ⵉⵏⵏⴰ ⵓⵙⵉⵡⴹ ⵏ ⵓⵏⵎⴰⵍⵍⵓ ⴰⵎⵖⵔⵉⴱⵉ ⵏ ⵓⴼⵔⴰⴳ ⵏ ⵜⴰⵣⵣⴰⵏⵜ ⵎⴰⵙⴷ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵣⴰⵢⵏⴰⴱ ⵜⵙⵙⵎⵖⵕ ⵙ ⵜⵡⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ ⴳ ⵉⴳⵔ ⵏ ⵓⴼⵔⴰⴳ ⵏ ⵜⴰⵣⵣⴰⵏⵉⵏ ⴷ ⵡⴰⵔⴰⵢ ⵙⴳ ⵜⵎⵜⵜⴰⵏⵜ ⵏⵏⵙⵏ, ⵜⴰⵎⵙⵎⵓⵏⵜ ⴰⴷ ⴰⵔ ⵜⴹⴼⵓⵕ ⴰⵡⴷ ⵜⴰⵢⵎⵎⴰⵜⵉⵏ ⵏⵏⴰ ⵜⵜⴰⵔⵓⵏⵉⵏ, ⵜⵙⵙⵎⵖⵕ ⴰⵡⴷ ⵙ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵜⴷⵔⴰⵡⵜ ⴷ ⵓⵏⵎⴰⵍⵍⵓ ⴰⵎⵖⵔⵉⴱⵉ ⵏ ⵓⴼⵔⴰⴳ ⵏ ⵜⴰⵣⵣⴰⵏⵉⵏ .
ⵉⵣⴰⵢⴷ ⵓⵙⵉⵡⴹ ⵎⴰⵙⴷ ⴰⴱⵕⵓⴼⵉⵙⵓⵔ ⴷⵔⵉⵙ ⵍⵄⴰⵍⴰⵡⵉ ⵉⵙⵏⵉⵎⵎⵔ ⵜⴰⴳⵍⴷⵓⵏⵜ ⵍⴰⵍⵍⴰ ⵣⴰⵢⵏⴰⴱ ⵍⵍⵉⵖ ⵜⵔⴰⵔ ⵜⴰⵖⴹⴼⵜ ⵏⵏⵙ ⵙ ⵜⵡⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ, ⴰⵔ ⵜⵙⴽⴰⵔ ⴰⵏⵏⴰⵍ ⵉ ⵜⵡⵡⵓⵔⵉⵡⵉⵏ ⵏ ⵡⴰⵔⴰⵢ ⵏ ⵜⴰⵢⵎⵎⴰⵜⵉⵏ ⵏⵏⴰ ⵙⵖⴰⵡⵙⴰⵏⵉⵏ, ⴷ ⵜⴰⵣⵣⴰⵏⵉⵏ ⴷ ⴱⵃⵔⴰ ⵉⵍⵓⵍⵏ .
ⵉⵙⵎⴷ ⵓⵙⵉⵡⴹ ⴳ ⵓⵙⴰⵜⵉ ⵏ ⵉⵎⴰⵍ ⵏ ⵜⵡⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ ⴰⴷ, ⵍⵍⵉⵖ ⵜⵙⴽⵔ ⴰⵙⵏⵓⴱⴳ ⵏ ⴽⵕⴰⴹ ⵉⵙⵕⵓⴹⵏ ⵏ ⴽⵕⴰⴹⵜ ⵏ ⵜⵎⵙⵎⵓⵏⵉⵏ, ⴰⵏⵎⴰⵍⵍⵓ ⴰⵎⵖⵔⵉⴱⵉ ⵏ ⵓⴼⵔⴰⴳ ⵏ ⵜⴰⵣⵣⴰⵏⵉⵏ ⴷ ⵜⵎⵙⵎⵓⵏⵜ ⵏ ⵉⵏⵚⴰⴼ ⴷ ⵜⵎⵙⵎⵓⵏⵜ ⵏ ⵜⵍⵡⴰⵜ .
ⵜⴼⴽⴰ ⵎⴰⵙⵙⴰ ⵜⴰⴳⵍⴷⵓⵏⵜ ⵜⵓⵎⵍⴰⵢⵉⵏ ⵏⵏⵙ ⴰⴼⴰⴷ ⴰⴷ ⵜⵜⵓⵙⵏⵉⵍⵏⵜ ⵜⴰⵢⵎⵎⴰⵜⵉⵏ ⵙⴳ ⵡⴰⵔⴰⵢ ⴰⵏⴰⵎⵓⵏ ⴷ ⵓⵙⴳⵏⴼ, ⴰⴼⴰⴷ ⴰⴷ ⵙⵙⴳⵎⵉⵏⵜ ⵜⴰⵣⵣⴰⵏⵉⵏ ⵏⵏⵙⵏⵜ ⴳ ⵢⴰⵏ ⵡⴰⴷⴷⴰⴷ ⵉⴼⵓⵍⴽⵉⵏ ⵙ ⵓⵎⵙⴰⵙⴰ ⴷ ⵜⵓⵎⵍⴰⵢⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵙⴷ ⵜ ⵉⵃⵔⵣ ⴱⴰⴱ ⵏ ⵉⴳⵏⵡⴰⵏ ⴰⴼⴰⴷ ⴰⴷ ⵜⵜⵓⵙⵏⵉⵍⵏ ⴰⴽⴽⵯ ⵉⵡⴷⴰⵏ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⵏ .