Published on MAPNews (https://www.mapnews.ma/am)

Accueil > ⵜⵙⵙⵉⵅⴼ ⵍⵍⴰⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴳⵍⴷⵓⵏⵜ ⵍⵍⴰⵍⴰ ⵃⵙⵏⴰ ⵓⵕⵥⵥⵓⵎ ⵏ ⵓⵙⴼⵙⴰⵔ "ⵉⴽⵍⵓⵏ ⵜⴰⵙⵢⴰⴼⵉⵏ ..ⵜⵡⵓⵔⵉⵡⵉⵏ ⵜⵏⴰⵥⵓⵔⵉⵏ ⵜⵅⴰⵜⴰⵔⵉⵏ ⵏ ⵜⵙⵏⵏⵉⵖⵜ  ⵏ ⵓⵕⵚⴰⵢ" 
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⵍⴰⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴳⵍⴷⵓⵏⵜ ⵍⵍⴰⵍⴰ ⵃⵙⵏⴰ ⵓⵕⵥⵥⵓⵎ ⵏ ⵓⵙⴼⵙⴰⵔ "ⵉⴽⵍⵓⵏ ⵜⴰⵙⵢⴰⴼⵉⵏ ..ⵜⵡⵓⵔⵉⵡⵉⵏ ⵜⵏⴰⵥⵓⵔⵉⵏ ⵜⵅⴰⵜⴰⵔⵉⵏ ⵏ ⵜⵙⵏⵏⵉⵖⵜ  ⵏ ⵓⵕⵚⴰⵢ" 

09 ⵉⴱⵔⵉⵔ 2019 Version Imprimable
ⵕⵕⴱⴰⵟ - ⵜⵙⵙⵉⵅⴼ ⵍⵍⴰⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴳⵍⴷⵓⵏⵜ ⵍⵍⴰⵍⴰ ⵃⵙⵏⴰ , ⴰⵙⵙ ⵏ ⵓⵙⵉⵏⴰⵙ ⴳ ⵜⴰⵙⵏⵏⵉⵖⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⴰⵥⵓⵕⵉ ⴰⵜⵔⴰⵔ , ⵓⵕⵥⵥⵓⵎ ⵏ ⵓⵙⴼⵙⴰⵔ ""ⵉⴽⵍⵓⵏ ⵜⴰⵙⵢⴰⴼⵉⵏ ..ⵜⵡⵓⵔⵉⵡⵉⵏ ⵜⵏⴰⵥⵓⵔⵉⵏ ⵜⵅⴰⵜⴰⵔⵉⵏ ⵏ ⵜⴰⵙⵏⵏⵉⵖⵜ  ⵏ ⵓⵕⵚⴰⵢ" ⵍⵍⵉ ⵢⵜⵓⵙⵏⵎⴰⵍ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⴷ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴼⵕⴰⵏⵚⵉⵚⵜ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵔⵓⵏ. 

ⵉⴳⴰ ⵢⴰⵏ ⵓⵙⴼⵙⴰⵔ ⴰⵅⴰⵜⴰⵔ ⵍⵍⵉ ⵢⵜⵓⵙⵏⵎⴰⵍⴰ ⴰⵔ 31 ⵖⵓⵛⵜ  ⵍⵍⵉ ⵢⴳⴰ ⵡⵎⵣⵡⴰⵔⵓ ⵏ ⵜⴰⵙⵢⴰⴼⵜ ⴳ ⵉⵍⵍ ⵓⵎⵍⵍⵉⵍ ⴰⵏⴰⵎⴰⵙ , ⴷ ⵉⵜⵓⵙⵏⵎⴰⵍⴰ ⵙ ⵜⴰⵙⵏⵜⴰⵢⵜ ⵏ ⵜⵎⵔⵙⴰⵍⵜ ⵜⴰⵏⴰⵎⵓⵔⵜ ⵏ ⵜⵙⵏⵏⵉⵖⵉⵏ , ⴷ ⵓⵎⵢⴰⵡⴰⵙ ⵉⵎⴰⵙⵙⵏ ⴷ ⵉⵙⴼⵙⴰⵔⵏ ⵉⵙⵍⵉⴷⵏ ⵙⴳ ⵜⴰⵙⵏⵏⵉⵖⵜ ⵓⵔⵚⴰⵢ ⵉⵔⴰ ⴷⴼⴼⵉⵔ ⵏ ⵎⵏⵏⴰⵡ ⵏ ⵜⵣⵇⵇⴰⵏⵉⵏ ⵍⵍⵉ ⵙⵡⵍⵏ ⴽⵓⵍ ⴳⵉⵙⵏ ⵅⴼ ⵢⴰⵏ ⴽⵍⵓⵏ ⵉⵍⵍⴰⵏ , ⴷ ⵓⵍⴰ ⴰⴷ ⵉⴱⴰⵢⵏ ⵎⴰⵙ ⵜⵉⴼⴰⵡⵜ ⵏ ⴽⵍⵓⵏ ⴷ ⵜⵡⵓⵔⵉ ⵅⴼ ⵉⵎⵓⵙⵙⵓ ⵏ ⵓⵙⵉⴷ ⵢⴰⵏ ⵓⵏⵣⴰ ⵏ ⵜⴰⵙⵢⴰⴼⵉⵏ ⴷ ⵜⵉⵎⵢⴰⵏⵓⵜⵉⵏ ⵏ ⵉⵙⵉⴳⴳⵍⵏ ⴳ ⴰⴽⵓⴷ ⴷ ⵜⵖⴰⵔⴰⵙⵏ ⴷ ⵜⵙⵇⵙⵉⵏ ⵍⵍⵓⵎⵏ ⵏ ⴽⵓⵍ ⴰⵏⴰⵣⵓⵔ .

ⴳ ⵓⵣⵎⵎⵣⵓ ⴷⵖ , ⵜⵙⵎⵏⵉⴷ ⵜⵎⴰⵔⵉⵜ  ⵏ ⵓⵙⴼⵙⴰⵔ ⵎⴰⵙⵙⴰ ⵙⴰⴱⵉⵏ ⴽⴰⵣⵏⴰⴼ ,ⴷ ⴰⵎⴰⵔⵉ ⵏ ⵓⵙⴼⵙⴰⵔ ⵍⵍⵉ ⵢⴷⵔⴰ ⵎⴰⵙⵙ ⴱⵓⵍ ⴱⵉⵔⴰⵏ , ⵉ ⵍⵍⴰⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴳⵍⴷⵓⵏⵜ ⵍⵍⴰⵍⴰ ⵃⵙⵏⴰ ⵉⵙⵙⴼⵔⵓⵏ ⵅⴼ ⵜⵡⵓⵔⵉⵡⵉⵏ ⵏ ⵜⴰⵥⵓⵕⵉ ⵉⵍⵍⴰⵏ , ⴷⴼⴼⵉⵔ ⴰⴷ ⵜⵙⴽⵔ ⵢⴰⵏ ⵓⵏⵏⴰⴹ ⴳ ⵎⵛⵜⴰ ⵏ ⵉⵏⵙⴰⵏ ⵏ ⵓⵙⴼⵙⴰⵔ .   

ⴳ ⵜⴰⴷⵍⴰ ⵉⵜⵜⵓⵙⵜⴰ ⵏ ⵜⴰⵥⵓⵕⵉ ⵜⵅⴰⵜⴰⵔⵏ ⵙⴳ ⵓⴳⵔⴰⵡ ⵏ ⵜⴰⵙⵏⵏⵉⵖⵜ ⵓⵔⵚⴰⵢ , ⵉⴱⴰⵢⵏ ⵓⵙⴰⴼⴰⵔ ⵎⴰⵙ ⵉⴷⵡⴰⵍ ⵏ ⵜⴰⵙⵢⴰⴼⵉⵏ ⴰⵙⵏⵎⵍ ⵏ ⵜⴰⵥⵓⵕⵉ ⵏ ⵜⴰⴼⵔⵉⵙⵜ ⴰⵛⴽⵓ ⵙⵙⵏⵜⵏ ⴳ ⵍⵍⵓⵎⵏ ⴰⴷ ⵙⵔⵙⵏⵜ ⵏ ⵉⴽⵓⵍⵏ , ⴰⵎⵎ ⵜⵙⵍⴽⴰⵎⵜ ⵏ ⵉⵔⵎⵉⵏ ⴳ ⵓⵙⴰⵢⵔⴰⵔ , ⴷ ⵜⵓⵙⵙⵏ ⵜⵖⴱⵓ ⴳ ⵜⵡⵓⵔⵉⵡⵉⵏ ⴰⵎⵎ ⴷⵓⵍⴰⴽⵔⵡⴰ ⵓⵍⴰ ⵜⵉⵏⴰⵢⵜⵉⵏ ⵜⵎⴰⵙⴰⵏⵉⵏ ⵍⵍⵉ ⵍⵍⴰⵏ ⴳ ⵓⵣⵎⵣ ⴰⴷ.

ⵍⵍⵉⵖ ⵜⵍⴽⵎ ⵍⵍⴰⵍ ⵍⵍⴰⵍ ⵏ ⵜⴰⵜⵜⵓⵢⵜ ⵜⴳⵍⴷⴰⵏⵜ ⵜⴳⵍⴷⵓⵏⵜ ⵍⵍⴰⵍⴰ ⵃⵙⵏⴰ ⵉ ⵜⴰⵙⵏⵏⵉⵖⵜ ⵜⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵜⵉⵍⴰⴼⵉⵏ ⵏ ⵜⵡⵉⵙⵉ , ⴷⴷⴼⵉⵔ ⴰⴷ ⵣⵓⵍⵏⵜ ⵎⵓⵃⵎⵎⴷ ⵙⴰⵊⵉⴷ: ⴰⵎⴰⵡⵙⴰⵙ ⵏ ⵜⵎⴰⵍⵍⴰⵢⵜ ⴷ ⵓⵙⵙⴰⵢ ⴰⵎⴰⴹⵓ ⴷ ⵜⴳⵎⴰⵔⵜ ⵜⴰⵇⴱⵓⵕⵜ ⴷ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵓⵎⴰⵡⵙⴰⵙ ⵏ ⵜⴰⴷⵍⵙⴰ ⴷ ⵓⵎⵢⴰⵡⴰⴹ ⵎⵓⵃⵎⵎⴷ ⵍⵄⵕⵊ , ⴷ ⵉⵎⵛⵛⵉⵡⵔ ⴰⴷⵉⴱⵍⵓⵎⴰⵙⵉ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴼⵕⴰⵏⵚⵉⵚⵜ ⵓⵔⵉⵍⵢⴰⵏ ⵍⵓⵛⵓⴼⴰⵍⵢⵉ , ⴷ ⵜⴰⵎⵛⵉⵡⵔⵜ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵜⴼⵕⴰⵏⵚⴰⵡⵉⵜ ⵏ ⵉⴼⵔⵉⵇⵢⴰ ⵏ ⵉⵣⵣⵍⵎⴹ  ⴷ ⵍⵇⴱⵍⵜ ⵎⴰⵔⵉ ⴼⵉⵍⵉⴱ , ⴷ ⴰⵎⵙⵇⴰⴷ ⵏ ⴼⵕⴰⵏⵚⴰ ⵉⵜⵜⵓⵖⵣⵏ ⴳ ⵕⵕⵕⴱⴰⵟ ⵊⴰⵏ ⴼⵕⵓⵏⵚⵡⴰ ⵊⵉⵔⵓ . ⴷ ⵎⵏⵏⴰⵡ ⵏ ⵎⵉⴷⴷⵏ ⵢⴰⴹⵏⵉⵏ .

ⵉⴳⴰ ⵡⵙⴼⵙⴰⵔ ⵏ "ⵉⴽⵍⵓⵏ ⵜⴰⵙⵢⴰⴼⵉⵏ" ⴰⵙⴼⵙⴰⵔ ⴰⵎⵣⵡⴰⵔⵓ ⵏ ⵜⴰⵙⵏⵏⵉⵖⵜ ⵏ ⵓⵔⵚⴰⵢ , ⴳ ⵓⵎⵏⵣⴰⵡ ⵏ ⵉⴼⵔⵉⵇⵢⴰ , ⵓⵍⴰ ⵜⴰⵙⵢⴰⴼⵉⵏ ⴳ ⵜⴰⵎ ⵏ ⵉⵍⵍ ⵓⵎⵍⵍⵉⵍ ⴰⵏⴰⵎⴰⵙ .

Dernière modification : 09 ⵉⴱⵔⵉⵔ 2019
Source URL: https://www.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B5%8D%E2%B4%B0%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B5%8D%E2%B4%B0%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B5%93%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%93%E2%B5%99%E2%B4%BC%E2%B5%99%E2%B4%B0%E2%B5%94-%E2%B5%89%E2%B4%BD%E2%B5%8D%E2%B5%93%E2%B5%8F-%E2%B5%9C%E2%B4%B0%E2%B5%99%E2%B5%A2%E2%B4%B0%E2%B4%BC%E2%B5%89%E2%B5%8F