ⵜⴳⴰ ⵜⵉⴳⴳⵉⵜ ⴰⴷ ⵍⵍⵉ ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵙ ⵜⵏⵙⵙⵉⵅⴼⵜ ⵏ ⵏⴰⴷⵉⵢⴰ ⴱⵓⵄⵉⴷⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⴰⵔⴰⵢⵜ ⵜⴰⵏⴰⵎⵓⵔⵜ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⵜⵉⵍⵉ ⴳⵉⵙ ⵏⴰⴷⵉⵢⴰ ⵍⵇⵓⵏⵚⵓⵔⵉ ⴷ ⵚⵓⵍⵓⵃ ⵍⵉⴷⵔⵉⵙⵉ ⵓⵙⵙⴰⵏ ⵏ 27 ⴷ 28 ⴱⵕⴰⵢⵕ, ⵉⴳⴰ ⴰⵣⵎⵣ ⵏ ⵙⵏⴼⵍ ⴷ ⵜⴷⵔⴰⵡⵜ ⵏ ⵜⵏⵏⴰⵢⵉⵏ ⴰⴽⴷ ⵉⵎⴰⵙⴰⵢⵏ ⵏ ⵜⵏⴱⴰⴹⵜ ⵅⴼ ⵜⴱⵔⵉⴷⵉⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵙⵏⴽⴷ ⵏ ⵜⵉⵔⵎⵉⵜⵉⵏ ⴳ ⵉⴳⵔⴰⵏ ⵉⵛⵛⴰⵔⵏ ⴰⴽⵉⴷⵙⵏ.
ⴳ ⵓⵙⴰⵜⵉ ⴰⴷ ⵉⵎⵎⴰⴳⴳⴰⵔ ⵓⴽⴰⴱⴰⵕ ⵙ ⵜⵉⵍⵉⵜ ⵏ ⵄⵜⵎⴰⵏ ⴱⴰⵃⵏⵉⵏⵉ ⴰⵎⵙⵇⴰⴷ ⵏ ⵓⴳⵍⵍⵉⴷ ⴳ ⵍⴱⵓⵔⵜⵓⵖⴰⵍ ⴷ ⴼⵔⴰⵏⵙⵓⵙⴽⵓ ⴰⵏⴷⵔⵉ ⴰⵎⴰⵔⴰ ⵏ ⵓⵡⴰⵏⴽ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴳ ⵍⴱⵓⵔⵜⵓⵖⴰⵍ, ⵎⴽ ⵍⵍⵉ ⵙ ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵅⴼ ⵡⴰⴷⴷⵓⵔ ⵏ ⵜⴰⵜⵜⵓⵢⵜ ⵏⵏⴰ ⵉⵍⵍⴰⵏ ⵖⵓⵔ ⵍⵎⵖⵔⵉⴱ ⴳ ⵓⵎⵏⵥⴰⵡ ⴷ ⵓⵙⴳⴰⵡⴰⵏ, ⵎⴰⵙ ⵉⴳⴰ ⵢⴰⵜ ⵜⵎⴰⵣⵉⵔⵜ ⵏⵏⴰ ⴷⴰⵔ ⵜⵉⴼⴰⴷⵉⵡⵉⵏ ⵏ ⵜⵙⴰⵔⵡⴰ ⴳ ⵜⵓⴳⵜⵜ ⵏ ⵉⴳⵔⴰⵏ ⵏ ⵜⴷⵎⵙⴰ ⴷ ⵜⵎⴳⵓⵔⵉ ⴰⵡⴷ ⵜⵓⵚⵉⵡⵉⵏ ⵜⵉⵏⴰⴷⴷⴰⵡⵉⵏ ⵜⵉⴷⵙⵍⴰⵏⵉⵏ ⴰⵡⴷ ⴰⴼⵔⴰ ⴰⵏⴰⵎⵓⵏ ⴷ ⵓⵏⵣⵡⵉ ⴰⵙⵔⵜⴰⵏ ⵓⵎⵏⵉⴳ.
ⵎⴽ ⵍⵍⵉ ⵙ ⵜⵙⴰⵡⵍ ⴳ ⵓⵏⵎⵓⵇⵇⴰⵔ ⴰⴷ ⵅⴼ ⵡⴰⵏⵙⴰ ⴰⵙⵜⵔⴰⵜⵉⵊⵉ ⵍⵍⵉ ⴳ ⵉⵍⵍⴰ ⵍⵎⵖⵔⵉⴱ ⴷ ⵎⴰⵙ ⵉⴳⴰ ⵢⴰⵏ ⵓⴷⵖⴰⵔ ⵏ ⵜⵙⴰⵔⵡⴰ ⴳ ⵜⴼⵔⵉⵇⵜ, ⵎⴽ ⵍⵍⵉ ⵙ ⵉⴳⴰ ⴰⵎⴰⴷⵔⴰⵡ ⴰⵙⵜⵔⴰⵜⵉⵊⵉ ⴰⴽⴷ ⵡⴰⵎⵓⵏ ⵓⵔⵓⴱⴱⵉ, ⵜⵉⵖⴰⵡⵙⵉⵡⵏ ⴰⴷ ⴰⴽⴽⵯ ⴳⴰⵏⵜ ⵢⴰⵏ ⵓⵣⵎⵣ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴽⴷ ⵍⵎⵖⵔⵉⴱ ⴷ ⵍⴱⵓⵔⵜⵓⵖⴰⵍ ⴰⵡⴷ ⴰⴽⵛⵛⵓⵎ ⴳ ⵜⵣⴷⴰⵢⵉⵏ ⴰⴽⴷ ⵜⵎⵉⵣⴰⵔ ⵏ ⵜⴼⵔⵉⵇⵜ ⵉⴼⴼⵓⵙ ⵏ ⵜⵏⵣⵔⵓⴼⵜ.
ⴳ ⵓⵙⴰⵜⵉ ⴰⴷ, ⵉⵎⵎⴰⴳⴳⴰⵔ ⵓⴽⴰⴱⴰⵕ ⴳ ⵡⴰⵏⵙⴰ ⵏ ⵓⴱⵕⵍⴰⵎⴰⵏ ⴰⴽⴷ ⵙⵉⵔⵊⵢⵓ ⵙⵓⵣⴰ ⴱⵉⵏⵜⵓ ⴰⵏⵙⵙⵉⵅⴼ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵡⴰⵎⵓⵏⵏ ⵏ ⵍⴱⵓⵔⵜⵓⵖⴰⵍ, ⴷ ⵜⵢⴰⴳⵓ ⵎⵓⵔⵉⵔⴰ ⴷⵉ ⵙⴰ ⴰⵎⵣⴷⴰⵢ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵓⵎⵓⵍⵍⵉ ⴰⴷⵔⴰⵡⴰⵏ ⴰⴷⵉⵎⵓⵇⵔⴰⵟⵉ, ⴷ ⴷⵢⵓⴳⵓ ⴱⴰⵛⵉⵔⵓ ⴰⵎⵣⴷⴰⵢ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵓⵎⵓⵍⵍⵉ ⵏ ⵛⵉⴳⴰ ⴷ ⴱⴰⵜⵔⵉⵙⵢⴰ ⴽⵉⵍⴼⴰⵣ ⵜⴰⵎⵣⴷⴰⵢⵜ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵓⵎⵓⵍⵍⵉ ⵏ ⵜⵙⵙⵏⵜⴰⵢⵜ ⵜⴰⵍⵉⴱⵉⵔⴰⵍⵉⵢⵜ, ⵎⴽ ⵍⵍⵉ ⵙ ⵜⵙⴷⴷⵉⴷ ⵎⴰⵙⵙⴰ ⴱⵓⵄⵉⴷⴰ ⵅⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵏⵏⴰ ⵉⵙⵎⵓⵏ ⵜⵉⵎⵉⵣⴰⵔ ⴰⴷ, ⵎⴽ ⵍⵍⵉ ⵜⵔⴰ ⵜⵙⵇⵇⵉⵎⵜ ⴰⴷ ⵙⵓⵍ ⵉⴷⵓⵙ ⵓⵎⵢⴰⵡⴰⵙ ⵉⵛⵛⴰⵔⵏ ⴰⴽⵉⴷⵙⵏ.
ⵜⵙⵙⵏⴽⴷ ⴱⵓⵄⵉⴷⴰ ⵉⵎⵏⴰⴷⵏ ⵏ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ ⵏⵏⴰ ⵉⵙⴽⵔ ⵍⵎⵖⵔⵉⴱ ⵏⵏⴰ ⵉⴳⴰⵏ ⵢⴰⵏ ⴳ ⵉⵏⴱⴷⴰⴷⵏ ⵉⴷⵓⵙⵜⵓⵔⵉⵢⵏ ⵏ ⵜⴳⵍⴷⵉⵜ ⴳ ⵜⵙⴰⵔⵡⵉⵏ ⵜⵉⵎⵇⵇⵔⴰⵏⵉⵏ ⵏⵏⴰ ⵉⵙⵙⵏⵜⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵓⵣⵣⵓⴳⵣ ⵏ ⵉⵏⴱⴷⴰⴷⵏ ⵏ ⵓⵡⴰⵏⴽ ⴰⵏⴰⵎⵓⵏ, ⵜⵙⴷⴷⵉⴷ ⴰⵡⴷ ⴳ ⵜⴽⵛⵛⵓⵎⵜ ⵏⵏⵙ ⵎⴰⵙ ⴷ ⵜⵉⵔⵎⵉⵜ ⵜ ⴰⴷⵉⵎⵓⵇⵔⴰⵟⵉⵢⵜ ⵜⴰⵎⵖⵔⴰⴱⵉⵢⵜ ⵜⴳⴰ ⵢⴰⵏ ⵓⵎⴷⵢⴰ ⵏⵏⴰ ⵓⵙⵉⵏ ⵜⵎⵉⵣⴰⵔ ⵏ ⵜⵎⵏⴰⴹⵜ ⵜⴰⴼⵔⵉⵇⵉⵢⵜ ⴷ ⵜⵄⵔⴰⴱⵜ, ⵎⴰ ⴰⴷ ⵉⵎⵍⴰ ⴰⵖ ⵜⵉⵢⴰⴼⵓⵜⵉⵏ ⵏ ⵓⵙⵜⴰⵢ ⵜⵉⵎⴳⴳⵓⵔⴰ, ⵎⴽ ⵍⵍⵉ ⵙ ⵜⵙⴰⵡⵍ ⵅⴼ ⵜⴱⵔⵉⴷⵜ ⵏ ⵜⵡⵓⵔⵉ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵜⴼⵔⴽⵉⵡⵉⵏ ⵏⵏⴰ ⵉⵙⴽⴰⵔ ⴰⴼⴰⴷ ⴰⴷ ⵉⵙⵙⴷⵓⵙ ⵜⴰⴷⵉⵎⵓⵇⵕⴰⵟⵉⵢⵜ ⵉⵛⵛⴰⵔⵏ.
ⴳ ⵓⵙⴰⵜⵉ ⴰⴷ ⵏⵉⵜ, ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴱⵕⵍⴰⵎⴰⵏⵉⵢⵜ ⵅⴼ ⵉⵙⵡⵡⵓⴷⵓⵜⵏ ⵏⵏⴰ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵜⵙⴰⵔⵡⴰ ⴷ ⵓⵙⵖⵓⴷⵓ ⵏ ⵜⵢⴰⴼⵓⵜ ⵏⵏⵙ, ⴷ ⵉⵙⴳⵉⴷⴷⵉⵜⵏ ⵉⵎⵇⵇⵔⴰⵏⵏ ⵏⵏⴰ ⵜⵙⴽⵔ ⵜⴳⵍⴷⵉⵜ ⵏⵏⴰ ⴷⴰⵔ ⵜⴰⵢⴰⴼⵓⵜ ⴳ ⵓⵙⵖⵓⴷⵓ ⵏ ⵡⴰⴷⴷⴰⴷ ⵎⴰⴽⵔⵓ ⴰⴷⵎⵙⴰⵏ ⵏ ⵜⵎⴰⵣⵉⵔⵜ ⴰⵡⴷ ⴰⵙⴷⵓⵙ ⵏ ⵓⵏⵏⵓⵕⵥⵎ ⴷ ⵜⵖⵏⵏⴰⵏⵜ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴷ ⵓⴳⴰⴷⴰⵣ ⴰⴳⵔⴰⵖⵍⴰⵏ.
ⴳ ⵜⵙⴳⴰ ⵏⵏⵉⴹⵏ ⵜⵙⴰⵡⵍ ⵎⴰⵙⵙⴰ ⴱⵓⵄⵉⴷⴰ ⵅⴼ ⵜⵉⵣⵎⵎⴰⵔ ⵏⵏ ⵜⵙⴽⵔ ⵜⴳⵍⴷⵉⵜ ⵉ ⵓⵙⴷⵓⵙ ⵏ ⵡⴰⴷⴷⵓⵔ ⵏ ⵜⵎⵖⴰⵔⵜ ⴳ ⵜⵙⵔⵜⵉⵜ ⴷ ⵜⴷⵎⵙⴰ, ⵙ ⵉⵙⵡⴰⵍⴰⵜⵏ ⵉⵎⴰⵜⵜⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⵎⵉⵏⵣⵉ ⵜⵉⵡⴹ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⵏ ⵜⵡⵓⵔⵉⵡⵉⵏ ⵏⵏⴰ ⵢⴰⴷⵍⵉ ⵙⴽⴰⵔⵏ ⵖⴰⵙ ⵉⵔⴳⴰⵣⵏ, ⴰⵡⴷ ⵜⴰⵏⵙⵙⵉⵅⴼⵜ ⵏ ⵜⵓⴳⵜⵜ ⵏ ⵜⵎⵔⵙⴰⵍ ⵜⵉⴷⵓⵙⵜⵓⵔⵉⵢⵉⵏ.