Published on MAPNews (https://www.mapnews.ma/am)

Accueil > ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⵎⵎⴰⵙ ⴰⵏⵎⵏⴰⴹ ⵏ ⵓⵎⵙⵏⵏⵉⵊⵉ ⵏ ⵉⵎⵉ ⴷ ⵜⵖⵎⴰⵙ
  1. Accueil
  2. Activités royales

ⵜⴰⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ : ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⴰⵎⵎⴰⵙ ⴰⵏⵎⵏⴰⴹ ⵏ ⵓⵎⵙⵏⵏⵉⵊⵉ ⵏ ⵉⵎⵉ ⴷ ⵜⵖⵎⴰⵙ

16 ⵎⴰⵢⵢⵓ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⴰⵙⵙ ⵏ ⵓⴽⵡⴰⵙ ⴳ ⵜⵙⵓⴽⵜ ⵍⵎⴰⵙⵉⵔⴰ ⴳ ⵜⵏⴱⴹⴰⵢⵜ ⵢⵄⵇⵓⴱ ⵍⵎⵏⵚⵓⵕ, ⴰⵕⵥⵥⵓⵎ ⵏ ⵢⴰⵏ ⵓⵎⵎⴰⵙ ⵏ ⵓⵎⵙⵏⵏⵉⵊⵉ ⵏ ⵉⵎⵉ ⴷ ⵜⵖⵎⴰⵙ, ⵍⵍⵉ ⵜⵙⴽⵔ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵙ 25 ⵓⵎⵍⵢⵓⵏ ⵏ ⴷⴷⵔⵀⵎ.

ⵔⴰⴷ ⵉⴼⴽ ⵓⵎⵎⴰⵙ ⴰⴷ, ⵍⵍⵉ ⵢⵜⵜⵓⵙⴽⴰⵔⵏ ⵅⴼ ⴽⴽⵓⵥ ⵏ ⵉⵙⵡⵉⵔⵏ ⵅⴼ ⴰⴳⵣⵣⵓⵎ ⵏ ⵡⴰⴽⴰⵍ ⵏ 1580 ⴰⵎⵉⵜⵔⵓ ⴰⵎⴽⴽⵓⵥ, ⵉⵎⵙⵏⵏⵉⵊⵉⵏ ⵖⵓⵔⵙⵏ ⵜⵖⵔⴰ ⴳ ⵜⴷⵓⵙⵉ ⵏ ⵜⵖⵎⵙⵉⵏ ⴷ ⵓⵎⵙⵏⵉⵊⵊⵉ ⴷⴰⵜ ⴷ ⵢⴰⴹⵏⵉⵏ ⵏ ⵓⴼⵍⴰⵢ ⵉ ⵢⴼⵔⵅⴰⵏ ⴷ ⵉⵎⵇⵕⴰⵏ ⴳ ⵜⵙⴳⴰ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ.

ⵉⵍⵍⴰ ⴳ ⵓⵎⴰⵙⵙ ⴰⵏⵎⵏⴰⴹ ⵏ ⵓⵎⵙⵏⵉⵊⵊⵉ ⵏ ⵉⵎⵉ ⴷ ⵜⵖⵎⴰⵙ ⵢⴰⵜ ⵜⵢⴰⴼⵓⵜ ⵏ ⵉⵎⵙⵏⵏⵉⵊⵉⵏ ⵉⵖⴰⵡⵍⵏ, ⵔⴰⴷ ⵜⴱⴷⵓ ⵜⵡⵓⵔⵉⵡⵉⵏ ⵏⵏⵙ ⴳ ⵜⵙⵓⵔⴰⴳⵜ ⵏ 8:30 ⵏ ⵜⵉⴼⴰⵡⵜ ⴰⵔ 04:30 ⴷⴼⴼⵉⵔ ⵜⴰⴷⴳⴳⵯⴰⵜ.

ⴷ ⵉⵍⵍⴰ ⴳ ⵓⵎⵎⴰⵙ ⴰⴷ ⵢⴰⵏ ⵓⴳⵣⵣⵓⵎ ⵏ ⵓⵣⵔⵓⵢ ⵉⵥⵍⵉⵏ ⵙ ⵉⵎⵉ ⴷ ⵜⵖⵎⵙⴰ, ⴷ ⵓⴳⵣⵣⵓⵎ ⵏ ⵓⵣⵔⵓⵢ ⴳ ⴽⴽⵓⵥ ⵏ ⵜⵣⵇⴰⵏⵉⵏ ⵏ ⵓⵎⵙⵏⵏⵉⵊⵉ ⴷ ⵜⵖⵎⴰⵙ ⵏ ⵉⵎⵇⵕⴰⵏ, ⴷ ⵢⴰⵏ ⵓⴳⵣⵣⵓⵎ ⵏ ⵜⴷⵓⵙⵉ ⵏ ⵜⵖⵎⴰⵙ ⵏ ⵉⴼⵔⵅⴰⵏ ⵉⵍⵍⴰ ⴳⵉⵙ ⵙⵏⴰⵜ ⵜⵎⵣⵇⴷⵉⵏ ⵏ ⵓⵣⵔⵓⵢ.

ⵉⵍⵍⴰ ⵙⵓⵍ ⴳ ⵓⵎⵎⴰⵙ ⴰⵏⵎⵏⴰⴹ ⵏ ⵓⵎⵙⵏⵏⵉⵊⵉ 17 ⵓⵙⵖⵉⵎ ⵏ ⵓⵎⵙⵏⵏⵉⵊⵉ ⵏ ⵜⵖⵎⴰⵙ, ⴷ ⵉⵍⵍⴰ ⴳⵉⵙ ⴰⵙⵖⵉⵎ ⵉⵥⵍⵉⵏ ⵙ ⵢⵎⵄⴷⵓⵔⵏ ⴷ ⵙⵉⵏ ⵉⵙⵖⵉⵎⵏ ⵙ ⵉⴼⵔⵅⴰⵏ ⴳ ⵓⴳⵣⵣⵓⵎⵏ ⵏ ⵓⴼⵓⵍⴰⵢ ⵏ ⵓⵎⵉ ⴷ ⵜⵖⵎⴰⵙⵉⵏ ⴷ ⵓⵣⵔⵓⵢ ⵉⵥⵍⵉⵏ ⵙ ⵓⵙⵔⴰⵢ ⵏ ⵜⵉⵇⵉⵎ, ⴷ ⵓⵙⴰⵔⵎ ⵏ ⵜⵙⴽⴰⵔⵏ ⵏ ⵜⵖⵎⵙⵉⵏ, ⴷ ⵎⵏⵏⴰⵡ ⵏ ⵜⵏⴰⴼⵓⵜⵉⵏ ⵢⴰⴹⵏⵉⵏ.

ⵎⵔⴰ ⴰⴷ ⵉⵙⴽⵔ ⵜⵡⵓⵔⵉⵡⵉⵏ ⵏⵏⵙ ⵙ ⵢⴰⵏ ⵓⵙⵡⵉⵔ ⴰⴼⵓⵍⴽⵉ, ⵉⵟⵟⴰⴼ ⵓⵎⵎⴰⵙ ⴰⴷ ⵢⴰⵜ ⵜⵔⴰⴱⴱⵓⵜ ⵏ ⵓⵎⵙⵏⵏⵉⵊⵉ ⵏ ⵉⵎⵉ ⴷ ⵏ ⵜⵖⵎⴰⵙ ⵉⵙⵎⴰⵏⵏ 14 ⵓⴹⴱⵉⴱ ⵉⵥⵍⵉⵏ ⵙ ⵜⵖⵎⵙⵉⵏ ⵓⵍⴰ ⵉⵏⵙⵎⴰⵇⴰⵍⵏ ⴷ ⵉⵙⴰⵜⵉⵢⵏ ⵉⵎⵙⵙⵓⴳⵔⵉⵏ ⴷ ⵉⵜⵉⵇⵏⵉⵢⵏ.

ⵉⴳⴰ ⵡⵙⵏⵜⵉ ⵢⴰⴷ ⵜⴰⵍⴽⴰⵎⵜ ⵏ ⵜⴷⵔⴰⵡⵜ ⵉⵙⵎⴰⵏⵏ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴷ ⵜⴰⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵇⵏⵉⵟⵕⴰ.

Dernière modification : 16 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%9C%E2%B4%B0%E2%B5%8E%E2%B5%94%E2%B5%99%E2%B4%B0%E2%B5%8D%E2%B5%9C-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99-%E2%B5%8F-%E2%B5%9C%E2%B4%B1%E2%B4%B7%E2%B4%B0%E2%B4%B7%E2%B5%9C-%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B5%8F