ⵜⵜⵓⵙⴳⵎⴰⴹ ⵜⵎⵢⴰⵇⵇⴰⵏⵜ ⴰⴷ ⵙⴳ ⵎⴰⵙⵙ ⵎⵓⵃⵎⵎⴷ ⵔⴰⴱⵉⵄ ⵍⵅⵍⵉⵄ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵉⵖⴰⵔⴰⵙ ⵉⴱⵔⴰⵔⴳⵏ, ⴷ ⵎⴰⵙⵙ ⵜⵜⵀⴰⵎⵉ ⵓⵍⴱⴰⵛⴰ, ⴰⵏⴼⵍⵓⵙ ⴰⵎⴰⵜⴰⵢ ⴰⴹⴼⴰⵚ ⵏ ⵓⵎⵓⵍⵍⵉ ⴰⵎⵖⵔⴰⴱⵉ ⵏ ⵓⴼⵔⴰⴳ ⵏ ⵉⴼⵔⵅⴰⵏ.
ⵜⵔⴰ ⵜⵎⵢⴰⵇⵇⴰⵏⵜ ⴰⴷ ⵜⵏⴽⵔ ⵙ ⵜⴳⴰⵡⵉⵏ ⵜⵉⵏⴰⵎⵓⵏⵉⵏ ⴷ ⵜⵉⵏⴼⴳⴰⵏⵉⵏ ⵉⵙⵙⴱⵖⵔⵏ ⵉ ⵢⴼⵔⵅⴰⵏ ⵉⵍⵍⴰⵏ ⴳ ⵓⵙⵓⵔⵙ ⵉⵛⵇⵇⴰⵏ, ⵍⵍⵉ ⵢⵣⴷⵖⵏ ⴳ ⵉⵎⵎⴰⵙⵏ ⵏ ⵓⵙⵏⵓⴱⴳ ⵉⴹⴼⴰⵕⵏ ⵉ ⵡⵎⵓⵍⵍⵉ, ⵎⴰ ⵢⴰⴷ ⵉⵏⵏⴰ ⵢⴰⵏ ⵓⵙⵉⵡⴹ ⵉⵛⵛⴰⵔⵏ ⴳⵔ ⵓⵙⵉⵔⴰ ⴰⵏⴰⵎⵓⵔ ⵏ ⵉⵖⴰⵔⴰⵙ ⵉⴱⵔⴰⵔⴳⵏ ⴷ ⵓⵎⵓⵍⵍⵉ ⴰⵎⵖⵔⴰⴱⵉ ⵏ ⵓⴼⵔⴰⴳ ⵏ ⵉⴼⵔⵅⴰⵏ.
ⴷⴼⴼⵉⵔ ⵏ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵉⴼⴽ ⵓⵙⵉⵔⴰ ⴰⵏⴰⵎⵓⵔ ⵏ ⵉⵖⴰⵔⴰⵙ ⵉⴱⵔⴰⵔⴳⵏ ⵉⵏⵙⴰⵏ ⴰⵎⵎⴰⵙ ⵏ ⵉⵙⵔⵙⵏ ⵏ ⵓⵍⴰⵡⴰⵢ ⴰⴼ ⴰⴷ ⴳⵉⵜ ⵉⵍⵉⵏ ⵜⵉⴼⵏⵉⵇⵉⵏ ⵏ ⵓⵙⵎⵓⵏ ⵏ ⵉⴷⵔⵉⵎⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⵡⵙⵉⵡⴹ.
ⵜⴽⵛⵎ ⵜⵎⵀⵍⵜ ⴰⴷ ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵏ ⵜⴳⴰⵡⵜ ⵏ ⵓⵎⵓⵍⵍⵉ 2019-2021, ⵎⴰ ⵢⴰⴷ ⵉⵔⴰⵏ ⵜⵉⴳⵎⵉ ⵏ ⵉⵙⴰⴳⵎⵏ ⵉⵥⵕⴼⴰⵏ ⴷ ⵜⴰⵙⵓⵍⴰⵏⵜ ⵏ ⵜⵉⵎⵙⴰⵙⵜⵍⵉⵏ ⵏ ⵉⵎⵎⴰⵙⵏ ⵏ ⵓⵙⵏⵓⴱⴳ ⵏ ⵉⴼⵔⵅⴰⵏ ⵓⵔ ⵉⵟⵟⵉⴼⵏ ⵜⵉⵡⴰⵛⵓⵏⵉⵏ ⴷ ⵉⵍⵍⴰⵏ ⴳ ⵉⵙⵓⵔⵙⵏ ⵉⵏⴰⵎⵓⵏⵏ ⵉⵛⵇⵇⴰⵏ.