ⵉⵙⴷⴷⵉⴷ ⵉⵏⴰⵡ ⴰⴳⵍⴷⴰⵏ ⵙ ⵓⵣⵎⵎⵣⵓ ⵏ ⵓⵙⵙⴽⵜⵉ ⵏ ⵜⵡⴰⴷⴰ ⵜⴰⵣⴳⵣⴰⵡⵜ ⵅⴼ ⵓⵏⵙⴰ ⵏ ⵜⵎⵏⴰⴹⵉⵏ ⴳ ⵜⴳⵎⵉ ⵜⴰⵏⴰⵎⵓⵔⵜ ⴷ ⵓⵍⴽⵎ ⵙ ⵜⵟⵟⵓⴹⵜ ⵜⵓⵣⵔⵉⴼⵜ ⵏ ⵉⴳⵍⵏ (ⴰⵏⵙⵙⵉⵅⴼ ⵏ ⵜⵏⴱⴰⴹⵜ)

07 ⵏⵓⵡⴰⵏⴱⵉⵔ 2019 Version Imprimable

ⵕⵕⴱⴰⵟ - ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ, ⴰⵙⵙ ⵏ ⵓⴽⵡⴰⵙ ⵖ ⵕⵕⴱⴰⵟ, ⵎⴰⵙ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ ⴳ ⵓⵣⵎⵎⵣⵓ ⵏ ⵓⵙⵙⴽⵜⵉ ⵏ ⵜⵎⵙⵙⴽⵜⵉⵜ ⵜⵉⵙⵙ 44 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵍⵍⴰⵏ ⴳⵉⵙ ⵉⵙⵡⵍⵏ ⵅⴼ ⵜⵏⵎⵏⴰⴹⵜ ⵜⴰⵎⵉⵔⵉⵡⵉⵜ, ⵎⴰ ⵢⴰⴷ ⵉⵡⵜⵜⵙⵏ ⴰⴷ ⵜⴼⴽ ⵉ ⵎⵛⵜⴰ ⵜⵎⵏⴰⴹⵉⵏ ⴰⵏⵙⴰ ⵏⵏⵙⵏ ⴳ ⵜⴳⵎⵉ ⵜⴰⵏⴰⵎⵓⵔⵜ ⴷ ⴰⴷ ⵜⵍⴽⵎ ⵙ ⵜⵟⵟⵓⴹⵜ ⵜⵓⵣⵔⵉⴼⵜ ⵉ ⴰⴽⴽⵯ ⵜⵎⵏⴰⴹⵉⵏ ⵏ ⵜⴳⵍⴷⵉⵜ.

ⵉⴼⵔⴰ ⵢⵏⵏⴰ ⵎⴰⵙⵙ ⵍⵄⵜⵎⴰⵏⵉ, ⴳ ⵢⴰⵜ ⵜⵙⴳⵓⵔⵉ ⴳ ⵓⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵎⴰⵙ ⵉⵙⴷⴷⵉⴷ ⵉⵏⴰⵡ ⴰⴳⵍⴷⴰⵏ ⵎⴰⵙ ⵉⵅⵚⵚⴰ ⴰⴷ ⴳⵉⵏⵜ ⵜⵎⵏⴰⴹⵉⵏ ⵜⵉⵎⵙⴽⴰⵔⵉⵏ ⴷ ⵜⴷⵓⵙⵉⵏ ⴷ ⵉⵎⵢⴰⵎⴰⵣⵏ ⴷ ⵉⵣⴷⵉⵏ ⵏⴳⵔⵙⵏ, ⴷ ⴰⴷ ⵙⵙⴱⵖⵔⵏⵜ ⵙ ⵢⴰⵜ ⵜⴱⵔⵉⴷⵜ ⵉⵙⵡⴰⵏ ⵙⴳ ⵜⵓⴳⴳⴰⵣ ⵏ ⵜⵎⴰⵣⵉⵔⵜ ⴳ ⵜⵓⴽⵡⵉⵏⵜ ⵜⴰⵏⴰⴷⴷⴰⵡⵜ ⴳ ⵉⵙⵏⵜⵉⵏ ⵉⵎⵇⵇⵓⵕⵏ.

ⵉⵔⵏⴰ ⵢⵏⵏⴰ ⵎⴰⵙ ⵜⴰⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴷⴰⵜ ⵏ ⵜⵎⵏⴰⴹⵜ ⵏ ⵙⵓⵙ ⴷ ⵜⵙⴳⵉⵡⵉⵏ ⵏ ⵉⴼⴼⵓⵙ ⵜⴳⴰ ⵜⴰⵎⴰⵜⴰⵔⵜ ⵉⵎⵍⴰⵏ ⵉⵙ ⵉⵅⵚⵚⴰ ⴰⴷ ⵉⵣⵣⵉⴳⵉⵣ ⵓⵍⴰⵢ ⴳ ⵜⵓⵚⴽⴰ ⵏ ⵜⵎⵏⴰⴹⵜ ⵜⴰⵎⵔⵏⵉⵡⵜ ⵜⴰⵎⵙⴷⴰⵖⵜ ⵉ ⴰⴽⴽⵯ ⵜⵎⵏⴰⴹⵉⵏ ⵏ ⵜⴳⵍⴷⵉⵜ.

ⵉⵙⵓⵍ ⵉⵏⵏⴰ ⵎⴰⵙ ⵉⵙⴱⴷⵉⵏ ⵍⵍⵉ ⵢⵓⵛⴽⴰⵏ ⴳ ⵉⵏⴰⵡ ⴰⴳⵍⴷⴰⵏ ⵢⴰⵜⵜⵓⵢⵏ, ⴳ ⵓⵣⵎⵎⵣⵓ ⴰⵅⴰⵜⴰⵔ ⴰⴷ, ⴳⴰⵏ ⵉⵙⵡⴰⵍⵏ ⵉⵙⵜⵔⴰⵜⵉⵊⵉⵏ ⵏ ⵜⵡⵓⵔⵉ ⵏ ⵜⵏⴱⴰⴹⵜ, ⴷ ⵔⴰⴷ ⵜ ⵜⴹⴼⵕⵏ ⴰⴽⴽⵯ ⵉⴳⵔⵏ ⵏ ⵜⵏⴱⴰⴹⵜ ⵙⵡⴰ ⵜⵎⵙⵙⴳⴰⵔⵉⵏ ⵏⵖⴷ ⵜⵎⵔⵙⴰⵍⵉⵏ ⵜⵉⴳⴷⵓⴷⵉⵏ ⵎⵔⴰ ⴰⴷ ⵙⵔⵙ ⵍⴽⵎⵏ ⴷ ⴰⴷ ⵜ ⵙⵔⵙⵏ ⵣⵓⵏⴷ ⴰⵡⵜⵜⴰⵙ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⴰⵎⵏⴱⴰⴹ.

Dernière modification : 07 ⵏⵓⵡⴰⵏⴱⵉⵔ 2019

Source URL: https://www.mapnews.ma/am/actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B5%89%E2%B5%99%E2%B4%B7%E2%B4%B7%E2%B5%89%E2%B4%B7-%E2%B5%89%E2%B5%8F%E2%B4%B0%E2%B5%A1-%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F-%E2%B5%99-%E2%B5%93%E2%B5%A3%E2%B5%8E%E2%B5%8E%E2%B5%A3%E2%B5%93-%E2%B5%8F-%E2%B5%93%E2%B5%99%E2%B5%99%E2%B4%BD%E2%B5%9C%E2%B5%89-%E2%B5%8F-%E2%B5%9C%E2%B5%A1%E2%B4%B0%E2%B4%B7%E2%B4%B0-%E2%B5%9C%E2%B4%B0%E2%B5%A3%E2%B4%B3%E2%B5%A3%E2%B4%B0%E2%B5%A1%E2%B5%9C-%E2%B5%85%E2%B4%BC-%E2%B5%93%E2%B5%8F%E2%B5%99%E2%B4%B0-%E2%B5%8F-%E2%B5%9C%E2%B5%8E%E2%B5%8F%E2%B4%B0%E2%B4%B9%E2%B5%89%E2%B5%8F-%E2%B4%B3-%E2%B5%9C%E2%B4%B3%E2%B5%8E%E2%B5%89