Published on MAPNews (https://www.mapnews.ma/am)

Accueil > ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵖⴰⵡⴰⵙ ⵏ ⵜⵡⵓⵔⵉ ⵢ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵓⵣⵎⵎⵣⵓ ⵏ ⵓⵙⵙⴽⵜⵉ ⵡⵉⵙⵙ 63 ⵏ ⵜⵓⵚⴽⴰ ⵏⵏⵙⵏⵜ
  1. Accueil
  2. Activités royales

ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵖⴰⵡⴰⵙ ⵏ ⵜⵡⵓⵔⵉ ⵢ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵙ ⵓⵣⵎⵎⵣⵓ ⵏ ⵓⵙⵙⴽⵜⵉ ⵡⵉⵙⵙ 63 ⵏ ⵜⵓⵚⴽⴰ ⵏⵏⵙⵏⵜ

14 ⵎⴰⵢⵢⵓ 2019 Version Imprimable
ⵕⵕⴱⴰⵟ - ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵙⵙⵉⵅⴼ ⴰⵏⴰⴼⵍⵍⴰ ⴷ ⵓⵏⵙⵙⵉⵅⴼ ⵏ ⵍⵉⵟⴰ ⵎⴰⵊⵓⵕ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ, ⴰⵙⵙ ⵏ ⵓⵙⵉⵏⴰⵙ, "ⴰⵖⴰⵡⴰⵙ ⵏ ⵜⵡⵓⵔⵉ" ⵉ ⵜⴳⴳⴰⵍⵉⵏ ⵜⵉⵍⴰⴼⵉⵏ, ⵙ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 63 ⵏ ⵜⵓⵚⴽⴰ ⵏⵏⵙⵏⵜ.

ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵖⴰⵡⴰⵙ ⴰⴷ, ⵎⴰⵙ ⴳ ⵡⴰⵢⵢⵓⵔ ⴰⵎⴱⴰⵕⴽⵉ ⵢⴰⴷ, ⵙⴼⵓⴳⵍⴰⵏ ⵉⵎⵖⵔⴰⴱⵉⵢⵏ ⴽⵓⵍⵍⵓⵜⵏ ⴰⵙⵙⴽⵜⵉ ⴰⵏⴰⵎⵓⵔ ⴰⵅⴰⵜⴰⵔ ⴰⴷ, ⵎⴰ ⵢⴰⴷ ⵉⴳⴰⵏ ⵢⴰⵏ ⵓⵣⵎⵎⵣⵓ ⵉⴼⵓⵍⴽⵉⵏ ⴳ ⵓⵎⵣⵔⵓⵢ ⵏ ⵍⵎⵖⵔⵉⴱ ⴰⵜⵔⴰⵔ, ⵎⴰ ⵢⴰⴷ ⵉⴳⴰⵏ ⵜⵓⵚⴽⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵍⵍⵉ ⵏⵙⵙⴼⵓⴳⵍⴰ ⴳ ⴰⵙⵙ ⴰⴷ ⴰⵙⵙⴽⵜⵉ ⵏⵏⵜ ⵡⵉⵙⵙ 63.

ⵉⴳⴰ ⵍⵃⴰⵍ ⵢⴰⵏ ⴰⵣⵎⵎⵣⵓ ⵉⵄⵣⵣⴰⵏ ⴷ ⵉⵙⵎⴰⵢⵏⵓⵏ ⵎⵔⴰ ⴰⴷ ⵏⵉⵏⵉ ⵉ ⵢⴼⵔⴷⴰⵙⵏ ⵏ ⵜⴳⴳⴰⵍⵉⵏ ⵏⵏⵅ ⴳ ⴽⵔⴰ ⵢⴳⴰⵜⵜ ⵉⴼⵔⴷⴰⵙⵏ, ⵙⵡⴰ ⵏ ⵡⴰⴽⴰⵍ ⵏⵖⴷ ⴰⴹⵓ ⵏⵖⴷ ⵜⴰⵢⵍⴰⵍⵜ, ⵓⵍⴰ ⵢⵊⴷⴰⵔⴰⵎⵉⵏ, ⴰⴼⵔⴰⵢ ⵍⵍⵉ ⵢⴰⴽⵏ ⵉⴼⴽⴰ ⵡⵏⵙⵙⵉⵅⴼ ⴰⵏⴰⴼⵍⵍⴰ, ⵓⵍⴰ ⴰⴷⴳⵉ ⴷ ⴰⵙⵎⵖⵔ "ⵅⴼ ⵜⵖⴰⵡⵙⴰ ⵢⴼⵓⵍⴽⵉⵏ ⵍⵍⵉ ⵜⵙⴽⵔⵎ ⴳ ⵓⵙⴳⴳⵯⴰⵙ ⴰⴷ ⵉⵣⵔⵉⵏ, ⵅⴼ ⴰⴼⴰⵔⴽ ⵏ ⵜⵎⵓⵏⵜ ⴷ ⴰⵎⵏⵖⵉ ⵅⴼ ⵓⴳⵣⵣⵓⵎ ⵏ ⵡⴰⴽⴰⵍ ⴰⵏⴰⵎⵓⵔ", ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵓⵙⴰⵜⵉ ⴰⴷ ⵏⵉⵜ, "ⵏⴼⴽⴰ ⵉⴹⵏ ⵏⵏⵅ ⵢⴰⵜⵜⵓⵢⵏ ⴰⴷ ⵙⵎⴰⵢⵏⵓⵏ ⵉⵙⵖⵡⵙⵏ ⵏ ⵓⵙⵎⵓⵜⵜⴳ ⴰⵄⵚⴽⵕⵉ ⴳ ⴽⵔⴰ ⵢⴳⴰⵜⵜ ⵓⵙⵡⵉⵔ, ⴷ ⴰⴷ ⴰⵙⵜⵡⴰⵏ ⴷ ⵣⴷⵉⵏ ⴳⵔⴰⵜ ⵏⵏⵙⵏ, ⵓⵍⴰ ⴰⴷ ⵜⵡⵓⵔⵉⵏ ⵎⵔⴰ ⴳⵣⵓⵎⵏ ⵉⵙⵖⴰⵡⵙⵏ ⵏ ⵜⵙⵖⵓⵍⵜⵏ ⵏ ⵜⵖⵓⵔⵉ ⵜⴰⵄⵚⴽⴰⵔⵉⵜ, ⴷ ⴰⴷ ⵜⵜⵓⵙⵔⴰⵙⵏ ⵉⵎⵉⴽⴰⵏⵉⵣⵎⵏ ⵏ ⵜⵡⵓⵔⵉ ⵉⵛⵛⴰⵔⵏ ⵉⵥⴹⴰⵕⵏ ⴰⴷ ⵙⵙⴱⵖⵔⵏ ⵙⴳ ⵜⵥⴹⴰⵕⵉⵏ ⵏ ⵓⵙⴰⵏⵓⵏ ⵉⵍⵍⴰⵏ ⴳ ⵓⴳⵏⵙⵓ ⵏ ⵎⵛⵜⴰ ⵏ ⵜⵏⵎⵍⵏ ⴷ ⵉⵙⵉⵏⴰⴳⵏ ⵉⵏⴰⵎⵓⵔⵏ", ⵎⴰ ⵢⴰⴷ ⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ 

ⴷ ⵉⵔⴰ ⵡⵙⵖⵡⵙ ⴰⴷ ⵉⵜⵔⴰⵔ ⵜⵉⴳⴳⴰⵍⵉⵏ ⵜⵉⵍⴰⴼⵉⵏ ⵏ ⵜⵥⴹⵕⴰ ⵏⵏⵙ ⵜⵉⵄⵚⴽⵕⵉⵢⵏ ⴷ ⵜⵎⵏⵣⴰⵖⵏ ⴷ ⴰⴷ ⵉⵜⵜⵢⴰⵙⵙⴰⵏ ⵓⵙⵓⵊⴷ ⵏⵏⵙ ⵏ ⵓⵎⵏⵣⴰⵖ ⵏ ⴽⵔⴰ ⵢⴳⴰⵜⵜ ⵙⵙⵍⴰⵃ, ⴷⴰⵜ ⵏ ⵉⵎⵉⵣⵉ ⵉⵍⵍⴰⵏⵏ ⵙⵡⴰ ⵡⵉⵏⵏ ⵉⴱⵔⵙⵉⵡⴷⵏ ⴷ ⵉⵍⵉⴽⵟⵕⵓⵏⵉⵢⵏ ⴷ ⵉⵙⵉⴱⵉⵔⵏⵉⵢⵏ, ⵉⵙⵓⵍ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ.

ⴳ ⵓⵙⴰⵜⵉ ⵏ ⵉⵡⵉⵣ ⵢⴰⵜⵜⵓⵢⵏ ⵍⵍⵉ ⵢⴼⴽⴰ ⵉ ⵜⵏⴽⵔⴰ ⵙ ⵉⴷⴷⴰⴷⵏ ⵉⵏⴰⵎⵓⵏⵏ ⵏ ⵜⵡⵊⴰ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙ ⵉⴼⴽⴰ ⵉⴹⵏ ⵏⵏⵙ ⵎⵔⴰ ⴰⴷ ⵃⴱⵓⵏ ⵎⴰⴷ ⵟⵟⴰⴼⵏ, ⴷ ⴰⴷ ⵙⵙⴼⴰⵍⴽⵉⵏ ⵉⵙⵓⵜⵍⵏ ⵏ ⵜⵡⵓⵔⵉ ⵏⵙⵏⵏ, ⴷ ⴰⴷ ⵟⵟⴼⵏ ⵉⵎⴰⵙⵙⵏ ⵉⵅⵚⵚⴰⵏ ⵎⵔⴰ ⴰⴷ ⵖⵍⵉⵏ ⵉⵡⵏⴳⵉⵎⵏ ⵏⵏⵙⵏ ⴰⴼ ⴰⴷ ⴱⴷⴷⴰ ⴳⵉⵏ ⵜⴰⵏⴰⴼⵓⵔⵜ ⵏ ⵜⵎⴰⵣⵉⵔⵜ ⴷ ⵓⴼⴰⵔⴽ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⴷ ⵜⵎⵔⵙⴰⵍⵉⵏ ⵏⵏⵙ. 

ⵉⵇⵇⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵖⴰⵡⵙⴰ ⵢⴰⴷ ⵍⵍⵉⵖ ⵉⵜⵜⵔ ⵕⵃⵎⵜ ⵉ ⵢⴳⵍⵍⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙⵙ ⵙⵉⵏ ⴷ ⴰⴷ ⴰⵢⵜⵏ ⵉⴼⴽ ⵍⵊⵊⵏⵜ ⴷ ⴰⴷ ⵜⵏ ⵉⵙⵎⵓⵏ ⴷ ⵉⵔⵇⵇⴰⵙⵏ ⵏ ⵕⴱⴱⵉ ⴷ ⵛⵛⵓⵀⴰⴷⴰ.

Dernière modification : 14 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B4%BC%E2%B4%BD%E2%B4%B0-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B0%E2%B5%96%E2%B4%B0%E2%B5%A1%E2%B4%B0%E2%B5%99-%E2%B5%8F-%E2%B5%9C%E2%B5%A1%E2%B5%93%E2%B5%94%E2%B5%89-%E2%B5%A2-%E2%B5%9C%E2%B4%B3%E2%B4%B3%E2%B4%B0%E2%B5%8D%E2%B5%89%E2%B5%8F-%E2%B5%9C%E2%B5%89%E2%B5%8D%E2%B4%B0%E2%B4%BC%E2%B5%89%E2%B5%8F-%E2%B5%9C%E2%B5%89%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%89%E2%B5%8F-%E2%B5%99-%E2%B5%93%E2%B5%A3%E2%B5%8E%E2%B5%8E%E2%B5%A3%E2%B5%93-%E2%B5%8F