ⴳ ⵍⴱⴷⵓ ⵏ ⵜⴼⵓⴳⵍⴰ ⵢⴰⴷ, ⵉⵎⵍⴰ ⵡⵎⴰⵡⵙⴰⵙ ⵏ ⵓⴳⵏⵙⵓ, ⵎⴰⵙⵙ ⵄⴱⴷⵍⵡⴰⵃⴷ ⵍⴼⵜⵉⵜ, ⴰⵎⵎⴰⵙ ⵏ ⵢⴰⵜ ⵜⴳⵓⵔⵉ ⵍⵍⵉ ⵢⵖⵕⴰ ⴷⴰⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵙⴰⵜⵉ ⴰⵎⴰⵜⴰⵢ ⵏ ⵓⵖⴰⵡⴰⵙ ⴰⴷ ⵍⵍⵉ ⵢⵜⵜⵓⵙⴽⴰⵔⵏ ⵖⵉⴽ ⵍⵍⵉ ⵔⴰⵏ ⵉⵏⴹⵏ ⵢⴰⵜⵜⵓⵢⵏ ⵍⵍⵉ ⵢⵎⵍⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵉⵏⴰⵡ ⴰⵎⵣⵔⴰⵢ ⵍⵍⵉ ⵢⵖⵕⴰ ⴳ ⵓⵣⵎⵣⵣⵓ ⵏ ⵓⵙⵙⴽⵜⵉ ⵡⵉⵙⵙ 44 ⵏ ⵜⵡⴰⴷⴰ ⵜⴰⵣⴳⵣⴰⵡⵜ.
ⴰⵎⵎⴰⵙ ⵏ ⵢⴰⵜ ⵜⴳⵓⵔⵉ ⵢⴰⴹⵏⵉⵏ, ⵉⵏⵏⴰ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ, ⴰⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⵓⴳⴰⴷⵉⵔ ⵉⴷⴰ ⵡⵜⴰⵏⴰⵏ, ⵎⴰⵙⵙ ⴰⵃⵎⴰⴷ ⵃⴰⵊⵊⵉ, ⵎⴰⵙ ⵓⵖⴰⵡⴰⵙ ⴰⵎⴰⵢⵏⵓ ⵢⴰⴷ ⵉⴱⵉⴷⴷ ⵅⴼ ⵚⴹⵉⵚ ⵏ ⵉⵙⴳⵓⵎⵏ.
ⴰⵙⴳⵓⵎ ⴰⵎⵣⵡⴰⵔⵓ ⵉⴱⵉⴷⴷ ⵅⴼ ⴰⵙⵓⴼⴼⵖ ⵏ ⵜⵎⴰⵎⴽⵜ ⵏ ⵟⵟⵓⴱⵉⵙ ⵉⵜⵢⴰⴽⴽⴰⵏ ⵢⴰⵜ ⵜⵏⴰⴼⵓⵜ ⵉⵅⴰⵜⴰⵔⵏ ⵉ ⵜⵖⵔⵎⵜ ⵏ ⵓⴷⴰⴳⵉⵔ, ⵉⵖⵣⵣⵉⴼⵏ ⵙ 15,5 ⴰⴽⵉⵍⵓⵎⵉⵜⵔ, ⵉⵙⵎⴰⵏⵏ ⵓⴼⵜⴰⵙ ⵏ ⵓⴳⴰⴷⵉⵔ ⴷ ⵜⵓⴷⴷⵓⵔⵜ ⵏ ⵜⵉⴽⵉⵡⵉⵏ ⵓⵍⴰ ⴷ ⵉⴷⵖⴰⵔⵏ ⵉⵎⴳⵓⵔⴰⵏ ⵍⵍⵉ ⵢⵍⵍⴰⵏ ⵜⴰⵎⴰ ⵏⵏⵜ.
ⴰⵙⴳⵓⵎ ⵡⵉⵙⵙ ⵙⵉⵏ ⵏ ⵓⵖⴰⵡⴰⵙ ⴰⴷ ⵔⴰⴷ ⵉⵙⵙⵓⴼⵖ, ⵙⵍⴰⵡⴰⵏ ⴰⴽⴽⵯ, ⵜⴰⴼⵓⵍⵜ ⵉⵣⵡⴰⵔⵏ ⵏ ⵓⴱⵔⵉⴷ ⵏ ⵓⴱⵕⵕⵎ ⵏ ⵉⵥⵥⵍⵎⴹ ⴷ ⵍⵇⴱⵍⵜ ⵉⵍⴽⵎⵏ ⵉ ⵍⴰⵃⵡⴰⵍ ⵏ 25 ⴰⴽⵉⵍⵓⵎⵉⵜⵔ, ⵉⵙⵎⴰⵏⵏ ⴰⵣⴰⴳⵯⵣ ⵏ ⵓⴳⴰⴷⵉⵔ ⵍⵎⴰⵙⵉⵔⴰ ⵙ ⵓⴼⵜⴰⵙ ⴰⵙⵖⵏⵣⵉ ⵏ ⵜⵖⵔⵎⵜ.
ⴰⵙⴳⵓⵎ ⵡⵉⵙⵙ ⴽⵕⴰⴹ ⵉⵔⴰ ⴰⵎⵙⴰⵙⴰ ⴰⵖⵔⵎⴰⵏ ⵏ ⵓⴷⵖⴰⵔ ⴰⵎⴰⵍⵍⴰⵢ ⵏ ⵓⴳⴰⴷⵉⵔ ⴷ ⵓⵙⴷⵓⵙ ⵏ ⵜⵍⴷⴰⵢⵜ ⵏⵏⵙ, ⵙ ⵓⵙⵙⵓⴼⵖ ⵏ ⵎⵏⵏⴰⵡ ⵏ ⵉⵙⵏⵜⵉⵏ, ⵙⵍⴰⵡⴰⵏ ⴰⴽⴽⵯ ⴰⵙⵃⵢⵢⵍ ⵏ ⵉⵔ, ⴷ ⵓⵙⵙⵓⴼⵖ ⵏ ⴰⵎⴰⵙⵙⵏ ⵉⴳⴷⵓⴷⵏ (ⵉⵙⵉⵔⴰⵏ ⵏ ⵉⵏⵖⵎⵉⵙⵏ ⵉⵎⴰⵍⵍⴰⵢⵏ, ⴰⵙⵓⴼⴰⵢ "ⵜⵉⵎⵉⵜⴰⵔ"), ⴰⴳⴳⵏ ⵏ ⵜⵖⵔⵎⵜ ⴷ ⵓⴷⵖⴰⵔ ⵏ ⵉⵔ.
ⴰⵎⵎⴰ ⵡⵙⵡⴳⵓⵎ ⵡⵉⵙⵙ ⴽⴽⵓⵥ, ⵉⴳⴳⵔ ⵉ ⵡⵃⵟⵟⵓ ⵏ ⵓⵡⵏⴰⴹ ⴷ ⵓⵙⵃⵢⵢⵍ ⵏ ⵉⴷⵖⵔⴰⵏ ⵉⵣⴳⵣⴰⵡⵏ ⵏ ⵜⵖⵔⵎⵜ, ⵣⵓⵏⴷ ⴰⵙⵓⴼⴼⵖ ⵏ ⵜⵓⵔⵜⵉⵜⵉⵏ "ⵜⵉⴽⵉⵡⵉⵏ" (28 ⴰⵀⵉⴽⵜⴰⵕ) ⴷ ⵍⵉⵏⴱⵉⵄⴰⵜ (25 ⴰⵀⵉⴽⵜⴰⵕ).
ⴰⵙⴳⵓⵎ ⵡⵉⵙⵙ ⵙⵎⵎⵓⵙ ⵉⵙⵎⴰⵏⵏ ⴽⵕⴰⴹ ⵏ ⵜⴼⵓⵍⵉⵏ, ⵉⴳⴳⵔⵏ ⵉ ⵜⵏⴽⵔⴰ ⵙ ⵜⵖⴰⵡⵙⴰ ⵜⴰⵙⴳⴷⴰⵏⵜ ⴷ ⵜⴰⴷⵍⵙⴰⵏⵜ ⴷ ⵏ ⵡⴰⵢⴷⴰ.
ⴰⵎⵎⴰ ⴰⵙⴳⵓⵎ ⵡⵉⵙⵙ ⵚⴹⵉⵚ ⵡ ⵡⴰⵏⵏⴰ ⴽⵓⵍⵍⵓ ⵢⴳⴳⵯⵔⴰⵏ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵖⵔⵎⴰⵏⵜ ⵏ ⵓⴳⴷⴰⵉⵔ, ⵉⴳⴳⵔ ⵉ ⵡⵙⴷⵓⵙ ⵏ ⵉⵎⴰⵙⵙⵏ ⵉⵏⴰⵎⵓⵏⵏ ⵉⵙⵉⵍⴰⵏⵏ ⴷ ⵉⵔⴰ ⴰⴷ ⵉⵜⵎⵎⴰ ⵜⵙⵖⵉⵢⵜ ⵏ ⵜⵓⴷⴷⵓⵔⵉⵏ ⵓⵔ ⵉⵜⵜⵓⵎⴰⵡⴰⵏ ⴱⴰⵀⵔⴰ, ⵓⵍⴰ ⴰⴷ ⵉⵎⵓⵏ ⴷ ⵜⴳⵎⵉ ⵜⴰⴷⵉⵎⵓⵖⵕⴰⴼⵉⵜ ⴷ ⵜⴰⵖⵔⵎⴰⵏⵜ ⵍⵍⵉ ⵜⵙⵙⵏ ⵜⵖⵔⵎⵜ ⵏ ⵓⴳⴰⴷⵉⵔ.
ⴷⴼⴼⵉⵔ ⵏ ⵖⵉⴽⴰⵏⵏ, ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⴰⵙⴰⵜⵉ ⵉⴳⴳⵔⵏ ⵉ ⵡⵖⴰⵡⴰⵙ ⵏ ⵜⴳⵎⵉ ⵜⴰⵖⵔⵎⴰⵏⵜ ⵏ ⵜⵖⵎⵔⵜ ⵏ ⵓⴳⴰⴷⵉⵔ (2020-2024).
ⴷⴼⴼⵉⵔ ⵏ ⵜⴼⵓⴳⵍⴰ ⵢⴰⴷ, ⵉⴼⴽⴰ ⵍⵡⴰⵍⵉ ⵏ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ, ⴰⵏⴱⴱⴰⴹ ⵏ ⵍⵄⴰⵎⴰⵍⴰ ⵏ ⵓⴳⴰⴷⵉⵔ ⵉⴷⴰ ⵡⵜⴰⵏⴰⵏ, ⵎⴰⵙⵙ ⴰⵃⵎⴰⴷ ⵃⴰⵊⵊⵉ, ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⵢⴰⵜ ⵜⴼⵏⵉⵇⵜ ⵍⵍⵉ ⴳⵉⵜ ⵉⵍⵍⴰⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵖⵔⵎⴰⵏⵜ ⵏ ⵓⴳⴰⴷⵉⵔ.