ⴷ ⴼⴽⴰⵏⴰⵙ ⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵎⵓⵍⴰⵢ ⵕⵛⵉⴷ, ⵉⵙⴰⵙⴼⵉⵡⵏ ⵅⴼ ⵜⴷⵔⴰⵡⵜ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⴳ ⵜⴰⵎⵀⴰⵍⵉⵏ ⵏ ⵃⵟⵟⵓ ⵏ ⵙⵍⴰⵎⵜ, ⴷ ⵓⴽⵛⵛⵓⵎ ⵏⵏⵙ ⴳ ⵢⵉⴳⵔ ⵏ ⵜⵡⵉⵣⵉ ⵏ ⵓⴼⴳⴰⵏ ⵙⴳ ⵡⵓⴳⴳⵯⴰⵔ ⵏ 50 ⵏ ⵓⵙⴳⴳⵯⴰⵙ.
ⴰⵢⴰⴷ ⵏ ⵓⵙⴼⵙⵔ ⴷⴰ ⵉⵙⴷⴷⵉⴷ ⴰⵙⵓⵖⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⴰⴷ ⵜ ⵉⵏⵚⵕ ⵕⴱⴱⵉ, ⵙ ⵓⵊⵎⵉⵍ ⵏ ⵜⵏⴼⵔⵓⵜ ⴷ ⵙⵍⴰⵎⵜ ⴳ ⵓⵎⴰⴹⴰⵍ, ⴷ ⵉⵙⵎⴰⵍ ⵜⵉⵔⵉⵎⵜ ⵜⴰⵎⵇⵕⴰⵏⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵙⵍⴰⵎⵜ ⴷ ⵜⵡⵓⵔⵉ ⵜⴰⵏⴼⴳⴰⵏⵜ.
ⴳ ⵜⵙⴳⴰ ⴰⴷ, ⵏⵣⴹⴰⵕ ⴰⵏⵙⵉⵡⵍ ⵅⴼ ⵜⵎⴷⵔⴰⵡⵜ ⵏ ⵍⵎⵖⵔⵉⴱ ⴳ ⵎⴰⵢⴰⴷ, ⵙⵍⴰⵡⵏ ⴰⴽⴽⵯ, ⵎⴰⵙ ⵉⵍⵍⴰ 60 ⵏ ⵢⵉⴼⴹ ⵏ ⵓⴼⵔⴷⴰⵙ ⴳ 8 ⵏ ⵜⵔⵓⴱⴱⴰ ⵏ ⵓⴼⵔⴰⴳ ⵏ ⵙⵍⴰⵎⵜ, ⴷ 14 ⵏ ⵓⵎⵙⵓⵊⵢ ⴰⴷⵖⴰⵕⴰⵏ ? ⴷ ⵡⵓⴳⴳⵯⴰⵔ ⵏ ⵎⵍⵢⵓⵏ ⴷ 700 ⵏ ⵢⵉⴼⴹ ⵏ ⵓⵊⵎⵉⵍ ⴰⵎⵙⵏⵉⵊⵊⵉ.
ⴳ ⵓⵣⵎⵣⵣⵓ ⴰⴷ, ⴰⴷ ⵏⵙⴽⵜⵉ ⵎⴰⵙ ⵉⵍⵍⴰ ⵢⴰⵏ ⵓⵎⵙⵏⵓⵊⵊⵉ ⴰⵅⴰⵜⴰⵔ ⵏ ⵍⵎⵖⵔⵉⴱ ⴳ ⵣⵣⵄⵜⴰⵔⵉ ⴳ ⵉⵥⵍⵎⴷ ⵏ ⵓⵖⵍⵓⵢ ⵏ ⵜⴳⵍⴷⵉⵜ ⵏ ⵍⵓⵕⴹⵓⵏ, ⴳ ⵉⵍⵍⴰ 60 ⵏ ⵜⵉⵙⵉ, ⴷ 100 ⵏ ⵓⴳⴰⵍⵓⴼ ⴰⵎⵙⵏⵉⵊⵊⵉ, ⴷ 32 ⵏ ⵓⴹⴱⵉⴱ.