ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⵏⵏⵙ ⵉⵎⴷⵔⴰⵡⵏ ⵏ ⵜⵉⵏⴰⵡⵜ « ⴼⵉⴽⵔ » ⴳ ⵜⵙⵓⵜⵍⵜ ⵏⵏⵙ ⵜⵉⵙⵙ 13, ⵉⴱⴷⴰⵏ ⴰⵚⵏⴰⵟ ⵏ ⵓⴽⵕⴰⵙ ⴳ ⵚⵅⵉⵕⴰⵜ, ⵍⵍⵉ ⵜⵙⴽⴰⵔ ⵜⵎⵔⵙⵍⵜ ⵏ ⵓⵙⵡⵉⵏⴳⵎ ⴰⵄⵔⴰⴱ ⵍⵍⵉ ⵉⵏⵙⵙⵉⵅⴼ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⴳⵍⴷⵓⵏ ⵅⴰⵍⵉⴷ ⵍⴼⴰⵢⵚⴰⵍ ⵢⵉⵡⵉⵙ ⵏ ⵄⴱⴷ ⵍⵄⵣⵉⵣ ⴰⵍ ⵙⴰⵄⵓⴷ, ⴷ ⵓⵍⴰ ⴰⴽⴽⵯ ⵉⴳⵎⴰⵎⵏ ⵏ ⵓⵙⵇⵉⵎ ⵏⵏⵙ, ⵅⴼ ⵜⵓⴳⴳⵯⴰⵣ ⵏⵏⵙⵏ ⵍⵍⵉ ⵉⵜⵜⴰⵡⵙⵏ ⵅⴼ ⵜⴳⵎⵉ ⵏ ⵡⴰⵏⵏⴰⵍⵏ ⵏ ⵜⵎⵜⵜⴰ, ⴷ ⵡⴰⵏⵏⴰⵍ ⵏ ⵡⴰⵜⵉⴳⵏ ⴷ ⵓⵙⵏⴼⵍⵓⵍ ⵏ ⵜⴰⵎⵎⵓⵔⵜ ⵜⴰⵄⵔⴰⴱⵜ.
ⴷ ⵜⵙⴰⵡⵍ ⵜⴱⵔⴰⵜ ⴰⴷ ⵜⴰⴳⵍⴷⴰⵏⵜ ⵅⴼ ⵜⵉⵍⴰⵡⵜ ⵏ ⵜⴱⴹⵉⵜ ⴷ ⵜⵣⵓⵏⵉⵜ ⵍⵍⵉ ⵉⵍⵍⴰⵏ ⴳⵔ ⵉⵣⴷⴷⴰⵢⵏ ⵏ ⵜⵎⵉⵣⴰⵔ ⵏ ⵡⴰⵄⵔⴰⴱⵏ.
ⴷ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⴷ « ⴰⴳⵣⵣⵓⵎ ⴰⵄⵔⴰⴱ ⵓⵔ ⵉⴳⵉ ⵜⴰⵡⴰⵔⴳⵉⵜ ⵉⵛⵇⵇⴰⵏ, ⵎⴰⵛ ⵉⴳⴰ ⵢⴰⵏ ⵓⵙⵏⵜⵉ ⵉⵥⴹⴰⵕ ⴰⴷⵉ ⵉⵜⵜⵓⵙⴽⴰⵔ, ⴷ ⵉⴳⴰ ⵢⴰⵜ ⵜⵙⵜⵕⴰⵜⵉⵊⵉⵢⵜ ⵉⵡⵀⴰⵏ ⵖⵉⵔ ⵉⵅⵚⵚⴰ ⴰⴷ ⵢⵉⵍⵉ ⵓⵎⵢⴰⵡⴰⵙ ⴰⴽⴽⵯ », ⴷ ⵉⵏⵏⴰ ⵎⴰⵙⵙ « ⴰⵏⵙⵎⴷ ⴰⵄⵔⴰⴱ ⵓⵔⵉⴷ ⴰⵇⵇⵏ ⴷ ⵓⵥⵍⴰⵢ ⵅⴼ ⵓⵎⴰⴹⴰⵍ, ⵎⴰⵛⵛ ⵀⴰⵜ ⴰⵏⵏⵓⵕⵕⵥⵎ ⴷ ⵓⵙⵅⵉⵜⵔ ⵏ ⵜⵣⴷⴷⴰⵢⵉⵏ ⴷ ⵎⵏⵏⴰⵡⵜ ⵉⴷⵡⴰⵙⵏ ⵏ ⵓⵎⴰⴹⴰⵍ ».