ⵙ ⵓⵣⵎⵓⵣⵣⵓ ⵢⴰⴷ, ⵉⴼⴽⴰ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⵏ ⵓⵙⵎⵓⵜⵜⴳ ⴰⴷ ⵎⴰⵙⵙ ⵍⵄⴰⵕⴱⵉ ⴱⵏⵛⵛⵉⵅ ⵢⴰⵜ ⵜⴳⵓⵔⵉ ⵖ ⵓⵎⵏⵉⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵍⵉ ⵖ ⵉⵙⵎⵏⵉⴷ ⵜⴰⵎⴰⵖⵓⵏⵜ ⵏ ⵜⴳⴰⵡⵉⵏ ⵏ ⴳⵔ 2002 ⴷ 2012, ⵓⵍⴰ ⵙⵓⵍ ⵜⵉⵍⵍⵉ ⵔⴰⴷ ⵉⵜⵜⵓⵙⴽⴰⵔ ⵖ ⵉⵎⴰⵍ.
ⵉⵏⵏⴰ ⵎⴰⵙⵙ ⴱⵏⵛⵛⵉⵅ ⵎⴰⵙ ⵉⵖⵍⵉ ⵓⵙⴽⴰⵏ ⵏ ⵓⵙⵎⵓⵜⵜⴳ ⴳⵔ 2002 ⴷ 2012 ⵜⵍⴽⵎ 471%, ⵉⵏⵏⴰ ⵓⵍⴰ ⵎⴰⵙ ⵉⵔⴰ ⵓⵙⵉⵔⴰ ⴰⴷ ⵉⵙⵎⵓⵜⵜⴳ ⵢⴰⵏ ⵏ ⵓⵎⵍⵢⵓⵏ ⵏ ⵓⵄⵔⵔⵉⵎ ⴳ ⵓⵎⵏⵉⴷ ⵏ 2017.
ⴰⴼⴰⴷ ⴰⴷ ⵉⵍⴽⵎ ⴰⵡⵜⵜⴰⵙ ⴰⴷ, ⵉⴱⵏⴰ ⵓⵙⵉⵔⴰ 327 ⵏ ⵡⴰⵎⵎⴰⵙⵏ ⵏ ⵓⵙⵎⵓⵜⵜⴳ ⵏ ⵎⵏⵏⴰⵡ ⵍ ⵉⴳⵉⵔⵏ ⵏ ⵜⴷⴰⵎⵙⴰ, ⵖⵎⴽⵍⵍⵉ ⵙ ⵉⵏⵏⴰ ⵎⴰⵙⵙ ⴱⵏⵛⵛⵉⵅ, ⵍⵍⵉ ⵢⵉⴼⵔⴰⵏ ⵎⴰⵙ ⵉⴼⴽⴰ ⵍⵎⵖⵔⵉⴱ ⴰⵜⵉⴳ ⴰⵎⵇⵕⴰⵏ ⵉ ⵜⵡⵓⵔⵉⵡⵉⵏ ⵏ ⵓⵎⴰⴹⴰⵍ ⵣⵓⴷ ⵍⴰⵢⵕⵓⵏⵓⵜⵉⴽ ⴷ ⵓⴼⵛⵓⵕⵉⵏ ⴷ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ.
ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴼⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⴷⴼⴼⵉⵔ ⵏ ⵎⴰⵢⴰⴷ, ⵉⴷⵉⴱⵍⵓⵎⵏ ⵉ ⵙⴹⵉⵙ ⵏ ⵡⵉⵍⵍⵉ ⵜⵏ ⵓⵎⵥⵏⵉⵏ ⵍⵍⵉ ⴷ ⵢⵉⵡⵉⵏ ⵜⴰⵢⴰⴼⵓⵜⵉⵏ ⵥⵉⵍⵏⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵖ ⵎⵏⵏⴰⵡ ⵏ ⵉⴳⵉⵔⵏ.
ⵜⴰⴼⵓⴳⵍⴰ ⵢⴰⴷ ⵉⵍⵍⴰ ⴷⵉⴳⴱ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷⵉⵎⵛⵛⵉⵡⵕⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵉⴳⵯⵎⴰⵎⵏ ⵏ ⵜⵏⴱⴰⴹⵜ ⴷ ⵉⵎⵙⵜⴳⴳⴰⵔ ⴰⴹⵏⵉⵏ.
ⴳ ⵜⴳⴰⵔⴰ ⵏ ⵜⴼⵓⴳⵍⴰ ⵢⴰⴷ, ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵙⵏⵓⴱⴳ ⵙ ⵓⴱⵓⵔⵣ ⵏ ⵉⴳⵜⵓⴳⵏ ⵏ ⵓⵙⵉⵔⴰ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵉⵎⵖⵓⵕⵏ ⵉⵎⵉⵍⴰⵏⵏ.