ⵉⵣⴰⵢⴷ ⵎⴰⵙⵙ ⵍⴼⵜⵉⵜ,ⴳ ⵜⵎⵔⴰⵔⵓⵜ ⵅⴼ ⵢⴰⵏ ⵓⵙⵇⵇⵙⵉ ⴰⵎⵉⵡⴰⵏ ⵅⴼ ⵓⵙⵙⵓⴼⵖ ⵏ ⵜⵏⴼⵓⵍⵜ ⵜⴰⵏⴰⵎⵓⵏⵜ ⵎⴰⵙ ⵔⴰⴷ ⵜⵜⵓⵙⵎⵔⴰⵔⴰ, ⴰⵙⵇⵇⵙⵉ ⴰⴷ ⴼⴽⴰⵏⵜ ⴰⵢⵜ ⵜⵔⴰⴱⴱⵓⵜ ⵏ ⵓⴽⴰⴱⴰⵕ ⵏ ⵜⵎⴰⵜⵔⴰⵔⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵏⵉⵏ ⵎⴰⵙⴷ ⵉⵎⵣⵎⵎⵉⵎⵏ ⵏ ⵜⵏⴼⵓⵍⵜ ⵜⴰⵏⴰⵎⵓⵏⵜ ⵏ ⵉⵎⵣⴷⴰⵖ ⵉⵍⴽⵎ ⴰⵔ ⴰⵙⵙ ⴰⴷ 120 ⵏ ⵉⴼⴹ ⵏ ⵓⵏⵎⵓⵔⵉ
ⵉⵣⴰⵢⴷ ⵓⵎⴰⵡⵙⴰⵙ ⵉⵏⵏⴰ ⵎⴰⵙⴷ ⵜⴰⵡⵡⵓⵔⵉ ⴰⴷ ⵔⴰⴷ ⵜⴰⵡⵙ ⴽⵉⴳⴰⵏ ⵡⵉⵏⵏⴰ ⵉⵙⵖⴰⵡⵙⴰⵏ ⵙ ⵡⴰⵏⵏⴰⵍ ⴰⵏⴰⵎⵓⵏ,ⵢⵉⵏⵉ ⵎⴰⵙⴷ ⵜⵉⵔⵎⵉⵜ ⴰⴷ ⵏⵏⴰ ⵉⵙⵙⵏⵜⴰⵏ ⴳ ⵜⵖⵔⵎⵉⵏ ⵏ ⵕⵕⴱⴰⵟ ⴷ ⵍⵇⵏⵉⵟⵕⴰ ⵔⴰⴷ ⵜⵙⵓⵍ ⴰⵔ ⵜⵉⵏⴳⵉⵔⴰ ⵏ ⵓⵙⴳⴳⵯⴰⵙ ⴰⴷ ,ⴷ ⵔⴰⴷ ⴰⴽⴽⵯ ⵜⵓⵣⵣⵔ ⴳ ⵜⵔⴰⴽⴰⵍⵜ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵙⴳⴳⵉⵡⵉⵏ ⵏⵏⵙ .
ⴰⵡⵜⵜⴰⵙ ⵏ ⵜⵏⴼⵓⵍⵜ ⵜⴰⵏⴰⵎⵓⵏⵜ ⵜⵖⵉ ⴰⴷ ⵜⵙⵙⵉⴷⵔ ⵉⵜⴳⴰⵔⵏ ⵏ ⵓⵙⵍⴳⵏ 6-7-8-28-ⴷ 30 ⵙⴳ ⵓⵙⵍⴳⵏ72.18 ⵏⵏⴰ ⵉⵣⴷⵉⵏ ⴷ ⵡⵉⵏⵏⴰ ⵔⴰⴷ ⵉⵜⵜⴰⵎⵥ ⴰⵏⵏⴰⵍ ⵙⴳ ⵓⵙⵏⴼⴰⵕ ⵏ ⵡⴰⵏⵏⴰⵍ ⴰⵏⴰⵎⵓⵏ ⵙⴳ ⵓⵙⴽⴽⵉⵔ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⴷ ⵓⵣⵎⵎⵉⵎ ⴳ ⵜⵏⴼⵓⵍⵜ ⵜⴰⵏⴰⵎⵓⵔⵜ ⵏ ⵉⵎⵣⴷⴰⵖ, ⵙⴳ ⵉⵜⴳⴰⵔⵏ ⵏ ⵜⵉⴽⴽⵉ ⵏ ⵡⴰⵏⵏⴰⵍ ⴰⴷ ⴰⵏⵎⵓⵏ ⵙⴳ ⴷⴰⵔ ⵜⵙⵏⵓⵔⴰⵢⵉⵏ ⴷ ⵜⵎⵀⵍⵉⵡⵉⵏ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵡⵉⵏ ⵜⵉⵔⴰⴽⴰⵍⵉⵏ ⴷ ⵉⵏⵎⴰⵍⵍⵓⵜⵏ ⵉⵏⴰⵎⵓⵏⵏ ⴷ ⵓⵙⵍⵉⴳⵏ ,ⵜⴰⵡⵡⵓⵔⵉ ⴰⴷ ⵔⴰⴷ ⵜⵓⵣⵣⵔ ⴳ ⵜⵣⵡⵉⵔⵉ ⴳ ⵜⵖⵉⵡⴰⵏⵉⵏ ⵏ ⵜⵖⵔⵎⵜ ⵏ ⵕⵕⴱⴰⵟ ⴷ ⵍⵇⵏⵉⵟⵕⴰ ⴰⵔⴽⵉⵖ ⴰⴽⴽⵯ ⵜⵓⵣⵣⵔ ⴳ ⵜⵎⴰⵣⵉⵔⵜ ⵏⵏⵖ ⵙ ⵜⵖⵉⵡⴰⵏⵉⵏ ⵏⵏⵙ ⴷ ⵜⵙⴳⴳⵉⵡⵉⵏ ⵏⵏⵙ ⴰⴽⴽⵯ .
ⴰⵡⵜⵜⴰⵙ ⴰⵎⵇⵔⴰⵏ ⵏ ⵜⵏⴰⴼⵓⵜ ⴰⴷ,ⵉⴳⴰⵜ ⴰⵙⵎⴰⵍ ⵏ ⵜⵎⴰⵎⴽⵉⵏ ⵏ ⵓⵣⵎⵎⵉⵎ ⴳ ⵜⵏⴼⵓⵍⵜ ⵜⴰⵏⴰⵎⵓⵔⵜ ⴷ ⵜⵎⴰⵎⴽⵉⵏ ⵏ ⵓⵙⵙⵉⴹⵏ ⵏ ⵉⵡⴷⴰⵏ ⴽⵔⴰ ⴳⴰⵏ ⵉⵡⵜⵎⴰⵏ ⴷ ⵜⵡⵜⵎⵉⵏ, ⴷ ⵜⵎⴰⵎⴽⵜ ⵏ ⵓⵙⵙⵓⵜⵔ ⵏ ⵡⴰⵏⵏⴰⵍ ⴰⵏⴰⵎⵓⵏ ⵏⵏⴰ ⵉⵜⵜⵓⴼⴽⴰⵏ ⵉ ⵜⴰⵡⵊⵉⵡⵉⵏ ⴷ ⵎⴰⴷ ⴰⴽⴽⵯ ⵉⵥⵍⵉⵏ ⴷ ⵓⵙⵏⵜⵔⵍ ⴰⴷ .