ⵉⵣⴰⵢⴷ ⴱⴰⴱ ⵏ ⵜⴰⵜⵜⵓⵢⵜ ⴳ ⵉⴳⵉⵡⵔ ⴰⵎⵣⵡⴰⵔⵓ ⴳ ⵢⴰⵜ ⵜⴳⵓⵔⵉ ⵏⵏⴰ ⵉⵜⵜⵓⴼⵙⴰⵔⵏ ⴳ ⵡⴰⵏⵙⴰ ⴰⵍⵉⴽⵜⵕⵓⵏⵉ ⵏ ⵓⵏⵎⵓⴳⴳⴰⵔ ⴰⴼⴰⴷ ⴰⴷ ⵉⵣⵔⵉ ⵜⴼⵓⴳⵍⴰ ⴰⴷ ⵏ ⵙⵙⵉⵏⵉⵎⴰ , ⵉⵏⵏⴰ ⵎⴰⵙⴷ ⵜⴰⵙⵙⴰⵙⵜ ⴰⴷ ⵜⴰⴷⵓⵙⴰⵏⵜ ⴷⴰⵔⵙ ⵢⴰⵏ ⵉⴹⵉⵚ ⵅⴼ ⵜⵡⵏⵏⴰⴷⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵔⵜ ⴷ ⵜⴳⵔⴰⵖⵍⴰⵏⵜ, ⵉⵇⵇⴰⵏⴷ ⴰⴷ ⴰⴽⴽⵯ ⵏⵏⵙⵎⵔⵙ ⵉⵙⵓⴳⴰⵎ ⴰⴷ, ⴰⴼⴰⴷ ⴰⴷ ⴳⵉⵏ ⵡⴰⵜⵉⴳⵏ ⵉⵏⴰⴼⴳⴰⵏⵏ ⵢⴰⵏ ⵓⵜⴳⴰⵔ ⵏⵏⴰ ⴰⴽⴽⵯ ⵏⴻⵏⵏⵓⵔⵣ ⴷ ⵓⵎⵢⴰⴷⴰⵙ ⵏ ⵜⵖⵔⵎⵉⵡⵉⵏ ⴷ ⵓⵎⵙⴰⴷⴷⴰⵔ .
ⵉⵏⵏⴰ ⴰⵡⴷ ⵎⴰⵙⴷ ⴰⵎⵙⵙⵓⴼⵖ ⵏ ⵉⵟⴰⵍⵢⴰ ⵙⵓⵔⵉⵏⵜⵉⵏⵓ ⵉⵍⵍⴰ ⵅⴼ ⵜⴰⵢⵎⵓⵏⵜ ⵏⵏⴰ ⵔⴰⴷ ⵉⵙⵜⵉ ⵉⵙⵓⵔⴰ ⵏⵏⴰ ⵉⵡⵙⵏⵉⵏ ⴳ ⵜⴱⵔⵣⴰ ⵜⴰⵎⴰⴷⴷⵓⴷⵜ ⵏ ⵜⴰⵙⵙⵓⵜⵍⵜ ⴰⴷ, ⵔⴰⴷ ⴷⴰⵖ ⵜⴱⵓⵖⵍⵓ ⵙⵙⵉⵏⵉⵎⴰ ⵜⴰⵎⴰⴹⵍⴰⵏⵜ ⵙ ⵉⵎⵙⵙⵓⴼⵖⵏ ⵏⵏⵙ ⵏⵏⴰ ⵔⴰⴷ ⵉⵙⴳⴳⴷ ⵙⵙⵉⵏⵉⵎⴰ ⵏ ⵉⵎⴰⵍ .
ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⵎⴰⵙⴷ ⴰⵙⵜⴰⵢ ⵏ ⵉⵙⵓⵔⴰ ⵏ ⵓⵙⴳⴳⵯⴰⵙ ⴰⴷ ⵏⵏⴰ ⵔⴰⴷ ⵢⴰⵡⵙ ⴳ ⵜⴱⵔⵣⴰ ⵜⴰⵎⴰⴷⴷⵓⴷⵜ ⵏ ⵓⵏⵎⵓⴳⴳⴰⵔ ⵏⵏⴰ ⵖ ⵔⴰⴷ ⴰⵡⵙⵏ ⴽⵉⴳⴰⵏ ⵏ ⵉⵙⴳⴱⴰⵕⵏ ⴷ ⵉⵎⵙⵙⵓⴼⵖⵏ ⴳ ⵓⵎⴰⴹⴰⵍ ⴰⴽⴽⵯ , ⵔⴰⴷ ⵜⵜⵓⴼⵙⴰⵔⵏ ⴰⵡⴷ ⵉⵙⵓⵔⴰ ⵉⵎⴰⴹⵍⴰⵏⵏ ⴷ ⵡⵉⵏ ⵙⵙⵉⵏⵉⵎⴰ ⵜⴰⵏⴰⵎⵓⵔⵜ , ⴳ ⵓⵙⴰⵢⵙ ⵏ ⵊⴰⵎⵄ ⵍⴼⵏⴰ ⵔⴰⴷ ⵉⵎⵢⴰⵏⴰⵡ ⵓⴳⴷⵓⴷ ⵎⵢⴰⵏⴰⵡⵏ ⴰⵡⴷ ⵉⴼⵙⴰⵔⵏ ⵏ ⵙⵙⵉⵏⵉⵎⴰ ⵏⵏⴰ ⵔⴰⴷ ⵉⵜⵜⵓⴼⵙⴰⵔ ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ .
ⴳ ⵜⵙⵙⵓⵜⵍⵜ ⵏ ⵓⵙⴳⴳⵯⴰⵙ ⴰⴷ , ⵉⵏⵏⴰ ⴱⴰⴱ ⵏ ⵜⴰⵜⵜⵓⵢⵜ ⴰⴳⵍⴷⵓⵏ ⵎⵓⵍⴰⵢ ⵕⴰⵛⵉⴷ ⵎⴰⵙ ⵔⴰⴷ ⵜⵜⵓⵙⵎⵖⵔⵏ ⴽⴽⵓⵥ ⵉⵙⵎⴰⵡⵏ ⵉⵎⵇⵔⴰⵏⵏ ⴳ ⵓⵎⴰⴹⴰⵍ ⵏ ⵜⵥⵓⵕⵉ ⵜⵉⵙⵙ ⵙⴰ , ⴷⴼⴼⵉⵔ ⵍⵍⵉⵖ ⴼⴽⴰⵏ ⴽⵉⴳⴰⵏ ⵉ ⵉⴳⵔ ⴰⴷ , ⵉⴳⴰ ⵍⵃⴰⵍ ⵜⴰⵏⴰⵥⵓⵕⵏ ⵏ ⵙⴽⵓⵜⵍⴰⵏⴹⴰⵜⵉⵍⴷⴰ ⵙⵡⵉⵏⵜⵓⵏ, ⴷ ⵓⵎⵙⵙⵓⴼⵖ ⴰⵎⵉⵔⵉⴽⴰⵏⵉⵊⵉⵎⵙ ⵊⵕⴰⵢ, ⵢⴰⵏ ⵙⴳ ⵉⵡⵡⵓⵔⴰⵏⵏ ⵏ ⵉⵙⵓⵔⴰ ⵉⵎⴰⴹⵍⴰⵏⵏ ⴷ ⵜⵏⵎⵖⵓⵔⵜ ⵏ ⵙⵙⵉⵏⵉⵎⴰ ⵜⴰⵏⴰⵎⵓⵔⵜ ⴼⴰⵔⵉⴷⴰ ⴱⵏⵍⵢⴰⵣⵉⴷ ⵏⵏⴰ ⵉⴳⴰⵏ ⵜⴰⵎⵙⵢⴰⴼⵓⵜ ⴷ ⵜⵎⴰⵔⴰⵜ ⵓⵍⴰ ⵜⴰⵎⵙⵙⵓⴼⵖⵜ ⵏ ⴽⵉⴳⴰⵏ ⵏ ⵉⵙⵓⵔⴰ ⵉⵎⵖⵔⵉⴱⵉⵏ , ⵔⴰⴷ ⵉⵜⵜⵓⵙⵎⵖⵔ ⴰⵡⴷ ⵓⵙⴳⴱⴰⵕ ⴰⵀⵉⵏⴷⵉ ⵕⴰⵏⴼⵉⵕ ⵙⵉⵏⵖ ⵍⵍⵉⵖ ⵉⴳⴰ ⴰⵡⵡⵓⵔⴰⵏ ⵉⴳ ⵙⴳ ⵉⵎⵇⵔⴰⵏⵏ ⵏ ⵙⵙⵉⵏⵉⵎⴰ ⴳ ⴱⵓⵍⵢⵓⴷ .