- Accueil
- ⵉⵎⵓⵙⵙⵓⵜⵏ ⵉⴳⵍⴷⵓⵏⵏ
ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵢⴰⵏ ⵉⵎⵏⵙⵉ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⵙ ⵓⵣⵎⵣⵣⵓ ⵏ ⵓⵚⵥⵥⵓⵎ ⴰⵎⴷⴷⵓⴷ ⵏ ⵜⵙⵓⵜⵍⵜ ⵜⵉⵙ 15 ⵏ ⵓⵏⵎⵓⴳⴳⴰⵕ ⴰⵎⴰⴹⵍⴰⵏ ⵏ ⵍⴼⵉⵍⵎ ⵏ ⵎⵕⵕⴰⴽⵛ
ⵎⵕⵕⴰⴽⵛ - ⵜⵙⵙⵉⵅⴼ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⴳ ⵢⵉⴹ ⵏ ⵓⵙⵉⴹⵢⴰⵙ ⴳ ⵎⵕⵕⴰⴽⵛ ⵢⴰⵏ ⵉⵎⵏⵙⵉ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⵙ ⵓⵣⵎⵣⵣⵓ ⵏ ⵓⵚⵥⵥⵓⵎ ⴰⵎⴷⴷⵓⴷ ⵏ ⵜⵙⵓⵜⵍⵜ ⵜⵉⵙ 15 ⵏ ⵓⵏⵎⵓⴳⴳⴰⵕ ⴰⵎⴰⴹⵍⴰⵏ ⵏ ⵍⴼⵉⵍⵎ ⵏ ⵎⵕⵕⴰⴽⵛ.
ⴷ ⵉⵣⵣⵓⵍ ⴷ ⵍⴰⵍ ⵏ ⵜⴰⵜⵜⵓⵢⵜ ⴰⵢⵏⵏⴰ ⵏ ⵜⵍⴽⵎ ⵓⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵓⵥⵕⴼ ⵎⴰⵙⵙ ⵎⵓⵃⵎⵎⴷ ⴱⵓⵙⵄⵉⴷ, ⴷ ⵓⵎⴰⵡⵙⴰⵙ ⵏ ⵓⵎⵢⴰⵡⴰⴹ ⴰⵎⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ ⵎⴰⵙⵙ ⵎⵚⵚⵟⴰⴼⴰ ⵍⵅⵍⴼⵉ, ⴷ ⵍⵡⴰⵍⵉ ⵏ ⵜⵙⴳⴰ ⵏ ⵎⵕⵕⴰⴽⵛ- ⴰⵙⴼⵉ ⴰⵏⴱⴱⴰⴹ ⵏ ⵎⵕⵕⴰⴽⵛ ⵎⴰⵙⵙ ⵎⵓⵃⵎⵎⴷ ⵎⵓⴼⴽⵉⵔ, ⴷ ⵍⵡⴰⵍⵉ ⵏ ⵜⵙⴳⴰ ⵏ ⵎⵕⵕⴰⴽⵛ-ⴰⵙⴼⵉ ⵎⴰⵙⵙ ⴰⵃⵎⴰⴷ ⵅⵛⵉⵛⵏ, ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵜⵏⴱⴱⴰⴹⵜ ⵏ ⵎⵕⵕⴰⴽⵛ ⵎⴰⵙⵙⴰ ⵊⴰⵎⵉⵍⴰ ⵄⴰⴼⵉⴼ.
ⴷ ⵉⵣⵣⵓⵍ ⴷ ⵍⴰⵍ ⵏ ⵜⴰⵜⵜⵓⵢⵜ ⴰⵡⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵏ ⵓⵏⵎⵓⴳⴳⴰⵔ ⴰⵎⴰⴹⵍⴰⵏ ⵏ ⵍⴼⵉⵍⵎ ⵏ ⵎⵕⵕⴰⴽⵛ ⵎⴰⵙⵙ ⵚⴰⵕⵉⵎ ⵍⵃⴰⵇ ⵍⴼⴰⵙⵉ ⵍⴼⵉⵀⵔⵉ, ⴷ ⵜⵏⵎⵀⴰⵍⵜ ⵏ ⵓⵏⵎⵓⴳⴳⴰⵔ ⴰⴷ ⵎⴰⵙⵙⴰ ⵎⵉⵍⵉⵜⵜⴰ ⵜⵓⵙⴽⴰⵏ ⴷⵓⴱⵍⴰⵏⵜⵢⵉ, ⴷ ⵓⵏⵎⵀⴰⵍ ⴰⵏⴰⵥⵓⵕ ⵏ ⵓⵏⵎⵓⴳⴳⴰⵔ ⵎⴰⵙⵙ ⴱⵕⵓⵏⵓ ⴱⴰⵔⴷ, ⴷ ⵓⵎⵛⵛⵉⵡⵕ ⵏ ⵓⵏⵙⵙⵉⵅⴼ ⴳ ⵜⵎⵔⵙⵍⵜ ⵏ ⵓⵏⵎⵓⴳⴳⴰⵔ ⵎⴰⵙⵙ ⵄⴰⵣ ⴷⴷⵉⵏ ⴱⵏⵎⵓⵙⴰ, ⴷ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⵔⵙⵍⵜ ⵎⴰⵙⵙⴰ ⴼⴰⴷⵡⴰ ⵎⴽⵣⴰⵔⵉ, ⴷ ⵓⵏⵙⴱⴰⵢⵏⵓ ⴷ ⵓⵏⴼⵍⵓⵙ ⴰⵎⵙⵙⵓⴳⵓⵔ ⵏ ⵜⵎⵔⵙⵍⵜ ⴰⴷ ⵎⴰⵙⵙ ⵄⴰⴱⴷ ⵍⴽⵔⵉⵎ ⵄⵣⵉⴱⵓ, ⴷ ⵛⴰⵢⴳⴰⵏ ⵏ ⵉⵡⵔⵉⴽⵏ ⵢⴰⴹⵏ.
ⵙ ⵓⵣⵎⵣⵣⵓ ⴰⴷ, ⵜⴼⴽⴰ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵎⵔⵢⴰⵎ ⵜⴰⵎⴰⴷⴰⵢⵜ ⵏ ⵓⵙⵡⵉⵏⴳⴰⵎ ⵉⵖⵓⴷⴰⵏ ⵉ ⵓⵎⵙⵓⴼⵖ ⴰⵎⵉⵔⵉⴽⴰⵏⵉ ⴼⴰⵕⵏⵙⵉⵙ ⴼⵓⵕⴷ ⴽⴰⴱⵓⵍⴰ.
ⴷ ⵜⵙⵏⵓⴱⴳ ⵜⵎⴷⵉⵏⵜ ⵏ ⵎⵕⵕⴰⴽⵛ, ⵙⴳ ⵡⴰⵙⵙ ⵏ ⵓⵙⵉⵎⵡⴰⵙ 04 ⴰⵔ 12 ⴷⵓⵊⴰⵏⴱⵉⵔ, ⵜⴰⵙⵓⵜⵍⵜ ⵜⵉⵙⵙ 15 ⵏ ⵓⵏⵎⵓⴳⴳⴰⵕ ⴰⵎⴰⴹⵍⴰⵏ ⵏ ⵍⴼⵉⵍⵎ ⵏ ⵎⵕⵕⴰⴽⵛ ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ.
ⴷ ⵜⵙⵙⵏ ⵜⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵏⵎⵓⴳⴳⴰⵔ ⴰⴷ, ⴰⵙⵎⵖⴰⵔ ⵏ ⵙⵙⵉⵏⵉⵎⴰ ⵏ ⴽⴰⵏⴰⴹⴰ, ⴷ ⵜⵉⵍⵉⵜ ⵏ ⵛⴰⵢⴳⴰⵏ ⵏ ⵉⵡⵔⵉⴽⵏ ⵉⵜⵜⵓⵢⴰⵙⵏ ⴳ ⵢⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⴹⵍⴰⵏⵜ.
ⴷ ⴷⴰ ⵉⵜⵎⵣⵉⵣⵡⵉⵔ ⵛⴰⵢⴳⴰⵏ ⵏ ⵍⴼⵉⵍⵎ ⴰⵏⴰⵎⵓⵔ ⴷ ⵓⵎⴰⴹⵍⴰⵏ ⴷⴰⵜ ⵜⵙⵇⵇⵉⵎⵜ ⵜⴰⵏⴱⴹⴰⵢⵜ ⵉⵙⵙⵉⵅⴼ ⵓⵎⵙⵓⴼⵖ ⴼⵕⵓⵏⵙⵡⴰ ⴼⵓⵔ ⴽⵓⴱⵓⵍⴰ, ⴳ ⵍⵍⴰⵏ ⵛⴰⵢⴳⴰⵏ ⵏ ⵉⵡⵔⵉⴽⵏ ⵉⵜⵜⵓⵢⴰⵙⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⴹⵍⴰⵏⵜ, ⵣⵓⵏⴷ ⵊⴰⴱⴱⵓⵏ, ⴷ ⵎⵉⵔⵉⴽⴰⵏ, ⴷ ⵍⵀⵉⵏⴷ, ⴷ ⵓⴽⵔⴰⵏⵢⴰ, ⴷ ⴷⴷⴰⵏⵉⵎⴰⵕⴽ, ⴷ ⵀⵓⵍⴰⵏⴷⴰ, ⴷ ⴼⵕⴰⵏⵚⴰ, ⴷ ⵉⵜⴰⵍⵢⴰ, ⴷ ⵜⵙⵎⴷⴰⵢⵜ ⵜⴰⵎⵖⵔⴰⴱⵉⵢⵜ, ⴰⵎⴰⵍ ⵄⵢⵢⵓⵛ.
Dernière modification : 07 ⴷⵓⵊⴰⵏⴱⵉⵔ 2015