ⵙⵇⵉⴹⵏ ⵉⵜⵜⵓⵙⴽⵔⵏ ⴰⴷⵓ ⵜⴰⵢⵏⵉⵜ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⵏⵙⵙⵉⵅⴼ ⵏ ⵜⵢⵎⵎⵓⵏⵜ ⵏ ⵍⵇⵓⴷⵙ, ⵙ ⵜⵙⵏⵜⴰⵢⵜ ⵏ ⵜⵙⵏⵓⵔⴰⵢⵜ ⴰⵅⵅⴰⵎ ⵏ ⵜⵜⵎⵏⵢⴰⵜ ⵏ ⵍⵇⵓⴷⵙ, ⵜⴰⵢⵏⵉⵜ ⵏⵏⵙ ⵉⵥⵍⵉⵏ ⵉ ⵜⵎⴷⵉⵏⵜ ⵏ ⵍⵇⵓⴷⵙ ⴷ ⵉⵎⵣⴷⴰⵖ ⵏⵏⵙ.
ⵜⴻⵜⵜⴰⵙ ⴷ ⵜⴰⵙⵏⵜⴰⵢⵜ ⴰⴷ ⵃⵎⴰ ⴰⴷ ⵜⵙⵙⴷⵓⵙ ⵜⵙⵏⵓⵔⴰⵢⵜ ⵏ ⵓⵅⵅⴰⵎ ⵏ ⵜⵜⵎⵏⵢⴰⵜ ⵏ ⵍⵇⵓⴷⵙ, ⵙ ⵉⵙⵏⴼⴰⵔ ⵖⵔ ⵉⵍⵍⴰ ⵉⴹⵉⵙ ⵅⴼ ⵜⵉⵍⴰⵡⵜ ⵏ ⵉⵎⴰⵇⴷⵉⵙⵉⵢⵏ ⵣⵣⴰⴳⵙⵏ ⵜⵉⵎⵖⴰⵔⵉⵏ ⴷ ⵉⵃⵏⵊⵉⵔⵏ ⴷ ⵉⵡⴷⴰⵏ ⵉⵍⵍⴰⵏ ⴳ ⵡⴰⴷⴷⴰⴷ ⵉⵀⵔⵛⵏ.
ⵙⵜⴰⴼⴷⵏ ⵙⴳ ⵓⵖⴰⵡⴰⵙ ⵏ ⵓⵙⵇⵉⴹⵏ ⵏ ⵓⵏⴱⴷⵓ ⵏ ⵜⵙⵏⵓⵔⴰⵢⵜ ⵏ ⵓⵅⵅⴰⵎ ⵏ ⵜⵜⵎⵏⵢⴰⵜ ⵏ ⵍⵇⵓⴷⵙ ⵙⴳ ⵡⴰⵎⵉ ⵜⴱⴷⴰ ⴰⵙⴳⴳⵯⴰⵙ ⵏ 2008 ⵉⵡⵡⴹⵏ ⵜⴰⵙⵓⵜⵍⵜ ⵏⵏⵙ ⵜⵉⵙ 14 ⵛⴰ ⵏ 700 ⵏ ⵓⵃⵏⵊⵉⵔ ⵙⴳ ⵎⵔⵔⴰ ⵜⵓⴷⴷⵓⵔⵉⵏ ⵏ ⵍⵇⵓⴷⵙ ⴷ 70 ⵏ ⵓⵎⵙⵙⴰⵜⵉ ⵉⵕⵓⵃⵏ ⵖⵔ ⵎⴰⵔⵔⴰ ⵜⴰⵙⴳⵉⵡⵉⵏ ⵏ ⵜⵎⴰⵣⵉⵔⵜ ⴱⴷⴷⵏ ⵅⴼ ⵜⵡⵉⵣⴰ ⵏ ⵉⵎⵖⵔⴰⴱⵉⵢⵏ ⴰⴽⴷ ⵉⴼⴰⵍⵉⵙⵟⵉⵏⵢⵏ.
ⴰⵎ ⵜⵡⴰⵍⴰⵜⵉⵏ ⵉⵣⵜⵉⵏ, ⵙⵜⴰⴼⴷⵏ ⵙⴳ ⵜⵡⴰⵍⴰⵜ ⴰⴷ ⵏ ⵓⵙⵇⵉⴹⵏ, ⵎⵉⵏ ⵅⴼ ⵍⴰⵖⴰⵏ "ⵜⴰⵡⴰⴷⴰ ⵜⴰⵣⴳⵣⴰⵡⵜ" ⵉⵜⵜⵓⴳⴳⵏ ⴳⵔ 10 ⴷ 26 ⵏ ⵜⵖⵓⵛⵜ ⵛⴰ ⵏ ⵄⵃⵏⵊⵉⵔⵏ ⴷ ⵉⵎⴰⵇⴷⵉⵙⵉⵢⵏ (ⵉⵡⵜⴰⵎⴰⵏ ⴷ ⵜⵡⵜⵎⵉⵏ) ⴰⵇⵇⴰ ⵜⵏ ⴳⵔ 11 ⴷ 14 ⵏ ⵓⵙⴳⴳⵯⴰⵙ ⴰⴽⵉⴷⵙⵏ ⵉⵎⵙⵙⴰⵜⵉⵏ ⵙⴳ ⵍⵇⵓⴷⵙ.
ⵙ ⵓⵣⵎⵣ ⴰⴷ, ⵜⴳⴳⴰ ⵍⴰⵍⵍ ⵏ ⵓⵜⵓⵢ ⴰⴳⵍⴷⴰⵏ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵢⴰⵜ ⵜⵡⵍⴰⴼⵜ ⴰⴽⴷ ⵉⵃⵏⵊⵉⵔⵏ ⵉⵎⴰⵇⴷⵉⵙⵉⵢⵏ ⵉⴷⵔⵓⵏ ⴳ ⵓⵙⵇⵉⴹⵏ ⴷ ⵉⵎⵙⵙⴰⵜⵉⵏ ⵏⵏⵙⵏ.