- Accueil
- ⵉⵎⵓⵙⵙⵓⵜⵏ ⵉⴳⵍⴷⵓⵏⵏ
ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⵙⴽⵔ ⴰⵔⵣⴰⴼ ⵉ ⵜⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⴰⵍⵎⴰⵏⵢⴰ
ⴱⵉⵔⵍⵉⵏ - ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴰⵙⵙ ⵏ ⵓⴽⵡⴰⵙ ⴳ ⴱⵉⵔⵍⵉⵏ, ⴰⵔⵣⴰⴼ ⵉ ⵎⴰⵙⵙⴰ ⴷⴰⵏⵢⵉⵍⴰ ⵛⴰⴷⵜ, ⵜⵎⵖⴰⵔⵜ ⵏ ⵓⵏⵙⵙⵉⵅⴼ ⵏ ⴰⵍⵎⴰⵏⵢⴰ ⵢⵓⵡⴰⴽⵉⵎ ⴳⴰⵡⴽ ⴳ ⵜⴳⴰⴷⵉⵔⵜ ⴱⵉⵍ ⴼⵓ.
ⵜⴳⴰ ⵎⴰⵙⵙⴰ ⴷⴰⵏⵢⵉⵍⴰ ⵛⴰⴷⵜ ⵜⴰⵏⵙⵙⵉⵅⴼⵜ ⵏ ⴰⵍⵎⵏⵢⴰ ⵏ ⵜⵏⵎⴰⵍⴰⵢⵜ ⵏ ⵓⴼⵔⴰⴳ ⵏ ⵍⵡⴰⵛⵓⵏ (ⵍⵢⵓⵏⵉⵙⵉⴼ) ⵉⴹⴼⴰⵕⵏ ⵉ ⵜⵎⵜⵜⴰ ⵉⵎⵓⵏⵏ.
ⵢⵓⵛⴽⴰⴷ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⴳ ⵜⵙⵙⵉⵅⴼ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴰⴽⴰⴱⴰⵔ ⴰⵎⵖⵔⴰⴱⵉⵢ ⵉⴷⵔⴰⵏ ⴳ ⵓⵙⴼⵙⴰⵔ ⴰⵎⴰⴹⵍⴰⵏ « ⵉⵎⴰⵍ ⴰⵙⵙ ⴰⵣⴳⵣⴰ » ⵏ ⵢⵓⵜⵛⵉ ⴷ ⵜⴼⵍⵍⴰⵃⵜ ⴷ ⵜⵙⵓⵜⵍⵜ ⵏⵏⵙ ⵜⵉⵙⵙ 81 ⴳ ⵜⵎⴰⵥⵓⵏⵜ ⵏ ⴰⵍⵎⴰⵏⵢⴰ, ⵉⴷⵔⴰ ⵍⵎⵖⵔⵉⴱ ⴰⵏⴱⴳⵉ ⵉⴱⵓⵔⵣⵏ.
ⴷ ⵉⴷⵔⴰ ⵍⵎⵖⵔⵉⴱ ⴳ ⵜⵙⵓⵜⵍⵜ ⴰⴷ ⴰⴽⴰⴱⴰⵔ ⴳ ⵍⵍⴰⵏ ⵉⵙⵎⴷⵢⴰⵜⵏ ⵏ ⵛⴰⵢⴳⴰⵏ ⵏ ⵜⵎⵢⴰⵡⴰⵙⵉⵏ ⴷ ⵜⵎⵙⵎⵓⵏⵉⵏ ⴳ ⵓⵙⵢⴰⴼⵓ ⵏ ⵜⵎⵜⵜⴰ ⵜⵉⴷⵖⵔⴰⵏⵉⵏ ⴳ ⵎⵏⵏⴰⵡ ⵏ ⵜⵎⵏⴰⴹⵉⵏ ⵏ ⵜⴳⵍⴷⵉⵜ, ⴷ ⵉⵎⵙⵢⴰⴼⵓⵜⵏ ⴷ ⵉⵎⵙⵉⴼⴰⴹ ⵏ ⵜⵢⴰⴼⵓⵜⵉⵏ ⵏ ⵜⴼⵍⵍⴰⵃⵜ ⵉ ⵓⵏⵙⵎⵓⵔ ⴰⵍⵎⴰⵏⵉⵢ ⴷ ⵓⵎⴰⴹⵍⴰⵏ.
ⴰⵙⴼⵙⴰⵔ ⴰⴷ ⵏ « ⵉⵎⴰⵍ ⴰⵙⵙ ⴰⵣⴳⵣⴰ », ⵉⴱⴷⴰ ⵙⴳ 1926 ⵉⴳⴰ ⵙⴳ ⵉⵙⴼⵙⴰⵔⵏ ⵉⵎⴰⴷⵍⴰⵏ ⵉⵙⵡⵀⵎⴰⵏ ⵉⵥⵍⵉⵏ ⵙ ⵜⵎⴳⵓⵔⵉ ⵏ ⵢⵓⵜⵛⵉ, ⵉⴷⵖ ⵜⵍⵍⴰ ⵜⵎⴰⵜⴰⵔⵜ ⵏ ⵜⵖⴰⵔⴰ ⴳ ⵜⵢⴰⴼⵓⵜⵉⵏ ⵍⵍⵉ ⵉⵙⴽⴰⵔ, ⴷ ⴷⴰ ⵜⴰⵡⵉ ⴳ ⵓⵣⵎⵣ ⵏ ⵎⵔⴰⵡ ⵏ ⵢⵓⵙⵙⴰⵏ ⵛⴰⵢⴳⴰⵏ ⵏ ⵎⵉⴷⵏ.
Dernière modification : 14 ⵉⵏⵏⴰⵢⵔ 2016