ⵉⴳⴰ ⵓⵏⵎⵓⵇⵇⴰⵔ ⴰⴷ , ⵏⵏⴰ ⴳ ⵢⵉⵡⵙ ⵍⵡⴰⵍⵉ ⵏ ⵜⵙⴳⴰ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵍⵃⵓⵙⴰⵢⵎⴰ ⵎⵓⵃⵎⵎⴰⴷ ⵎⵀⴷⵉⵢⵢⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵎⴰⵙⵙ ⵄⵓⵎⴰⵕ ⵎⵓⵕⵓ ⴷ ⵍⵄⴰⵎⵍ ⵏ ⵜⵙⴳⴰ ⵏ ⵍⴼⴰⵃⵚ ⴰⵏⵊⴰⵕⴰ, ⵎⴰⵙⵙ ⵄⴱⴷⵍⵅⴰⵍⵇ ⵍⵎⵔⵣⵓⵇⵉ ⵏ ⴷ ⵓⵏⵙⵙⵉⵅⴼ ⵏ ⵜⴳⵔⴰⵡⵜ ⵏ ⵟⴰⵏⵊⴰ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵏ ⵜⵏⴼⵍⵉⵜ ⵏ ⵜⵙⴳⴳⵉⵡⵉⵏ ⵏ ⵉⵣⵣⵍⵎⴹ ⵎⴰⵙⵙ ⵎⵓⵏⵉⵔ ⵍⵢⵓⵙⴼⵉ ⴷ ⵉⵏⴱⴱⴰⴹⵏ ⵓⵏⴱⵉⴷⵏ ⴷ ⵜⵎⵔⵙⴰⵍ ⴷ ⵉⵎⵙⵜⴰⵢⵏ, ⴷ ⵡⴰⵎⵓⵏ ⴰⵎⴰⴷⴰⵏ ⴷ ⵜⵎⵔⵙⴰⵍ ⵜⵉⵎⴰⵜⴰⵢⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ , ⵉⴳ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⵙⵜⵓⵡⵀⵎⵎⵓ ⵙ ⵜⵏⴼⵍⵉⵜ ⵏ ⵜⴰⵖⴰⵔⵜ ⴷ ⵓⵏⴱⴱⵔ ⵏ ⵜⵏⴼⵍⵉⵜ ⴳ ⵜⵖⵔⵎⵉⵏ ⴰⴷ ⵏ ⵉⵣⵣⵍⵎⴹ .
ⵉⵙⵙⵖⵥⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵡⵉⵏ ⵜⵡⵏⵏⴰⴷⵜ ⵎⴰⵙⵙ ⵃⵎⴰⴷ ⵕⵉⴹⴰ ⵛⵛⴰⵎⵉ ⵎⴰⵙⴷ ⴰⵏⵎⵇⵇⴰⵔ ⴰⴷ ⵉⴳⴰ ⵡⵉⵏ ⵓⵏⴱⴱⵔ ⵏ ⵜⴰⵖⴰⵔⵜ ⵍⵍⵉⵖ ⵉⴳⴰ ⵢⴰⵏ ⵓⵙⴰⵜⵓⵔ ⵏ ⵉⵎⵓⵙⵙⵓⵜⵏ ⵏ ⵜⴷⵎⵙⴰ ⴷ ⵜⵏⴰⴼⴳⴰⵏⵜ , ⵢⵉⵏⵉ ⵎⴰⵙⴷ ⵜⴰⵖⴰⵔⵜ ⵏ ⵍⵎⵖⵔⵉⴱ ⵜⴳⴰ 3500 ⴽⵉⵍⵓⵎⵉⵟⵕ ⵏⵏⴰ ⵉⵜⵜⴰⵡⵙⵏ ⵙ 83 ⴳ ⵜⵎⵉⴹⵉ ⴳ ⵓⵢⴰⴼⵓ ⴰⴳⵏⵙⴰⵏ ⴰⵎⴰⵜⴰⵢ ⴳ ⵍⵎⵖⵔⵉⴱ, ⴷ ⵓⴳⴳⴰⵔ ⵏ 50 ⴳ ⵜⵎⵉⴹⵉ ⴷ ⵜⵉⴽⴽⵉ ⵏ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ .
ⵉⵣⴰⵢⴷ ⵎⴰⵙⵙ ⵛⵛⴰⵎⵉ ⵉⵏⵏⴰ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⴱⴰⴷⵓⵜ ⵏ ⵎ 24 ⵏⵏⴰ ⵉⵡⴰⵍⴰⵏ ⵉ ⵜⵙⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ ⵎⴰⵙ ⵍⵍⴰⵏⵜ ⵜⴰⵖⴰⵔⵉⵏ ⵎⵢⴰⵏⴰⵡⵏⵉⵏ ⵎⴰ ⴰⵏⵏ ⴰⴼⴷ ⵉⵇⴰⵏ ⵓⵙⵔⵓⵙ ⵏ ⴽⵉⴳⴰⵏ ⵏ ⵜⵎⵢⴰⴷⴰⵙⵉⵏ ⵜⵉⵙⴳⴰⵡⴰⵏⵉⵏ ⵏⵏⴰ ⵉⵙⴽⴰⵔⵏ ⴰⴼⴰⵔⵙ ⵉ ⵜⴰⵔⵏⴰ ⴷ ⵜⵉⴽⴽⵉ ⵏ ⵜⵎⵍⴷⵉⵡⵉⵏ ⵏ ⵜⵡⵡⵓⵔⵉ ⵙ ⵉⵜⴳⴰⵔⵏ ⵏ ⵓⵎⵙⴰⵙⴰ ⴷ ⵓⴼⵔⴰⴳ ⵏ ⵜⵡⵏⵏⴰⴹⵜ .
ⴳ ⵉⴳⵔ ⴰⴷ ⵏⵉⵜ , ⵉⵏⵏⴰ ⵎⴰⵙⴷ ⵉⵇⵇⴰⵏ ⴰⴷ ⵢⵉⵍⵉ ⵓⵡⵇⵇⵔ ⵏ ⵉⵙⵍⴳⴰⵏⵏ ⵏⵏⴰ ⵉⵣⴷⵉⵏ ⴷ ⵓⵏⴱⴱⵔ ⵏ ⵜⴰⵖⴰⵔⵜ ⵣⵓⵏⴷ ⴰⵙⴽⵓ ⴳ ⵓⴷⵖⴰⵔ ⵏⵏⴰ ⵢⴰⴳⴰⵏ 100 ⵎⵉⵜⵔⵓ ⴷ ⵢⵉⵍⵍ ⴷ ⵓⵙⴷⴷⵔⴼⵉ ⵏ ⵡⴰⴽⴰⵍ ⴰⵏⴰⵎⵓⵏ ⵏ ⵢⵉⵍⵍ ⴷ ⵡⴰⴷⴰⴼ ⵏ ⵉⵏⵎⵓⵔⵉⵏ ⵙ ⵢⵉⵍⵍ ⵎⴰⵙ ⵉⴳⴰ ⵎⴰⵢⴰⴷ ⵢⴰⵏ ⵙⴳ ⵉⵣⵔⴼⴰⵏ ⵏⵏⵙⵏ .
ⴳ ⵜⵙⴳⴰ ⵏⵏⵙ ⵉⵏⵏⴰ ⵎⴰⵙⵙ ⵛⵛⴰⵎⵉ ⴳ ⵜⴳⵓⵔⵉ ⵏⵏⵙ ⴳ ⵓⵏⵎⵓⵇⵇⴰⵔ ⴰⴷ , ⵎⴰⵙⴷ ⴰⵡⵏⵏⵉ ⵏ ⵓⵙⵇⵇⵉⵎ ⵏⵏⴰ ⵉⵜⵜⵓⵙⵏⵎⴰⵍⴰⵏ ⵙ ⵉⵜⴳⴰⵔⵏ ⵏ ⵓⵎⵢⴰⴷⴰⵙ ⴳⵔ ⵉⵏⵎⵎⴰⵙⵙⵓⵜⵏ ⴰⴽⴽⵯ ⴳ ⵓⵙⵏⵜⵍ ⴰⴷ , ⵉⴳⴰ ⵢⴰⵜ ⵜⵢⴰⴼⵓⵜ ⵏ ⵓⵎⵔⴰⵔⴰ ⵉⴷⵓⵙⵏ ⴳⵔ ⵉⵎⵙⵜⴳⴳⴰⵔⵏ ⵏ ⵓⵙⵇⵇⵉⵎ ⴷ ⵉⴳⵉⵡⵔⵏ ⵏ ⵓⵙⵙⴼⵍⴷ ⵙ ⵜⵖⴰⵔⴰⵙⵜ ⵜⵓⵟⵟⵓⵏⴰⵏⵜ ⵏ Ouchariko ⵏⵏⴰ ⵉⵎⵍⴰⵏ ⴰⵙⵜⵓⵡⵀⵎⵎⵓ ⵏ ⵉⵏⵎⵓⵔⵉⵏ ⵙ ⵓⵣⵓⵣⵣⵔ ⵏ ⵉⴷⵖⴰⵔⵏ ⵏ ⵜⵓⵣⴷⵖⵜ ⴷ ⵓⵙⵏⵎⴰⵍⴰ ⵏ ⵡⴰⴽⴰⵍ ⴰⵏⴰⵎⵓⵔ .”
ⵉⵣⴰⵢⴷ ⵉⵏⵏⴰ ⵎⴰⵙⴷ ⵓⵜⵓⵢ ⵏ ⵉⵏⵎⵓⵔⵉⵏ ⵏⵏⴰ ⵢⵓⴳⵉⵏ ⴰⴷⴷⴰⴷ ⵏ ⵜⴰⵖⴰⵔⵜ ⵖⵉⵍⴰⴷ ⴳⴰⵏ 85 ⴳ ⵜⵎⵉⴹⵉ ⵙⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⴰ ⵉⵜⵜⵓⵙⴽⴰⵔⵏ ⴳ ⵓⵙⴰⵜⵉ ⴰⴷ , ⴳ ⵓⵏⵎⴰⵍⴰ ⵏ ⵓⵏⴱⴱⵕ ⵓⵖⵔⵉⵎ ⴷ 70 ⴳ ⵜⵎⵉⴹⵉ ⴳⵉⵙⵏ ⵏⵏⵓⵔⵣⵏ ⴰⴷ ⵉⴱⵓⵖⵍⵓ ⵓⵙⵡⵉⵔ ⵏ ⵜⵓⵙⴽⵉⵡⵜ , ⵉⵍⵉⵏ ⴽⵕⴰⴹ ⵉⵙⵔⴰⴳⵏ ⴳ ⵓⵙⴰⵜⵉ ⵏ ⵓⵏⵎⴰⵍⴰ ⴷ ⵓⵙⵏⵎⴰⵍⴰ ⵏ ⵜⴰⵖⴰⵔⵜ ⵣⵓⵏⴷ ⵡⴰⵔ ⴰⵎⵙⴰⵙⴰ ⴳⵔ ⵜⵙⵔⵜⵉⵜⵉⵏ ⵜⵉⵏⴰⵎⵓⵏⵉⵏ , ( 26 ⴳ ⵜⵎⵉⴹⵉ ) , ⴰⵎⵢⴰⵏⴰⵡ ⵏ ⵉⵎⵙⵜⴳⴳⴰⵔⵏ ⴳ ⵓⵙⵏⵜⵍ ⴰⴷ ( 26 ⴳ ⵜⵎⵉⴹⵉ ) ⴷ ⵍⵍⵉⵖ ⵓⵔ ⵍⵉⵏⵜ ⵜⵏⴼⵓⵍⵉⵏ ⵏ ⵜⵓⵙⴽⴰ ⴰⵜⵉⴳ ⴷ ⵡⴰⴷⴷⵓⵔ ( 23 ⴳ ⵜⵎⵉⴹⵉ ) ⴷ ⵓⵎⵓⴽⵔⵉⵙ ⵏ ⵓⵏⴱⴱⵕ ⵏ ⵜⵓⵙⴽⵉⵡⵜ ⴰⴷ 18 ⴳ ⵜⵎⵉⴹⵉ .
ⴳ ⵜⵙⴳⴰ ⵢⴰⴹⵏⵉⵏ, ⵉⵙⴷⴷⵉⴷ ⵍⵡⴰⵍⵉ ⵏ ⵜⵙⴳⴰ, ⵎⵓⵃⵎⵎⴰⴷ ⵎⵀⵉⴷⵉⵢⴰ ⵎⴰⵙ ⴷ ⴰⴼⵜⵜⴰⵙ ⵏ ⵜⵙⴳⴰ ⵏ ⵟⴰⵏⵊⴰ- ⵜⵉⵟⵡⴰⵏ-ⵍⵃⵓⵙⴰⵢⵎⴰ ⵜⴻⵜⵜⴰⵡⵙⵙⴰⵏ ⵙ ⵙⵏⴰⵜ ⵜⴰⵙⴳⵉⵡⵉⵏ ⵏ ⵢⵉⵍ ⵜⵉⴷⵙⵍⴰⵏⵉⵏ ⵏⵏⴰ ⵉⴳⴰⵏ 450ⴽⵍⵎ, ⴷ ⵎⴰ ⴰⴷ ⴰⵔ ⵉⵜⵜⴰⵡⵙ ⴳ ⵜⴳⵎⵉ ⵜⴰⴷⵎⵙⴰⵏⵜ ⴷ ⵓⴱⵓⵖⵍⵓ ⴰⵏⴰⵎⵓⵏ ⴷ ⵓⵥⴽⴰⵡⴰⵏ, ⵎⵉⵏⵣⵉ ⵉⴳⴰ ⵢⴰⵏ ⵉⴳⵔ ⵏ ⵜⵙⴰⵔⵡⴰ ⴷ ⵉⵙⵏⴼⴰⵔⵏ ⵎⵇⵇⵓⵔⵏⵉⵏ, ⴷ ⵢⴰⵏ ⵓⵙⴰⵢⵔⵓⵔ ⵏ ⵜⵉⵍⴰⵍ ⵏ ⵜⴳⵎⵔⵜ ⴷ ⵜⵎⴰⵍⵍⴰⵢⵜ, ⵎⴰⵛⵛ ⴰⵔ ⵉⵜⵜⵔⴽⵓ ⵙ ⵥⵥⵉⵢⵢⴰⵔ ⵏ ⵉⵎⵣⴷⴰⵖⵏ ⴷ ⵜⵉⵍⴰⵍ ⵏ ⵜⵎⴳⵓⵔⵉ ⴷ ⵜⵡⵓⵔⵉⵡⵉⵏ ⵏⵏⴰ ⵉⵙⴽⴰⵔⵏ ⵜⵉⵎⵔⴽⵉⵜ , ⵎⴰ ⴰⴷ ⴰⵔ ⵢⴰⴽⴽⴰ ⴰⵎⵓⴽⵔⵉⵙ ⵏ ⵓⵙⵡⵓⴷⴷⵓ ⴰⵎⵙⵉⴷⴼⴰⵏ ⵉ ⵓⴼⵜⵜⴰⵙ.
ⵉⵙⵙⴽⵕⵥ ⵎⴰⵙⵙ ⵎⵃⴷⵉⵢⴰ ⵎⴰⵙ ⵉⵍⵍⴰ ⵓⵎⵏⵉⴷ ⴰⵡⵏⵏⴰⴹ ⴷ ⵓⵃⵟⵟⵓ ⵏⵏⵙ ⴳ ⵡⴰⵎⵎⴰⵙ ⵏ ⵜⵉⵖⵜⴰⵙⵉⵏ ⵏⵏⴰ ⵉⵣⴷⵉⵏ ⴰⴽⴷ ⵜⵉⵙⵔⵜⴰⵏ ⵜⵉⴳⴷⵓⴷⴰⵏⵉⵏ ⵜⵉⴷⵖⵔⴰⵏⵉⵏ ⴷ ⵉⵙⵏⴼⴰⵔⵏ ⵏ ⵜⵙⴰⵔⵡⴰ, ⵎⴰ ⴰⴷ ⵙⴳ ⵜⵙⵏⵜⴰⵢ ⵜⵉⴷⵙⵍⴰⵏⵉⵏ ⵏ ⵓⵙⴱⴷ ⵏ ⵜⵎⵔⴽⵉⵜ ⴷ ⵓⴼⵔⴰⴳ ⵏ ⵜⵡⵏⵏⴰⴹⵜ, ⵙⵍⴰⵡⴰⵏ ⴰⴽⴽⵯ ⴰⵙⵎⴰⵜⴰ ⵏ ⵉⵙⵔⴰⵙ ⵏ ⵓⵙⵎⴽⵍ ⵏ ⵡⴰⵎⴰⵏ, ⴷ ⴰⴷ ⵜⴻⵜⵜⴰⵡⵙⴽⴰⵔⵏ ⵉⴷⵖⴰⵔⵏ ⵉⴳⴷⵓⴷⴰⵏⵏ, ⴰⵡⴷ ⴰⵎⵙⴰⵙⴰ ⵏ ⵉⴷⵖⴰⵔⵏ ⵉⵇⴱⵓⵔⵏ ⵙ ⵡⴰⴷⴷⴰⴳⵏ , ⴷ ⴰⵙⴱⴷ ⵏ ⵜⵉⵍⴰⵍ ⵏ ⵉⵍⴷⵢⴰⵏ ⵏ ⵓⵎⵍⴰⵍ.
ⴳ ⵓⵙⴰⵜⵉ ⴰⴷ, ⵉⵖⵔⴰ ⵓⵎⴰⵙⴰⵢ ⴰⵎⵓⵔⴰⵏ ⵎⴰⵕⵕⴰ ⵉⵎⵙⴽⴰⵔⵏ ⴰⴼⴰⴷ ⴰⴷ ⴹⵉⵏ ⴰⵙⵖⵉⵡⵙ ⴰⵙⴳⴰⵡⴰⵏ ⵏ ⵓⵙⵡⵓⴷⴷⵓ ⵏ ⵓⴼⵜⵜⴰⵙ ⵙ ⵜⴽⵍⵉⵜ ⴳ ⵎⴰⴷ ⵏⵏ ⵓⵔ ⵢⴰⴳⴳⵓⴳⵏ ⵅⴼ ⵜⵉⵏⴷⵉ ⵏⵏⵙ ⵜⴰⴷⵎⵙⴰⵏⵜ ⴷ ⵜⴰⵔⴽⵢⵓⵍⵓⵊⵉⵜ ⵉ ⵓⴼⵜⵜⴰⵙ ⴰⵎⵙⴷⴼⴰⵏ ⴷ ⵓⵙⵓⵍⴰⵏ.
ⵉⴱⵔⵣ ⵓⵙⵍⵡⴰⵢ ⵏ ⵓⵙⵇⵇⵉⵎ ⵏ ⵜⵙⴳⴰ, ⵎⴰⵙⵙ ⵄⵓⵎⴰⵔ ⵎⵓⵔⵓ ⵜⴰⵣⴷⴰⵢⵜ ⴳⵔ ⵓⴼⵜⵜⴰⵙ ⴷ ⵓⵥⴽⴰⵡ ⴳ ⵢⴰⵜ ⵜⵙⴳⴰ ⴷ ⵜⴷⵎⵙⴰ ⴷ ⵡⴰⵎⵓⵏ ⴳ ⵜⵙⴳⴰ ⵢⴰⴹⵏⵉⵏ, ⴰⵔ ⵜⴱⴰⵢⴰⵏ ⵙ ⵢⴰⵜ ⵜⴱⵔⵉⴷⵜ ⵉⴼⴰⵡⵏ ⴳ ⵜⵙⴳⴰ ⵏ ⵟⴰⵏⵊⴰ -ⵜⵉⵟⵡⴰⵏ-ⵍⵃⵓⵙⴰⵢⵎⴰ, ⵙⵍⴰⵡⴰⵏ ⴰⴽⴽⵯ ⴳ ⵟⴰⵏⵊⴰ ⴷ ⵜⵉⵜⵡⴰⵏ ⵍⵍⵉ ⵉⵜⴻⵜⵜⴰⵡⵙⵙⴰⵏ ⵙ ⴰⵛⴽⵓⴽⵍ ⵏ ⵉⵎⵣⴷⴰⵖⵏ ⵉⴳⴳⵓⵜⵏ ⴷ ⵥⵥⵉⵢⵢⴰⵔ ⵏ ⵓⵥⵡⴰⴽ ⴷ ⵜⴷⵎⵙⴰ ⵏⵏⴰ ⵉⵜⵜⴱⴰⵢⴰⵏⵏ ⴳ ⵓⵎⵢⴰⵙ ⵏ ⵉⵏⵎⴰⵍⴰⵜⵏ ⵏ ⵓⴷⵖⴰⵔ ⴰⴷ ⴷ ⵉⵏⵎⴰⵍⴰⵜⵏ ⵏⵏⵙ ⵉⵡⵏⵏⴰⴷⵏ ⴷ ⵜⵊⵓⵖⵔⴰⴼⵉⵢⵜ ⵏⵏⵙ ⵜⴰⵏⴼⴳⴰⵏⵜ ⵙ ⵓⵎⴰⵜⴰ.
ⵙⴳ ⵓⵙⵙⵏⵜⵉ ⴰⴷ , ⵉⵙⴷⴷⵉⴷ ⵎⴰⵙⵙ ⵎⵓⵔⵓ ⵅⴼ ⵉⵎⵙⴽⴰⵔⵏ ⵉⵎⵙⵙⵓⴳⵓⵔⵏ ⴷ ⵉⵎⵓⵔⴰⵏⵏ ⴷ ⵉⵎⵔⵣⵓⵜⵏ ⵉⴷⵎⵙⴰⵏⵏ ⴰⴷ ⵔⴰⵔ ⵜⴰⵢⵏⵉⵜ ⵏ ⵜⵓⵥⵍⵉⵢⵉⵏ ⵜⵉⵣⵉ ⵏ ⵓⵙⵔⵓⵙ ⵏ ⵜⵉⵖⵜⴰⵙⵉⵏ ⴷ ⵓⵙⵖⵉⵡⵙ ⵏ ⵜⴽⵛⵛⵓⵎⵉⵏ ⴷ ⵜⵙⵓⵎⵔⵜ ⵏ ⵉⵙⵏⴼⴰⵔ, ⵉⵙⴷⴷⵉⴷ ⴰⵡⴷ ⵅⴼ ⴰⵣⵓⵛⵛⵍ ⵏ ⵓⵃⵟⵟⵓ ⵏ ⵉⵎⵢⴰⵙⵏ ⵉⵎⵇⵇⵔⴰⵏ ⴳⵔ ⵓⴼⵜⵜⴰⵙ ⴷ ⵓⴳⵏⵙⵓ, ⵙⴳ ⵓⴱⵟⵟⵓ ⵏ ⵜⵉⵍⴰⵍ ⵜⵉⴷⵎⵙⴰⵏⵉⵏ ⴷ ⵓⵥⴽⴰⵡ, ⵡⴰⵍⵍ ⵏ ⵜⵏⴼⵍⵉⵜ ⵜⴰⵙⵓⵍⴰⵏⵜ ⴷ ⵜⴰⵎⵢⴰⵙⴰⵏⵜ.
ⴳ ⵓⵙⴰⵜⵉ ⴰⴷ , ⵉⵙⵙⴽⵜⵉ ⴷ ⵙ ⵜⵙⵏⵜⴰⵢⵉⵏ ⵏ ⵜⵙⴳⴰ ⴰⴷ ⴳ ⵓⵙⵉⴷⴼ ⵏ ⵓⵎⵏⵉⴷ ⴰⵡⵏⵏⴰⴹ ⵙⴳ ⴽⵔⴰ ⵏ ⵡⴰⵔⵔⴰⵜⵏ ⵏ ⵜⵏⴼⵍⵉⵜ ( ⴰⵙⵖⵉⵡⵙ ⴰⵙⴳⴰⵡⴰⵏ, ⴰⵖⴰⵡⴰⵙ ⴰⵙⴳⴰⵡⴰⵏ ⵏ ⵜⵏⴼⵍⵉⵜ) ⴰⴼⴰⴷ ⴰⴷ ⴰⵍⵙⵏ ⵉⵥⵕⵉ ⴳ ⵓⴱⵟⵟⵓ ⵏ ⵜⵉⵍⴰⵍ ⴳⵔ ⵉⴳⵔⴰⵏ ⵉⵎⵓⵔⴰⵏ ⴳ ⵜⵙⴳⴰ, ⵙ ⵜⴱⵔⵉⴷⵜ ⵏⵏⴰ ⵔⴰⴷ ⵉⵙⵎⵓⵔⵙ ⵜⴰⴷⵎⵙⴰ ⴷ ⵎⴰⴷ ⴷⵉⵙ ⵢⵓⵙⴰⵏ ⴷ ⵡⴰⵎⵓⵏ ⴷ ⵜⵣⵔⴼⵜ ⴷ ⵉⵎⵢⴰⵙⴰⵏⵏ ⵉⵡⵏⵏⴰⴹⵏ , ⵉⵙⴷⴷⵉⴷ ⵉⴱⴷⵔ ⵉ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⵏⴰⴷ ⴳ ⵜⵙⵔⵜⵉⵜ ⵏⵏⵙ ⵜⴰⵙⴳⴰⵡⴰⵏⵜ ⴰⵡⴷ ⵅⴼ ⵓⴹⴼⵓⵔ ⵏ ⵜⵙⴳⴰ ⴳ ⵎⴰⴷ ⵉⵥⵍⵉⵏ ⵙ ⵓⵙⵡⵓⴷⴷⵓ ⴷ ⵜⵏⴱⴰⴹⵜ ⴷ ⵜⴰⵏⵏⴰⵢⵉⵏ ⴷ ⵓⵙⵜⴰⵍ , ⴷ ⵓⴼⴽ ⵏ ⵉⴼⵙⵙⴰⵢⵏ ⵉⵎⵙⵏⴼⵍⵓⵏ ⵅⴼ ⵡⴰⵍⵍⴰⵙ ⵏ ⵓⵎⵢⴰⵙ ⴰⴷⵉⵏⴰⵎⵉ ⵏ ⵓⵥⵡⴰⴽ ⴷ ⵜⴷⵎⵙⵙⴰ , ⵏⵏⴰ ⵔⴰⴷ ⵜ ⵢⴰⵊⵊ ⴰⴷ ⵉⵎⵓⵏⴷ ⵉⵍⴳⴰⵎⵏ ⵏ ⵓⵥⵡⴰⴽ ⴰⵙⵓⵍⴰⵏ ⴷ ⵓⵎⵢⴰⵙⴰⵏ ⴷ ⵓⵎⵓⵔⵙ ⴰⴷⵎⵙⴰⵏ.
ⴰⵡⴷ ⵉⵙⴷⴷⵉⴷ ⵓⴳⵎⴰⵎ ⵏ ⵓⵙⵇⵇⵉⵎ ⴷ ⵓⵏⵖⵜⴰⵙ ⵏ ⵓⵙⵏⵜⵍ ⵎⴰⵙⵙ ⵅⴰⵍⵉⵍ ⴱⵏⵙⴰⵎⵉ ⴳ ⵢⴰⵏ ⵓⵙⴼⵙⵔ ⵅⴼ ⵓⵙⵖⵉⵡⵙ ⵏ ⵓⵏⵎⵓⵇⵇⴰⵔ ⵎⴰⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵢⵉⵡⵉⵣ ⵅⴼ ⵓⵙⴽⴽⵉⵔ ⵉⴷⵓⵙⵏ ⵙ ⵎⴰⴷ ⵢⵉⵡⵉ ⵓⵙⵍⴳⵏ 12.81 ⵏⵏⴰ ⵉⵣⴷⵉⵏ ⵙ ⵓⴼⵜⵜⴰⵙ, ⵙⵍⴰⵡⴰⵏ ⴰⴽⴽⵯ ⴰⵙⵎⵀⵍ ⵏ ⵜⵎⴰⵎⴽⵉⵏ ⵏ ⵓⵙⵖⵉⵡⵙ ⵉⵥⵍⵉⵏ ⵙ ⵓⴼⵜⵜⴰⵙ ( ⴰⵙⵖⵉⵡⵙ ⴰⵏⴰⵎⵓⵔ ⵏ ⵓⴼⵜⵜⴰⵙ) ⴷ ⵓⵙⴽⴰⵔ ⵏ ⵜⵎⴰⵎⴽⵉⵏ ⵏⵏⴰ ⵓⵔⵜⴰ ⵉⵜⴻⵜⵜⴰⵡⵙⴽⴰⵔⵏ ( ⵉⵙⵖⵉⵡⵙⵏ ⵉⵙⴳⴰⵡⴰⵏⵏ ⵏ ⵓⴼⵜⵜⴰⵙ) ⴷ ⵓⴹⴰⴽⴰⵍ ⵏ ⵜⵓⵎⵙⵉⵙⵜ ⴷ ⵓⵎⵙⴰⵙⴰ ⴳⵔ ⵡⴰⵔⵔⴰⵜⵏ ⵏ ⵓⵥⵡⴰⴽ ⴷ ⵉⵙⵖⵉⵡⵙⵏ ⵉⵙⴳⴰⵡⴰⵏⵏ ⵏ ⵓⵙⴽⴰⵔ ⵏ ⵡⴰⵎⵓⵔ ⴷ ⵓⵙⵖⵉⵡⵙ ⵏ ⵓⵙⵡⴰⵍⴰ ⵏ ⵓⵎⵙⴰⵙⴰ ⵏ ⵓⵥⵡⴰⴽ, ⴷ ⵓⵙⵖⵉⵡⵙ ⵏ ⵓⵎⵙⴰⵙⴰ ⴷ ⵉⵖⴰⵡⴰⵙⵏ ⵉⵏⴰⵎⵓⵔⵏ ⴷ ⵜⵙⵔⵜⴰⵏ ⴳ ⵢⴰⵜ ⵜⵙⴳⴰ , ⴷ ⵓⵙⵍⴳⵏ ⵉⵣⴷⵉⵏ ⴷ ⵓⴼⵜⵜⴰⵙ ⴳ ⵜⵙⴳⴰ ⵏⵏⵉⴹⵏ.ⵎⴽⵍⵍⵉ ⵉⵏⴰⵏ ⵓⵖⴱⴰⵍⵓ ⴰⴷ ⵏⵉⵜ ⵏ ⵉⵏⵖⵎⵉⵙⵏ, ⵙⴳ ⵓⵙⵎⵔⵙⵏ ⵏ ⵉⵜⴳⴰⵔⵏ ⵏ ⵜⴷⵉⵎⵓⵇⵔⴰⵜⵉⵜ ⴷⴰⵔ ⵜⴳⵔⴰⵡⵉⵏ ⵡⴰⵔ ⵜⵉⵏⴰⵎⵎⴰⵙⵉⵏ ⴳ ⵓⵙⴰⵜⵉ ⵏ ⵓⵙⵏⵎⴰⵍⴰ ⵏ ⵉⴳⵔ ⵏ ⵜⵔⴰⴽⴰⵍⵉⵏ ⴷ ⵓⵏⴱⴱⵕ ⵓⵖⵔⵉⵎ , ⴷ ⵓⵙⵏⵎⴰⵍⴰ ⵏ ⵜⵏⴼⵓⵍⵉⵏ ⵏ ⵜⵖⵔⵎⵉⵏ ⴷ ⵜⵓⵙⴽⵉⵡⵉⵏ ,ⴷ ⵓⵎⵙⴰⵙⴰ ⴷ ⵓⵣⴷⴰⵢ ⴳⵔ ⵜⵖⵔⵎⵉⵏ ⴷ ⵉⵏⵙⴰⵜⵏ ⵏ ⵜⴰⵖⴰⵔⵜ ⵏⵏⴰ ⴷ ⴷⴰⵔ ⵜⴰⵣⴷⴰⵢⵜ ⵙ ⵜⵙⵏⵓⵔⴰⵢⵜ ⵏ ⵎⴰⵕⵜⵛⵉⴽⴰ ⴷ ⵓⵙⵔⵓⵙ ⵏ ⵜⴰⵙⵓⵜ ⵜⴰⵎⴰⵢⵏⵓⵜ ⵏ ⵜⵓⵙⴽⵉⵡⵜ ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵉⵅⴼⴰⵡⴰⵍⵏ ⴷ ⵉⵎⵙⵜⴳⴳⴰⵔⵏ ⴷ ⵉⵏⵎⵓⵔⵉⵏ ⴳ ⵎⴰⴷ ⵉⵣⵍⵉⵏ ⵙ ⵓⵙⵏⵜⵍ ⴰⴷ .
ⵉⵏⵏⴰ ⴷⴰⵖ ⵎⴰⵙⵙ ⵅⴰⵍⵉⵍ ⴱⵏⵙⴰⵎⵉ ⵎⴰⵙⴷ ⵜⵉⵎⴰⵎⴽⵉⵏ ⴰⴷ ⵉⵇⵇⴰⵏⴷ ⴰⴷ ⴳⵉⵙⵏⵜ ⴽⵛⵎⵏ ⴰⵡⴷ ⵡⵉⵏ ⵓⵙⴼⵍⵙ ⴷ ⵓⵙⴷⵔⵉⵎ ⴰⴼⴰⴷ ⴰⴷ ⵉⵍⵉⵏⵜ ⵜⵏⴼⵓⵍⵉⵏ ⵏ ⵜⵓⵙⴽⵉⵡⵜ ⴷ ⵓⵙⴱⵓⵖⵍⵓ ⵏ ⵉⵜⴳⴰⵔⵏ ⵏ ⵜⵏⴼⵍⵉⵜ ⵜⴰⵏⴰⵎⵓⵏⵜ ⴷ ⵓⵥⵣⵓ ⴳ ⵉⵎⵓⴽⵔⵉⵙⵏ ⵏⵏⴰ ⵉⵣⴹⴰⵕⵏ ⴰⴷ ⵉⵍⵉⵏ ⴳ ⵜⴰⵖⴰⵔⵜ ⵏ ⵢⵉⵍⵍ , ⴷ ⵡⴰⴷⴷⴰⴷ ⵏ ⵜⵓⵙⴽⴰ ⴳ ⵜⴰⵖⴰⵔⵜ ⴰⵡⴷ ⵜⴰⵣⵔⴰⵡⵜ ⵅⴼ ⵓⵙⵍⴳⵏ ⵉⵣⴷⵉⵏ ⴷ ⵡⴰⴽⴰⵍ ⴰⵏⴰⵎⵓⵏ ⵏ ⵓⵡⴰⵏⴽ .
ⵎⴽⵍⵍⵉ ⵉⵏⵏⴰ ⵎⴰⵙⴷ ⵉⵇⵇⴰⵏ ⵓⵏⴱⴱⵔ ⵉⴷⵓⵙⵏ ⵉ ⵜⴰⵖⴰⵔⵜ ⴷ ⵓⵙⵎⵔⵙ ⵏ ⵓⵙⵍⴳⵏ ⵙⵉⵙ ⵉⵣⴷⵉⵏ ⴷ ⵓⵙⵔⵓⵙ ⵏ ⵜⵙⵜⵕⴰⵜⵉⵊⵉⵜ ⵏ ⵉⴳⵔⴰⵏ ⴷⴰⵔ ⵜⴰⵣⴷⴰⵢⵜ ⴷ ⵓⵍⵜⵜⵓⵖ ⵏ ⵉⵏⵎⵎⴰⵙⵙⵓⵜⵏ ⵏⴰ ⵔⴰⴷ ⵉⵙⴽⵔ ⴰⵙⴼⵍⵙ ⵉ ⵜⵙⵜⵕⴰⵜⵉⵊⵉⵜ ⴰⴷ .
ⴰⵏⵎⵓⵇⵇⴰⵔ ⴰⴷ ⴰⵡⵜⵜⴰⵙ ⵏⵏⵙ ⴰⴷⵙⵍⴰⵏ ⴰⴷ ⵉⴼⵔⴳ ⵜⵓⵙⴽⵉⵡⵜ ⴳ ⵜⴰⵖⴰⵔⵜ ⵜⴰⵎⵖⵔⵉⴱⵉⵜ ⴷ ⵓⴼⵔⴰⴳ ⵏⵏⵙ ⵙⵍⴰⵡⴰⵏ ⴰⴽⴽⵯ ⴳ ⵡⴰⴷⴷⴰⴷ ⵏⵏⴰ ⴳ ⵉⴷⴷⵔ ⴰⵙⵙ ⴰⴷ , ⴷ ⵜⵓⴽⴽⵙⴰ ⵏ ⵉⵎⵓⴽⵔⵉⵙⵏ ⵏⵏⴰ ⴷⴰⵔⵙ ⵉⵍⵍⴰⵏ, ⴷ ⵓⵎⵓⴽⵔⵉⵙ ⵏⵏⴰ ⴼⵍⵍⴰⵙ ⵉⵙⴽⴰⵔ ⵓⴼⴳⴰⵏ ⴷ ⵉⵙⵏⴼⴰⵍ ⵏ ⵓⵏⵣⵡⵉ .