ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵔⴰⴷ ⵉⴹⴼⴰⵕ ⵓⵙⵇⵇⵉⵎ, ⴳ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ, ⵢⴰⵏ ⵓⴼⵙⴰⵔ ⵏ ⵜⵎⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵜⵣⴷⵖⵜ ⴷ ⵜⵙⵔⵜⵉⵜ ⵏ ⵜⵖⵔⵎⵜ, ⵅⴼ ⵓⵖⴰⵡⴰⵙ ⵏ ⵉⴳⵔ ⵏ ⵓⵥⴽⴰⵡ ⴷ ⵜⵣⴷⵖⵜ ⴳ ⵓⵙⴰⵜⵉ ⵏ ⵜⵙⵙⴰⵙⵜ "ⴽⵓⴼⵉⴷ-19".
ⵉⵔⵏⴰ ⵢⵏⵏⴰ ⵎⴰⵙ ⵓⵙⵇⵇⵉⵎ ⵔⴰⴷ ⵉⵖⵕ, ⴷⴼⴼⵉⵔ ⵏ ⵖⵉⴽⴰⵏⵏ, ⴽⵕⴰⴹ ⵏ ⵉⵙⵏⵜⵉⵏ ⵏ ⵉⵎⵕⵚⵓⵎⵏ, ⵉⴳⴰ ⵡⵎⵣⵡⴰⵔⵓ ⵙ ⵓⵙⵏⴼⵍ ⴷ ⵜⵔⵏⵓⵜ ⵏ ⵓⵎⵕⵚⵓⵎ ⵉⴼⴼⵖⵏ ⵉⴳⴰⵏ ⵉ ⵡⵙⵓⴷⵙ ⵉⵔⵏⴰⵏ ⵏ ⵓⵙⵉⵏⴰⴳ ⴰⵎⴰⵜⴰⵢ ⵏ ⵜⵖⵓⵔⵉⵡⵉⵏ ⵜⵉⵢⵍⴰⵏⵉⵏ, ⴷ ⵡⵉⵙⵙ ⵙⵉⵏ ⵙ ⵓⵣⵣⴳⵉⵔ ⵏ ⵉⵎⵉⵔ ⵡⵉⵙⵙ 34 ⵏ ⵓⵙⵍⴳⵏ ⵉⵣⴷⵉⵏ ⴷ ⵜⵏⴼⵔⵓⵜ ⴳ ⵉⴳⵔ ⴰⵏⴼⵏⵓⵣ, ⴷ ⵓⵙⵙⵓⴼⵖ ⵏ ⵜⵙⵏⵓⵕⴰⵢⵜ ⵜⵎⵖⵔⴰⴱⵉⵜ ⵏ ⵜⵏⴼⵔⵓⵜ ⴳ ⵉⴳⵔ ⴰⵏⴼⵏⵓⵣ, ⴷ ⵉⴳⴳⵔ ⵓⵙⵏⵜⵉ ⵏ ⵓⵎⵕⵚⵓⵎ ⵡⵉⵙⵙ ⴽⵕⴰⴹ ⵉ ⵜⵔⵏⵓⵜ ⵏ ⵓⵎⵕⵚⵓⵍ ⵉⵣⴷⵉⵏ ⴷ ⵜⵎⵔⵙⵍⵉⵏ ⵜⵉⵎⵙⴷⴰⵡⵉⵏ ⴷ ⵜⵖⵔⵎⵉⵡⵉⵏ ⵜⵉⵎⵙⴷⴰⵡⵉⵏ.
ⵔⴰⴷ ⵉⵇⵇⵏ ⵓⵙⵇⵇⵉⵎ ⵜⵡⵓⵔⵉⵡⵉⵏ ⵏⵏⵙ ⵙ ⵜⵖⵓⵔⵉ ⵏ ⵜⵙⵓⵎⵔⵉⵏ ⵏ ⵜⵙⵔⵙⵉ ⴳ ⵉⴷⵖⵔⴰⵏ ⵢⴰⵜⵜⵓⵢⵏ ⵖⵉⴽ ⵍⵍⵉ ⵢⵏⵏⴰ ⵉⵎⵉⵔ ⵡⵉⵙⵙ 92 ⵙⴳ ⵓⴷⵓⵙⵜⵓⵔ.
ⵉⵔⵏⴰ ⵢⵏⵏⴰ ⵡⵙⵉⵡⴹ ⵎⴰⵙ ⵜⵏⴱⴰⴹⵜ ⵔⴰⴷ ⵜⵎⵓⵏ, ⴳ ⵓⵇⵇⵏ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⴳ ⵢⴰⵜ ⵜⵙⵎⵓⵏⵉ ⵉⵥⵍⵉⵏ ⵙ ⵜⵖⵓⵔⵉ ⵏ ⵜⵙⵎⵓⵔⵉⵏ ⵏ ⵉⵙⵍⴳⴰⵏⵏ.