ⵉⵏⵏⴰ ⵓⵙⵉⵡⴹ ⵏ ⵜⵎⵔⵙⵍⵜ ⵎⴰⵙ ⵜⴳⴰ ⵜⵙⵙⵓⵜⵍⵜ ⴰⴷ ⵜⵉⵙⵙ 23 ⵏ ⵉⴼⵜⴰⵙⵏ ⵉⵖⵓⵙⵏ, ⵔⴰⴷ ⵉⵙⵡⵡⵓⵔⵉ ⵓⵖⴰⵡⴰⵙ ⵏⵏⴰ ⵉⵍⵍⴰⵏ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵍⴰⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵎⴰⵙⵙⴰ ⵍⴰⵍⵍⴰ ⵃⵙⵏⴰ, ⵏⵏⴰ ⵔⴰⴷ ⵉⴷⴼⵕ ⵎⴰⴷ ⵉⵜⵜⴳⴳⴰⵏ 106 ⵏ ⵓⴼⵜⴰⵙ, 28 ⴳⵉⵙ ⵓⵙⵉⵏ ⴰⵛⵏⵢⴰⵍ ⴰⵣⵕⵡⴰⵍ, ⴰⴼⴰⴷ ⴰⴷ ⴳⵉⵏ ⵉⴼⵜⴰⵙⵏ ⵉⵖⵓⵙⵏ ⴷ ⵓⵙⵎⵓⵙⵙⵓ ⵉ ⵉⵡⴷⴰⵏ ⵏⵏⴰ ⴳⵉⵙ ⵉⵜⵜⵉⵍⵉⵏ ⴳ ⵓⵏⴱⴷⵓ .
ⵉⵣⴰⵢⴷ ⵓⵙⵉⵡⴹ ⵉⵏⵏⴰ ⵎⴰⵙⴷ ⵉⴼⵜⴰⵙⵏ ⴰⴷ ⴰⵔ ⴳⵉⵙⵏ ⵜⵜⵉⵍⵉⵏ ⴽⵉⴳⴰⵏ ⵏ ⵉⵡⴷⴰⵏ , ⵔⴰⴷ ⵜⵎⵎⴰⵖ ⵜⵙⵏⵜⴰⵢⵜ ⴰⴷ ⴰⴼⴰⴷ ⴰⴷ ⵜⵉⵍⵉ ⴳ ⵓⵙⵡⵉⵔ ⵏ ⵓⵙⵖⵓⵙ ⵏ ⵉⴼⵜⴰⵙⵏ ⴰⴷ , ⴳ ⵎⴰⴷ ⵉⵣⵍⵉⵏ ⵙ 68 ⵏ ⵜⴳⵔⴰⵡⵜ ⵏ,ⵏⴰ ⵔⴰⴷ ⵢⴰⵡⵙ ⵙ ⵜⵣⵎⵎⴰⵔ ⵏⵏⵙ ⵜⵉⵍⵓⵊⵉⵙⵜⵉⴽⵉⵢⵉⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⴷ ⵎⴰⴷ ⵉⵜⵜⴳⴳⴰⵏ 26 ⵏ ⵓⵎⴷⵔⴰⵡ ⴰⴷⵎⵙⴰⵏ ⴷ ⵓⴳⴳⴰⵔ ⵏ ⵜⵎⵉⴹⵉ ⵏ ⵜⵎⵙⵎⵓⵏⵜ ⵜⴰⵙⴳⴰⵡⴰⵏⵜ , ⵜⴰⵙⵏⵜⴰⵢⵜ ⴰⴷ ⵔⴰⴷ ⵜⴽⴽ ⴽⵕⴰⴹ ⵢⵉⵔⵏ ⴰⴼⴰⴷ ⴰⴷ ⵙⴽⴰⵔⵏ ⴰⵙⴼⵔⴽ ⵏ ⵉⵡⴷⴰⵏ ⴳ ⵉⴳⵔ ⵏ ⵜⵣⴷⴳⵉ ⵏ ⵡⴰⵎⴰⵏ ⵏ ⵉⴼⵜⴰⵙⵏ ⴷ ⵉⵏⵙⴰⵜⵏ ⵏ ⵓⵛⵓⵛⴼ .
ⴳ ⵓⵙⴰⵜⵉ ⴰⴷ ⵉⵏⵏⴰ ⵎⴰⵙ ⵔⴰⴷ ⵜⵙⵙⵏ ⵜⵙⵏⵜⴰⵢⵜ ⵏ ⵓⵙⴳⴳⵯⴰⵙ ⴰⴷ ⵜⵉⵍⵉⵜ ⵏ ⵍⴽⵛⴼⵉⵢⵢⴰ ⵜⴰⵎⵖⵔⵉⴱⵉⵜ ⴷ ⵉⵣⴰⴳⵯⵣⵏ ⴷ ⵜⵎⵕⵚⵉⵜⵉⵏ ⵏ ⵓⵏⴱⴷⵓ ⵏⵏⴰ ⵅⴼ ⵜⵍⵍⴰ ⵜⵎⴰⵡⵙⴰⵙⵜ ⵏ ⵜⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵉⵣⴰⵢⴷ ⵉⵏⵏⴰ ⵎⴰⵙ ⵔⴰⴷ ⵕⵥⵎⵏⵜ ⴰⵡⴷ ⵜⵙⴷⵍⵉⵙⵉⵏ ⴳ ⵉⴼⵜⴰⵙⵏ ⴰⴷ ⵙ ⵓⵣⴷⴰⵢ ⴷ ⵜⵎⴰⵡⵙⴰⵙⵜ ⴰⴷ ⵏⵉⵜ ⴷ ⵓⵙⵎⵓⵏ ⵏ ⵡⴰⵔⵔⴰⵙ ⴷ ⵓⵙⵖⵓⵙ ⵙ ⵜⵖⴰⵔⴰⵙⵜ ⵜⴰⵎⴰⵜⴰⵢⵜ ⵉ ⵢⵉⴼⵜⴰⵙⵏ ⴰⴷ ⵏⵏⴰ ⴽⵛⵎⵏⵉⵏ ⴳ ⵓⵏⵎⴰⵍⴰ ⴰⴷ .