ⵙ ⵜⵎⵍⴷⴰ ⴰⴷ ,ⵏⵏⴰⵏ ⵉⵎⵙⵜⴳⴳⴰⵔⵏ ⴰⴷ ⵉⴷⵎⵙⴰⵏⵏ ⵎⴰⵙⵜⵏ ⵜⵙⵙⵓⵙⵎ ⵜⵓⵙⴽⵉⵡⵜ ⴷ ⵜⵣⵎⵎⴰⵔ ⵜⵉⴷⵎⵙⴰⵏⵉⵏ ⵏⵏⴰ ⵉⵍⵍⴰⵏ ⴳ ⵜⵖⵔⵎⵜ ⵏ ⴷⴷⴰⵅⵍⴰ,ⵉⵏⵉⵏ ⵎⴰⵙ ⵔⴰⵏ ⴰⴷ ⵙⴽⵔⵏ ⵜⵉⵣⵔⴰⵡⵉⵏ ⵏⵏⵙⵏ ⵉ ⴽⵉⴳⴰⵏ ⵏ ⵉⵙⵏⴼⴰⵔⵏ ⴳ ⵉⴳⵔⴰⵏ ⵏ ⵓⴼⴰⵔⵙ .
ⵙⵜⴰⵡⵀⵎⵎⴰⵏ ⴽⵉⴳⴰⵏ ⵉⵎⵙⵙⵔⵏⵓⵜⵏ ⵏ ⵙⴱⴱⴰⵏⵢⴰ ⵙ ⵜⵖⵔⵎⵜ ⵏ ⴷⴷⴰⵅⵍⴰ ,ⴷ ⵡⴰⴷ ⴷⴷⴰⵀⴰⴱ ⴰⴼⴰⴷ ⴰⴷ ⴰⵡⵙⵏ ⴳ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⵜⴰⴷⵙⴳⴰⵡⴰⵏⵜ ⵙ ⵓⵙⵔⴰⴳ ⵏ ⵜⵣⵎⵎⴰⵔ ⵏⵏⴰ ⴳⵉⵙⵏⵜ ⵉⵍⵍⴰⵏ .
ⴰⵔⵣⴰⴼ ⴷⴷⵅ ⵏⵏⴰ ⴷ ⵉⴷⴷⴰⵏ ⴷⴼⴼⵉⵔ ⵏ ⵓⵎⵙⴰⴳⴰⵔ ⵏ ⵓⵙⵙⵔⵏⵓ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ,ⵏⵏⴰ ⵉⵜⵜⵓⵙⴽⴰⵔⵏ ⴳ ⵢⵓⵏⵢⵓ ⵉⵣⵔⵉⵏ ⴳ ⴷⴷⴰⵅⵍⴰ,ⴰⴼⴰⴷ ⴰⴷ ⵎⵔⴰⵔⴰⵏ ⵉⵎⵙⵜⴳⴳⴰⵔⵏ ⵉⴷⵎⵙⴰⵏⵏ ⵏ ⵙⴱⴱⴰⵏⵢⴰ ⵜⵉⵎⵍⴷⵉⵡⵉⵏ ⵏ ⵓⵙⵙⵔⵏⵓ ⴷ ⵓⵙⴽⴽⵉⵔ ⵏ ⵜⵎⵍⴷⵉⵡⵉⵏ ⵏ ⵓⵙⵙⵔⵏⵓ ⴳ ⴽⵉⴳⴰⵏ ⵏ ⵉⴳⵔⴰⵏ ⵏ ⵓⴼⴰⵔⵙ ⴳ ⵜⵙⴳⴰ ⴰⴷ, ⵣⵓⵏⴷ ⵜⵉⵎⴳⵓⵔⵉⵡⵉⵏ ⵏ ⵓⵙⴰⴷⵓⵔ ⴷ ⵍⵍⵓⵊⵉⵙⵜⵉⴽ ⴷ ⵜⴳⵎⵔⵜ ⵏ ⵢⵉⵍ ⴷ ⵜⴰⵔⵏⵉⵡⵉⵏ ⵉⵙⵎⴰⵢⵏⵓⵜⵏ .
ⵜⵍⵍⴰ ⵅⴼ ⵓⴷⵡⴰⵍ ⵏ ⵙⴱⴱⴰⵏⵢⴰ ⵎⴰⵙⵙⴰ ⵎⴰⵔⵢⴰⵜⴰⵏⵓ ⵏⵏⴰ ⵉⴳⴰⵏ ⵜⴰⵎⵙⵜⴳⴳⴰⵔⵜ ⵏ ⵜⵡⵡⵓⵔⵉⵡⵉⵏ ⵅⴼ ⵓⴳⴳⴰⵔ ⵏ 30 ⵏ ⵜⵎⵙⵙⵏⵜⵉⵜ ⴷ ⵓⵙⵏⵙⵓ, ⵙⴽⵔⵏ ⵉⵏⵎⵓⵇⴰⵔⵏ ⴷ ⵍⵡⴰⵍⵉ ⵏ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ,ⴷ ⵍⵄⴰⵎⵍ ⵏ ⵡⴰⴷ ⴷⴷⴰⵀⴰⴱ ⵍⴰⵎⵉⵏ ⴱⵏⵄⵓⵎⴰⵕ, ⴷ ⵓⵙⵏⵙⵙⵉⵅⴼ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵙⴳⴰⵡⴰⵏ, ⴷ ⵓⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⵔⵏⵓ ⵎⴰⵙⵙ ⵎⵓⵏⵉⵔⵀⵡⴰⵔⵉ .
ⵉⵏⵏⴰ ⵓⵏⵙⵉⵅⴼ ⵏ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ,ⵎⴰⵙⵙ ⵍⵅⵟⵟⴰⵟ ⵢⵉⵃⵢⴰⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵜⴱⴰⴷⵓⵜ ⵏ ⵎ 24 ⵏ ⵉⵏⵖⵎⵉⵙⵏ ⵏⵏⴰ ⵉⵡⴰⵍⴰⵏ ⵉ ⵜⵏⵓⵔⴰⵢⵜ ⵏ ⵓⵙⵏⵖⵎⵙ ⴰⵎⵖⵔⵉⴱⵉ,ⵎⴰⵙⴷ ⴰⵏⵎⵓⵇⵇⴰⵔ ⴰⴷ ⵉⴳⴰ ⵜⴰⵎⵍⴷⴰ ⵏ ⵓⴼⵙⴰⵔ ⵏ ⵜⵣⵎⵎⴰⵔ ⵜⵉⴷⵎⵙⴰⵏⵉⵏ ⴷ ⵜⵉⵏ ⵓⵙⵙⵔⵏⵓ ⵏⵏⴰ ⵉⵍⵍⴰⵏ ⴳ ⵜⵙⴳⴰ ⵜⴳ ⴰⵡⴷ ⵢⴰⵜ ⵜⵍⴳⴳⵯⵉⵜ ⵏ ⵓⵙⵏⴼⵍ ⴰⵙⴱⴱⴰⴱⴰⵏ ⴷ ⵜⴰⴳⴳⵓⵔⵜ ⵏ ⵓⴳⴰⴷⴰⵣ ⴰⴼⵔⵉⵇⵉ .
ⵉⵙⵙⵖⵥⵏ ⵎⴰⵙⵙ ⵢⵉⵏⵊⴰ ⵎⴰⵙⴷ ⵉⴳⵎⴰⵎⵏ ⵏ ⵓⴷⵡⴰⵍ ⴰⵙⴱⵍⵢⵓⵏⵉ ⵎⵎⵔⵏ ⵙ ⵜⵎⵍⴷⵉⵡⵉⵏ ⵏ ⵓⵙⵙⵔⵏⵓ ⴷ ⵜⵓⵙⴽⵉⵡⵜ ⵏⵏⴰ ⵉⵍⵍⴰⵏ ⴳ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷ ⴷⴷⴰⵀⴰⴱ , ⵎⴽⵍⵍⵉ ⵏⵏⴰⵏ ⵎⴰⵙ ⵔⴰⴷ ⵙⵙⵏⵜⵉⵏ ⵉⵙⵏⴼⴰⵔⵏ ⵏⵏⵙⵏ ⴳ ⴽⵉⴳⴰⵏ ⵏ ⵉⴳⵔⴰⵏ ⵙⵍⴰⵡⴰⵏ ⴰⴽⴽⵯ ⵡⵉⵏ ⵜⴽⵔⵣⴰ ⴷ ⵜⴳⵯⵎⵔⵜ ⵏ ⵢⵉⵍⵍ .
ⴳ ⵜⵙⴳⴰ ⵏⵏⵙ ,ⵜⵏⵏⴰ ⵎⴰⵙⵙⴰ ⵜⵉⵍⵉⵙⴰ ⵕⴰⵎⵓⵙ ⴼⵉⵖⵉⵔⵓ ⵏⵏⴰ ⵉⴳⴰⵏ ⵜⴰⵎⵙⵜⴳⴳⴰⵔⵜ ⵏ ⵜⵡⵡⵓⵔⵉⵡⵉⵏ ⵎⴰⵙ ⵜⵜ ⵉⵙⵙⵓⵙⵎ ⵓⴱⵓⵖⵍⵓ ⵏ ⵜⵓⵙⴽⵉⵡⵜ ⴷ ⵜⵣⵎⵎⴰⵔ ⵏⵏⴰ ⵉⵍⵍⴰⵏ ⴳ ⴷⴷⴰⵅⵍⴰ, ⵎⴽⵍⵍⵉ ⵜⵏⵏⴰ ⵎⴰⵙ ⵔⴰⴷ ⵎⵢⴰⵡⴰⵙⵏ ⴳ ⵉⴳⵔ ⴰⴷⵎⵙⴰⵏ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ .
ⵜⵉⵏⵉ ⵎⵙⵙⴰ ⴼⵉⵖⵉⵔⴰ ⵎⴰⵙ ⵉⵙⵜⴰⵡⵀⵎⵎⴰ ⵓⵔⵣⴰⴼ ⵍⵍⵉⵖ ⴳⵉⵙ ⵙⵙⵏⵏ ⵉⵎⵙⵜⴳⴳⴰⵔⵏ ⵜⵉⵣⵎⵎⴰⵔ ⵜⵉⴷⵎⵙⴰⵏⵉⵏ ⵏ ⴷⴷⴰⵅⵍⴰ ⴷ ⵓⵙⵏⵓⵏⴼ ⵏ ⵉⴳⴰⴷⴰⵣⵏ ⵉⵎⴰⵢⵏⵓⵜⵏ, ⵎⴽⵍⵍⵉ ⵜⵏⵏⴰ ⵎⴰⵙ ⵔⴰⴷ ⴹⴼⵔⵏⵜ ⵜⵙⵏⵓⵔⴰⵢⵉⵏ ⵏ ⵙⴱⴱⴰⵏⵢⴰ ⵜⵉⵏ ⵍⵎⵖⵔⵉⴱ.
ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⴰⵙⵙ ⵎⵉⴳⵉⵍ ⵉⵙⵜⵔⴰⵏ, ⵎⴰⵙ ⵉⵙⵜⴰⵡⵀⵎⵎⴰ ⵓⵏⵎⵓⵇⵇⴰⵔ ⴰⴷ ⵉⵏⵏⴰ ⵎⴰⵙ ⵉⴳⴰ ⵜⴰⵙⵓⵍⵜ ⵏ ⵓⵎⵙⴰⴳⴰⵔ ⵏ ⵓⵙⵙⵔⵏⵓ ⴳⵔ ⵍⵎⵖⵔⵉⴱ ⴷ ⵙⴱⴱⴰⵏⵢⴰ ⵏⵏⴰ ⵉⵙⴽⴰⵏ ⵅⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⴳⵔ ⵙⵏⴰⵜ ⵜⵎⵉⵣⴰⵔ ⴰⴷ.
ⵉⴽⴽⴰ ⵓⴷⵡⴰⵍ ⵏ ⵙⴱⴱⴰⵏⵢⴰ ⴰⵡⴷ ⴰⵙⵔⵙⵉⵡ ⵏ ⴷⴷⴰⵅⵍⴰ ⴷ ⵜⵏⴰⴼⵓⵜ ⵏ ⵜⵎⴳⵓⵔⵉ ⵏⵏⴰ ⵉⵣⵍⵉⵏ ⵙ ⵓⵙⵏⴼⵍ ⵏ ⵉⵙⵍⵎⴰⵏ ⴷ ⵡⴰⵎⵎⴰⵙ ⵏ ⵓⵙⵜⴰⵢ ⵏ ⵡⴰⵔⵔⴰⵙ ⴷ ⵓⴷⴷⵉⵙ ⵏ ⵜⵎⴳⵓⵔⵉ ⵜⴰⵇⵇⴱⵓⵔⵜ ⴷ ⵓⵙⵏⴼⴰⵕ ⵏ ⵓⵙⴽⵓ ⵏ ⵡⴰⵎⵎⴰⵙ ⵎⵓ ⵎⵢⴰⵏⴰⵡⵏⵜ ⵜⵓⵥⵍⴰⵢⵉⵏ .