Published on MAPNews (https://www.mapnews.ma/am)

Accueil > ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵙⵏⵓⴱⴳ ⴳ ⵕⵕⴱⴰⵟ ⵅⴼ ⴰⴷⴷⵓⵔ ⵏ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ
  1. Accueil
  2. Activités royales

ⵜⴰⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵙⵏⵓⴱⴳ ⴳ ⵕⵕⴱⴰⵟ ⵅⴼ ⴰⴷⴷⵓⵔ ⵏ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ

30 ⵎⴰⵕⵚ 2019 Version Imprimable
ⵕⵕⴱⴰⵟ - ⵉⵙⵙⵉⵅⴼ ⵍⴰⵎⵉⵔ ⵏ ⵉⵎⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⵕⴱⵉ, ⵎⴰ ⵢⴰⴷ ⵉⵎⴰⵏⵏ ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⴰⴳⵍⴷⵓⵏ ⵎⵓⵍⴰⵢ ⵍⵃⴰⵙⴰⵏ, ⴷ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⴰⵙⵙ ⵏ ⵓⵙⵉⴹⵢⴰⵙ ⴳ ⵓⵙⴰⵔⴰⴳ ⵏ ⵜⵎⵣⴳⵉⴷⴰ ⵏ ⵃⵙⵙⴰⵏ ⴳ ⵕⵕⴱⴰⵟ, ⵢⴰⵜ ⵜⴼⵓⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵙⵏⵓⴱⴳ ⵅⴼ ⴰⴷⴷⵓⵔ ⵏ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ.

ⵍⵍⵉⵖ ⵍⴽⵎⵏ ⵙⵉⵏ ⵙ ⵓⵙⴰⵔⴰⴳ ⵏ ⵜⵎⵣⴳⵉⴷⴰ ⵏ ⵃⵙⵙⴰⵏ, ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⴰⵛⵏⵢⴰⵏ ⵙ ⵉⵣⵍⵉⵏ ⵉⵏⴰⵎⵓⵔⵏ ⵏ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⴰⵔ ⵜⴽⴽⴰⵜ ⵍⵎⴷⴼⴰⵄⵢⵢⴰ 21 ⵜⴽⵍⵉⵜ ⵙ ⵓⵣⵓⵍ ⵏ ⵓⵍⴽⵎ ⵏ ⵓⵏⵙⵙⵉⵅⴼ ⵏ ⵜⵎⵥⵥⴰⵍⵓⵜ ⵏ ⵉⵕⵓⵎⵉⵢⵏ ⵜⴰⴽⴰⵜⵓⵍⵉⴽⵉⵜ.

ⴷⴼⴼⵉⵔ ⴰⴷ, ⵙⵙⵣⵔⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⴱⴳⵉ ⴰⵎⵇⵕⴰⵏ ⵏⵏⵙ, ⵢⴰⵏ ⵓⴳⵔⴰⵡ ⵏ ⵓⵏⴹⴰⴼ ⴰⴳⵍⴷⴰⵏ ⵍⵍⵉ ⵢⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵣⵓⵍⵏ ⵍⵇⴰⴷⴰⵙⴰ ⵏ ⵍⴱⴰⴱⴰ ⴼⵕⴰⵏⵚⵉⵚ ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵉⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵏ ⵉⵎⵛⵛⵉⵡⴰⵕ, ⴷ ⵓⵎⴰⵡⵙⴰⵙ ⵏ ⵓⵡⴰⵏⴽ ⵉⵜⵜⵓⵙⵎⴰⴳⵍⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⵎⵛⵛⵉⵡⴰⵕ ⵏ ⴱⴰⴱ ⵏ ⵡⴰⴷⴷⵓⵔ, ⴷ ⵓⵎⴰⵡⵙⴰⵙ ⵏ ⵓⴳⵏⵙⵓ, ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵏ ⵓⵎⵢⴰⵡⴰⵙ ⴰⵎⴰⴹⵍⴰⵏ, ⴷ ⵓⵎⴰⵡⵙⴰⵙ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴷ ⵎⵏⵏⴰⵡ ⵏ ⵎⴷⴷⵏ ⵢⴰⴹⵏⵉⵏ.

ⴷⴼⴼⵉⵔ ⴰⴷ, ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉⴳⵎⴰⵎⵏ ⵏ ⵓⴽⴰⴱⴰⵕ  ⴰⵎⴰⴷⴷⵓⴷ ⵍⵍⵉ ⵢⵎⴰⵏⵏ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ.

ⴷⴼⴼⵉⵔ ⴰⴷ, ⴷⴷⴰⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵏⴱⴳⵉ ⴰⵎⵇⵕⴰⵏ ⵏⵏⵙ ⵙ ⵓⵙⴰⵔⴰⴳ ⵏ ⵜⵎⵣⴳⵉⴷⴰ ⵏ ⵃⵙⵙⴰⵏ, ⵍⵍⵉⵖ ⵖⵕⴰⵏ ⵉⵏⴰⵡⵏ ⴷⴰⵜ ⵎⵏⵏⴰⵡ ⵉⴼⴹⵏ ⵏ ⵎⴷⴷⵏ ⵙⴳ ⴽⵔⴰ ⵢⴳⴰⵜⵜ ⵓⵙⴳⴷ, ⴳ ⵓⵣⵎⵎⵣⵓ ⵏ ⵓⵎⴰⴳⵔ ⴰⵎⵣⵡⴰⵔⵓ ⵢⴰⴷ ⵍⵍⵉ ⵢⵙⵎⴰⵏⵏ ⵍⴰⵎⵉⵔ ⵏ ⵉⵎⵎⵓⵎⵏ ⴷ ⵍⵇⴰⴷⴰⵙⴰ ⵏ ⵍⴱⴰⴱⴰ.

Dernière modification : 30 ⵎⴰⵕⵚ 2019
Source URL: https://www.mapnews.ma/am/activites-royales/%E2%B5%9C%E2%B4%B0%E2%B4%BC%E2%B5%93%E2%B4%B3%E2%B5%8D%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B5%93%E2%B4%B7%E2%B5%9C-%E2%B5%8F-%E2%B5%93%E2%B5%99%E2%B5%8F%E2%B5%93%E2%B4%B1%E2%B4%B3-%E2%B4%B3-%E2%B5%95%E2%B5%95%E2%B4%B1%E2%B4%B0%E2%B5%9F-%E2%B5%85%E2%B4%BC-%E2%B4%B0%E2%B4%B7%E2%B4%B7%E2%B5%93%E2%B5%94-%E2%B5%8F-%E2%B5%8D%E2%B5%87%E2%B4%B0%E2%B4%B7%E2%B4%B0%E2%B5%99%E2%B4%B0-%E2%B5%8F-%E2%B5%8D%E2%B4%B1%E2%B4%B0%E2%B4%B1%E2%B4%B0-%E2%B4%BC%E2%B5%95%E2%B4%B0%E2%B5%8F%E2%B5%9A%E2%B5%89%E2%B5%9A