ⵜⵏⵏⴰ ⵜⵏⵖⵍⴰⴼⵜ ⴳ ⵢⴰⵏ ⵓⵙⵉⵡⴹ ⵏⵏⵙ,ⵏ ⵡⴰⵙⵙ ⵏ ⴰⵙⴰⵎⴰⵙ ⴰⴷ ⵉⵣⵔⵉⵏ ⴳ ⵓⴳⵔⴰⵡ ⴰⵎⵀⵍⴰⵏ ⵏ ⵓⵎⴰⵔⵉⵙ ⴰⵏⴰⵎⵓⵔ ⵏ ⵉⵣⴰⴳⴳⵯⵣⵏ ⵏⵏⴰ ⵅⴼ ⵉⵍⵍⴰ ⵎⴰⵙⵙ ⵎⵓⵃⵎⵎⴰⴷ ⵄⴱⴷⵍⵊⴰⵍⵉⵍ, ⵏⵏⴰ ⵉⴳⴰⵏ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵍⵍⵓⵊⵉⵙⵜⵉⴽ ⴳ 13 ⵎⴰⵢ ⴰⴷ ⴳ ⵜⵖⵔⵎⵜ ⵏ ⵕⵕⴱⴰⵟ ⵉⵥⵍⵉ ⵎⴰ ⴰⵏⵏ ⵙ ⵓⵙⵙⵉⴹⵏ ⵏ ⵜⴷⵔⵉⵎⵜ ⵏ ⵓⵎⴰⵔⵉⵙ ⴳ ⵉⵎⵉⵔ ⵏ ⵓⵙⴳⴳⵯⴰⵙ ⵏ 2021 ⴷ ⵜⵣⵔⴰⵡⵜ ⵅⴼ ⵉⵎⵓⵙⵙⵓⵜⵏ ⴰⵔ ⵜⵉⴳⵉⵔⴰ ⵏ ⵡⴰⵢⵢⵓⵔ ⵏ ⵉⴱⵔⵉⵔ 2022 .
ⵉⵣⴰⵢⴷ ⵓⵙⴰⴳⵯⵎ ⴰⴷ ⵏⵉⵜ, ⴳ ⵉⴳⵔ ⴰⴷ ⵉⵏⵏⴰ ⵎⴰⵙ ⵉⵍⵍⴰ ⵓⵙⵏⵓⴱⴳ ⵏ 3.2 ⵎⵍⵢⵓⵏ ⵏ ⵓⵏⵎⵎⴰⴷⴷⵓ ⴳⵔ 047 ⴱⵕⴰⵢⵕ ⴰⵔ 30 ⵉⴱⵔⵉⵔ 2022,ⴰⵢⵏⵏⴰ ⵉⴳⴰⵏ 64 ⴳ ⵜⵎⵉⴹⵉ ⴳ ⵡⴰⵙⵙⴰⵢⵏ ⵏ ⵉⴳⵏⵏⴰ ⵏⵏⴰ ⵉⵜⵜⵓⵣⵎⵎⵉⵎⵏ ⴳ ⵓⵙⴳⴳⵯⴰⵙ ⵏ 2019 .
ⵙⴳ ⵜⵙⵉⴹⴰⵏ ⵏ ⵓⵎⴰⵔⵉⵙ ⵉⵣⵎⵎⵉⵎ ⵓⵎⵓⵙⵙⵓ ⵏ ⵡⴰⵙⵙⴰⵢ ⵏ ⵉⴳⵏⵏⴰ 9.94 ⵎⵍⵢⵓⵏ ⵏ ⵓⵏⵎⵎⴰⴷⴷⵓ ⴳ ⵓⵙⴳⴳⵯⴰⵙ ⵏ 2021 ⵙ ⵓⵙⵎⴰⴷ ⵏ 39 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2020 ⵙ ⵓⵙⴷⵔⵓⵙ ⵏ 60 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2019 .
ⵎⴽⵍⵍⵉ ⵉⵣⵎⵎⵉⵎ ⵓⴽⵜⵜⵓⵔ ⵏ ⵉⴳⵏⵏⴰ ⵢⴰⵏ ⵓⴱⵓⵖⵍⵓ ⵏⵏⴰ ⵉⵍⴽⵎⵏ 70 ⵏ ⵉⴼⴹ ⵏ ⵟⵓⵏ , ⵎⴰⴷ ⵉⵜⵜⴳⴳⴰⵏ 14 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2020 ⴷ 27 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2019, ⵉⵣⵎⵎⵉⵎ ⵓⵎⵓⵙⵙⵓ ⵏ ⵜⴰⵢⵍⴰⵍⵉⵏ ⵎⴰⴷ ⵉⵜⵜⴳⴳⴰⵏ 42 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2020 ⵙ ⵓⵙⴷⵔⵓⵙ ⵏ 51 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ ⵓⵙⴳⴳⵯⴰⵙ ⵏ 2019 .
ⵜⵉⵍⵉ ⴰⵡⴷ ⵜⵢⴰⴼⵓⵜ ⵏ ⵜⴷⵔⵉⵎⵜ ⵏ ⵓⵎⴰⵔⵉⵙ ⴳ ⵓⵙⴳⴳⵯⴰⵙ ⵏ 2021 ⵙⴳ ⵓⵙⵉⵡⴹ ⵏⵏⴰ ⵎⵓ ⵜⵙⵔⴳ ⵜⵎⴰⴹⵓⵏⵜ ⵏ ⴽⵓⵕⵓⵏⴰ ⵅⴼ ⵓⵎⵓⵙⵙⵓ ⵏⵏⵙ ⵉⵣⵎⵎⵉⵎ ⵢⴰⵏ ⵓⵟⵟⵓⵏ ⵏ ⵉⵙⵏⴼⴰⵍ ⵏⵏⴰ ⵉⴳⴰⵏ 2.1 ⵎⵍⵢⴰⵕ ⴷⵔⵀⵎ ⵙ ⵓⵙⵎⴰⴷ ⵏ 34 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ 2020 ⴷ ⵓⵙⴷⵔⵓⵙ ⵏ 50 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ 2019 .
ⵎⴽⵍⵍⵉ ⵍⴽⵎⵏ ⵓⵟⵟⵓⵏⵏ ⵏ ⵓⵙⵎⵔⵙ 1.8 ⵎⵍⵢⴰⵕ ⴷⵔⵀⵎ ⵙ ⵓⵙⵎⴰⴷ ⵏ 0.5 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ 2020 ⵙ ⵓⵙⴷⵔⵓⵙ ⵏⵏⴰ ⵉⵍⴽⵎⵏ 7 ⴳ ⵜⵎⵉⴹⵉ ⴳ ⵓⵙⵎⵣⴰⵣⴰⵍ ⴷ 2019 .
ⵉⵏⵏⴰ ⵓⵙⵉⵡⴹ ⵎⴰⵙ ⵜⵕⵥⵎ ⵢⴰⵜ ⵜⵙⵔⵓⵙⵜ ⵜⴰⵎⴰⵢⵏⵓⵜ ⴳ ⵓⵙⴳⴳⵯⴰⵙ ⵏ 2021 ⴳ ⵓⵣⴰⴳⵯⵣ ⵏ ⵍⵄⵓⵕⵡⵉ ⴳ ⵜⵖⵔⵎⵜ ⵏ ⵏⵏⴰⴹⵓⵕ, ⵏⵏⴰ ⵉⵙⵙⵖⵍⵉⵏ ⵓⵜⵓⵢ ⵏⵏⵙ ⵙ 2 ⵎⵍⵢⵓⵏ ⵏ ⵓⵏⵎⵎⴰⴷⴷⵓ ⴽⵓⵏ ⴰⵙⴳⴳⵯⴰⵙ, ⵉⵍⵉⵏ ⴰⵡⴷ ⴽⵉⴳⴰⵏ ⵏ ⵉⵙⵏⴼⴰⵔⵏ ⵢⴰⴹⵏ ⵏⵏⴰ ⵉⵜⵜⵓⵙⴽⴰⵔⵏ ⴳ ⵓⵣⴰⴳⵯⵣ ⵏ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ ⴷ ⵡⵉⵢⵢⴰⴹ ⴳ ⵕⵕⴱⴰⵟ ⴷ ⵙⵍⴰ .
ⴳ ⵜⵙⴳⴰ ⵢⴰⴹⵏ, ⵉⵙⵓⵍ ⵓⵎⴰⵔⵉⵙ ⴰⵏⴰⵎⵓⵔ ⵏ ⵉⵣⴰⴳⵯⵣⵏ ⴳ ⵓⵙⴽⴽⵉⵔ ⵏ ⵉⵙⵏⴼⴰⵕⵏ ⵏⵏⴰ ⵉⴽⵛⵎⵏ ⴳ ⵡⴰⵀⵉⵍ ⵏ ⵜⵙⵜⵕⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ 2025 .