ⵜⵙⵎⵓⵏ ⵢⴰⵜ ⵜⴱⵔⴰⵜ ⵏ ⵉⵇⵇⴰⵔⵉⴹⵏ ⵏ 70,242 ⴰⵎⵍⵢⵓⵏ ⵏ ⴷⴷⵔⵀⵎ, ⵔⴰⴷ ⵜⵙⴱⵖⵔ ⵜⵎⵀⵍⴰ "ⵕⵎⴹⴰⵏ 1440" ⴳ ⵓⵙⴳⴳⵯⴰⵙ ⴰⴷ ⵓⴳⴳⴰⵔ ⵏ 2.5 ⴰⵎⵍⵢⵓⵏ ⵏ ⵎⴷⴷⵏ, ⵉⵣⴷⵖⵏ ⴳ 83 ⵜⵙⴳⴰ ⴷ ⵜⵏⴱⴹⴰⵢⵜ ⵏ ⵜⴳⵍⴷⵉⵜ, ⵎⴰ ⵢⴰⴷ ⵉⵙⵎⴰⵏⵏ 500.300 ⵜⵡⵊⴰ ⵉⵣⴷⵖⵏ ⴷⵉⴳⵙⵏ 402.238 ⵉⵍⵍⴰⵏ ⴳ ⵓⵎⵎⴰⵙ ⴰⴼⵔⴰⵏ.
ⵜⵜⵓⵙⵏⵎⴰⵍⴰ ⵜⵎⵀⵍⴰ ⵜⴰⵏⴰⵎⵓⵔⵜ ⴰⴷ ⵙ ⵓⵏⵏⴰⵍ ⵏ ⵜⵎⴰⵡⴰⵙⵜ ⵏ ⵓⴳⵏⵙⵓ (ⵜⴰⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⴷⵖⵔⴰⵏⵉⵏ) ⴷ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴷ ⵜⵍⴽⵎ ⵜⴰⵡⴰⵍⴰ ⵜⵉⵙⵙ 20 ⵏⵏⵙ.
ⵎⵔⴰ ⴰⴷ ⵜⵣⵔⵉ ⵜⵎⵀⵍⴰ ⵢⴰⴷ ⴳ ⵓⵙⵡⵉⵔ ⵉⴼⵓⵍⴽⵉⵏ, ⵎⵓⵙⵙⵓⵏ ⵎⵏⵏⴰⵡ ⵏ ⵉⴼⴹⵏ ⵏ ⵎⴷⴷⵏ, ⵍⵍⵉ ⵜⵏ ⵏⵏⴰⵍⵏ ⵜⵡⵉⵙⵉⵏ ⵜⵉⵏⴰⵎⵓⵏⵉⵏ ⴷ ⵜⵉⵏⴼⴳⴰⵏⵉⵏ, ⵍⵍⴰⵏ ⴷⵉⴳⵙⵏ ⵉⵄⵔⵔⵉⵎⵏ ⵉⵏⵍⵎⴰⴷⵏ.
ⵙⵎⵏⵉⴷⵏ ⵓⴳⵔⴰⵡ ⴰⵣⵣⵓⵍⴰⵏ ⵏ ⵍⴰⴱⵏⴰⴽ ⵏ ⵍⵎⵖⵔⵉⴱ ⴷ ⵓⵙⴱⴰⵢⵏⵓ ⴰⵎⴰⵜⴰⵢ ⵏ ⵜⴳⵍⴷⵉⵜ ⴰⵏⵏⴰⵍ ⵏⵏⵙⵏ ⵉ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⴷ ⴷⵔⴰⵏ ⴳ ⵜⵉⴹⴰⴼ ⵏ ⵉⵎⵏⵉⴷⵏ ⵏ ⵓⵥⵕⴼ ⵏ ⵜⵎⵀⵍⴰ ⵢⴰⴷ. ⴰⵎⵎⴰ ⵡⵙⵉⵔⴰ ⴰⵏⴰⵎⵓⵔ ⵏ ⵜⵏⴼⵓⵔⵜ ⵏ ⵜⴷⵓⵙⵉ ⴷ ⵉⵢⴰⴼⵓⵏ ⵉⵎⵙⴷⴰⵡⵏ, ⵜⴱⵉⴷⴷ ⵅⴼ ⵉⵢⴰⴼⵓⵏ ⵉⵎⵙⴷⴰⵡⵏ ⵉⵜⵜⵢⵢⴰⴽⴽⴰⵏ ⴳ ⵓⵎⵎⴰⵙ ⵏ ⵜⵎⴳⵍⴰ "ⵕⵎⴹⴰⵏ 1440".