙⵏⵜ ⵙⴳ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ.

ⵉⴼⵔⴰ ⵢⵏⵏⴰ ⵎⴰⵙⵙ ⵜⴰⵡⴼⵉⵇ ⴳ ⵢⴰⵜ ⵜⴳⵓⵔⵉ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴷⴼⴼⵉⵔ ⵏ ⵜⵣⴰⵍⵍⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵍⵃⴰⵙⴰⵏ ⵡⵉⵙⵙ ⵙⵉⵏ, ⵎⴰⵙ ⵜⴰⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵜⴼⴽⴰ ⵜⴰⴱⵔⴰⴷⵜ ⵏ ⵉⵇⴰⵔⵉⴹⵏ ⵉⵍⴽⵎⵏ ⵍⴰⵃⵡⴰⵍ ⵏ 253 ⴰⵎⵍⵢⵓⵏ ⵏ ⴷⴷⵔⵀⵎ ⴰⴼ ⴰⴷ ⵜⵓⵚⴽⴰⵏ 7 ⵜⵎⵣⴳⵉⴷⵉⵏ ⵜⵉⵎⴰⵢⵏⵓⵜⵉⵏ, ⴷ ⴰⴷ ⴷⴰⵖ ⵜⵜⵓⵚⴽⴰⵏ 9 ⵢⴰⴹⵏⵉⵏ, ⴷ ⴰⴷ ⵙⵙⵓⵖⵍⵓⵏ 4 ⵏ ⵜⵎⵣⴳⵉⴷⵉⵏ ⵏ ⵓⵢⴷⴰ, ⵙ ⵜⵣⴹⵕⴰ ⵏ ⵓⵙⵏⵓⴱⴳ ⵏ ⵍⴰⵃⵡⴰⵍ ⵏ 27.000 ⵎⴷⴷⵏ. 

ⴳ ⵓⵙⴰⵜⵉ ⴷⵖ, ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵍⴰⵎⵉⵔ ⵏ ⵉⵎⵓⵎⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⴼⴽⴰ ⵍⵉⵙⵎ ⵏⵏⵙ ⵉ ⵙⵏⴰⵜ ⵜⵎⵣⴳⵉⴷⵉⵏ, ⵎⴰ ⵢⴰⴷ ⵉⴳⴰⵏ ⵜⵉⵎⵣⴳⵉⴷⴰ ⵜⴰⵎⵇⵕⴰⵏⵜ ⴳ ⵜⴰⵎⵙⵏⴰ ⴷ ⵊⵊⴰⵎⵄ ⵉⵎⵇⵇⵓⵕⵏ ⴳ ⵏⵏⴰⴹⵓⵕ, ⵉⵔⵏⵓ ⵢⵏⵏⴰ ⵎⴰⵙ, ⵙ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵉⵜⵜⵓⵙⵔⴰⵙ ⵢⴰⵏ ⵓⵙⵖⵉⵡⵙ ⵉⴱⵉⴷⴷⵏ ⵅⴼ ⵢⴰⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵓⵜⵔⴰⵡⵉⵏ ⵏ ⵉⵏⵙⴰⵏ ⵏ ⵜⵎⵙⴳⴷⵜ ⴳ ⵓⵙⵡⵉⵔ ⴰⵏⴰⵎⵓⵔ .

ⵉⵙⵓⵍ ⵉⵏⵏⴰ ⵎⴰⵙⵙ ⵜⴰⵡⴼⵉⵇ ⵎⴰⵙ ⴰⵖⴰⵡⴰⵙ ⴰⴷ ⵉⵙⵙⵏ ⵙ ⵉⴳⵔⵏ ⵏ ⵜⵖⵔⵎⵉⵡⵉⵏ ⵉⵙⵙⵓⵜⵍⵏ ⵉ ⵜⵖⵔⵎⵉⵡⵉⵏ ⵜⵉⵇⴱⵓⵔⵉⵏ, ⴷ ⴰⵙⵙⵓⵙⵄⵓ ⴰⵄⵓⵎⵕⴰⵏⵉ ⵏ ⵜⵖⵔⵎⵉⵡⵉⵏ ⵜⵉⵎⴰⵢⵏⵓⵜⵉⵏ ⴷ ⴰⴼⵔⵓⵔⵉ ⵏ ⵉⵎⵣⴷⴰⵖⵏ ⴳ ⵜⵎⵉⵣⴰⵔ, ⴷ ⵉⵔⴰⵔ ⵉ ⵍⴰⵃⴽⴰⵎ ⵏ ⵛⵛⵕⵄ ⴷ ⵎⴰⴷ ⵉⵅⵚⵚⴰⵏ ⵉ ⵜⴷⵎⵙⴰⵏ ⴷ ⵉⵙⴱⴷⴰⴷⵏ ⵉⵏⵣⵓⵔⵏ ⵍⵍⵉ ⵢⵅⵚⵙⴰⵏ ⵉⵎⵙⴰⵏ ⵅⴼⵙⵏ ⵅⴼ ⵓⵖⴰⵡⴰⵙ ⴷ ⵉⵙⵙⵓⵔⴳⵏ ⵏ ⵜⵓⵚⴽⴰ, ⴷ ⵓⴼⴰⵔⴽ ⵏ ⵎⴰⴷ ⵉⵏⵏⴰⵏ ⵏ ⵜⵡⵓⵔⵉⵡⵉⵏ ⴷ ⴰⵙⴼⵓⵍⴽⵉ ⵏ ⵜⵎⵣⵉⴳⴷⴰ ⵜⴰⵎⵖⵔⴰⴱⵉⵜ.

ⴳ ⵜⵏⴽⵔⴰ ⵙ ⵉⵏⵙⴰⵏ ⵏ ⵜⵎⵙⴳⴰⴷⵜ, ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵉⵜⵜⵓⵙⵏⵎⴰⵍ ⴰⵙⴼⵓⵍⴽⵉ ⵏ ⵜⵢⴰⴼⵓⵜⵉⵏ ⵉⵥⵍⵉⵏ ⵙ ⵡⴰⵎⴰⵏ ⴷ ⴰⵙⵉⴷ ⴷ ⵜⵕⵡⵉ ⵏ ⵜⵥⵉⴹⵕⴰ ⴷ ⵉⵎⴰⵙⵙⵏ ⴷ ⴰⵙⵙⵓⴼⵖ ⵏ ⵉⵙⵙⴳⵛⴰⵎⵏ ⵅⴼ ⵓⵙⵡⵉⵔ ⵏ ⵓⵙⴼⵓⵍⴽⵉ ⵏ ⵜⵉⵍⵉⵜ ⵏ ⵉⵏⵙⴰⵏ ⴰⴷ, ⴷ ⵜⴰⵎⵙⴽⴰⵔⵜ ⵏⵏⵙⵏ ⴳ ⵓⵙⵙⵍⴽⵎ ⵏ ⵜⴱⵔⴰⴷⵜ ⵜⴰⵏⵎⵍⴰⵏⵜ ⵏⵏⵙⵏ.

Dernière modification : 17 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%99%E2%B5%99%E2%B5%93%E2%B5%94%E2%B4%B3-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F%E2%B5%8F-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-20-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B5%8D%E2%B5%8D%E2%B5%89-%E2%B5%A2%E2%B5%9C%E2%B5%9C%E2%B5%93%E2%B5%9A%E2%B4%BD%E2%B4%B0%E2%B5%8F-%E2%B5%8F%E2%B5%96%E2%B4%B7-%E2%B5%9C%E2%B5%9C%E2%B5%93%E2%B5%9A%E2%B4%BD%E2%B4%B0%E2%B5%8F-%E2%B4%B7%E2%B4%B0%E2%B5%96-%E2%B5%8F%E2%B5%96%E2%B4%B7