ⵉⵏⵏⴰ ⵎⴰⵙⵙ ⴳⴰⴱⵢⵓ ⴰⵍⴱⵉⵕ ⵖⴰⵔⵢⴰ ⴷⵉ ⴽⵉⵔⵓⵣ, ⴰⵙⵍⵎⴰⴷ ⴳ ⵜⵉⵏⵎⵍ ⵜⴰⵎⴰⵜⴰⵢⵜ ⵏ ⵓⵏⵣⴰⵖ,ⴳ ⵢⴰⵏ ⵓⵎⴰⴳⵔⴰⴷ ⵏⵏⵙ ⴷⴷⵓ ⵏ ⵓⵣⵡⵍ ⵙ ⵓⵏⴰⵎⴽ ⵉⵎⵓⴽⵔⵉⵙⵏ ⵉⵜⵔⴰⵔⵏ ⵜⵉⵊⵢⵓⵜⵉⵙⵔⵜⴰⵏⵉⵏ ⵏ ⵍⵎⵖⵔⵉⴱ ⴰⵎⵇⵔⴰⵏ , ⵎⴰⵙⴷⴷ ⴰⵡⵏⵏⵉ ⵉⴷⵓⵙⵏ ⵏⵏⴰ ⵜⵙⴽⵔ ⵜⵎⵜⵜⴰ ⵉⵎⵓⵏⵏ ⴳ ⵎⴰⴷ ⵉⵣⵍⵉⵏ ⵙ ⵜⵎⵙⴰⵔⵜ ⵏ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2020 ⵍⵍⵉⵖ ⵜⵙⵙⵖⵥⵏ ⵡⴰⵛⵉⵏⵟⵓⵏ ⵙ ⵜⵎⵖⵔⵉⴱⵉⵜ ⵏ ⵜⵏⵣⵔⵓⴼⵜ , ⴷⴼⴼⵉⵔ ⵍⵍⵉⵖ ⵜⵙⴽⵔ ⵜⴰⵎⵙⵇⴰⴷⵜ ⴳ ⵜⵖⵔⵎⵜ ⵏ ⴷⴷⴰⵅⵍⴰ , ⵉⴳⴰ ⵢⴰⵏ ⵓⵡⵏⵏⵉ ⵉⴷⵓⵙⵏ ⵏ ⵡⴰⵛⵉⵏⵟⵓⵏ ⵙⴳ ⵓⵙⴳⴳⵯⴰⵙ ⵏ 1976 .
ⵉⵣⴰⵢⴷ ⵓⵙⵍⵎⴰⴷ ⵏ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵔⴰⴽⴰⵍⵜⵜⴰⵙⵔⵜⴰⵏⵜ ⵎⴰⵙⴷⴷ ⴰⵡⵏⵏⵉ ⵏ ⵎⵉⵔⵉⴽⴰⵏ ⵉⴷⵓⵙ ⴽⵉⴳⴰⵏ ⵉⴳ ⴰⵙⵔⵜⴰⵏ ⵏⵏⴰ ⵅⴼ ⵜⵙⵜⴳⴳⵜ ⵙⴱⴱⴰⵏⵢⴰ ⵉⵜⵜⵓⵏⵏⴰ ⴳ 18 ⵎⴰⵕⵚ 2022 ⴰⵔⴰⴽⴰⵍ ⴰⵎⴰⵢⵏⵓ ⵏ ⵜⵎⴰⵣⵉⵔⵜ ⵜⴰⵢⴱⵉⵔⵉⵜ .
ⵙⴳ ⵜⴽⵓⵢⴰⵙⵜ ⴰⵏⵏ ⵏⵉⵜ , ⵉⵙⵖⵥⵏ ⵎⴰⵙⵙ ⴱⵉⴷⵓ ⴷ ⵙⴰⵏⵛⵉⵥ ⵙ ⵜⵉⵍⴰⵍ ⵏ ⵜⵏⵣⵔⵓⴼⵜ ⵉ ⵍⵎⵖⵔⵉⴱ ⵉⵏⵣⵖ ⴰⵡⴷ ⴼ ⵓⵙⵏⴱⴹ ⴰⵏⵉⵎⴰⵏ ⴷⴼⴼⵉⵔ ⵍⵍⵉⵖ ⵉⴳⴰ ⴰⴼⵙⵙⴰⵢ ⵏ ⵓⵏⵅⵉⴱⴱⵍ , ⵜⵉⵣⴷⴰⵢⵉⵏ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ ⵓⵔ ⴳⴰⵏⵜ ⵖⴰⵙ ⵜⵉⵏ ⵜⵔⴰⴽⴰⵍⵜ ⵎⴰⵛⴰⵏ ⵎⴰⴷ ⵉⵣⵍⵉⵏ ⴰⵡⴷ ⵙ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⴷ ⵓⵙⴽⵓ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵍⵍⵉⵖ ⵜⵍⴽⵎ ⵜⵏⵣⵓⴼⵜ ⴰⴷⵖⴰⵔ ⵏ ⵜⴰⵛⵛⴰⵔⵜ ⴳⵔ ⵜⵎⵉⵣⴰⵔ ⴷⴷⵅ ⵙ ⵙⵏⴰⵜ .
ⵎⴰ ⴰⵏⵏ ⴰⴼ ⵏⵉⵍⵏⵜ ⴽⵉⴳⴰⵏ ⵏ ⵜⵎⵓⵔⴰⵢⴰⴹⵏⵉⵏ ⴰⵙⵏⴱⴷ ⴰⵏⵉⵎⴰⵏ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⵙⴳ ⴰⵢⵏⵏⴰ ⵙ ⵜⵏⵏⴰ ⵜⴽⵓⵢⴰⵙⵜ , ⴰⵡⴷ ⵜⴰⴷⵉⴱⵍⵓⵎⴰⵙⵉⵜ ⵏ ⵕⵕⴱⴰⵟ ⵏⵏⴰ ⵉⴼⴽⴰⵏ ⴽⵉⴳⴰⵏ ⵏ ⵜⵢⴰⴼⵓⵜⵉⵏ .
ⵜⵏⵏⴰ ⴰⵡⴷ ⵎⴰⵙⴷ ⵎⴰ ⴰⵏⵏ ⵉⴳⴰ ⵢⴰⵏ ⵓⵔⵏⵏⵓ ⴰⴷⵉⴱⵍⵓⵎⴰⵙⵉ ⵏ ⵍⵎⵖⵔⵉⴱ, ⴷ ⵓⵛⵃⵓ ⵏ ⵓⵡⵏⵏⵉ ⵏ ⴷⴷⵣⴰⵢⵔ ⴳ ⵉⴳⵔ ⴰⴷ ⴰⵊⵢⵓⵙⵔⵜⴰⵏ .
ⵉⵏⴰⵏ ⵓⵎⵥⵍⴰⵢ ⴰⴷ ⵎⴰⵙⴷ ⵜⴰⵙⵜⵕⴰⵜⵉⵊⵉⵢⵢⵜ ⵏ ⵍⵎⵖⵔⵉⴱ ⵉⴷⵓⵙⵏ ⴰⵔ ⵜⵎⵎⴰⵍⴰ ⵜⵉⵕⵡⵉ ⵏⵙⵏ ⴳ ⵉⴳⵔⴰⵏ ⵉⵎⴰⴹⵍⴰⵏⵏ ⵜⵙⴽⵓ ⴰⵡⴷ ⵜⵉⵣⴷⴰⵢⵉⵏ ⵜⵉⵙⵜⵕⴰⵜⵉⵊⵉⵢⵢⵉⵏ ⴳ ⵡⴰⵢⴷⴰ ⴰⵎⵖⵔⵉⴱⵉ .
ⵜⵏⵏⴰ ⵜⴽⵓⵢⴰⵙⵜ ⵎⴰⵙⴷⴷ ⴳ ⵉⴳⵔ ⴷⴷⵅ ⴰⵏⵟⵓⵍⵓⵊⵉ, ⵎⴰⵙ ⵢⵓⴷⴼ ⵉⴼⴼⵓⵙ ⵏ ⵓⴳⴰⵔⵓ ⴰⵟⵍⴰⵙⵉⵏⵖⴷ ⵜⴰⵖⴰⵔⵜ ⵏ ⵓⵜⵡⴰⵏ ⴰⴼⵔⵉⵇⵉ ⵍⵍⵉⵖ ⵜⵏⵏⴰ ⵍⴱⵕⴰⵣⵉⵍ ⵎⴰⵙⴷ ⵍⵎⵖⵔⵉⴱ ⴰⵎⵇⵔⴰⵏ ⵉⵎⵙⴰⵙⴰ ⴳ ⵉⴳⵔ ⵏ ⵜⵣⴷⴰⵢⵉⵏ ⴷ ⵜⵙⵜⵕⴰⵜⵉⵊⵉⵢⵢⵉⵏ ⵏⵏⵙ ⵜⵉⵙⵔⵜⴰⵏⵉⵏ .
ⵉⵏⵏⴰ ⴷⴰⵖ ⵓⵎⵥⵍⴰⵢ ⴰⴱⵕⴰⵣⵉⵍⵉ ⵎⴰⵙⴷ ⴰⵙⵏⴱⴷ ⴰⵏⵉⵎⴰⵏ ⵉⵙⴽⴰ ⵉⵅⴼ ⵏⵏⵙ ⵉⴽⴽⴰ ⴰⴱⵔⵉⴷ ⵉⵖⵣⵣⵉⴼⵏ ⴰⴼⴰⴷ ⴰⴷ ⵉⵙⴷⴷⵉⴷ ⴰⵎⵙⴰⵙⴰ ⴳ ⵉⵣⵣⵍⵎⴹ ⵏ ⵉⴼⵔⵉⵇⵢⴰ ⴰⴼⴰⴷ ⴰⴷ ⴳⵉⵙ ⵜⴰⵡⵉ ⴰⵡⴷ ⵍⴱⵕⴰⵣⵉⵍ ⵍⴼⴰⵢⵜⵜ ⵉⴳⴳⵓⵜⵏ .
ⴰⵎⵣⵔⵓⵢ ⵏ ⵉⵎⵉⵖⵏ ⴳⵔ ⴷⴷⵣⴰⵢⵔ ⴷ ⵍⵎⵖⵔⵉⴱ, ⵏⵏⴰ ⵉⴳⴰⵏ ⵜⵉⵎⵉⵣⴰⵔ ⵏⵏⴰ ⵔⴰⴷ ⵉⵙⴽⵓ ⴰⴼⵔⴰ ⴳ ⵉⴳⵔ ⴰⵏⵎⵏⴰⴹ , ⵉⵇⵇⴰⵏⴷ ⴰⴷ ⵢⵉⵍⵉ ⵓⵎⵙⴰⵙⴰ ⴰⴼⴰⴷ ⴰⴷ ⵉⵣⴷⴷⵉⴳ ⵉⴳⵔ ⴰⵙⵔⵜⴰⵏ ⴳ ⵜⵎⵏⴰⴹⵜ ⵜⴰⴼⵔⵉⵇⵉⵜ .
ⵉⵣⵣⴳⵣⵍ ⵎⴰⵙⵙⴷⵉ ⴽⵉⵔⵓⵣ ⵉⵏⵏⴰ ⵎⴰⵙⴷ ⴰⵏⵅⵉⴱⴱⵍ ⴰⴷ ⵉⴽⴽⴰ ⴽⵉⴳⴰⵏ ⵏ ⵉⵙⴳⴳⵯⴰⵙⵏ , ⴰⵙⵏⴱⴹ ⴰⵏⵉⵎⴰⵏ ⵏⵏⴰ ⵉⴼⴽⴰ ⵍⵎⵖⵔⵉⴱ ⴳ 2007 ⵉⵇⵇⴰⵏⴷ ⴰⴷ ⵙⵔⵙ ⴰⵖⵓⵍⵏ ⵉⵎⵏⴰⴷⵏ ⵙ ⵙⵉⵏ . ⴰⴼⴰⴷ ⴰⴷ ⵙⴽⵔⵏ ⵢⴰⵏ ⵓⴼⵙⵙⴰⵢ ⵉⴷⵓⵙⵏ , ⵏⵏⴰ ⵉⴳⴰⵏ ⴰⵏⵎⵎⴰⵙⵙⵓ ⴰⴼⴰⴷ ⴰⴷ ⵜⴼⵓⴽⴽⵓ ⵜⵎⵓⴽⵔⵉⵙⵜ ⴷ ⵓⵏⵅⵉⴱⴱⵍ ⴳⵔⴰⵜⵙⵏ .