Published on MAPNews (https://www.mapnews.ma/am)

Accueil > ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵎⵎⴰⵙ ⵏ ⵓⵣⵔⴰⵢ ⵏ ⵓⵣⵏⵣⴰⵔ ⴷ ⵜⵉⴼⵙⵉⵡⵉⵏ ⵏ ⵜⴷⵓⵙⵉ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵕⵕⴱⴰⵟ
  1. Accueil
  2. Activités royales

ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵎⵎⴰⵙ ⵏ ⵓⵣⵔⴰⵢ ⵏ ⵓⵣⵏⵣⴰⵔ ⴷ ⵜⵉⴼⵙⵉⵡⵉⵏ ⵏ ⵜⴷⵓⵙⵉ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵕⵕⴱⴰⵟ

24 ⵉⴱⵔⵉⵔ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⴰⵙⵙ ⵏ ⵓⴽⵕⴰⵙ ⴳ ⵜⵙⵓⴽⵜ ⵏ ⵕⵕⵢⴰⴹ ⴳ ⵕⵕⴱⴰⵟ, ⴰⵕⵥⵥⵓⵎ ⵏ ⵢⴰⵏ ⵓⵎⵎⴰⵙ ⵏ ⵓⵣⵔⴰⵢ ⵏ ⵓⵣⵏⵣⴰⵔ ⴷ ⵜⴼⵙⵉⵡⵉⵏ ⵏ ⵜⴷⵓⵙⵉ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵕⵕⴱⴰⵟ, ⵎⴰ ⵢⴰⴷ ⵉⴽⵛⵎⵏ ⴰⵎⵎⴰⵙ ⵏ ⵜⵚⴽⴰⵡⵉⵏ ⵏ ⵜⴷⵓⵙⵉ ⵉⵟⵟⴰⴼⵏ ⵜⴰⵜⵉⴽⵏⵉⵍⵓⵊⵉⵜ ⵏ ⵉⵙⴱⴷⴷⴰⴷⵏ ⵉⵎⴰⴹⵍⴰⵏⵏ ⵎ ⵢⴰⴷ ⵉⵎⵍⴰⵏ ⴰⵙⵎⴰⵢⵏⵓ ⵏ ⵉⵡⵉⵣ ⵢⴰⵜⵜⵓⵢⵏ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵢⴼⵔⴷⴰⵙⵏ ⵏ ⵜⵎⵔⵙⴰⵍⵜ ⴰⴷ ⵜⴰⵇⴱⵓⵔⵜ.

ⵉⵜⵜⵓⵙⴽⴰⵔ ⵓⵎⵎⴰⵙ ⵏ ⵓⵣⵔⵓⵢ ⴷ ⵏ ⵓⵙⴼⵙⵉ ⵏ ⵜⴷⵓⵙⵉ ⵢⴰⴷ, ⵍⵍⵉ ⵢⵜⵜⵓⵚⴽⴰⵏ ⴳ ⴽⵕⴰⴹ ⵏ ⵉⵙⵡⵔⵏ (ⵜⴽⵍⵉⵜ ⴷⴷⵓ ⵏ ⵡⴰⴽⴰⵍ ⴷ ⵜⴽⵍⵉⵜ ⵏ ⵡⴰⴽⴰⵍ ⴷ ⵜⴽⵍⵉⵜ ⵜⴰⵎⵣⵡⴰⵔⵓⵜ), ⴰⵎⵎⴰⵙ ⵏ ⵢⴰⵏ ⵓⴳⵣⵣⵓⵎ ⵏ ⵡⴰⴽⴰⵍ ⵉⵙⵎⴰⵏⵏ ⵢⴰⵏ ⵉⴼⴹ ⴰⵎⵉⵍⵉⵎⵉⵜⵔ ⴰⵎⴽⴽⵓⵥ, ⴷ ⵉⵟⵟⴰⴼ ⴰⵎⵎⴰⵙ ⵏ ⵓⵣⵔⴰⵢ ⵏ ⵓⵣⵏⵣⴰⵔ, ⴷ ⴰⴼⵙⴰⵢ ⵏ ⵜⴷⵓⵙⵉ, ⴷ ⵚⵚⴱⵉⵟⴰⵕ ⴰⵎⴰⵡⴰⵙⵙ ⵉⵍⵍⴰⵏ ⴷⵉⴳⵙ ⵉⵎⴰⵙⵙⵏ ⴳ ⵜⴰⵙⵓⵜ ⵜⴰⵎⴰⵢⵏⵓⵜ.

ⴼ ⵖⵉⴽⴰⵏⵏ, ⵉⵍⵍⴰ ⴳ ⵓⵎⴰⵙⵙ ⵏ ⵓⵣⵔⵓⵢ ⵏ ⵓⵙⴼⵙⵉ ⵏ ⵓⵣⵣⵉⵔ ⵢⴰⵜ ⵜⵎⵣⵇⴰ ⵏ ⵓⵙⴼⵙⴰⵢ ⴰⴱⵓⵏⵓⵔⴰⵎⵉ ⵏ ⵓⵣⵣⵉⵔ ⵏ ⵜⵖⵎⵙⴰ, ⴷ ⵓⵣⵣⵔⵓⵢ ⵏ ⵍⵎⴰⵡⵊⴰⵜ ⴷⴷⵓ ⵏ ⵜⴼⴹ, ⴷ ⵓⵎⵎⴰⵥ ⵏ ⵜⵡⵍⴰⴼⵜ ⵏ ⵜⵎⴰⴹⵓⵏⵜ ⵏ ⵉⴼⴼ (ⵓⵣⵣⵔⴰⵢ ⴰⵎⵣⵡⴰⵔⵓ), ⴷ ⵜⴰⵙⵉⵍⴰ ⵏ ⵉⵄⵔⵉⵎⵏ ⴷ ⵜⴼⴰⵡⵜ ⵏ ⵕⵕⴰⵏⵉⵏ ⴰⵎⵖⵏⴰⵟⵉⵚⵉ, ⴷ ⵓⵎⴰⵙ ⵏ ⵙⴽⴰⵏⵉⵕ ⵏ 32 ⵛⴰⵔⵉⵃⴰ ⴷ 64 ⴰⴳⵣⵣⵓⵎ.

ⴳ ⵓⵙⴰⵜⵉ ⵏ ⵓⵙⴼⵙⵉ ⵏ ⵜⴷⵓⵙⵉ, ⵉⵍⵍⴰ ⴷⵉⴳⵙ ⴰⴳⵣⵣⵓⵎⵏ ⵏ ⵜⵉⴽⴽⵉ ⵏ ⵉⵎⵣⵡⵓⵔⴰ, ⴷ ⴰⴳⵣⵣⵓⵎ ⵏ ⵍⵎⵉⴽⵕⵓⴱⵢⵓⵍⵓⵊⵢⴰ ⴷ ⵓⵣⵣⵔⴰⵢ ⵏ ⵉⴷⴰⵎⵎⵏ ⴷ ⵜⵡⵓⵍ ⴷ ⵜⵎⵉⵜⴰⵔ ⵏ ⵍⴰⵡⵕⴰⵎ.

ⴰⵎⵎⴰ ⵚⵚⴱⵉⵟⴰⵕ ⴰⵎⴰⵡⴰⵙⵙ, ⵉⵍⵍⴰ ⴷⵉⴳⵙ 8 ⵜⵉⵎⵣⵉⴳⴷⴰ, ⵢⴰⵏ ⵉⵥⵍⵉⵏ ⵙ ⵉⵎⵛⵛⵉⵡⵔⵏ ⵏ ⵜⴷⵓⵙⵉ ⵜⴰⵎⴰⵜⴰⵢⵜ ⴷ ⵢⴰⵏ ⵢⴰⴹⵏⵉⵏ ⵉⵥⵍⵉ ⵙ ⵓⵔⴰⵢ ⵏ ⵜⵉⵎⴰⴹⵓⵏⵉⵏ ⵉⴳⴳⵓⵜⵏ. 

ⵎⵔⴰ ⴰⴷ ⵉⵙⴽⵔ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵏⵉⴷ ⴰⴼⵓⵍⴽⵉ, ⵉⵟⵟⴰⴼ ⵓⵎⵎⴰⵙ ⵏ ⵓⵣⵔⵓⵢ ⴷ ⵏ ⵜⴼⵙⵉⵡⵉⵏ ⵏ ⵜⴷⵓⵙⵉ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵉⵙⵜⵉⵏ ⵏⵏⵙ ⴰⵎⵎⴰⵙ ⵏⵏⵙⵏ ⴽⴽⵓⵥ ⵏ ⵉⴹⴱⵉⴱⵏ ⴷ ⵜⴰⵎ ⵉⵜⵉⵇⵏⵉⵢⵏ ⵏ ⵓⵙⴰⵔⵎ, ⴷ ⴽⴽⵓⵥ ⵏ ⵉⵜⵉⵇⵇⵏⵉⵢⵏ ⵉⵥⵍⵉⵏ ⴳ ⵓⵣⵣⵔⵓⵢ ⵏ ⵓⵣⵏⵣⴰⵔ, ⴷ ⴽⴽⵓⵥ ⵏ ⵉⵏⵙⵎⴰⴳⵍⵏ, ⴷ ⴽⴽⵓⵥ ⵏ ⵉⵙⵜⵉⵏ ⵏ ⵜⵎⵙⵙⵓⴳⵔⵜ, ⴷ ⵎⵔⴰⵡ ⵏ ⵉⵎⵙⵡⵓⵔⵉⵏ ⵏ ⵜⵡⵉⵙⵉ.

ⴷ ⵉⵍⵍⴰ ⴳ ⵓⵎⵎⴰⵙ ⴰⵎⴰⵢⵏⵓ ⴰⴷ ⵙⵉⵏ ⵏ ⵓⴳⵣⵣⵓⵎⵏ ⵏ ⵜⴷⵓⵙⵉ ⵉⵜⵜⵎⵓⵜⴰⵢⵏ ⵉⵟⵟⴰⴼⵏ ⴰⴽⴽⵯ ⵉⵎⴰⵙⵙⵏ ⵉⵅⵚⵚⴰⵏ. 

ⵍⵍⵉⵖ ⵉⵍⴽⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙ ⵓⵎⵎⴰⵙ ⵏ ⵓⵣⵔⴰⵢ ⵏ ⵓⵣⵏⵣⴰⵔ ⴷ ⵜⴼⵙⵉⵡⵉⵏ ⵏ ⵜⴷⵓⵙⵉ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴳ ⵕⵕⴱⴰⵟ, ⵉⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵓⵃⴹⵓ ⴰⴳⵍⴷⴰⵏ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵜ ⵉⵣⵓⵍ ⵍⵡⴰⵍⵉ ⵉⴹⴼⴰⵕⵏ ⵉ ⵍⵡⵉⵍⴰⵢⴰ, ⴷ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵜⵎⵏⴱⴰⴹⵜ ⵏ ⵕⵕⴱⴰⵟ ⴰⴳⴷⴰⵍ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ, ⴷ ⵎⵏⵏⴰⵡ ⵏ ⵉⵎⵙⵜⴳⴳⴰⵔⵏ ⵢⴰⴹⵏⵉⵏ.

Dernière modification : 24 ⵉⴱⵔⵉⵔ 2019
Source URL: https://www.mapnews.ma/am/activites-royales/%E2%B5%89%E2%B5%95%E2%B5%A5%E2%B5%8E-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%A2%E2%B4%B0%E2%B5%8F-%E2%B5%93%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%A3%E2%B5%94%E2%B4%B0%E2%B5%A2-%E2%B5%8F-%E2%B5%93%E2%B5%A3%E2%B5%8F%E2%B5%A3%E2%B4%B0%E2%B5%94-%E2%B4%B7-%E2%B5%9C%E2%B5%89%E2%B4%BC%E2%B5%99%E2%B5%89%E2%B5%A1%E2%B5%89%E2%B5%8F-%E2%B5%8F-%E2%B5%9C%E2%B4%B7%E2%B5%93%E2%B5%99%E2%B5%89-%E2%B5%8F-%E2%B5%9C%E2%B5%8F%E2%B4%BC%E2%B5%94%E2%B5%93%E2%B5%9C