ⵉⵍⵍⴰ ⴳ ⵜⴱⵔⴰⵜ ⴰⴷ "ⵏⴹⴼⵕ ⵙ ⵜⵓⵎⵎⵔⵜ ⴷ ⵡⴰⴷⴷⵓⵔ ⴰⵙⵡⵉⵔ ⵏⵏⵉⵏ ⵍⵍⵉ ⵢⴰⵜⵜⵓⵢⵏ ⴳ ⵡⴰⵔⵔⴰⵣ ⴰⵎⴰⴹⵍⴰⵏ ⵏ ⵜⵡⵊⵊⴰ ⵏ ⵓⴹⴰⵕ ⴳ ⵇⴰⵟⴰⵕ 2022, ⵜⵥⴹⴰⵕⵎ ⴰⴷ ⵜⵉⵡⴹⵎ ⵢⴰⵏ ⵓⵙⵡⵉⵔ ⵢⴰⵜⵜⵓⵢⵏ ⴳ ⵓⵎⵃⵉⵣⵡⴰⵔ ⴰⴷ, ⴷ ⵜⴼⴽⴰⵎ ⵢⴰⵜ ⵜⵡⵍⴰⴼⵜ ⵉⵥⵉⵍⵏ ⵉ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵢⵜ ⴷ ⵜⵄⵕⴰⴱⵜ ⴷ ⵜⴼⵔⵉⵇⵜ ⴳ ⵜⴳⵉⵔⴰ ⵏ ⵜⵎⵍⴷⴰ ⴰⴷ ⵏ ⵜⵓⵏⵏⵓⵏⵜ ⵜⴰⴳⵔⴰⵖⵍⴰⵏⵜ".
ⵙ ⵜⵎⵍⴷⴰ ⵢⴰⴷ, ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⵏⴽⵏⵉ ⴰⵔⴽⵏ ⵏⵙⵙⵉⵔⵖⵓⴷ ⵙ ⵓⵎⵙⴽⴰⵔ ⴰⴷ ⵏⵏⴰ ⵜⵙⴽⵔⵎ, ⵜⴽⵛⵎ ⴰⵎⵣⵔⵓⵢ, ⵎⴰⵢⴰⵏ ⴰⴼ ⴽⵏ ⴱⴰⵀⵔⴰ ⵏⵙⵏⵉⵎⵎⵉⵔ ⴷ ⵉⴳⴰ ⴰⵖ ⴰⴷⴷⵓⵔ ⴰⴷ ⵏⵥⵕ ⴰⵙⵏⴼⵍⵓⵍ ⵏⵏⵓⵏ ⴳ ⵓⵍⵎⵓⵇⵇⴰⵔ ⴰⴷ ⴰⵎⵇⵔⴰⵏ ⵏ ⵜⵡⵊⵊⴰ ⵏ ⵓⴹⴰⵕ, ⵙ ⵢⴰⵜ ⵜⵡⵓⵔⵉ ⵉⵥⵉⵍⵏ ⴰⵡⴷ ⴰⵡⵇⵇⵔ ⵏⵏⵓⵏ, ⴷ ⵜⵏⴰⵎⵓⵔⵜ ⴷ ⵜⵖⵏⵏⴰⵏⵜ ⵍⵍⵉ ⴳⵉⵡⵏ ⵉⵍⵍⴰⵏ, ⴰⵡⴷ ⵜⵉⵏⴷⵉⵜⵉⵏ ⵜⵉⵏⴳⴳⴰⵏⵉⵏ ⵏⵏⴰ ⴳⵉⵡⵏ ⵉⵍⵍⴰⵏ, ⵎⴰⵢⴰⴷ ⴰⵔ ⵉⵎⵎⴰⵍ ⵉⵎⴰⵏ ⵏ ⵜⵖⵏⵏⴰⵏⵜ ⴷ ⵜⵙⴽⵔⵎ ⵢⴰⵜ ⵜⵡⵓⵔⵉ ⵍⵍⵉⵙ ⵜⵔⴰⵎ ⴰⴷ ⵜⵙⵖⵍⵉⵎ ⴰⵙⵡⵉⵔ ⵏ ⵜⵡⵊⵊⴰ ⵏ ⵓⴹⴰⵕ ⵜⴰⵎⵖⵔⵉⴱⵉⵢⵜ ⴳ ⵓⵙⴰⵜⵉ ⴰⴳⵔⴰⵖⵍⴰⵏ, ⵜⵙⵎⴷⵢⴰⵎ ⵜⴰⵡⵊⵊⴰ ⵏ ⵓⴹⴰⵕ ⵜⴰⴼⵔⵉⵇⵜ ⴷ ⵜⵄⵕⴰⴱⵜ ⵢⴰⵏ ⵓⵎⴷⵢⴰ ⵉⵥⵉⵍⴱ, ⵜⴰⵡⵉⵔⵉ ⴰⴷ ⵍⵍⵉ ⴳ ⵢⵉⵡⵙ ⵓⴳⴷⵓⴷ ⴰⵎⵖⵔⵉⴱⵉ ⵙ ⵓⵙⴱⵖⵙ ⵏⵏⵙ ⴷ ⵓⵙⵙⵔⵇⴱ ⵏⵏⵙ, ⴷ ⵜⴼⵓⴳⵍⵉⵡⵉⵏ ⵏⵏⴰ ⵙⴽⴰⵔⵏ ⵉⴳ ⵉⵍⵍⴰ ⵓⵎⵓⵔⵙ ⴰⴼⴰⴷ ⴰⴷ ⵏⵙⵙⵖⵍⵉ ⴰⵛⵏⵢⴰⵍ ⵏ ⵡⴰⵎⵓⵔ ⵏⵏⵖ".
ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴱⵔⴰⵜ ⴰⴷ ⴰⵡⴷ "ⵎⴽ ⵍⵍⵉ ⵙ ⵜⵙⴽⵛⵎ ⵜⵓⵎⵎⵔⵜ ⵙ ⵓⵍⴰⵡⵏ ⵏ ⵓⴳⴷⵓⴷ ⴰⵎⵖⵔⵉⴱⵉ ⴷ ⵜⵓⴳⵜⵜ ⵉ ⵉⴳⴷⵓⴷⵏ ⵏ ⵡⴰⵄⵔⴰⴱⵏ ⴷ ⵜⴼⵔⵉⵇⵜ, ⵍⵍⵉ ⵉⴹⴼⵕⵏ ⴰⵎⵙⴽⴰⵔ ⴰⴷ ⵏⵏⵓⵏ ⵙ ⵜⴰⵢⵔⵉ ⴷ ⵡⴰⴷⴷⵓⵔ, ⴷ ⵎⴽ ⵍⵍⵉ ⵙ ⵜⵎⵍⴰⵎ ⵉ ⵓⵎⴰⴹⴰⵍ ⴰⴷⴷⵓⵔ ⵏⵏⵓⵏ ⴷ ⵙ ⵜⴷⵓⵙⵉ ⵏ ⵜⵎⵢⵉⵎⴰⵏⵜ ⵏⵏⵓⵏ ⴷ ⵜⴰⵢⵔⵉ ⵏⵏⵓⵏ ⵉ ⵡⴰⵎⵓⵔ ⵏⵏⵓⵏ ⴷ ⴰⵎⵎⴰⵥ ⵏⵏⵓⵏ ⵙ ⵜⵎⴰⵜⴰⵔⵜ ⵜⴰⵙⵓⵍⴰⵏⵜ "ⴰⵍⵍⴰⵀ, ⴰⵎⵓⵔ, ⴰⴳⵍⵍⵉⴷ".
ⵉⵙⵎⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ "ⴰⵔ ⴰⵡⵏ ⵙⵎⴰⵢⵏⵓⵖ ⵜⵉⴽⴽⵍⵜ ⵢⴰⴹⵏ ⴰⵙⵙⵔⵖⵓⴷ ⴷ ⵓⵙⵏⵉⵎⵎⵔ, ⵉⵎⵓⵔⴰⵔⵏ ⴷ ⵓⵎⵙⴰⵏⵓⵏ ⴷ ⵎⴰⵕⵕⴰ ⵎⴰⴷ ⵉⵙⵡⵓⵔⵉⵏ ⴳ ⵢⵉⴳⵔ ⴰⴷ ⵏ ⵜⵓⵏⵏⵓⵏⵜ, ⵏⵙⵙⵓⵜⵔ ⴰⵡⵏ ⴰⴷ ⴽⵏ ⵉⵃⴼⴹ ⵕⴱⴱⵉ ⴷ ⴰⵔ ⴰⵡⵏ ⵏⵙⵙⵓⵜⵓⵔ ⴰⵎⵓⵔⵙ ⵓⴳⴳⴰⵔ ⴷ ⵡⴰⵏⵏⴰⵣ ⵉⵖⵓⴷⴰⵏ ⴰⴷ ⵜⵙⵎⴷⵎ ⴰⴱⵔⵉⴷ ⵙ ⵜⵎⵢⵉⵎⴰⵏⵜ ⵏ ⵜⴰⵢⵔⵉ ⵏ ⵡⴰⵎⵓⵔ , ⴰⵡⴷ ⴰⴷ ⵜⵙⴽⵔ ⵜⵓⴳⵜⵜ ⵏ ⵉⵎⵓⵔⵙⵏ ⴰⴼⴰⴷ ⴰⴷ ⵜⵙⵖⵍⵉⵎ ⵙ ⵜⵓⵏⵏⵓⵏⵜ ⴷ ⵜⴰⵡⵊⵊⴰ ⵏ ⵓⴹⴰⵕ ⵏ ⵍⵎⵖⵔⵉⴱ ⴳ ⵉⵏⵎⵓⵇⵇⴰⵔⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏ ⴰⴼⴰⴷ ⴰⴷ ⵉⵎⵎⵔ ⵓⴳⴷⵓⴷ ⵏⵏⵖ ⵍⵍⵉ ⴽⵏ ⵉⴹⴼⵔⵏ ⴳ ⵓⴳⵏⵙ ⵏ ⵜⵎⴰⵣⵉⵔⵜ ⵓⵍⴰ ⴱⵕⵕⴰ ⵏⵏⵙ".
ⵎⴽⵍⵍⵉ ⵉⵙⵙⵓⵜⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵉⵔⵏⵏⵓⵜⵏ ⵉⴷⵓⵙⵏ ⴳ ⵉⵎⴰⵍ.