ⴳ ⵜⴼⵓⴳⵍⴰ ⵢⴰⴷ, ⵜⴼⴽⴰ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⵙⵎⵖⵓⵕⵜ ⵍⴰⵍⵍⴰ ⵃⵙⵏⴰ ⵏ « ⵜⴰⵖⴰⵔⵜ ⵜⴰⵙⵓⵍⴰⵏⵜ » ⵉⵙⵎⵖⵓⵕⵏ ⵏ ⵜⵙⵓⵜⵍⵜ ⵜⴰⵎⵣⴳⴰⵔⵓⵜ, ⵙ ⵓⵙⵢⵉⵙⵏ ⵏ ⵜⵙⵏⵜⴰⵢⵉⵏ ⵏⵏⵙⵏ ⴳ ⵉⴳⵔⴰⵏ ⵏ ⵓⵙⴼⵔⴳ ⴷ ⵓⵙⴳⵎⵉ ⴰⴼⴰⴷ ⴰⴷ ⵢⵉⵍⵉ ⵓⵙⴱⵓⵖⵍⵓ ⵏ ⵜⴳⵎⵉ ⴳ ⵜⴰⵖⴰⵔⵜ ⵜⴰⵙⵓⵍⴰⵏⵜ, ⴷ ⵓⵣⵓⵣⵣⵔ ⵏ ⵜⵎⵙⴽⵔⵜⵉⵏ ⵜⵉⵏⴰⵎⵓⵏⵉⵏ ⴰⴼⴰⴷ ⴰⴷ ⵢⵉⵍⵉ ⵃⵟⵟⵓ ⴷ ⵓⴼⵔⴰⴳ ⵉ ⵜⴰⵖⴰⵔⵜ.
ⴰⵡⵜⵜⴰⵙ ⵏ ⵜⵙⵎⵖⵓⵕⵜ ⵍⴰⵍⵍⴰ ⵃⵙⵏⴰ ⵏ « ⵜⴰⵖⴰⵔⵜ ⵜⴰⵙⵓⵍⴰⵏⵜ », ⵍⵍⵉ ⵔⴰⴷ ⵉⵜⵜⵉⵍⵉ ⴽⵓ ⵙⵉⵏ ⵉⵙⴳⴳⵯⴰⵙⵏ, ⵢⴰⵖⵓⵍ ⵙ ⵜⴰⵎⵓⵏⵜ ⵏ ⵛⴰⵢⴳⴰⵏ ⵏ ⵉⵎⵙⴽⵔⵏ ⵏ ⵓⵙⴰⴳⴳⵯ ⵏ ⵜⴳⵎⵉ ⵏ ⵜⴰⵖⴰⵔⵜ ⵜⴰⵙⵓⵍⴰⵏⵜ ⴷ ⵓⵙⵙⵔⵇⴱ ⵏ ⵜⵙⵏⵜⴰⵢⵉⵏ ⵏ ⵜⵎⵓⵔⵉ ⴷ ⵜⵙⵏⵜⴰⵢⵉⵏ ⵏ ⵉⵄⵔⵔⵉⵎⵏ ⴷ ⵓⵥⵟⵟⴰ ⴰⵎⵙⵎⵓⵏⴰⵏ.