ⵉⵏⵏⴰ ⵢⴰⵏ ⵓⵙⵉⵡⴹ ⵎⴰⵙ ⵜⵎⵀⵍⴰ ⴰⴷ " ⵜⴽⵛⵎ ⴳ ⵓⵙⴰⵜⵉ ⵏ ⵉⴹⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉⵔⴰⵏ ⵜⵜⵓⴼⴽⴰⵏ ⵏ ⵓⵔⴰⵢ ⵉⵅⵚⵚⴰⵏ ⵉ ⵢⵎⵣⴷⴰⵖⵏ ⵏ ⵜⵙⴳⴳⵉⵡⵉⵏ ⵉⵅⵛⵛⴰⵏ ⴼ ⵜⴹⴹⴰⵏⴽⴰ ⵏ ⵓⵚⵎⵎⵉⴹ ⴷ ⵓⵍⴰ ⵜⵔⵏⵓⵏⵜ ⵏ ⵜⵏⴼⵓⵜⵉⵏ ⵜⵉⴷⵓⵙⴰⵏⵉⵏ ⵉ ⵢⵎⵣⴷⴰⵖⵏ ⴳ ⵜⵙⴳⴳⵉⵡⵉⵏ ⴰⴷ ⴷ ⵉⵎⵓⵏ ⴷ ⵓⴱⴰⵢⵢⵓⵕ ⴽⵓⵕⵓⵏⴰ" .
ⵜⵡⵜⵜⴰⵙ ⵜⵎⵀⵍⴰ ⴰⴷ ⵎⴰⵢⴰⴷ ⵉⵙⵓⵍ ⵉⵏⵏⴰ ⵡⵙⵉⵡⴹ 29 ⵜⵙⴳⴳⵉⵡⵜ ⵙⴳ ⵙⴰ ⵏ ⵜⵎⵏⴰⴹⵉⵏ ⵎⴰⵢⴰⴷ ⵉⴳⴰⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎ (ⵛⴼⵛⴰⵡⵏ-ⵍⵄⵔⴰⵢⵛ-ⵡⴰⵣⴰⵏ-ⵍⵃⵓⵙⵉⵎⴰ) ⴷ ⵜⵎⵏⴰⴹⵜ ⵏ ⵓⵙⵏⵇⵔ (ⴼⵉⴳⵉⴳ-ⵜⴰⵡⵔⵉⵔⵜ-ⴷⵔⵉⵡⵛ-ⵡⵊⴷⴰ ⴰⵏⴳⵯⴰⴷ-ⵊⵊⵔⴰⴹⴰ-ⴳⵯⵔⵙⵉⴼ) ⴷ ⵜⵎⵏⴰⴹⵜ ⵏ ⴱⵏⵉ ⵎⵍⵍⴰⵍ ⵅⵏⵉⴼⵕⴰ (ⴱⵏⵉ ⵎⵍⵍⴰⵍ -ⴰⵣⵉⵍⴰⵍ -ⵅⵏⵉⴼⵕⴰ) ⴷ ⵜⵎⵏⴰⴹⵜ "ⴷⴷⵔⵄⴰ ⵜⴰⴼⵉⵍⴰⵍⵜ (ⵎⵉⴷⵍⵜ-ⵡⵔⵣⴰⵣⴰⵜ-ⵜⵉⵏⵖⵉⵔ-ⵣⴰⴳⵯⵓⵔⴰ-ⵕⵕⴰⵛⵉⴷⵢⵢⴰ), ⴷ ⵜⵎⵏⴰⴹⵜ ⴼⴰⵙ ⵎⴽⵏⴰⵙ (ⴱⵓⵍⵎⴰⵏ-ⵚⵚⴼⵔⵓ-ⵉⴼⵔⴰⵏ-ⵜⵜⴰⵣⴰ-ⵜⴰⵡⵏⴰⵜ-ⵍⵃⴰⵊⴱ) ⴷ ⵜⵎⵏⴰⴹⵜ ⵏ ⵙⵙⵓⵙ ⵎⴰⵙⵙⵜ (ⵜⴰⵔⵓⴷⴰⵏⵜ-ⵛⵜⵓⴽⴰ ⴰⵢⵜ ⴱⴰⵀⴰ -ⵟⴰⵟⴰ) ⴷ ⵜⵎⵏⴰⴹⵜ ⵏ ⵎⵕⵕⴰⴽⵯⵛ ⴰⵙⴼⵉ(ⵍⵃⴰⵡⵣ-ⵛⵉⵛⴰⵡⴰ).