ⴷ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⵔⵙⵍⵜ ⵎⴰⵙⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵜⵙⴽⵜⵉ, ⵖ ⵢⴰⵜ ⵜⵙⴳⵓⵔⵉ ⵙ ⵓⵣⵎⵣⵣⵓ ⵢⴰⴷ, ⵙ ⵉⵙⵏⵜⵉⵜⵏ ⵍⵍⵉ ⵜⵙⴽⴰⵔ ⵜⵎⵔⵙⵍⵜ ⴰⴷ ⴷ ⵎⴰⵙⵜ ⴱⴰⵀⵔⴰ ⵙⵙⵓⵙⵎⵏ ⴷ ⵜⵙⴰⵡⵍ ⵅⴼ ⵜⵙⵓⵔⵜⵉⵏ ⵏⵏⵙ ⵖ ⵉⴳⵔⴰⵏ ⵏ ⵓⴼⵔⴽ ⴷ ⵓⵙⴳⵎⵉ ⵖ ⵎⴰⴷ ⵉⵥⵍⵉⵏ ⵙ ⵜⴳⵎⵉ ⵜⴰⵙⵓⵍⴰⵏⵜ.
ⴷ ⵉⵏⵏⴰ ⵓⵙⵉⵡⴹ ⴰⴷ ⵎⴰⵙⴷ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵜⵏⵏⴰ « ⵜⴰⵢⵔⵉ ⵏⵏⵙ ⵉ ⵓⵡⵜⴰⵙⵙ ⵏ ⵜⵎⵔⵙⵍⵜ ⵉⵙⵎⵖⵔⵏ ⴳ ⵙⵉⵏ ⵉⴳⵣⵣⵓⵎⵏ ⴰⵏⵎⵏⴰⴹ ⴷ ⵓⵎⴰⴹⵍⴰⵏ, ⵜⵉⵍⵉⵜ ⵏⵏⵙ ⵓⴳⵔⴰⵡ ⵏ ⵍⵢⵓⵏⵉⵙⴽⵓ ⴳ ⵏⴰⴳⵓⵢⴰ ⴳ ⵍⵢⴰⴱⴰⵏ, ⴳ ⵖⵓⵕⵙ ⵢⴰⵏ ⵡⴰⴷⴷⵓⵔ ⴰⵅⴰⵜⴰⵔ ⵉⵜⵉⵔⵎⵉⵡⵉⵏ ⵏ ⵜⵎⵔⵙⵍⵜ ⴳ ⵉⴳⵔ ⵏ ⵓⵙⴳⵎⵉ ⵙⵍⴰⵡⴰⵏ ⴰⴽⴽⵯ ⴰⵖⴰⵡⴰⵙ ⵏ « ⵉⵏⵖⵎⴰⵙⵏ ⵉⵄⵔⵔⵉⵎⵏ ⵅⴼ ⵓⵡⵏⴰⴹ » ⴷ « ⵜⵉⵏⵎⴰⵍ ⵜⴰⵢⴽⵓⵍⵓⵊⵉⴽⵜ ».
ⴷ ⵜⵏⵏⴰ ⵎⴰⵙⴷ ⴰⵡⵜⵜⴰⵙ ⵏ ⵓⵏⵎⵏⴰⴹ ⵍⵍⵉ ⵉⵍⵍⴰ ⵖⵓⵕ ⵜⵎⵔⵙⵍⵜ ⴰⴷ ⵅⴼ ⵓⵙⵙⵔⵇⴱ ⵏ ⵍⵢⵓⵏⵉⵙⴽⵓ ⴷ ⵓⵖⴰⵡⴰⵙ ⵏ ⵜⵎⵜⵜⴰ ⵉⵎⵓⵏ ⵅⴼ ⵓⵡⵏⴰⴹ, ⵔⴰⴷ ⵉⴽⵎⵎⴰⵍ ⵙ ⵓⵙⴽⴰⵔ ⵏ ⵓⵏⴰⵎⵎⴰⵙ ⴰⵎⴰⴹⵍⴰⵏ ⵏ ⵓⵙⴳⵎⵉ ⵏ ⵓⵡⵏⴰⴹ ⴰⵙⵓⵍⴰⵏ, ⵉⴳⴰⵏ ⵢⴰⵏ ⵡⴰⵎⵎⴰⵙ ⵍⵍⵉ ⵔⴰⴷ ⵢⵉⵍⵉ ⴳ ⵜⵏⵉⵍⴰ ⵏ « ⵍⴰⵃⴰⴷⴰⵉⵇ ⵍⵄⴰⵊⵉⴱⴰ « ⴳ ⴱⵓⵇⵏⴰⴷⵍ ⵔⴰⴷ ⵜⴱⴷⵓ ⵜⵓⵚⴽⴰ ⵏⵏⵙ ⴳ 2015, ⵜⴳⴰ ⵢⴰⵜ ⵜⵔⵣⵣⵉⴼⵜ ⵉ ⵓⴳⴷⵓⴷ ⴰⵏⴰⵎⵓⵔ, ⴷ ⵉⵎⵃⴹⴰⵔ, ⴷ ⵉⵎⵔⵣⴰ, ⴷ ⵉⵙⵍⵎⴰⴷⵏ.