ⵉⵙⴷⴷⵉⴷ ⵎⴰⵙⵙ ⵄⵜⵎⴰⵏ, ⴳ ⵢⴰⵏ ⵓⵎⵙⴰⵡⴰⵍ ⵉ ⵜⵏⵖⵎⴰⵙⵜ "Nigerian News Direct", ⵎⴰⵙ ⵜⵏⴱⴰⴹⵜ ⵜⴰⵏⵉⵊⵉⵕⵉⵜ ⵜⵇⵇⵏ ⵉⵖⴰⵡⴰⵙⵏ ⵉⵙⵙⵓⴼⵖⵏ ⵓⵙⵏⵜⵉ ⴰⵎⵇⵕⴰⵏ ⴰⴷ.
ⵉⵙⵓⵍ ⵉⵏⵏⴰ ⵎⴰⵙ ⵓⵙⴽⴰⵔ ⵏ ⵓⵙⵏⵜⵉ ⴰⵎⵇⵕⴰⵏ ⵢⵓⵛⴽⴰⴷ ⴷⴼⴼⵉⵔ ⵏ ⵓⵙⴳⵎⴹ ⵏ ⵓⵎⵙⴰⵙⴰ ⴳⵔ ⵍⵎⵖⵔⵉⴱ ⴷ ⵏⵉⵊⵉⵔⵢⴰ ⴰⵎⵎⴰⵙ ⵏ ⵢⴰⵜ ⵜⴼⵓⴳⵍⴰ ⵍⵍⵉ ⵢⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷ ⵓⵏⵙⵙⵉⵅⴼ ⵏ ⵏⵉⵊⵉⵔⵢⴰ ⵎⵓⵃⵎⵎⴷ ⴱⵓⵅⴰⵔⵉ.
ⵉⵙⵓⵍ ⵉⵏⵏⴰ ⵎⴰⵙⵙ ⵄⵜⵎⴰⵏ ⵎⴰⵙ ⵓⵙⵏⵜⵉ ⴰⵅⴰⵜⴰⵔ ⴰⴷ ⵔⴰⴷ ⵉⵣⵔⵉ ⴳ ⵓⵖⴰⵔⴰⵙ ⵏ ⵓⵣⵔⵉⴳ ⵏ ⵍⵖⴰⵣ ⵏ ⵜⵓⴳⵜ ⵏ ⵉⴼⵔⵉⵇⵢⴰ, ⴷ ⵔⴰⴷ ⵉⵙⴱⵖⵔ ⵉ ⵎⵏⵏⴰⵡ ⵏ ⵉⵡⴰⵏⴽⵏ ⴳ ⵓⵎⵏⵣⴰⵡ.
ⵉⴼⵔⴰ ⵢⵏⵏⴰ ⵎⴰⵙ ⴽⵔⴰ ⵏ ⵉⵡⴰⵏⴽⵏ ⵖⵓⵔⵙⵏ ⵉⵏⵙⴰⵏ ⵏ ⵍⵖⴰⵣ ⴷ ⵔⴰⴷ ⵉⴽⵯⵛⵎ ⵓⵙⵢⴰⴼⵓ ⵏⵏⵙⵏ ⴳ ⵓⵣⵔⵉⴳ ⵏ ⵓⵙⵍⴷ, ⴷ ⵔⴰⴷ ⵙⴱⵖⵔⵏ ⵉⵡⴰⵏⴽⵏ ⵢⴰⴹⵏⵉⵏ ⵍⵍⵉ ⵓⵔ ⵉⵟⵟⴰⴼⵏ ⵍⵖⴰⵣ ⵅⴼ ⵉⵙⴽⴽⵉⵏ ⵉⵏⴳⵎⵓⵏ.
ⵉⵙⵓⵍ ⵉⵏⵏⴰ: "ⵉⵖ ⵓⵔ ⵥⴹⴰⵕⵏ ⵉⵡⴰⵏⴽⵏ ⴰⵏⵏ ⴰⴷ ⴰⴷ ⵅⵍⵍⵚⵚⵏ ⴰⵜⵉⴳ ⵏ ⵍⵖⴰⵣ, ⵔⴰⴷ ⴰⵎⵥⵏ ⴰⵙⵉⴷ".
ⵉⵔⵏⴰ ⵢⵏⵏⴰ ⵡⵎⵙⵜⴳⴳⴰⵔ ⴰⵏⵉⵊⵉⵔⵉ ⵎⴰⵙ ⵉⴳⴰⵍ ⵍⵃⴰⵍ ⵢⴰⵜ ⵜⵏⴰⵢⵜ ⵜⴰⵏⴳⵎⵓⵜ ⵜⴰⵎⴰⵢⵏⵓⵜ ⵉⵅⵚⵚⴰⵏ ⵉ ⵢⴼⵔⵉⵇⵢⴰ.
ⵍⵍⵉⵖ ⵉⵔⴰⵔ ⵅⴼ ⵢⴰⵏ ⵓⵙⵇⵙⵉ ⵏ ⵓⵖⴰⵡⴰⵙ ⴰⴽⵓⴷⴰⵏ ⵏ ⵓⵙⴽⴰⵔ ⵏ ⵓⵣⵔⵉⴳ ⵏ ⵓⵙⵍⴷ ⴰⵏⵏ, ⵉⴼⵔⴰ ⵢⵏⵏⴰ ⵎⴰⵙⵙ ⴱⵃⵃⵔⴰ ⵜⵇⵇⵏ ⵜⵖⵔⵉ ⵏ ⵜⵥⴹⴰⵕⵜ, ⴷ ⴰⵔ ⵉⵜⵜⵙⵖⵥⴰⵏ ⵅⴼ ⵜⵖⵜⴰⵙⵜ ⵏ ⵓⵣⵔⵉⴼ ⵉⴳⴳⵯⵔⴰⵏ. ⵉⵙⵓⵍ ⵉⵏⵏⴰ ⵎⴰⵙ ⵏⵉⵊⵉⵔⵢⴰ ⵔⴰⴷ ⵜⵕⵥⵎ ⴳ ⵓⵣⵎⵣⵣⵓ ⵢⴰⴷ ⴰⵖⴰⵡⴰⵙ ⴰⵏⵎⵀⴰⵍ ⵏ ⵎⵔⴰⵡ ⵏ ⵉⵙⴳⴳⵯⴰⵙⵏ ⵏ ⵍⵖⴰⵣ ⴰⴼ ⴰⴷ ⵜⵜⵓⵙⴷⵓⴷ ⵜⵉⵥⵉⴹⵕⴰ ⵏ ⵜⵔⵏⵓⵜ ⵏ ⵓⵙⵏⵜⵉ ⴰⵎⵇⵇⵕⴰⵏ ⴰⴷ.