ⵉⵏⵏⴰ ⵎⴰⵙⵙ ⵕⵓⴱⵉ ⴰⵍⴱⵉⵕⵜⵓ ⴷⵉ ⴼⵉⵖⵉⵔⵉⴷⵓ ⵙⵡⴰⵕⵉⵥ ⴳ ⵓⵎⵔⴰⵔⴰ ⵏ ⵡⴰⵡⴰⵍ ⵏⵏⵙ ⴷ ⵓⵙⵏⵖⵎⵙ ⴳ ⵜⴼⵓⴳⵍⴰ ⴷⴷⵅ, ⵎⴰⵙⴷ ⴰⵕⵥⵥⵓⵎ ⵏ ⵜⵎⵙⵇⴰⴷⵜ ⴰⴷ ⵉⴳⴰ ⵢⴰⵜ ⵜⵎⵍⴷⴰ ⵉⵍⴰⵏ ⴰⵜⵉⴳ ⴰⵅⴰⵜⴰⵔ ⵎⴽⵍⵍⵉ ⵉⵙⵏⵉⵎⵎⵔ ⵉⵎⵏⴱⴰⴹⵏ ⵏ ⵜⵎⴰⵣⵉⵔⵜ ⵏ ⵍⵎⵖⵔⵉⴱ .
ⵉⵣⴰⵢⴷ ⵉⵏⵏⴰ ⵎⴰⵙⴷ ⴰⵎⵢⴰⵡⴰⵙ ⴰⴷ ⵔⴰⴷ ⵢⴰⵡⵙ ⴳ ⵓⵙⴱⵓⵖⵍⵓ ⵏ ⵜⵎⵉⵣⴰⵔ ⴰⴷ ⵙ ⵙⵏⴰⵜ, ⵎⴽⵍⵍⵉ ⵉⵙⵙⴽⵯⵜⵉ ⵙ ⵓⵔⵣⴰⴼ ⵏⵏⵙ ⵙ ⵍⵎⵖⵔⵉⴱ ⴳ ⵡⴰⵢⵢⵓⵔ ⵏ ⵢⵓⵏⵢⵓ ⵉⵣⵔⵉⵏ ⵏⵏⴰⵖ ⵉⵜⵜⵓⵙⵔⴰⵙ ⵓⵏⵎⴰⵍⵍⵓ ⵏ ⵜⵎⵙⵇⴰⴷⵜ ⴰⴷ ⵏⵏⴰ ⵔⴰⴷ ⵉⵜⵜⵓⵙⴽⴰⵔ ⴳ ⵜⵎⴰⵥⵓⵏⵜ ⵏ ⵍⵎⵖⵔⵉⴱ ⵕⵕⴱⴰⵟ .
ⵎⴽⵍⵍⵉ ⵉⵏⵏⴰ ⵎⴰⵙ ⵔⴰⴷ ⵜⵜⵓⵙⴽⴰⵔⵏ ⴽⵉⴳⴰⵏ ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⴳⵔ ⵜⵎⵉⵣⴰⵔ ⴷⴷⵅ,ⵎⴽⵍⵍⵉ ⵔⴰⴷ ⵜⴰⵡⵉ ⵜⵎⴰⵣⵉⵔⵜ ⵏⵏⵙ ⵍⴼⴰⵢⵜⵜ ⴳ ⵜⵉⵔⵎⵉⵜⵉⵏ ⵏ ⵍⵎⵖⵔⵉⴱ ⴳ ⴽⵉⴳⴰⵏ ⵏ ⵉⴳⵔⴰⵏ .
ⵉⵙⵎⴷ ⵓⴷⵉⴱⵍⵓⵎⴰⵙⵉ ⵏ ⵜⵎⴰⵣⵉⵔⵜ ⵏ ⴽⴰⴱⴱⵓ ⴼⵉⵔⴷⵉ ⵉⵏⵏⴰ ⵎⴰⵙ ⵔⴰⴷ ⵜⵙⴼⴰⵢⴷⴰ ⵜⵎⴰⵣⵉⵔⵜ ⵏⵏⵙ ⴳ ⵜⵉⵔⵎⵉⵜ ⵏ ⵍⵎⵖⵔⵉⴱ ⵉⴷⵓⵙⵏ ⴳ ⵉⴳⵔⴰⵏ ⴳⴰⵏⵉⵏ ⵉⵎⵏⵏⴰⵡⵏ .
ⵉⵏⵏⴰ ⴰⵡⴷ ⵎⴰⵙⴷ ⴰⵔⵣⴰⴼ ⵏⵏⵙ ⵙ ⵍⵎⵖⵔⵉⴱ ⵉⴼⴽⴰ ⴰⵏⵏⵓⵕⵥⵎ ⵏ ⵜⵎⵙⵇⴰⴷⵜ ⴳ ⵜⵖⵔⵎⵜ ⵏ ⴷⴷⴰⵅⵍⴰ, ⵎⴽⵍⵍⵉ ⵉⵙⴽⵔ ⴽⵉⴳⴰⵏ ⵏ ⵉⵔⵣⵣⵓⵜⵏ ⴷ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵎⴰⵙⵙ ⴱⵓⵕⵉⵟⴰ ⴰⴼⴰⴷ ⴰⴷ ⵢⵉⵍⵉ ⵓⵎⵢⴰⵡⴰⵙ ⵉⴷⵓⵙⵏ ⴳⵔⴰⵜⵙⵏ .
ⵉⵣⴰⵢⴷ ⵉⵏⵏⴰ ⵎⴰⵙⴷ ⵜⴰⵎⵙⵇⴰⴷⵜ ⵏ ⵜⵎⴰⵣⵉⵔⵜ ⵏⵏⵙ ⵔⴰⴷ ⵜⵙⵙⴷⵓⵙ ⵜⵉⵣⴷⴰⵢⵉⵏ ⵉⵃⵍⴰⵏ ⴳⵔ ⵍⵎⵖⵔⵉⴱ ⴷ ⴽⴰⴱⴱⵓ ⴼⵉⵔⴷⵉ .
ⵉⴽⴽⴰ ⵜⵜ ⵉⵏⵏ ⵎⴰⵙⵙ ⵕⵡⵉ ⴰⵍⴱⵉⵕⵟⵓ ⴳ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⴳ ⵓⵎⵔⴰⵔⴰ ⵏⵏⴰ ⵉⵙⴽⵔ ⴳ ⵢⵓⵏⵢⵓ ⵉⵣⵔⵉⵏ ⴷ ⵎⴰⵙⵙ ⴱⵓⵕⵉⵟⴰ ⴳ ⵓⵙⴰⵜⵉ ⵏ ⵜⵡⵡⵓⵔⵉⵡⵉⵏ ⵏ ⵓⴱⵔⴰⴳⵔⴰⵡ ⵓⵏⴱⵉⴹ ⴰⵎⵣⵡⴰⵔⵓ ⵏ ⵜⵎⵓⵔⴰ ⵏ ⵉⴼⵔⵉⵇⵢⴰ ⵎⴰⵙ ⵔⴰⴷ ⵜⵏⵏⵓⵕⵥⵎ ⵢⴰⵜ ⵜⵎⵙⵇⴰⴷⵜ ⴳ ⵎⴰⴷ ⵏⵏ ⵓⵔ ⵢⴰⴳⴳⵓⴳⵏ ⴳ ⵜⵖⵔⵎⵜ ⵏ ⵕⵕⴱⴰⵟ .