ⵜⵍⵍⴰ ⵄⵉⵏ ⵍⵍⵓⵀ ⴳ ⵜⵎⵏⴰⴹⵜ ⵏ ⴼⴰⵙ ⵎⴽⵏⵙ ⴷ ⵜⵍⵍⴰ ⴳ ⵉⴷⵔⴰⵔⵏ ⵏ ⴰⵟⵟⵍⴰⵚ ⴰⵏⴰⵎⵎⴰⵙ ⴳ 28 ⴽⵉⵍⵓⵎⵉⵜⵔ ⵏ ⵜⵖⵔⵎⵜ ⵏ ⵓⵥⵕⵓ ⴳ ⵓⴱⵔⵉⴷ ⵏ ⵅⵏⵉⴼⵕⴰ ⴷ ⵓⵏⵣⵡⵉ ⵏⵏⵙ ⵉⴼⵓⵍⴽⵉ ⴳ ⵓⵏⴱⴷⵓ ⵎⴰⵢⴰⴷ ⵢⵓⵊⵊⴰⵙ ⵏ ⵜⵉⵍⵉⵜ ⵓⵙⵍⵉⴳ ⴳ ⵓⵙⵙⴰⵏ ⵏ ⵜⴼⵓⴽⵜ ⴷ ⵣⵔⴼⴰⵏ ⵎⵉⴷⴷⵏ ⵎⵔⴰ ⴷ ⵣⵔⵉⵏ ⵜⵙⴳⴰⵡⵓⵏ ⵏ ⵜⴰⵎⴰⵏ ⵏⵏⵙ .
ⴳ ⵓⵎⵣⵔⵓⵢ ⵜⵡⵍ ⵜⴰⴼⵔⴰⵏⵜ ⵉⴷⵍⵙⴰⵏⵏ ⴰⵎⵎ "ⵕⵕⵃⴰⵍⵉ ⵕⵃⴰⵍ" ⵡⵡⵓⵔⵉ ⴳ ⵓⵏⵙⴰ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴳ ⵉⵙⴳⴳⵯⴰⵙⵏ ⵏ 1980.ⵜⴳⴰ ⵜⴼⵔⴰⵏⵜ ⵏ ⵄⵉⵏ ⵍⵍⵓⵀ ⴰⵏⵙⴰ ⵏ ⵉⵎⴷⵢⴰⵣⵏ ⴷ ⵉⵏⴰⵣⵓⵔⵉⵏ ⴷⵔⴰⵏ ⴳ ⵜⵓⵙⵙⵏⴰ " ⵜⵣⵓⵣⴼⵜ ⵏ ⴰⵟⵟⵍⴰⵚ ⴰⵏⴰⵎⵎⴰⵙ ⵉⵜⵜⵢⵓⵙⵙⴰⵏ ⴰⵎⵎ "ⵃⵎⵓ ⵓⵍⵢⴰⵣⵉⴷ" ⴷ "ⵕⵡⵉⵛⴰ ⵏ ⵄⵉⵏ ⵍⵍⵓⵀ ⴷ "ⴼⴰⵟⵎⴰ ⵓⵍⵜ ⵃⴷⵉⴷⵓ ⴳⴰⵏ ⵙⴳ ⵉⵏⴰⵣⵓⵔⵉⵏ ⵎⴰⵢⴰ ⵉⴷⵔⴰ ⴳ ⵜⴰⵎⴷⵢⴰⵣⵜ ⴳ ⵜⵏⵣⴱⴰⵢⵜ ⵓⵙⴷⴷⵓⵔⵉ ⴷ ⵉⵍⵍⴰ ⴳⵉⵙⵏ ⵎⴰⴷ ⵉⵎⵓⵏ ⵜⵙⴳⵓⵔⵉ ⵜⴰⵎⴷⵢⴰⵣⵜ ⴰⴼⴰⴷ ⵏ ⵓⵙⵙⵓⴼⵖ ⵙⴳ ⴰⵙⴷⵓⵔⵔⵉ
ⴳ ⵢⴰⵜ ⵜⵙⴳⵓⵔⵉ ⵉ ⵜⵡⵡⵓⵔⵜ ⵜⴰⵎⴰⵣⵉⵖⵜ ⵏ ⵜⵙⵏⵓⵔⴰⵢⵜ ⵜⴰⵎⵖⵔⴰⴱⵉⵜ ⵏ ⵉⵏⵖⵎⵉⵙⵏ ⵉⵏⵏⴰ ⵓⵎⴰⵔⴰ ⴷ ⵓⵎⴷⵢⴰⵣ ⵎⴰⵙ ⵍⵍⵓⵍⵏ ⴳⵉⵙ ⵎⵉⴷⴷⵏ ⵏ ⵜⵣⵓⵔⵉ ⵜⴰⵎⴰⵣⵉⵖⵜ ⴳ ⵓⵙⵡⵉⵔ ⵏ ⴰⵟⵍⴰⵚ ⴰⵏⴰⵎⵎⴰⵙ ⵙⵍⴰⵡⵏⵏ ⴰⴽⴽⵯ ⵃⵎⵓ ⵍⵢⴰⵣⵉⴷ ⴷ ⵓⵏⵍⵎⴰⴷ ⵏⵏⵙ ⵍⵢⵓⵙⴼⵉ ⴱⵏ ⵎⵓⵃⵃⴰ ⵕⵕⵕⵡⵉⵛⴰ ⵏ ⵄⵉⵏ ⵍⵍⵓⵀ .
ⴰⵎⵎⴰ ⵉⵏⵣⴱⴰⵢⵏ ⵏ ⵜⵙⴳⴰ ⵉⵙⵙⴽⵜⵉ ⵎⴰⵙⵙ ⵎⵓⵃⵃⴰ ⵓⵄⵍⵍⴰⵍ ⵍⵄⵜⵎⴰⵏⵉ ⴷ ⵍⵖⵓⵔⴼⵉ ⴰⵃⵎⴰⴷ ⴷ ⵄⴱⴷ ⵍⵇⴰⴷⵉⵔ ⵍⴽⴰⵎⵍ .
ⵉⵙⵓⵍ ⵉⵏⵏⴰ ⵡⴳⵎⴰⵎ ⵏ ⵉⵎⵎⵓⵍⵉ ⵏ ⵉⵎⴰⵔⵏ ⵉⵎⴰⵣⵉⵖⵏ ⵎⴰⵙ ⴳ ⵓⵙⴳⴳⵯⴰⵙ 1937 ⵜⵙⵙⵓⵙⵄⵓ ⵏ ⵎⵉⴷⴷⵏ ⵉⵏⴰⵎⵓⵔⵉⵏ ⴳ ⵄⵉⵏ ⵍⵍⵓⵀ ⴷ ⵉⵏ ⵎⵏⵏⴰⵡ ⵏ ⵜⵡⵓⵔⵉⵡⵉⵏ ⵏ ⵜⵏⵣⴱⴰⵢⵜ ⵎⴳⴰⵍ ⵎⵉⴷⴷ ⴷ ⵜⵓⵚⴽⴰⵡⵉⵏ ⵏ ⵓⵙⵔⵔⵓⴷⵉ ⴰⴼⵕⴰⵏⵚⴰⵡⵉ ⴷ ⵜⵏⴰⴼⵓⵜⵉⵏ ⵏ ⴰⵙⴷⵓⵔⵔⵉ.