Published on MAPNews (https://www.mapnews.ma/am)

Accueil >  ⵉⵙⵙⵓⵔⴳ ⵍⴰⵎⵉⵔ ⵏ ⵉⵎⵓⵎⵎⵏ ⵓⵕⵥⵥⵓⵎ ⵏ 20 ⵜⵎⵣⴳⵉⴷⴰ ⴷⴰⵜ ⵏ ⵉⵣⵣⵓⵍⵏ ⵍⵍⵉ ⵜⵓⵚⴽⴰⵡⵉⵏ ⴷ ⵓⵍⵍⴰⵙ ⵏ ⵜⵓⵚⴽⵡⵉⵏ  ⴷ ⴰⵙⵙⵓⵖⵍⵓ ⵏ ⵜⵉⵣⵉ 
  1. Accueil
  2. Activités royales

 ⵉⵙⵙⵓⵔⴳ ⵍⴰⵎⵉⵔ ⵏ ⵉⵎⵓⵎⵎⵏ ⵓⵕⵥⵥⵓⵎ ⵏ 20 ⵜⵎⵣⴳⵉⴷⴰ ⴷⴰⵜ ⵏ ⵉⵣⵣⵓⵍⵏ ⵍⵍⵉ ⵜⵓⵚⴽⴰⵡⵉⵏ ⴷ ⵓⵍⵍⴰⵙ ⵏ ⵜⵓⵚⴽⵡⵉⵏ  ⴷ ⴰⵙⵙⵓⵖⵍⵓ ⵏ ⵜⵉⵣⵉ 

17 ⵎⴰⵢⵢⵓ 2019 Version Imprimable
ⴹⴹⴰⵕⵍⴱⵉⴹⴰ - ⵉⵙⴷⴷⵉⴷ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⴰⵎ ⴰⵃⵎⴰⴷ ⵜⴰⵡⴼⵉⵇ ⴰⵙⵙ ⵏ ⵓⵙⵉⵎⵡⴰⵙ ⴳ ⴹⴹⴰⵕⵍⴱⵉⴹⴰ ⵎⴰⵙ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⵕⴱⵉ , ⵉⴼⴽⴰ ⴳ ⵓⵣⵎⵎⵣⵓ ⵏ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⵕⴽⵉ ⴷ ⵉⵙⵙⵓⵔⴳ ⵓⵕⵥⵥⵓⵎ ⵏ 20 ⵜⵎⵣⴳⵉⴷⴰ ⵍⵍⵉ ⵜⵓⵚⴽⴰⵡⵉⵏ  ⴷ ⴰⵍⵍⴰⵙ ⵏ ⵜⵓⵚⴽⴰⵡⵉⵏ ⴷ ⵓⵙⵙⵓⵖⵍⵓ ⵏ ⵜⵉⵣⵉ ⵏ ⵜⴰⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⴰⵎ.

ⵉⴼⵔⴰ ⵢⵉⵏⵏⴰ ⵎⴰⵙⵙ ⵜⴰⵡⴼⵉⵇ ⴳ ⵢⴰⵜ ⵜⴳⵓⵔⵉ ⴷⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ , ⴷⴼⴼⵉⵔ ⵏ ⵜⴰⵣⵣⴰⵍⵉⵜ ⵏ ⴰⵙⵙ ⵏ ⵓⵙⵉⵎⵡⴰⵙ ⴳ ⵜⵎⵣⴳⵉⴷⴰ ⵍⵃⴰⵙⴰⵏ ⵡⵉⵙⵙ ⵙⵉⵏ ⵎⴰⵙ ⵜⴰⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵉⵙⵍⴰⵎ ⵜⵎⵓⵙⵙⵓ ⵜⴰⴱⵔⴰⵜ ⵏ ⵉⵇⴰⵔⵉⴹⵏ ⵃⴰⵡⴰⵍⵉ 253 ⵎⵍⵢⵓⵏ ⵏ ⴷⴷⵔⵀⵎ , ⵏ ⵜⵓⵚⴽⴰ ⵏ 7 ⵜⵎⵣⴳⵉⴷⴰ ⵉⵎⴰⵢⵏⵓⵏ , ⴷ ⴰⵍⵍⴰⵙ ⵏ ⵜⵓⵚⴽⴰ 9 ⵢⴰⴹⵏⵉⵏ , ⴷ ⴰⵙⵙⵓⵖⵍⵓ ⵏ 4 ⵜⵎⵣⴳⴷⴰ ⵏ ⵓⵢⴷⴰ ⴳ ⵜⵉⵣⴹⵕⴰ ⵏ ⵓⵙⵏⵓⴱⴳ ⵃⴰⵡⴰⵍⵉ 27 ⵏ ⵉⵣⵣⵓⵍⵏ .

ⴳ ⵓⵙⴰⵜⵉ ⴷⵖ , ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⵉⴼⴽⴰ ⵉⵙⵎ ⵏⵏⵙ ⵅⴼ ⵙⵏⴰⵜ ⵜⵎⵣⴳⵉⴷⴰ , ⵎⵢⴰⴷ ⵉⴳⴰⵏ ⵜⵎⵣⴳⵉⴷⴰ ⴰⵎⵇⵔⴰⵏ ⴳ ⵜⴰⵎⵙⵏⴰ ⴷ ⵜⵎⵣⴳⵉⴷⴰ ⵜⵅⴰⵜⴰⵔⵜ ⴳ ⵏⵏⴰⴹⵓⵕ , ⵉⵔⵏⵓ ⵢⵉⵏⵏⴰ ⵎⴰⵙ ⵙ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ , ⵉⵜⵜⵓⵙⵔⵙ ⵢⴰⵏ ⵓⵙⵖⵉⵡⵙ ⵏ ⴰⵍⵍⵉ ⵙⴱⴷⵉⴷ ⵅⴼ ⵢⴰⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵓⵜⵔⴰⵡⵉⵏ ⵏ ⵉⵏⵙⴰⵏ ⵏ ⵜⵎⵙⴳⴷⵜ ⴳ ⵓⵙⵡⵉⵔ ⴰⵏⴰⵎⵓⵔ .

ⵉⵙⵓⵍ ⵉⵏⵏⴰ ⵎⴰⵙⵙ ⵜⴰⵡⴼⵉⵇ ⵎⴰⵙ ⴰⵖⴰⵡⴰⵙ ⵜⴼⴰⵔⴽ ⵅⴼ ⵉⴳⵔⵏ ⵏ ⵜⵖⵔⵉⵎⵏ ⵅⴼ ⵜⵖⵔⵎⵡⵉⵏ ⵉⵇⴱⵓⵔⵏ , ⴷ ⵓⵙⵓⵙⵄ ⴰⵄⵓⵎⵔⴰⵏⵉ ⵏ ⵜⵖⵔⵎⵡⵉⵏ ⵜⵎⵢⵏⵓⵜⵉⵏ ⴷ ⵓⵔ ⵉⴳⵣⵣⵓⵎⵏ ⵎⵉⴷⴷ ⴳ ⵜⴼⵔⴰⵏⵉⵏ , ⴷ ⵜⵜⵓⵜⵔⴰⵡⵉⵏ ⵏ ⴰⵃⴽⴰⵎ ⵏ ⵉⵣⵔⴼⴰⵏ ⴷ ⵉⵅⵚⵚⴰⵏ ⵜⴷⵎⵙⴰⵏ ⴷ ⵉⵙⴱⴷⴰⴷⵏ ⵉⵏⵣⵓⵔⵉⵏ ⵍⵍⵉ ⵅⵚⴰⵏ ⵉⵎⵙⴰⵏ ⵅⴼⵙⵏ ⵅⴼ ⵓⵖⴰⵡⴰⵙ ⴷ ⵉⵙⵙⵓⵔⴳ ⵏ ⵜⵓⵚⴽⴰ ⴷ ⵓⴼⴰⵔⴽ ⵏ ⵎⴰⴷ ⵉⵏⵏⴰⵏ ⵏ ⵜⵡⵓⵔⵉⵡⵉⵏ ⴷ ⵜⴼⵓⴽⵍⵉⵏ ⵏ ⵜⵎⵣⵉⴳⴷⴰ ⴰⵎⵖⵔⴰⴱⵉ.

ⴳ ⵜⵏⴽⵔ ⵙ ⵏ ⵉⵏⵙⴰⵏ ⵏ ⵜⴰⵎⵙⴳⴰⴷⵜ ⵉⵏⵏⴰ ⵡⴰⵎⴰⵡⵙⴰⵙ ⵎⴰⵙ ⵉⵜⵜⵓⵙⵏⵎⴰⵍ ⵏ ⴰⵙⴼⵓⵍⴽⵉ ⵏ ⵜⵢⴰⴼⵓⵜⵉⵏ ⵉⵣⵍⵉⵏ ⵅⴼ ⴰⵎⴰⵏ ⴷ ⴰⵙⵉⴷ ⴷ ⵜⵉⵕⵡⵉ ⴷ ⵜⵥⵉⴹⵕⴰ ⴷ ⵉⵎⴰⵙⵙⵏ ⴷ ⵉⴼⴽⴰⵏ ⵓⵙⵙⴳⵅⵎ ⵎⴳ ⵓⵙⵉⵡⵔ ⵏ ⵓⵙⴼⵓⴽⵍⵓ ⵜⵉⵍⵉⵜ ⵏⵏⵙ ⴷ ⵜⵜⵓⵙⴽⴰⵔ ⵏ ⵜⴰⴱⵔⴰⵜ ⵏⵏⵙ ⵜⵏⵎⵍⴰⵏⵜ.

Dernière modification : 17 ⵎⴰⵢⵢⵓ 2019
Source URL: https://www.mapnews.ma/am/activites-royales/%C2%A0%E2%B5%89%E2%B5%99%E2%B5%99%E2%B5%93%E2%B5%94%E2%B4%B3-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-20-%E2%B5%9C%E2%B5%8E%E2%B5%A3%E2%B4%B3%E2%B5%89%E2%B4%B7%E2%B4%B0-%E2%B4%B7%E2%B4%B0%E2%B5%9C-%E2%B5%8F-%E2%B5%89%E2%B5%A3%E2%B5%A3%E2%B5%93%E2%B5%8D%E2%B5%8F-%E2%B5%8D%E2%B5%8D%E2%B5%89-%E2%B5%9C%E2%B5%93%E2%B5%9A%E2%B4%BD%E2%B4%B0%E2%B5%A1%E2%B5%89%E2%B5%8F-%E2%B4%B7-%E2%B5%93%E2%B5%8D%E2%B5%8D%E2%B4%B0%E2%B5%99-%E2%B5%8F