ⵉⴳⴰ ⵓⵎⵓⵙⵙⵓ ⴰⴷ, ⵏⵏⴰⵖ ⵉⵡⵙⵏ ⴽⵉⴳⴰⵏ ⵏ ⵉⵏⵎⵎⴰⵙⵙⵓⵜⵏ ⵉⵎⴱⵖⵓⵕⵏ ⵉⵍⵍⴰⵏ ⴳ ⵓⵙⵡⵉⵔ ⵢⴰⵜⵜⵓⵢⵏ, ⵢⴰⵜ ⵜⵎⵍⴷⴰ ⵏ ⵓⵙⵔⵓⵙ ⵏ ⵜⵉⵟⵟ ⵅⴼ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵜⴰⵔⵏⴰ, ⴷ ⵓⵙⵏⵎⴰⵍⴰ ⵏ ⵢⴰⵏ ⵓⵏⵇⵇⵉⵙ ⴷ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵉⵎⴰⵍ ⵏ ⵜⵙⵜⵕⴰⵜⵉⵊⵉⵜⵉⵏ ⵉⵙⵜⴰⵡⵀⵎⵎⴰⵏ ⴳ ⵉⴳⵔ ⴰⴷ , ⵙ ⵓⵙⴽⴽⵉⵔ ⵏ ⵜⵡⵡⵓⵔⵉ ⴷ ⵉⵎⵓⴽⵔⵉⵙⵏ ⵏⵏⴰ ⵜⵙⴽⵔ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ ⵅⴼ ⵉⴳⵔ ⴰⴷ ⵏ ⵜⴰⵔⵏⴰ.
ⴳ ⵉⴳⵔ ⵢⴰⴹⵏ , ⵉⵏⵏⴰ ⵓⵏⵙⵙⵉⵅⴼ ⵏ ⵜⴼⵉⴷⵉⵕⴰⵍⵉⵜ ⵎⴰⵙ ⵔⴰⵛⵉⴷ ⵍⵉⴷⵔⵉⵙⵉ ⵍⵇⵉⵟⵓⵏⵉ ⵎⴰⵙⴷ ⴰⵏⵎⵓⵇⵇⴰⵔ ⴰⴷ ⴳⵉⵙ ⴽⵉⴳⴰⵏ ⵏ ⵜⴽⵛⵛⵓⵎⵉⵏ ⴷ ⵢⴰⵏ ⵓⵎⵔⴰⵔⴰ ⵉⵍⵍⴰⵏ ⴳ ⵓⵙⵡⵉⵔ ⵢⴰⵜⵜⵓⵢⵏ, ⵉⴳ ⴰⵡⴷ ⵢⴰⵜ ⵜⵎⵍⴷⴰ ⵏ ⵓⵙⴷⵓⵙ ⵏ ⵓⵙⴱⵓⵖⵍⵓ ⵏ ⵜⴰⵔⵏⴰ ⴳ ⴽⵉⴳⴰⵏ ⵏ ⵜⵎⵏⴰⴷⵉⵏ ⴷ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ.
ⵜⴳ ⵜⵙⵙⵓⵜⵍⵜ ⵜⵉⵙⵙ ⵙⵎⵎⵓⵙⵜ ⴷ ⵎⵔⴰⵡⵜ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴷⴷⵓ ⵏ ⵓⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⵎⵎⴰⴷ ⵡⵉⵙⵙ ⵙⴹⵉⵙ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵏⴼⵍ , ⵙⵍⴰⵡⴰⵏ ⴰⴽⴽⵯ ⵜⵉⵔⵎⵉⵜ ⵏ ⵍⵎⵖⵔⵉⴱ ⴷ ⵜⵎⵜⵜⴰ ⵏ ⵍⵎⵖⵔⵉⴱ ⵉⵎⵓⵏⵏ, ⵏⵏⴰ ⵉⴳⴰⵏ ⵢⴰⵏ ⵓⵏⴱⴳⵉ ⵏ ⵡⴰⴷⴷⵓⵔ ⴳ ⵉⴳⵔ ⵏ ⵜⴰⵔⵏⴰ ⵉⵙⵎⴰⵢⵏⵓⵜⵏ, ⵎⴽⵍⵍⵉ ⵉⴳⴰ ⵢⴰⵏ ⵡⴰⵢⴷⴰ ⵏ ⵓⵎⵢⴰⴷⴰⵙ ⴳⵔ ⵉⵎⵏⴰⴷⵏ ⴷ ⵉⵎⴷⵔⴰⵡⵏ ⴰⴽⴽ.