Published on MAPNews (https://www.mapnews.ma/am)

Accueil > ⵔⵣⴼⵏ ⵍⴰⵎⵉⵔ ⵏ ⵉⵎⵓⵎⵎⵏ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⴰⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵏ
  1. Accueil
  2. Activités royales

ⵔⵣⴼⵏ ⵍⴰⵎⵉⵔ ⵏ ⵉⵎⵓⵎⵎⵏ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⴰⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵏ

30 ⵎⴰⵕⵚ 2019 Version Imprimable
ⵕⵕⴱⴰⵟ - ⵉⵙⴽⵔ ⵍⴰⵎⵉⵔ ⵏ ⵉⵎⵓⵎⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⴰⴷ ⵜ ⵉⵏⵚⵕ ⵕⵕⴱⵉ , ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ , ⴰⵙⵙ ⵏ ⵓⵙⵉⴹⵢⴰⵙ ⴳ ⵕⵕⴱⴰⵟ ⵢⴰⵏ ⵓⵔⵣⴰⴼ ⵉ ⵡⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵍⵎⵓⵕⵛⵉⴷⵉⵏ ⴷ ⵍⵎⵓⵔⵛⵉⴷⴰⵜ.

ⵍⵍⵉⵖ ⵍⴽⵎⵏ ⵙ ⵓⵙⵉⵏⴰⴳ, ⵙⵙⵣⵔⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⵢⴰⵏ ⵓⴳⵔⴰⵡ ⵏ ⵓⵏⴼⴰⴹ ⴰⴳⵍⴷⴰⵏ ⵍⵍⵉ ⵜⵏ ⵉⵣⵓⵍⵏ, ⴷⴰⵜ ⴰⴷ ⵜⵏ ⵣⵓⵍⵏ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵎⴰⵙⴰⵏ ⴰⵏⴼⵍⵍⴰ, ⴷ ⵓⵏⵎⵀⴰⵍ ⵏ ⵓⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵏ. 

ⴷⴼⴼⵉⵔ ⵍⵍⵉⵖ ⵉⵜⵜⵓⵙⴼⵙⵔ ⵢⴰⵏ ⵓⵜⵉⵎ ⵅⴼ ⵉⵡⵜⵜⴰⵙⵏ ⵏ ⵓⵙⵉⵏⴰⴳ ⴷ ⵜⵡⵓⵔⵉⵡⵉⵏ ⵏⵏⵙ, ⵉⵏⵏⴰ ⵡⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⵎⴰⵙⵙ ⵃⵎⴰⴷ ⵜⵜⴰⵡⴼⵉⵇ, ⵢⴰⵜ ⵜⵙⴳⵓⵔⵉ ⴷⴰⵜ ⵏ ⵍⴰⵎⵉⵔ ⵏ ⵉⵎⵓⵎⵎⵏ ⴷ ⵓⵏⵙⵙⵉⵅⴼ ⵏ ⵜⵎⵥⵥⴰⵍⵓⵜ ⵏ ⵉⵕⵓⵎⵉⵢⵏ, ⵉⵙⴷⴷⵉⴷ ⴳⵉⵙ ⵎⴰⵙ ⴰⵙⵎⵓⵜⵜⵓⴳ ⵏ ⵉⵎⴰⵎⵎⵏ ⴷ ⵏ ⵍⵎⵓⵕⵛⵉⴷⴰⵜ ⵉⴳⴰ ⵢⴰⵜ ⵜⵡⵓⵔⵉ ⵢⵓⵊⵊⴰⵏ ⵍⴰⵎⵉⵔ ⵏ ⵉⵎⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵉⵙⵙⵓⴼⵖ ⵓⵙⵉⵏⴰⴳ ⴰⴷ, ⵎⴰ ⵢⴰⴷ ⵉⵍⵍⴰⵏ ⴳ ⵓⵎⵎⴰⵙ ⵏ ⵜⵡⵓⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⴼⴰⵔⴽ ⵏ ⵓⵙⴳⴷ.   

ⴷⴼⴼⵉⵔ ⴰⴷ, ⵣⵔⵉⵏ ⵙⵉⵏ ⵉⵏⵍⵎⴰⴷⵏ ⴳ ⵓⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵏ ⵙⴳ ⵏⵉⵊⵉⵕⵢⴰ ⴷ ⴼⵕⴰⵏⵚⴰ ⴳ ⵜⴷⴳⴳⵯⴰⵏⵜ ⵎⵔⴰ ⴰⴷ ⵙⵎⵏⵉⴷⵏ ⵉⵙⵍⴽⵉⵏⵏ ⴷ ⵙⴼⵙⵔⵏ ⵉⵔⵉⵎⵏ ⵏⵏⵙⵏ ⴳ ⵓⴳⵏⵙⵓ ⵏ ⵜⵎⵔⵙⴰⵍⵜ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴰⴷ.

ⴷ ⵉⵙⵙⵏ ⵓⵔⵣⴰⴼ ⴰⴷ ⴰⵙⴼⵙⴰⵔ ⵏ ⵓⵣⴰⵡⴰⵏ, ⵎⴰ ⵢⴰⴷ ⵉⴳⴰⵏ ⵍⴰⵎⴷⴰⵃ ⵏⵏⴰⴱⴰⵡⵉⵢⵢⴰ ⴷ ⵓⵙⴳⴷ ⴰⵎⴰⵙⵉⵃⵉ ⴷ ⵓⴷⴰⵢ, ⵍⵍⵉ ⵢⵙⵎⵏⵉⴷ ⵓⵔⴽⵉⵙⵜⵔⴰ ⴰⴼⵉⵍⴰⵕⵎⵓⵏⵢⴰ ⵏ ⵍⵎⵖⵔⵉⴱ.

ⴷⴼⴼⵉⵔ ⴰⴷ, ⵉⴼⴽⴰ ⵡⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵉ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ "ⴰⵎⴰⵏⴰⵔ ⵏ ⵓⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵏ", ⵓⵍⴰ ⵎⵏⵏⴰⵡ ⵏ ⵉⴷⵍⵍⵉⵙⵏ ⵏ ⵓⵙⵉⵏⴰⴳ ⵖⵓⵔⵙⵏ ⵜⵓⵇⵇⵏⵉⵏ ⴷ ⵓⵙⴳⴷ ⴰⵎⴰⵙⵉⵃⵉ ⵙ ⵜⵓⵜⵍⴰⵢⵉⵏ ⵜⴰⵄⵕⴰⴱⵜ ⴷ ⵜⴰⵏⴳⵍⵉⵣⵉⵜ.

ⵍⵍⵉⵖ ⵉⵇⵇⵏ ⵓⵔⵣⴰⴼ ⴰⴷ, ⵉⴱⴹⴰ ⵍⴰⵎⵉⵔ ⵏ ⵉⵎⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵓⵏⴱⴳⵉ ⴰⵎⵇⵕⴰⵏ ⵏⵏⵙ.

Dernière modification : 30 ⵎⴰⵕⵚ 2019
Source URL: https://www.mapnews.ma/am/activites-royales/%E2%B5%94%E2%B5%A3%E2%B4%BC%E2%B5%8F-%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8E%E2%B5%8F-%E2%B4%B7-%E2%B5%8D%E2%B5%87%E2%B4%B0%E2%B4%B7%E2%B4%B0%E2%B5%99%E2%B4%B0-%E2%B5%8F-%E2%B5%8D%E2%B4%B1%E2%B4%B0%E2%B4%B1%E2%B4%B0-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B5%89%E2%B5%9A-%E2%B4%B0%E2%B5%99%E2%B5%89%E2%B5%8F%E2%B4%B0%E2%B4%B3-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B5%8F-%E2%B5%93%E2%B5%99%E2%B5%8E%E2%B5%93%E2%B5%9C%E2%B5%9C%E2%B4%B3-%E2%B5%8F