ⵉⵏⵏⴰ ⵎⴰⵙⵙ ⵙⴰⴹⵉⵇⵉ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⵅⴼ ⵓⵙⵏⵜⵍ ⴰⴷ ⵎⴰⵙⴷ ⴰⴼⵙⴰⵔ ⵢⵓⵜⵉ ⴰⵙⵙⵓⵜⵔ ⵏⵏⴰ ⵉⴳⵓⵍⴰⵏ 5.6 ⵎⵍⵢⵓⵏ ⵏ ⵉⵅⴼ ⵏ ⵉⵍⵇⵇⴰⵄⵏ ⴷ ⵡⴰⵖⴰⴹⵏ ⴳⵔ 5 ⵎⵍⵢⵓⵏ ⵏ ⵉⵍⵇⵇⴰⵄⵏ ⴷ 600 ⵉⴼⴹ ⵏ ⵡⴰⵖⴰⴹⵏ ⵉⵏⵏⴰ ⵎⴰⵙⴷ ⵜⴰⴷⵓⵙⵉ ⵏ ⵡⵓⵍⵍⵉ ⵜⵣⴷⴷⵉⴳ .
ⵉⵣⴰⵢⴷ ⵓⵎⴰⵡⵙⴰⵙ ⵉⵏⵏⴰ ⵎⴰⵙ ⵜⵜⵓⵙⴽⴰⵔ 214 ⵏ ⵜⵏⴰⴼⵓⵜ ⵏ ⵓⵙⴼⵔⴽ ⴰⴷⵓⵙⴰⵏ ⴷ ⵓⵙⴽⴽⵉⵔ ⵏ 500 ⵏ ⵜⵏⴼⵓⵍⵜ ⵏ ⵓⵣⵣⵔⴰⵢ ⵏ ⵟⵟⵕⵃ ⵏ ⵉⴼⵓⵍⵍⵓⵙⵏ .
ⴰⵢⵍⵍⵉ ⵉⵣⵍⵉⵏ ⵙ ⵜⵡⵡⵓⵔⵉ ⵏ ⵜⴰⵢⵎⵓⵏⵉⵏ ⵏ ⵓⴳⴳⵉⵡⵙ ⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵖⵉⵏ ⴰⴷ ⵙⴽⵔⵏ ⵙⴹⵉⵙ ⵉⵏⵇⵇⵉⵙⵏ ⴷⴼⴼⵉⵔ ⵏ ⵡⴰⵎⵎⴰⵥ ⵏ ⵉⵙⴰⴼⴰⵔⵏ ⴷ ⵓⵔ ⵢⵓⵙⵉⵏ ⵏⵏⴰ ⵓⵔ ⵉⵍⵉⵏ ⵜⵓⵔⴰⴳⵉⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⴷ ⵜⴼⴳⵓⵔⵉⵏ ⵏ ⵍⵄⵍⴼ ⵏ ⵉⴼⵓⵍⵓⵙⵏ ⵜⵜⵓⵙⴽⴰⵔⵏ ⵉⵜⴳⴰⵔⵏ ⵏ ⵓⵙⵍⴳⵏ ⵉ ⵉⵎⵏⴼⴳⵓⵔⵏ ⴰⴷ ⴰⴽⴽⵯ .
ⴳ ⵓⵙⴰⵜⵉ ⴰⴷ, ⵉⵏⵏⴰ ⵓⵎⴰⵡⵙⴰⵙ, ⵎⴰⵙ ⵜⵙⵙⵏⵜⴰ ⵜⵎⴰⵡⵙⴰⵙⵜ ⴳ ⵉⵏⵏⴰⵢⵔ ⵉⵣⵔⵉⵏ ⴳ ⵓⵣⵣⵓⴳⵣ ⵏ ⵡⴰⵀⵉⵍ ⵏ ⵓⵃⵢⵢⵍ ⵏⵏⴰ ⵉⵍⴰⵏ ⴽⵉⴳⴰⵏ ⵏ ⵉⵜⴳⴰⵔⵏ, ⴳⵉⵙ ⵜⵓⵎⵍⴰⵢⵉⵏ ⵏ ⵡⴰⵢⴷⴰ ⴷ ⵓⵙⴽⴽⵉⵔ ⵏ ⵜⵏⴰⴼⵓⵜⵉⵏ ⵏ ⵓⵙⴳⵎⵉ ⵏ ⵉⵎⵓⴷⴰⵔ ⵏ ⵜⴼⴰⵙⴽⴰ ⵏⵏⴰ ⵔⴰⴷ ⵉⵜⵜⵓⵖⵔⴰⵙ .
ⴳ ⵉⴳⵔ ⴰⴷⵓⵙⴰⵏ, ⵜⵙⴽⵔ ⵜⵎⴰⵡⵙⴰⵙⵜ ⴰⴹⴼⵓⵕ ⴰⴷⵓⵙⴰⵏ ⵉ ⵡⵓⵍⵍⵉ ⴷ ⵓⴳⴳⵉⵡⵙ ⵏ ⵍⵄⵍⴼ ⴷ ⵡⵓⵜⵛⵉ ⵏⵏⵙⵏ ⴷ ⵓⵙⴷⴷⵉⴷ ⵏ ⵉⴳⴰⴷⴰⵣⵏ ⵙ 34 ⵏ ⵓⴳⴰⴷⴰⵣ ⵏ ⵓⵣⵣⵏⵣ ⵏ ⵡⵓⵍⵍⵉ ⵏ ⵜⴼⴰⵙⴽⴰ ⵙ ⵜⴷⵔⴰⵡⵜ ⴷ ⵜⵎⴰⵡⵙⴰⵙⵜ ⵏ ⵓⴳⵏⵙ .
ⴳ ⵎⴰⴷ ⵉⵣⵍⵉⵏ ⵙ ⵡⴰⵏⵏⴰⵍ ⵏ ⵉⵎⵙⵙⴳⵎⵉⵜⵏ ⵏ ⵡⵓⵍⵍⵉ, ⵉⵏⵏⴰ ⵓⵎⴰⵡⵙⴰⵙ ⵎⴰⵙ ⵉⵍⵍⴰ ⵡⴰⵏⵏⴰⵍ ⵏ ⵍⵄⵍⴼ ⴷ ⵡⵓⵜⵛⵉ ⵏ ⵡⵓⵍⵍⵉ ⴷ ⵓⵙⵏⵎⴰⵍⴰ ⵏ ⵡⴰⵢⴷⴰ ⵏ ⵜⴰⵢⵙⵙⴰ ⴷ ⵡⴰⴽⴽⴰⵙ ⵏ ⵜⴼⴳⵓⵔⵜ ⵙ ⵜⵣⴷⴰⵢⵜ ⴷ ⵉⵡⵡⵓⵔⴰⵏⵏ .
ⵉⵣⴰⵢⴷ ⵓⵎⴰⵡⵙⴰⵙ ⵉⵏⵏⴰ ⵎⴰⵙⴷ ⵜⴰⵛⴰⵃⵓⵕⵜ ⵏ ⵓⵙⴳⴳⵯⴰⵙ ⴰⴷ ⵜⵣⴰⵢⴷ ⴰⵜⵉⴳ ⵏ ⵓⴼⴰⵔⵙ ⴰⵢⵏⵏⴰ ⵢⵓⵊⵊⴰⵏ ⵜⴰⵏⴱⴰⴹⵜ ⴰⴷ ⵜⵙⵙⴽⵛⵎ ⵡⵓⵍⵍⵉ ⴳ ⴱⵕⵕⴰ ⴰⴼⴰⴷ ⴰⴷ ⵜⴼⵔⴳ ⴰⴼⴰⵔⵙ ⴰⵏⴰⵎⵓⵔ ⴷ ⵓⵎⵙⴰⵙⴰ ⵏ ⵡⴰⵜⵉⴳⵏ ⵏⵏⵙ ⴷⴰⵔ ⵓⵏⵙⵎⵓⵔ ⴷ ⵡⴰⵏⵏⴰⵍ ⵏ ⵡⵓⵍⵍⵉ ⵏⵏⴰ ⴷ ⵉⴽⵛⵎⵏ ⵏⵏⴰ ⵉⵍⴽⵎⵏ 500 ⴷⵔⵀⵎ ⵉ ⵢⵉⵅⴼ .