ⵜⴰⵎⵢⴰⵇⵇⴰⵏⵜ ⴰⴷ ⵉⵙⵙⴳⵍⴹ ⵓⵏⴱⴷⴰⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵃⵎⴰⴷ ⴱⵓⴽⵓⵙ, ⴷ ⵓⵏⵎⵀⴰⵍ ⴰⵎⴰⵜⵓ ⵏ ⵜⴳⵔⵓⵎⵎⴰ ⵏ ⵜⵙⴰⵡⴰⵢⵜ ⵏ ⵍⵎⵖⵔⵉⴱ, ⴰⵎⵉⵏ ⴱⵏ ⵊⵍⵍⵓⵏ ⵜⵜⵡⵉⵎⵉ, ⵉⴳⵔⴰⵏ ⵏ ⵓⵙⵙⵓⵖⵍ, ⴰⵙⵎⵓⵜⵜⴳ, ⴰⵎⵙⴰⵡⴰⴹ ⴷ ⵓⵏⵜⴰⵎ.
ⴳ ⵢⴰⵏ ⵡⴰⵡⴰⵍ ⵏⵏⵙ, ⵉⵏⵏⴰ ⵎⴰⵙⵙ ⴱⵓⴽⵓⵙ ⵉⵍⴰ ⵜⴰⵎⵢⴰⵇⵇⴰⵏⵜⴰ ⴰⴷ ⵜⵅⵙ ⴰⴷ ⵜⵙⵙⵉⴷⴼ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵃⵎⴰ ⴰⴷ ⵜⵜ ⵙⵎⵔⵙⵏ ⴳ ⵜⵏⴰⴼⵓⵜⵉⵏ ⴷ ⵜⵎⵙⵙⵓⴳⵓⵔⵉⵏ ⵉⴹⴼⵕⵏ ⵉ ⵜⵎⵔⵙⵍⵜ ⵏ ⵜⵙⴰⵡⴰⵢⵜ ⵏ ⵍⵎⵖⵔⵉⴱ, ⵉⵣⵎⵎⵉⵎ ⵉⵍⴰ ⴰⵙⴽⴽⵉⵔ ⵏ ⵓⵙⵙⵉⴷⴼ ⵏ ⵜⵎⴰⵣⵉⵖⵜ ⴳ ⵡⴰⵟⵟⴰⵙ ⵏ ⵜⵎⵔⵙⴰⵍ ⵜⵉⵎⴰⵜⵓⵜⵉⵏ ⵜⴱⴷⴰ ⵜⴻⵜⵜⵉⵛ ⵍⵖⵍⵍⵜ ⵏⵏⵙ.
ⵉⵎⵎⵍⴰ ⵉⵙ ⴷ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉⵅⴷⴷⵎ ⴰⴽⴷ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⴱⴰⵛ ⴰⴷ ⴳⴳⵏ ⴰⵙⵉⵜ ⴰⵍⵉⴽⵟⵕⵓⵏⵉ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵉⵔⵏⴰ ⵉⵏⵏⴰ ⵉⵍⴰ ⴰⵡⵜⵜⴰⵙ ⵙⴳ ⵜⵎⵢⴰⵇⵇⴰⵏⵜ ⴰⴷ ⵜⴰⵎⴷⵔⴰⵡⵜ ⴱⴰⵛ ⴰⴷ ⵙⵙⵅⴷⵎⵏ ⵉⵎⵓⴼⴰⵖ ⵏ ⵜⵖⵓⵔⵉⵡⵉⵏ ⵜⵉⵎⴰⵣⵉⵖⵉⵏ ⵃⵎⴰ ⴰⴷ ⵎⵙⴰⵡⴰⴹⵏ ⴰⴽⴷ ⵜⵏⴰⴼⵓⵜⵉⵏ ⵏ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⵉⵙⵙⴰⵡⴰⵍⵏⵉⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⵙⴳ ⵓⵖⵣⴷⵉⵙ ⵏⵏⵙ, ⵉⵡⴽⴽⴷ ⵎⴰⵙⵙ ⴰⵎⵉⵏ ⴱⵏ ⵊⵍⵍⵓⵏ ⵜⵜⵡⵉⵎⵉ, ⵎⴰⵙ ⴷ ⵜⴰⵎⵢⴰⵇⵇⴰⵏⵜ ⴰⴷ ⵏ ⵜⴷⵔⴰⵡⵜ ⵜⵎⵎⴰⵍ ⴷ ⵎⵣⵔⵉ ⵏ ⵜⴳⵔⵓⵎⵎⴰ ⵏ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵙⵙⵉⴷⴼⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵏⴰⴼⵓⵜⵉⵏ ⵏⵏⵙ, ⵎⴰⵏⵉ ⵉⵏⵏⴰ ⵉⵍⴰ ⵜⴻⵜⵜⵡⴰⴳⴳ ⵉⵊⵊ ⵏ ⵜⴳⵔⴰⵡⵜ ⵉⵎⵓⵏⵏ ⴷⴰⴳⵙ ⵉⴳⵏⵙⴰⵙ ⵙⴳ ⵙⵉⵏ ⵏ ⵜⵎⵔⵙⴰⵍ ⵃⵎⴰ ⴰⴷ ⴹⴼⵕⵏ ⴰⵙⵙⵎⵀⵍ ⵏ ⵜⵎⵢⴰⵇⵇⴰⵏⵜ ⴰⴷ.
ⵉⵏⵏⴰ ⴳ ⵉⴳⵔ ⴰⴷ, ⵎⴰⵙ ⴷ ⵜⴰⵙⴰⵡⴰⵢⵜ ⵏ ⵍⵎⵖⵔⵉⴱ ⵜⵅⴷⴷⵎ ⵃⵎⴰ ⴰⴷ ⵜⵙⵓⵙⵙⵏ ⵙ ⵡⴰⵢⴷⴰ ⴰⴷⵍⵙⴰⵏ ⴰⴽⵎⴰⵎ ⴷ ⵡⴰⵔⴽⵎⴰⵎ ⵙ ⵓⵙⵙⵓⴼⵖ ⵏ ⵛⴰ ⵏ ⵉⵜⵍⴰⵏ ⵉⵙⴰⵡⴰⵢⴰⵏⵏ, ⵉⴱⴷⵔ ⴷ ⵉⵍⴰ ⵜⴰⴳⵔⵓⵎⵎⴰ ⵜⵙⵙⴼⵖ ⴷ ⵙ ⵓⴽⵜⴰⵢ ⵡⵉⵙ 46 ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵜⴰⵅⴰⵜⴰⵔⵜ, ⵉⵊⵊⵏ ⵉⵜⵍⵉ ⴰⵙⴰⵡⴰⵢⴰⵏ ⴰⴽⵜⴰⵢⴰⵏ, ⵉ ⴷⵉ ⵜⵍⵍⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⴰⵡⵔⵏⵉ ⵜⴰⵎⵢⴰⵇⵇⴰⵏⵜ ⴰⴷ, ⵉⴳⴳⵓⵔ ⴰⴷ ⵢⵓⴳⵓⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⴽⴷ ⵜⵎⵔⵙⵍⵜ ⵏ ⴱⴰⵔⵉⴷ ⵍⵎⵖⵔⵉⴱ ⴳ ⵓⵙⴽⴽⵉⵔ ⵏ ⵓⵙⵙⵓⵖⵏ ⵏ ⵜⵥⵕⵉⴳⵉⵏ ⵏ ⵓⵎⵢⴰⵡⴰⴹ ⵖⵔ ⵜⵎⴰⵣⵄⵖⵜ ⴰⴽⴷ ⵓⵣⴷⴰⵢ ⴳⵔ ⵙⵏⴰⵜ ⴰ ⵏ ⵜⵎⵔⵙⴰⵍ ⵃⵎⴰ ⵙⵙⵓⵖⵍⵏ ⵍⴱⵍⴰⵢⴽ ⴳ ⵜⵓⵚⴽⵉⵡⵉⵏ ⵜⵉⵎⵙⵙⵓⴳⵓⵔⵉⵏ ⵏ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⴷ ⵜⵏⴰⴼⵓⵜⵉⵏ ⵏ ⴱⵕⵕⴰ ⴷ ⵜⵎⵔⵙⴰⵍ ⵏⵏⵙ.
ⴳ ⵉⴳⵔ ⵏ ⵓⵙⵎⵓⵜⵜⴳ, ⵜⵏⵏⴰ ⵜⴰⵎⵢⴰⵇⵇⴰⵏⵜ ⴰⴷ ⵉⵍⴰ ⴷⴰⴳⵙ ⵉⵊⵊⵏ ⵓⵖⴰⵡⴰⵙ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵜⵎⴰⵣⵉⵖⵜ, ⴷ ⵜⵓⴳⵓⵔⵜ ⴰⴽⴷ ⵜⵙⴰⵡⴰⵢⵜ ⵏ ⵍⵎⵖⵔⵉⴱ ⴳ ⵓⵙⵜⴰⵢ ⵏ ⵎⴷⴷⵏ ⵉⵥⵍⵉⵏ ⴳ ⵓⵙⵙⵓⵖⵍ ⵖⵔ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⴷⵓⵙ ⵏ ⵜⵡⴰⵍⴰⵜⵉⵏ ⵏ ⵓⵙⵎⵓⵜⵜⴳ ⵉ ⵅⵉⴷⴷⴰⵎⵏ ⵏ ⴱⴰⵔⵉⴷ ⵏ ⵍⵎⵖⵔⵉⴱ ⵏⵏⵉ ⵉ ⵖⴰ ⵉⵙⵙⵖⵔⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵎⴷⴷⵏ ⵍⵍⵉ ⵉⵙⵏⴱⴳⵉⵡⵏ ⴷ ⵓⵙⵙⵓⴳⵓⵔ ⵏ ⵓⵙⵉⵜ ⴰⵍⵉⴽⵟⵕⵓⵏⵉ. ⴰⴽⵉⴷⵙ ⵉⵎⴰⵙⵙⵏ ⵉⴱⵉⴷⴰⴳⵓⵊⵉⵢⵏ (ⴰⵎⴰⵡⴰⵍ, ⵉⵖⴰⵡⴰⵙⵏ, …) ⴰⴷ ⴽⵎⵎⵍⵏ ⵅ ⵜⵡⵓⵔⵉ ⵏⵏⵙ ⴳ ⵎⵉⵏ ⵉⵇⵇⵏⵏ ⵖⵔ ⵉⴳⵔ ⴰⴷ.
ⵉⴳⵔ ⵏ ⵓⵎⵢⴰⵡⴰⴹ ⴷ ⵓⵣⴷⴰⵢ ⴳ ⵉⵏⵀⵣⵣⵉⵜⵏ ⵏ ⵓⵎⵙⴰⵡⴰⴹ ⵏ ⵜⵙⴰⵡⴰⵢⵜ ⵏ ⵍⵎⵖⵔⵉⴱ, ⴰⵙⴷⵓⵙ ⵏ ⵜⵎⵙⴽⴰⵏⵉⵏ ⴷ ⵉⵎⵍⵇⵉⵜⵏ ⵉⵇⵇⵏⵏ ⵖⵔ ⵜⵡⵓⵔⵉ ⴰⴷ.