ⵉⵙⴷⴷⵉⴷ ⵎⴰⵙⵙ ⴰⵅⵏⵓⵛ ⵅⴼ ⵓⵙⵓⵖⵍ ⵏ ⵓⵙⴽⵎⵎⵍ ⵏ ⵓⵙⵙⵓⴷⴻⴷ ⵏ ⵜⵎⴰⵣⵉⵖⵜ ⴰⴷ ⵜⴳ ⵜⵓⵜⵍⴰⵢⵜ ⵜⴰⵎⴰⴷⴷⴰⴷⵜ ⵏ ⵜⴳⵍⴷⵉⵜ

13 ⵉⵏⵏⴰⵢⵔ 2022 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⵙⵙ ⵏ ⵓⴽⵡⴰⵙ ⵅⴼ ⵓⵙⵓⵖⵍ ⵏ ⵓⵙⴽⵎⵎⵍ ⵏ ⵓⵙⵙⵓⴷⴻⴷ ⵏ ⵜⵎⴰⵣⵉⵖⵜ ⴰⴷ ⵜⴳ ⵜⵓⵜⵍⴰⵢⵜ ⵜⴰⵎⴰⴷⴷⴰⴷⵜ ⵏ ⵜⴳⵍⴷⵉⵜ ⴳ ⵢⴰⵏ ⵓⵙⴰⵜⵉ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⵉⵣⵣⵉⴳⵉⵣⵏ ⵏ ⴷⴷⵓⵙⵜⵓⵔ ⴷ ⵜⵉⵔⴰⵏ ⵜⴰⵎⵇⵔⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ .

ⵉⵎⵍⴰ ⵎⴰⵙⵙ ⴰⵅⵏⵓⵛ ⴳ ⵢⴰⵜ ⵜⵙⴳⵓⵔⵉ ⵏⵏⵙ ⴳ ⵍⴱⴷⵓ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵍⵍⵉ ⵉⵣⵔⵉⵏ ⵙ ⵜⴰⵜⵉⵇⵏⵉⵜ ⵏ ⵍⴼⵉⴷⵢⵓ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ ⵍⵍⵉⵖ ⵉⴳⴳⵉⵡⵔ ⵅⴼ ⵓⴷⴰⴱⵓ ⵏ ⵜⵉⴽⴽⵉ ⵏ ⵡⴰⴷⴷⴷⵓⵔ ⵉ ⵜⵓⵜⵍⴰⵢⵜ ⴷ ⵜⴰⴷⵍⵙⴰⵙ ⵜⴰⵎⴰⵣⵉⵖⵜ ⵖⵎⴽⵍⵍⵉ ⴷ ⵢⵓⵛⴽⴰⵏ ⴳ ⵉⵏⴰⵡ ⵏ ⴰⵊⴷⵉⵔ ⵏ 2001 .

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵎⴰⵡⴰⵙⵜ ⵉⴹⴼⵔⵏ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵥⵍⵉⵏ ⵙ ⵉⵎⵢⴰⵇⵇⴰⵏ ⴷ ⵓⴱⵕⵍⴰⵎⴰⵏ ⴰⵎⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ ⵎⴰⵙ ⵉⵣⵣⵓⵍ ⵎⴰⵙⵙ ⴰⵅⵏⵓⵛ ⴰⴽⴽⵯ ⵜⵉⵎⵖⵔⵉⴱⵉⵏ ⴷ ⵉⵎⵖⵔⵉⴱⵉⵢⵏ ⵙ ⵓⵙⴳⴳⵯⴰⵙ ⴰⵎⴰⵓⵏⵓ ⴰⵎⴰⵣⵉⵖ 2972 ⵍⵍⵉ ⵉⴳⴰⵏ ⴰⵢⴷⴰ ⵉⵛⵛⴰⵔⵏ ⵏ ⴰⴽⴽⵯ ⵉⵎⵖⵔⵉⴱⵉⵢⵏ.

ⵉⵙⴽⵜⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⵎⴰⵙ ⵜⴱⴷⴰ ⵜⴰⵡⵓⵔⵉ ⵏⵏⵙ ⵏ ⵜⵏⴽⵔⴰ ⵙ ⵜⵎⴰⵣⵉⵖⵜ ⵙⵍⴰⵡⴰⵏ ⴰⴽⴽ ⵜⵉⴽⴽⵉ ⵏ 200 ⵎⵍⵢⵓⵏ ⴷⴷⵔⵀⵎ ⴳ ⵓⵣⵔⴼ ⵏ ⵓⵥⵕⴼ ⵏ 2022 ⴰⴼⴰⴷ ⴰⵣⵣⴰⴳⵣ ⵏ ⵓⵙⵙⵓⴷⵓⴷ ⵏ ⵜⵎⴰⵣⵉⵖⵜ ⴷ ⵓⵙⵓⵖⵍ 1 ⵎⵍⵢⴰⵕ ⴷⴷⵔⵀⵎ ⴳ 2025.

Dernière modification : 13 ⵉⵏⵏⴰⵢⵔ 2022

Source URL: https://www.mapnews.ma/am/actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%8E%E2%B4%B0%E2%B5%99%E2%B5%99-%E2%B4%B0%E2%B5%85%E2%B5%8F%E2%B5%93%E2%B5%9B-%E2%B5%85%E2%B4%BC-%E2%B5%93%E2%B5%99%E2%B5%93%E2%B5%96%E2%B5%8D-%E2%B5%8F-%E2%B5%93%E2%B5%99%E2%B4%BD%E2%B5%8E%E2%B5%8E%E2%B5%8D-%E2%B5%8F-%E2%B5%93%E2%B5%99%E2%B5%99%E2%B5%93%E2%B4%B7%E2%B4%BB%E2%B4%B7-%E2%B5%8F-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B0%E2%B4%B7-%E2%B5%9C%E2%B4%B3-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B4%B7%E2%B4%B7%E2%B4%B0%E2%B4%B7%E2%B5%9C-%E2%B5%8F