ⵜⵜⵓⵙⵏⵎⴰⵍⴰ ⵜⴰⵙⵙⵓⵜⵍⵜ ⴰⴷ ⵜⵉⵙⵙ 14 ⵙ ⵢⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵙⴳ10 ⴰⵔ16 ⵢⵓⵏⵢⵓ ⴳ ⵓⴷⴷⵉⵙ ⴰⴳⵍⴷⴰⵏ ⵏ ⵜⵏⴰⴽⴰ ⴷ ⵜⴱⵓⵕⵉⴹⴰ ⴹⴰⵕ ⵙⵙⴰⵍⴰⵎ ⴳ ⵕⵕⴱⴰⵟ.
ⵍⵍⵉⵖ ⵉⵍⴽⵎ ⵙ ⵓⴷⴷⵉⵙ ⴰⴳⵍⴷⴰⵏ ⵏ ⵜⵏⴰⴽⴰ ⴷ ⵜⴱⵓⵕⵉⴹⴰ ⴹⴰⵕ ⵙⵙⴰⵍⴰⵎ, ⵉⵙⵏⵓⴱⴳ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵓⵏⵙⵙⵉⵅⴼ ⵏ ⵜⴼⵉⴹⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⴰⴱⵉⵜ ⵏ ⵜⵏⴰⴽⴰ, ⵛⵔⵉⴼ ⵎⵓⵍⴰⵢ ⵄⴱⴹⵍⵍⴰⵀ ⵄⴰⵍⴰⵡⵉ.
ⵍⵍⵉⵖ ⵉⵣⵣⵔⵉ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵢⴰⵜ ⵜⵏⴹⴰⴼⵜ ⵜⴰⴳⵍⴷⴰⵏⵜ, ⵣⵣⵓⵍⵏⵙ ⵓⵎⴰⵡⵙⴰⵙ ⵏ ⵓⴳⵏⵙⵓ, ⵎⵓⵃⴰⵏⴷ ⵍⵄⵏⵚⵕ, ⴷ ⵎⵏⵏⴰⵡ ⵏ ⵉⵏⵎⵖⵓⵕⵏ ⵏ ⵉⵄⵚⴽⵕⵉⵏ ⴷ ⵉⵖⵔⵉⵎⵏ, ⵣⵓⵏⴷ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ, ⵄⴰⵣⵉⵣ ⴰⵅⵏⵏⵓⵛ, ⴷ ⵓⵎⴰⵡⵙⴰⵙ ⵏ ⵜⵉⵄⵄⵓⵔⵎⴰ ⴷ ⵜⵓⵏⵏⵓⵏⵜⵉⵏ, ⵎⵓⵃⵎⵎⴷ ⵓⵣⵣⵉⵏ, ⴷ ⵍⵊⵉⵏⵉⵔⴰⵍ ⴷⵓ ⴽⵓⵕ ⴷⴰⵕⵎⵉ ⵃⵓⵙⵏⵉ ⴱⵏⵙⵍⵉⵎⴰⵏ.
ⴷⴼⴼⵉⵔ ⵏ ⵖⵉⴽⴽⴰⵏ, ⵉⴽⵛⵎ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵙ ⵜⵅⴰⵎⵜ ⵜⴰⴳⵍⴷⵓⵏⵜ ⵖ ⵉⵍⵍⵉ ⵖ ⵉⴹⵓⴼ ⵢⴰⵏ ⵓⴼⵕⵕⵊ ⵏ ⵓⴳⵔⴰⵡ ⴰⵏⴱⵔⴰⵣ ⴷⴰⵔ ⵉⵎⵥⵢⴰⵏⵏ ⵓⵍⴰ ⴽⵕⴰⴹ ⵏ ⵉⴳⵔⴰⵡⵏ ⵉⵏⴱⵔⴰⵣⵏ ⴰⵎⵎⴰⵙ ⵏ ⵉⵎⵇⵔⴰⵏ.
ⵉⴼⴽⴰ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵜⵉⵎⵉⴷⴰⵢⵉⵏ ⵏ ⵡⵓⵔⵖ ⵏ ⵜⵙⵙⵓⵜⵍⵜ ⵜⵉⵙⵙ 14 ⵏ ⵍⴽⴰⵙ ⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⵏ ⵜⵏⴰⴽⴰ ⵜⵇⴱⵓⵔⵜ ⵏ ⵉⵎⵇⵔⴰⵏ ⵉ ⵜⵔⴰⴱⴱⵓⵜ ⵏ ⴹⴹⴰⵕⵍⴱⵉⴹⴰ ⵉⵎⵇⵇⵓⵕⵏ ⴷ ⵜⵔⴰⴱⴱⵓⵜ ⵏ ⵉⵎⵥⵢⴰⵏⵏ ⵉ ⵢⵔⴽⴽⴰⴱⵏ ⵏ ⵜⵙⴳⴰ ⵏ ⵎⴽⵏⴰⵙ-ⵜⴰⴼⵉⵍⴰⵍⵜ.
ⴳ ⵜⵎⴳⴳⴰⵔⵓⵜ ⵏ ⵓⵎⵃⵉⵣⵡⵔ ⴰⴷ ⵉⴼⵓⵍⴽⵉⵏ, ⵉⵙⴽⵔ ⴱⴰⴱ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⴰⵎⴽⴽⵓⵙⵓ ⵏ ⵜⴳⵍⴷⵉⵜ ⵎⵓⵍⴰⵢ ⵍⵃⴰⵙⴰⵏ ⵢⴰⵜ ⵜⴰⵡⵍⴰⴼⵜ ⵜⴰⴽⵜⵜⴰⵢⵜ ⴷ ⵉⵏⴱⵔⴰⵣⵏ ⴷ ⵉⵎⵇⴷⴷⵎⵏ ⴷ ⴽⵓⵍⵍⵓ ⵜⵔⴰⴱⴱⵓⵜⵉⵏ ⵍⵍⵉ ⵢⴷⵔⵓⵏ ⵉ ⵡⵎⵛⴰⵍⴰ ⵢⴰⴷ.