Published on MAPNews (https://www.mapnews.ma/am)

Accueil > ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⵙⴳⵎⴹⵏ "ⴰⵍⴰⵖⵉ ⵏ ⵍⵇⵓⴷⵙ"
  1. Accueil
  2. Activités royales

ⵍⴰⵎⵉⵔ ⵏ ⵉⵎⵓⵎⵏⵏ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⵙⴳⵎⴹⵏ "ⴰⵍⴰⵖⵉ ⵏ ⵍⵇⵓⴷⵙ"

30 ⵎⴰⵕⵚ 2019 Version Imprimable
ⵕⵕⴱⴰⵟ - ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵍⵇⵓⴷⵙ, ⵍⵍⵉ ⵢⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⵙⴳⵎⴹⵏ, ⴰⵙⵙ ⵏ ⵓⵙⵉⴹⵢⴰⵙ ⴳ ⵜⴷⴰⵍⴰ ⵏ ⵓⴷⴰⴱⵓ ⴳ ⵕⵕⴱⴰⵟ,"ⴰⵍⴰⵖⵉ ⵏ ⵍⵇⵓⴷⵙ", ⵉⵔⴰⵏ ⴰⴷ ⵉⵃⵟⵟⵓ ⴷ ⴰⴷ ⵉⵏⴽⵔ ⵙ ⵓⵎⵏⵖⵓ ⵏ ⵎⵏⵏⴰⵡ ⵏ ⵉⵙⴳⴷⵏ ⵉⵎⵥⵍⵉ ⵓⵍⴰ ⵜⴰⵎⴰⴳⵓⵜ ⵏ ⵜⵉⵖⵔⵜ ⴰⴷ.

ⵉⵏⵏⴰ ⵡⵍⴰⵖⵉ ⵢⴰⴷ, ⵍⵍⵉ ⵢⵖⵕⴰ ⵡⴹⵕⵉⵙ ⵏⵏⵙ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵍⵄⵓⵍⴰⵎⴰ, ⵎⴰⵙⵙ ⵎⵓⵃⵎⵎⴷ ⵢⵙⵙⴼ, ⴷ ⵙ ⵜⵓⵜⵍⴰⵢⵜ ⵜⴰⵟⴰⵍⵢⴰⵏⵉⵜ ⵎⴰⵙⵙ ⵉⴷⴳⴰⵕ ⴱⵉⵏⴰ ⴱⴰⵕⵕⴰ, ⵉⵎⴽⵉⵙⵙⵉ ⵏ ⵜⵏⴼⵍⵓⵙⵜ ⵏ ⵓⵡⴰⵏⴽ ⵏ ⵍⴼⴰⵜⵉⴽⴰⵏ, ⵎⴰⵙⵙ ⴳ ⵓⵣⵎⵣⵣⵓ ⵏ ⵓⵔⵣⴰⴼ ⵏⵏⵙ ⵙ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵙⵙⵏⵏ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵍⴰⵎⵉⵔ ⵏ ⵉⵎⵓⵎⵏⵏ, ⵙ ⵜⵎⵓⵏⵜ ⴷ ⵍⵇⴰⴷⴰⵙⴰ ⵏ ⵍⵇⵓⴷⵙ.

ⵅⴼ ⵖⵉⴽⴰⵏⵏ, ⵖⵔⴰⵏ ⵙⵉⵏ ⵉⵏⵙⵙⵉⵅⴼ ⴰⴷ ⵉⵜⵜⵓⵃⵟⵟⴰ ⵜⵉⵖⵔⵎⵜ ⵏ ⵍⵇⵓⴷⵙ ⵛⵛⴰⵔⵉⴼ ⴰⵎ ⴰⵢⴷⴰ ⵉⵛⵛⴰⵔⵏ ⵏ ⴰⴽⴽⵯ ⵜⴼⴼⵓⴳⵏⴰ, ⵙⵍⴰⵡⴰⵏ ⴰⴽⴽⵯ ⵉ ⵢⵎⴹⴼⴰⵕⵏ ⵏ ⴽⵔⴰⴹ ⵉⵙⴳⴷⵏ ⵉⴱⵕⴰⵀⵉⵎⵉⵢⵏ, ⴷ ⴰⵎ ⴰⵏⵙⴰ ⵏ ⵓⵎⴰⴳⵔ ⴷ ⵜⵓⴷⵔⵜ ⵜⴰⵏⴳⵔⴰⵢⵜ ⵍⵍⵉⵖ ⵉⵍⵍⴰ ⵡⵣⵔⴰⴽ ⵉⵛⵛⴰⵔⵏ ⴷ ⵓⵎⵙⴰⵡⴰⵍ.

ⴼ ⵖⵉⴽⴰⵏⵏ, ⵎⵍⴰⵏ ⵙⵉⵏ ⵉⵏⵙⵙⵉⵅⴼⵏ ⵜⵉⵔⴰⵜ ⵏⵏⵙⵏ ⴰⴷ ⵜⵉⵍⵉ ⵜⴰⴷⵔⴼⵉ ⵏ ⵉⵎⴹⴼⴰⵕⵏ ⵏ ⴽⵕⴰⴹ ⵏ ⵉⵙⴳⴷⵏ ⵉⴱⵕⴰⵀⵉⵎⵉⵢⵏ ⴳ ⵜⵉⵖⵔⵎⵜ ⴰⴷ ⴷ ⴰⴷ ⵥⴹⵉⵕⵏ ⴰⴷ ⴳⵉⵜ ⵙⴽⵔⵏ ⵜⴰⵥⴰⵍⵍⵉⵜ ⵏⵏⵙⵏ.  

ⵜⵣⵔⵉ ⵜⴼⵓⴳⵍⴰ ⵢⴰⴷ ⴳ ⵜⵉⵍⵉⵜ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴷ ⵉⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵎⴰⵙⵙ ⵄⵓⵎⴰⵕ ⵄⵣⵣⵉⵎⴰⵏ ⴷ ⵎⴰⵙⵙ ⴼⵓⴻⴰⴷ ⵄⴰⵍⵉ ⵍⵀⵉⵎⵎⴰ ⴷ ⵎⴰⵙⵙ ⴰⵏⴹⵕⵉ ⴰⵥⵓⵍⴰⵢ, ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⵉⴳⵔⴰⵖⵍⴰⵏ, ⴷ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵏ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴷ ⵉⴳⵎⴰⵎⵏ ⵏ ⵓⴽⴰⴱⴰⵕ ⵉⵎⴰⵏⵏ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ. 

Dernière modification : 30 ⵎⴰⵕⵚ 2019
Source URL: https://www.mapnews.ma/am/activites-royales/%E2%B5%8D%E2%B4%B0%E2%B5%8E%E2%B5%89%E2%B5%94-%E2%B5%8F-%E2%B5%89%E2%B5%8E%E2%B5%93%E2%B5%8E%E2%B5%8F%E2%B5%8F-%E2%B4%B1%E2%B4%B0%E2%B4%B1-%E2%B5%8F-%E2%B5%A1%E2%B4%B0%E2%B4%B7%E2%B4%B7%E2%B5%93%E2%B5%94-%E2%B4%B0%E2%B4%B3%E2%B5%8D%E2%B5%8D%E2%B5%89%E2%B4%B7-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%9A%E2%B4%B9%E2%B5%89%E2%B5%9A-%E2%B4%B7-%E2%B5%8D%E2%B5%87%E2%B4%B0%E2%B4%B7%E2%B4%B0%E2%B5%99%E2%B4%B0-%E2%B5%8F-%E2%B5%8D%E2%B4%B1%E2%B4%B0%E2%B4%B1%E2%B4%B0-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B5%89%E2%B5%9A