ⵍⵎⵖⵔⵉⴱ ⴷⴷⵓ ⵜⵏⴰⵍⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⵔ ⵉⵜⵜⵏⵣⴰⵖ ⵅⴼ ⵉⵣⵔⴼⴰⵏ ⵉⵎⴰⴷⴷⵓⴷⵏ ⵏ ⵓⵖⵔⴼ ⵏ ⴼⵉⵍⵉⵙⵟⵉⵏ , ⴷ ⵉⵙⵏⵉⵍ ⵜⵓⵎⴰⵏⵜ ⵏⵏⴰ ⵉⵜⵜⵉⵏⵉⵏ ⴰⵙⴽⴽⵉⵔ ⴷ ⵜⵙⵉⵎⴰⵏⵜ ⵏ ⵓⵡⴰⵏⴽ ⵏ ⴼⵉⵍⵉⵙⵟⵉⵏ ⵙⴳ ⴽⵔⴰ ⵏ ⵉⵜⴳⴰⵔⵏ ⵉⵎⴰⴹⵍⴰⵏⵏ ⴰⴼⴰⴷ ⴰⴷ ⴳⵉⵙ ⵜⵓⵣⵣⵔ ⵜⵏⴼⵔⵓⵜ .
ⴰⵏⵏⴰⵍ ⴰⴷ ⵏⵏⴰ ⵜⴰⴽⴽⴰ ⵜⴳⵍⴷⵉⵜ ⵉ ⵜⵙⵉⵎⴰⵏⵜ ⵏ ⴼⵉⵍⵉⵙⵟⵉⵏ ⵓⵔ ⴷⴰⵔⵙ ⴰⵡⴷ ⴽⵔⴰ ⵏ ⵉⵙⵏⵜⴰⵍ ⵉⵙⵔⵜⴰⵏⵏ,ⵎⴰⵛⴰⵏ ⵙ ⵜⵣⵎⵎⴰⵔ ⵏ ⵓⵏⵙⵙⵉⵅⴼ ⵏ ⵜⴰⵢⵎⵓⵏⵜ ⵏ ⵍⵇⵓⴷⵙ ⵏⵏⴰ ⵉⵎⵙⴰⵙⴰⵏ ⴷ ⵡⴰⵎⵓⵏ ⵏⵏⵙ ⵙ ⵓⵎⴰⵜⴰ .
ⴳ ⵉⴳⵔ ⴰⴷ, ⵉⴳⴰ ⴱⴰⴱ ⵏ ⵡⴰⴷⴷⵓⵔ ⵜⵓⵎⴰⵏⵜ ⵏ ⴼⵉⵍⵉⵙⵟⵉⵏ ⵎⴰⵙ ⵜⴳⴰ ⴰⵙⵏⵜⵍ ⵏ ⵡⴰⵎⵓⵔ ⴰⵎⵣⵡⴰⵔⵓ ⴹⴰⵔⵜ ⵏ ⵜⵎⵏⵜⵉⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⵉⴱⵉⵜ, ⴰⴼⴰⴷ ⴰⴷ ⵉⵙⴽⵔ ⴽⵉⴳⴰⵏ ⵏ ⵜⵣⵎⵎⴰⵔ ⵜⵉⴷⵉⴱⵍⵓⵎⴰⵙⵉⵢⵉⵏ ⴷ ⵜⵉⵏ ⵜⵙⵔⵜⵉⵜ ⴰⴼⴰⴷ ⴰⴷ ⵉⵙⵏⵉⵍ ⴰⵖⵔⴼ ⵏ ⴼⵉⵍⵉⵙⵟⵉⵏ .
ⵙⴳ ⵜⵖⴰⵡⵙⵉⵡⵉⵏ ⵏ ⵡⴰⵏⵏⴰⵍ ⴷⴷⵅ ⵉⴷⵓⵙⵏ ⵏⵏⴰ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ , ⵍⵍⵉⵖ ⵉⵎⵙⴰⵡⴰⵍ ⴷ ⵉⵎⵙⵜⴳⴳⴰⵔⵏ ⵏ ⵉⵙⵕⴰⵢⵉⵍ ⴰⴼⴰⴷ ⴰⴷ ⵕⵥⵎⵏ ⴰⵙⴰⴽⴰ ⵏ -ⵏⵏⴰⴱⵉ- ⴳⵔ ⵓⴳⵎⵎⴰⴹ ⵏ ⵓⵏⵇⵇⵔ ⴷ ⵍⵓⵕⴹⵓⵏ ⵙ ⵜⵖⴰⵔⴰⵙⵜ ⵜⴰⵙⵓⵍⴰⵏⵜ .