Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵕⵕⴱⴰⵟ ⵢⴰⵏ ⴰⵎⵎⴰⵙ ⴰⵎⵙⵏⵉⵊⵊⵉ ⵏ ⵓⴽⵎⵓⵔ - ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵕⵕⴱⴰⵟ ⵢⴰⵏ ⴰⵎⵎⴰⵙ ⴰⵎⵙⵏⵉⵊⵊⵉ ⵏ ⵓⴽⵎⵓⵔ - ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ

11 ⵎⴰⵢⵢⵓ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⵙ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⵓⴷⴷⵓⵔⵜ ⵍⵢⵓⵙⵓⴼⵢⵢⴰ ⴳ ⵕⵕⴱⴰⵟ, ⴰⵕⵥⵥⵓⵎ ⵏ ⵢⴰⵏ ⵓⵎⵎⴰⵙ ⴰⵎⵙⵏⵉⵊⵊⵉ ⵏ ⵓⴽⵎⵓⵔ - ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⵎⴰ ⵢⴰⴷ ⵉⵜⵜⵓⵙⴽⴰⵔⵏ ⵙ ⵢⴰⵏ ⵓⵙⵙⴰⵔⵓ ⵏ 63 ⴰⵎⵍⵢⵓⵏ ⵏ ⴷⴷⵔⵀⵎ.

ⴰⵙⵏⵜⵉ ⴰⵏⵎⵢⴰⵍⴰⵍ ⴰⴷ, ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵡⵓⵔⵉⵡⵉⵏ ⵏ ⵜⵓⵚⴽⴰ ⵏⵏⵙ ⴰⵙⵙ ⵏ 24 ⵎⴰⵕⵚ 2017, ⵔⴰⴷ ⵉⵡⵡⵓⵔⵉ 24 ⵜⵙⵔⴰⴳⵜ ⵙⴼ 24. ⴽⴽⵓⵥ ⵏ ⵉⵎⵖⴰⵡⵍⵏ ⵔⴰⴷ ⴳⵉⵜ ⵡⵓⵔⵉⵏ ⴽⵔⴰ ⵢⴳⴰⵜⵜ ⵢⴰⵏ ⴳⵉⵜⵙⵏ ⵙ ⵜⴽⵍⵉⵜ ⵏⵏⵙ ⴰⵎⵎⴰⵙ ⵏ ⵢⴰⵜ ⵜⵏⴰⴼⵓⵜ ⵏ 12/36 ⵜⵙⵔⴰⴳⵜ, ⴷ ⵔⴰⴷ ⴰⵎⵥⵏ ⵜⴰⵏⴹⴰⴼⵜ, ⵙⵍⴰⵡⴰⵏ ⴰⴽⴽⵯ ⴳ ⵓⴳⵣⵣⵓⵎ ⴰⵜⵉⵇⵏⵉ ⵏ ⵜⵔⵡⴰ ⴷ ⴳ ⵜⴷⴰⵍⴰ ⵏ ⵓⵙⴰⵙⴼⵔ.  

ⵜⴰⵙⵎⵉⴳⵍⵜ ⵏ ⵓⵎⵎⴰⵙ ⵉⴳⴰⵜⵜ ⴰⴷ ⵜⴰⵡⵡ ⵡⴷⴼⴼⵓⵕ ⴰⵎⵙⵏⵉⵊⵊⵉ ⴰⵣⵎⵣⴰⵏ ⵓⵍⴰ ⴰⵍⵓⴳⴰⵏ ⵉ ⴽⵔⴰ ⵢⴳⴰⵜⵜ ⵢⴰⵏ ⵉⵃⵜⴰⵊⵊⴰⵏ ⵉⵣⵔⵔⴰⵢⵏ ⵉⵎⵥⵍⵉⵏ. 

ⵔⴰⴷ ⵉⵙⴱⵖⵔ ⵓⵎⵎⴰⵙ ⴰⵎⵙⵏⵉⵊⵊⵉ ⵏ ⵓⴽⵎⵓⵔ - ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⵓⴳⴳⴰⵔ ⵏ 160.000 ⴰⵎⵣⴷⴰⵖ, ⴷ ⵉⵟⵟⴰⴼ ⴼ ⵖⵉⴽⴰⵏⵏ ⵎⵏⵏⴰⵡ ⵏ ⵜⵏⴰⴼⵓⵜⵉⵏ, ⵣⵓⵏⴷ ⴰⴳⵊⴷⵉ ⵏ ⵉⵖⴰⵡⵍⵏ ⵉⵎⵙⵏⵉⵊⵊⵉⵏ ⵏ ⵓⴽⵎⵓⵔ, ⴷ ⵓⴳⵊⴷⵉ ⵏ ⴰⵣⵔⵔⴰⵢ ⵉⵥⵍⵉⵏ ⵏ ⴱⵕⵕⴰ, ⵢⴰⵏ ⵓⴳⵊⴷⵉ ⴰⵎⵙⵏⵉⵊⵊⵉ ⴰⵜⵉⵇⵏⵉ ⵉⵎⴰⵏⵏ ⴷ ⵢⴰⵜ ⵜⴷⴰⵍⴰ ⵏ ⵓⴼⵍⴰⵢ, ⴷ ⵎⵏⵏⴰⵡ ⵢⴰⴹⵏⵉⵏ.

ⵉⵟⵟⴰⴼ ⵙⵓⵍ ⵓⵎⵎⴰⵙ ⴰⴷ ⵉⵎⴰⵙⵙⵏ ⵏ ⵜⴰⵙⵓⵜ ⵉⴳⴳⵯⵔⴰⵏ, ⵓⵍⴰ ⵢⴰⵜ ⵜⴰⵎⵙⵙⵓⴷⵓⵜ ⵏ ⵉⵎⵓⴹⴰⵏ ⵏ ⵓⵏⴰⵡ "ⴱ" ⵍⵍⵉ ⵔⴰⴷ ⵜⴰⵙⵙⵉ ⵉⵎⴰⴹⵓⵏⵏ.     

ⴰⴼ ⴰⴷ ⵉⵙⴽⵔ ⵜⴰⵙⵎⵉⴳⵍⵜ ⵏⵏⵙ, ⵉⵙⵎⴰⵏ ⵓⵎⵎⴰⵙ ⴰⵎⵙⵏⵉⵊⵊⵉ ⵏ ⵓⴽⵎⵓⵔ - ⵜⵉⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ 24 ⵉⴹⴱⵉⴱⵏ ⵉⵎⴰⵜⴰⵢⵏ ⴷ ⵉⵎⵥⵍⴰⵢⵏ ⴷ ⵉⵖⴰⵡⵍⵏ, ⵓⵍⴰ 27 ⵉⵏⵙⵎⴰⴳⴰⵍⵏ ⴷ ⴽⴽⵓⵥ ⵏ ⵓⵎⵙⵙⵓⴳⵓⵔⵏ. 

ⵣⵓⵏⴷ ⵉⵎⴰⵙⵙⵏ ⵍⵍⵉ ⵔⴰⴷ ⵉⵍⵉⵏ ⴳ ⵟⴰⵏⵊⴰ (ⵜⴰⵙⵓⵏⴹⵜ ⴱⵏⵉ ⵎⴰⴽⴰⴷⴰ) ⴷ ⴹⴹⴰⵕⵍⴱⵉⴹⴰ (ⵜⵓⴷⴷⵓⵔⵜ ⵙⵉⴷⵉ ⵎⵓⵎⵏ ⴷ ⵜⵉⵖⵔⵎⵜ ⵜⴰⵎⴰⵢⵏⵓⵜ ⵕⵕⵃⵎⴰ) ⴷ ⵜⵎⴰⵔⴰ, ⵉⴽⵛⵎ ⵓⵎⵎⴰⵙ ⴰⴷ ⴳ ⵓⵙⴰⵜⵉ ⵏ ⵢⴰⵏ ⵓⵙⵖⵉⵡⵙ ⵍⵍⵉ ⵜⵙⴽⵔ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⵎⴰ ⵢⴰⴷ ⵉⵔⴰⵏ ⴰⴷ ⵉⵏⵏⵍ ⵉⴳⵔ ⴰⵎⵙⵏⵉⵊⵊⵉ ⴰⵏⴰⵎⵓⵔ. 

Dernière modification : 11 ⵎⴰⵢⵢⵓ 2019
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%A2%E2%B4%B0%E2%B5%8F-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B4%B0%E2%B5%8E%E2%B5%99%E2%B5%8F%E2%B5%89%E2%B5%8A%E2%B5%8A%E2%B5%89-%E2%B5%8F-%E2%B5%93%E2%B4%BD%E2%B5%8E%E2%B5%93%E2%B5%94-%E2%B5%9C%E2%B5%89%E2%B5%8E%E2%B5%94%E2%B5%99%E2%B5%8D%E2%B5%9C-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99