ⵉⵏⵏⴰ ⵓⵙⵉⵡⴹ ⵏ ⵜⵎⵔⵙⵍⵜ ⴰⴷ, ⴰⵙⵙ ⵏ ⵓⴽⵕⴰⵙ ⵎⴰⵙⴷ ⴰⵀⵉⵍ ⴰⴷ ⵏ ⵡⴰⵢⵓⵔ ⵏ ⵓⵥⵓⵎ ⵔⴰⴷ ⵉⵙⵙⴼⵔⴽ ⴳ ⵉⴳⵔ ⵏ ⴷⴷⵉⵏ ⴷ ⵔⴰⴷ ⵉⴹⴼⵕ ⵜⴰⵔⵡⴰ ⵏ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴳ ⴰⵍⵎⴰⵏⵢⴰ,ⴱⵍⵊⵉⴽⴽⴰ,ⵙⴱⴱⴰⵏⵢⴰ,ⵙⵙⵡⵉⴷ,ⵙⵡⵉⵙⵔⴰ,ⵏⵏⵕⵡⵉⵊ,ⴽⴰⵏⴰⴹⴰ, ⴷ ⵜⵎⵜⵜⴰ ⵉⵎⵓⵏⵏ ⵏ ⵎⴰⵔⵉⴽⴰⵏ .
ⵉⵏⵏⴰ ⵓⵙⵉⵡⴹ ⵎⴰⵙ ⵔⴰⴷ ⵉⵙⵙⵏⵜⵉ ⵡⴰⵀⵉⵍ ⴰⴷ ⴳ ⵡⴰⵙⵙ ⵏ 20 ⵎⴰⵕⵚ ⴰⴷ ⵙⴳ ⵓⵣⴰⴳⵯⵣ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴰⴳⵔⴰⵖⵍⴰⵏ ⴳ ⵜⴳⵎⵎⵉ ⵜⵓⵎⵍⵉⵍⵜ,ⵏⵏⴰⴳ ⵍⵍⴰⵏ ⵉⵙⵍⵎⴰⴷⵏ ⵉⵙⴷⴰⵡⴰⵏⵏ ⴷ ⵍⴼⵇⵀⴰ ⴷ ⵉⵎⵖⵔⵉⵜⵏ ,ⵏⵏⴰ ⵉⵙⵜⴳⴳⵔⵏ ⵙ ⵜⵥⴰⵍⵍⵉⵡⵉⵏ ⵏ ⵜⵜⵕⴰⵡⵃ, ⵔⴰⴷ ⵜⵙⵓⵍ ⴰⵔ 22 ⴰⴱⵔⵉⵍ 2023.
ⵜⴰⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙⵙ ⵙⵉⵏ ⵏ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴰⵔ ⵜⴰⴽⴽⴰ ⵜⵉⵎⵙⵉⵔⵉⵏ ⵏ ⵓⵙⴼⵔⴽ ⴳ ⴷⴷⵉⵏ ⵙⴳ ⵓⵙⴳⴳⵯⴰⵙ ⵏ 1992 .
ⵙⴳ ⵓⵙⵉⵡⴹ, ⴰⵙⴳⴳⵯⴰⵙ ⵏ 2022 ⵜⵜⵢⴰⵣⴰⵏⵏ 252 ⵏ ⵓⴳⵎⴰⵎ ⵏⴰ ⵉⴹⴼⵕⵏ ⵉⵎⵖⵔⵉⴱⵉⵏ ⵉⵍⵍⴰⵏ ⴳ ⴱⵕⵕⴰ ⴰⵢⵢⵓⵔ ⵏ ⵓⵥⵓⵎ ⴽⵓⵍⵍ,ⵏ 1443 ⴳ ⴼⵕⴰⵏⵚⴰ, ⴰⵍⵎⴰⵏⵢⴰ,ⴱⵍⵊⵉⴽⴽⴰ,ⵙⴱⴱⴰⵏⵢⴰ,ⵀⵓⵍⴰⵏⴷⴰ, ⵉⵟⴰⵍⵢⴰ, ⵙⵡⵉⴷ, ⴱⵕⵉⵟⴰⵏⵢⴰ,ⴰⴷⵔⴰⵔ ⵏ ⵟⴰⵕⵉⵇ,ⴷⴷⴰⵏⵉⵎⴰⵕⴽ, ⵙⵡⵉⵙⵔⴰ,ⵏⵏⵎⵙⴰ, ⵉⵙⵍⴰⵏⴹⴰ, ⵀⵏⴳⴰⵕⵢ, ⴰⴽⴰⵏⴰⴹⴰ, ⴷ ⵜⵎⵜⵜⴰ ⵉⵎⵓⵏⵏ ⵏ ⵎⵉⵔⵉⴽⴰⵏ .